موضوع أحدث ضجة ومازال يحدث.. (إزالة الديوانيات)

[فيه كويتي؟؟]

سلام عليهم
شلونكم شباب وبنات؟


في البداية
كل الشكر لولي العهد الشيخ نواف الأحمد الصباح حفظه الله ورعاه على تأجيله لقرار إزالة الديوانيات


والحين بدش سيدة بالموضوع.. وبوضحه لغير الكويتيين أو الأعضاء اللي مالهم بالأخبار.. :icon_wink:


طبعا معروف عنا كعرب (إكرام الضيف) وبالخليج عندنا ديوانيات أو مجالس يتيمعون فيها الرياييل ويتكلمون عن مشاكلهم أو يقضون وقتهم بدال الفرارة خصوصاً الشباب (احنا :cool:)

وفي الكويت بشكل خاص.. فبيوتنا عادة تكون الصالات من الداخل مفتوحة على بعضها أو حتى لو في غرفة تصلح تكون ديوانية.. فاحنا نفضل إنها تكون بالخارج لأنها عادة مانسهر فيها.. وبعدين محد يرضى لأنصاف الليالي رياييل غرب يتمخطرون بالبيت.. وإزعاج حق أهل البيت..

ففضلنا إن نسوي ديوانياتنا من الكيربي بالحديقة بالنسبة حق البيوت إللي عندها حدايق.. ومافكرنا إنا بهالشي قاعدين نتعدى على أملاك الدولة وبالعكس أملاك الدولة اهي أملاكنا.. وككويتيين واجبنا نحافظ عليها..
بعض الاخوان تعدو صج على الأملاك في إنهم سوو الديوانيات على الرصيف أو بأماكن الخدمات والبعض لم يراعي الشكل بالمرة.. مع ملاحظة إن الديوانيات أغلبها صايرة على شوارع رئيسية..
وبعضنا مصخوها وخربو علينا وسوولهم سراديب تحت الديوانيات..

بس حرام يشيلونهم بدون أي مراعاة.. والله الديوانيات تملي وقت الشباب بدال القز :dance:
والله حرام حلالنا يروح علينا.. دافعين فيها بالآلاف

فباختصار راي اخوكم فيه كويتي؟؟ (يخلون الديوانيات بس يحطون لها شروط مثل ما تحجب النظر والشكل الخارجي حلو.....).. وإذا بيشيلون يشيلون الكل مو على ناس وناس..:hanged:



وهاذي صور الإزالات اللي تمت
هاذي صور بعض الأسوار اللي تمت إزالتها:hammer1b:.. وصور بعض الغرف الخارجية
والله حرام صارت حدايقنا خري مري.. يونا من الصبح خربو نومتنا وخلونا نتحسر على حلالنا:hammer1b::hammer1b:.. :crying:








وهاذي يايها الدور




شباب اللي مو موافق على الإزالة
في هذا الموقع توقعون (تصوتون) على رسالة لإيقاف الإزالة مع وضع شروط.. وراح تنرسل إلى البلدية وإن شالله ينظرون في الموضوع مرة ثانية.. :icon_cry::icon_cry:
http://www.thepetitionsite.com/petition/671955853


وبالأخير هذا رابط الموقع الرسمي للتعديات بشكل عام
http://www.taadeyat.com/

[شوفو شموخي]

اولا يشرفني اني اول وحده ارد

ثانيا انا سعوديه ويمكن مااقدر انضم لكم


بس احب اقول انه انا معاك وجود الديوانيه افضل مية مره من تجمع الشباب في البيوت


وبعدين وين المشكله مثل احنا عندنا اغلب الاماكن للعوائل وياعيني الشباب متوهقين وين يروحون حلو يكون لهم


مكان يجتمعون فيه



وبالنسبه للازاله لو كانت الديوانيه مخالفه مفروض يكون فيه انذار قبل الازاله




الله يعينكم وان شاء الله تقدرون تغيرون شي في الموضوع وكل الشكر لك اخوي

[قطوه برونزيه]

يسلمووو

موضوع مهم جدا وبعدين حرام يشيلون الدوانيات الشباب وين يروحون

[فيه كويتي؟؟]

أشكرج اختي محتاجك الليلة وآنا بعد يشرفني تكونين أول من زار موضوعي..

بس حبيت أوضح إنه في إنذار بس اللي أطالب فيه اهو إن ينذرون الديوانيات اللي تضر الغير مثل: تحجب النظر.. أو تخرب الشكل العام .. أو على منطقة خدمات..
وإذا صاحبها ماتصرف يزيلونها..

بس القصد إن في ديوانيات ما تضر الغير وبالعكس شكلها وايد حلو.. تيمع الصبيان مثل ما تفضلتي .. لأن كل مكان عوايل.. (وين نروح؟؟؟؟؟:2gunsfiring_v1:
وحتى الحريم يقدرون يسوون جاي الضحى مالهم فيها .. على الحديقة شغل عدل.. والزرع يفتح النفس..

ومع ملاحظة إنهم مع الإزالة مو قاعدين يراعون الزرع حتى..

والصورة الثالثة تعبر

ومرة ثانية تسلمين اختي على الطلة المشرقة..
نورتي الموضوع :icon_wink::)

[فيه كويتي؟؟]

إي والله إي والله إي والله اختي قطوة برونزية..

شفتي شلون؟ وين نروح؟؟
مجمعات .. مو كلهم يرضون .. وإذا رضو كله كله كله يزفونا ويحطون حالهم حالنا :crying::crying:

سينما؟؟ زادو الأسعار..

بيوتنا؟؟ أو ديوانياتنا؟؟ بيكسرونها..


مقاهي؟؟ كلنا ذابحنا الربو


شنسوي؟؟؟

أشكر مرورج يالغالية

[HoNeY RoSe]

اممممممممممممم

انا معاهم وضدهم


يعني اذا كان مخرب المظهر العام خلهم يشيلونه ..

بس اذا ما ضارهم ليش بعد يشيلونه ..
وين تروحون انتو وعليه ..؟
ان شاء الله تنحل مشكلتكم .. وتكون هذي اخر دِوانيات يزيلونها ..
وترودون مثل قبل


^_^

[فيه كويتي؟؟]

تسلمين اختي هوني روز على الرد الحلو.. وآنا رايي من رايج..

إن شالله يسمعون لنا..

ولا يهدمونهم علينا.. :crying::crying:

[SuL6aN]

مرحبآ الـ س ـآع

فيه كويتـيىى

يـ ع ـطيك الـ ع ـآفيه ع الـ م ـوضوع

. . .

انا ضد إزآلة الديوآنيآت ولكـن مع وضع شـروط ...

يـ ع ـنـيىى يسوون عقود إيجــآر وبأسـ ع ـآر رمزيه

هذ اهوه الحل من وجهة نظـــري .. .. ..

7zN

[غزالـه]

انا ضد القرار بالأزاله لأن كل مكان ينكتب فييهـ
للعائلات فقط
حراام ويين يرووحون يعني الشباب؟؟؟
حتى الدواويين ماسلمت منهم هالنااس:(
بصراحا انا ضد الازالا بس بشرووط
والله يعيينكم ان شاءالله:(

[*TanTosHa*]

فيه كويتي ..

أشكــركُــ علــُى طرحكـ ومــٌأ قصــرتــ ..

..

بالنسبه للديوانيات وازالتهم ..

أنــأ ضد ازالتهم لانه وجودهم ما منه مضره ..
بالعكس فيه تجمعات شبابيه ..ووناسه ..وتقضيه وقتــ ..

..

يع ــطيكــ العافيه ..

..

^_^

[ALz3L]

انا من اشد معارضين ازالة الدواوين


اشكرك ياقلب على الموضوع الجميل


دمت لنا سالم ان شاءالله من كل شر يارب


فمان الله

[فيرووووس بنـ؟ـات]

أعتقد وضع شروط للديوانيات هو الانسب

عشان الكل ياخذحقه


يسلمو لك ويعطيك العافيه

[Q8_N]

والله كلامك صح وانا ضد ازالة الدواوين ...

الدواوين مثل ما قلت تجمع الشباب مع بعض وخلي عنهم الفراره .... و اهي دوانيه يعني قعده للشباب يستانسون فيها يسولفون احسن من انهم يطلعون بره البيت يفترون

وانا اشوف ان ازالتها غلط ... يعني الاهل دفعوا فيها فلوس وبالاخير تنهدم .. ما يصير اذا كانوا ما يبون دوانيات المفروض من الاول قولون

وانا اشوف انهم يحطون شروط عليها ... ويضعون اجارشهري بس بسعر مقبول ومنها نقعد بدوانيتا وندفع اجارها

وانا الصراحة اشكرك على هالموضوع الطيب

[فيه كويتي؟؟]

Beckham&&England

الله يعافيك يالغالي.. واهو هذا الحل الوحيد المقنع والمفروض يرضي للطرفين.. بس يالله يسمعون:icon_confused:.. وراضين ندفع:greedy: أجارات سنوية أو شهرية..


قطوه ورديه

تسلمين يالغالية على الرد وتعاطفج معانا.. :icon_sad:
والله آخر شي بنوقف يم المجلس الشباب من 15 إلى 25..
ونطالب بحقوق الشباب اللي على قد حالهم:happyspoonboy:.. يعني شنسوي؟؟


*TanTosHa*

مشكورة اختي تنتوشة على المرور الحلو..:):)
ومثل ماقلتي احنا ما منا مضرة بديوانياتنا.. وترى أكثرنا اللي بالديوانيات مالنا بسوالف القز.. حدنا النادي.. :bounce:



ALz3L

عاشو المعارضين.. الله يزيد ويبارك.. الصراحة مالهم معنى يشيلونهم.. :frown:
تسلم يالغالي على الدعوة الحلوة .. من طيب أصلك أخوي.. :)



فيرووووس بنـ؟ـات

أشكر مرورك يالغلا.. وأتمنى يحطون ببالهم حقوقنا ومو بس أملاك الدولة..
شكثر خسرنا على هالديوانيات.. والقهر اللي يشيلون الأسوار كانو يكسرون بحرة قلب..:2gunsfiring_v1:
شدعوه يبه ؟؟ محنا كويتيين؟؟:confused::confused:
مادري شبيسوون بديوانياتنا..؟ بييبون دبابات يمكن:2ar15smilie:!



Q8_N

يعطيك العافية على الرد العدل..
إي والله ياخوك.. مايخالف بنأجر ديوانياتنا علينا.. راضين.. :icon_rolleyes:
والمفروض من أول ماصارت الديوانيات يتحركون مو لما انترست الديرة ديوانيات!!!!:confused:

[فيه كويتي؟؟]

اخواني شباب وبنات..

إذا تشوفون إن الحل بإبقاء الديوانيات مع وضع شروط..

فتوقيعكم أو بالأحرى تصويتكم على رسالة سترسل إلى البلدية ولجنة التعديات عن هذا الموضوع.. إن شالله راح يحدث فرق..

ياليت تساندوني بهالشي.. المطلوب 1000 توقيع..

هذا الموقع وهمتكم..

http://www.thepetitionsite.com/petition/671955853