المدرسين ..والى متى؟؟!!

[*TanTosHa*]

بسم الله الرحمن الرحيم ..

..

ظاهرة المدرسين ..!

لفت نظري خبر بالجريدة ..!

انه في احدى المدارســ قامت مدرسة بضرب الطالب ..وبط راسه بالطوفه ..!!

وقبل عدة سنوات ..توفت طالبة والسبب انه مدرسة قامت بضرب رأسها بالطوفه عدت ضربات ...

فقامت المدرسه بتهريب تلك المدرسه عندما علمو ان الفتاه بالعناية المركزة ؟؟!

وفي مدرسه أخرى قامت مدرسة بشتم الطلبة بكلمات بذيئه وسيئه جدا ...!

لا أستطيع أن أصفها ..!!

مدرسين ولا عصابه ..!!!

..

بصراحه تأثرت كثيرا لما يحصل في مدارسنا في الكويت تحديدا ..
عندما قرأت هذه الأخبار من الصحف ..

أستغرب لطريقه تعامل هؤلاء المدرسين الغير طبيعيه والتي لا يرضى بها أحد ..

عــلى اي أسـأس يختار المدرس ..؟؟!!

ولماذا لا تكون هناك معاقبة لهم ؟؟!!

لو الطالب قام بأي عمل خاطئ حتى لو كان بسيط للمدرس على طول تعهد ..! أو فصل من المدرسه ..!

فأحب أعرف شرايكم بهالظاهره ؟؟
وشنو تتوقعون الحلول المناسبه لها ..؟

..

ولو ان احد قريب لك (اخوك ..ولدك..ولد خالك ..) ..صارله موقف مع مدرس وقام المدرس بضربه ..شلون راح تكون رده فعلكــ ؟؟

..

تحــيتي لكم ..

*TanTosHa*

[Night Dodo]

يســـــــلموو حياتي...

اي والله المستوى وايد صاير متدني مع احترامي يعني...


اب أي حق المدرس أو المدرسة يضربون الطلاب ؟؟!!!


بس الحمدلله ماعندن هل الأشياء اب مدرستنا..


يعطيييــج ألف عافيــة ..

[سـالم/سميتكـ غـلآي]

نخلص من موضوع الاغتصاب بالمدارس يطلع لنا موضوع الضرب المبرح لطلبه

لكن انا ما ألوم المدرسين ألوم الجهات الكبري الي ساكتين عن هالشئ ... والي مستغل هالشي كتاب الجرايد
كلن يبي يثبت نفسه ويكتب وعمك اصمخ لايسمع .. لازم ينزل قرار من الوزاره يمنع هالضرب للطلبه بسبب او بدون سبب

لأن الي قاعد يدرس مو حمار حشاكم يمشي بالطق .. عمره ماصار تعليم بالطق والصراخ عشان يخاف الشخص

بالكلمه الطيبه والنفس الحلوه المعلومه تدخل لكن بالعصا وين قاعدين بغابه

والله لو كان لي ولد بأي مدرسه من هالمدارس وعلي الجيل هذا لأرتكب فيهم جريمه يتحدث عنها التاريخ طول عمره

ماقول الا الله يصلحهم وينزل قرار ينصف الطلبه علي هالوحوش

شكرا علي طرحك الكريم وبنتظار تميز جديد

[غزالـه]

والله مالهم اي حق يطقوون الطلبهـ
ويين قاعديين احنا ,, مهما كانت غلطة الطاالب في اسلووب 2
للتعامل والعقااب
مفرووض يحطوون عقااب حق المدرسين الي جذي,, شااكرتلج قلبي

[ALz3L]

اشركرج يا اختي العزيزه على الموضوع الجميل




نعم ليسه لهم الحق



ولاكن اللي كبار بالسن ذكرو لي عن المدرسين الفلسطنين اللي بل يقولون يكانو يضربونه وكان ولي الامر يعطي الضوئ الاخضر لهم


مايضربون كله فيهم ولاكن لكي يتعلمون تعلم صحيح


يقولون المدرس العصبي دروسه نحفظهم من قلب ههههههههههه



انتي شوفي اليهال شلون يردون على المدرسين طايحين فيهم تهزئ عرفتي



انا اعرف انه غير حضاري ولاكن فيه تعلم وخوف الطالب من الماده لكي يتميز فيها



انا اذكر مدرس لغه عربيه يدرسنا



اذا بالاملاء 10من 10 مايقول شي بس 9 من 10 واقل ينطقووون شرايج



كنت احاول اني اييب اعلى نسبه كنت مرات اييب ومرات لاء وحصلت طق منه



ولا اشتكية ولاا قلتت للوالد ولا فينا احد اشتكا وكنا نخاف منه ونحبه بنفس الوقت اخر السنه نعطيه هدايا



خليها على الله



المدرس اذا لم يكن اب فلا داعي من وجوده



تقبلي خالص احترامي لشخصج الكريم



دمتي لنا سالمه ان شاءالله من كل شر يارب


فمان الله

[حمـوووود وهبـي]

وانا اأيدج باهل موضوع
من متى والمدرسين قامو يطقون بالعصي
من اول ما جو المصاروه
والله حالله
يعني الغريب الحين يبي مصلحتنا اوكي
بس يطق الاطفال
يعني تنحط بال عقل
اطفال
والله مادري شقول وشنو اخلي

[HoNeY RoSe]

احنى ماعندنا هالشي ..

واذا فيه يمكن حق الصبيان مال متوسطه خبرج عز المراهقه


بس انا اقول ماله حق يطقه لانه الصبي عند اهل ترتبيه .. واهو عنده اساليب ثانية يعاقب فيها الطالب .. (ياخذه لمشرف يهدده_ انذار_ وطبعا ثلاث انذارات والرابع فصل )

وها مو اسلوب انسان متعلم ومتخرج ن جامعه وبعدين ايي يطق اليهال :)

مشكوره حُبي ع الموضوع

[*TanTosHa*]

Night Dodo

..

للاسف انه مستوى التربية لبعض المدرسين متدني كما ذكرتي عزيزتي ..

الحل بيد الوزارة واهيه الي تقدر تحل المشكلة ..

كـل الشكــر لج عزيزتي ..

نورتيني بتواجدج ..

...

slom7pq8

..

فعلا لازم ينزل قرار من الوزارة ..

لانه كل شي بيد الوزارة ..

ومثل ما قلت أسلوب الحوار والنقاش مع الطالب اهوا الي ينفع مو الطق والمعامله القاسية ..

..

كــل الشكر لك عزيزتي ..

ويع ــطيك العافيه على تعليقك ..

مــأ قصرتــ ..

نورتني ..

..

غزالـه

..

فعــلا ..

لابد من وجود عقاب لهذه الفئه من المدرسين المتخلفين ..!

لانه الطالب مهمى كان أسلوبة غير مهذب لا يتعامل بالضرب المبرح ..

..

ألف شكر لج أختي الغالة ..

ونورتي بطلتجــ ..

ويعطيج العافيه ..

ماتقصرين ..

..

ALz3L

..

أخي العزيز ..

أنا اتكلم عن الضرب المبرح ..والغير طبيعي ..

مع اني ضد مبدأ الضرب بأي حال كان ..بس انصدمت وايد من منظر الطفل ومشقوق راسه ودم ..

حراااام أصلا ..ما يحق للمدرس يتعامل مع الطالب جذيه ..!

ويمكن مدرسين أيام أول غير عن الحين ..

..

مشكور أخوي الغالي على تعقيبك ..

ويعطيكــ العافيه وما قصــرتــ ..

منور ..

..

كويت 777

..

ياليت بس بالعصاية ..

الحين الي اشوفه يطقونه لي درجه يسببله عله ..

بس الله كريم ان شاء الله ..

..

ألف شكر على تواجدك الراائع ..

نورتني ..

وحياك الله ..

^_^

[*TanTosHa*]

هـــوني ..

..

طبعا ما يحقله ..!

بس للاسف مدرسين فاشلين ومتخلفين ..

وما يعرفون شلون يتعاملون مع الطالب ..


..

كــل الشكــر لج عزيزتي على مرورج الرائع ..

ويع ــطيج العافيه وماــ قصرتي ..

نورتيني ..

^_^

[a7la 3eemiya]

والله تنتوش صح كلامج 100%

بس الحمدلله ان سوالف طق المدرسين للطلاب مو منتشره بكل مدرسه

لا بالعكس تلقين مدرّسه وحده من المدرسه كلها

وهم بعد الإدارات وايد صايرين يتحيقرون مع الطلاب :@

عسى ما المدرس قال شي علطول اسهل شي عندهم تعهد او استدعاء ولي أمر

اي شي وربي :S

تخيلي انا مرة غبت عن المدرسه وكان مصادف يوم الاثنين

داومت يوم الثلاثاء ولا أسمع اسمي بالاذاعه ضروري تحضرين الادارة !

رحت أشوف شالسالفه ولا يقولون لي إنج امسويه شغب بحصة الرياضيات أمس والأبلة اتقول تبي تفصلج !

وطبعا يابوا ولي أمري وتخيلي افصلوني 3 أيام علشان سالفة صارت بيوم أنا اصلا موحاضرة فيه اشلون جذي !!!/@

والله العظيم غباء وظلم درجة أولى

سوري على هالقرقه بس شسوي مقهوره :)

ويعطيج العافية ..

[hadi_pwc]

للامر اكثر من رأى

انسانية المدرس قبل كل شيء هى التى تحدد صلاحيته للتدريس

لا نستطيع ان نعطى الضوء الاخضر للمدرس لاستخدام عصاه ضد جميع المراحل الدراسيه

فلل ضرب حدود التأديب والتربيه

نعرف ان هناك من الطلبه المشاغبون او الذين لا يتبعون اوامر المدرس الا عن طريق الاجبار والوعيد بالضرب

لكن تبقى وضيفة المدرس التعليم لا التعذيب

يجب على المدرس ان يعرف حدود استخدام الضرب للطلبه فلا يكون ذو اثر او امد فقط للحظة الضرب

فلا يستخدم اكثر من عصاه خفيفه

دمتم بمدارس خاليه من تلك الفئه

برايفت







ريووومه النزغة

تستاهلين لو انك مداومه كنتى سويتى انقلاب بالمدرسه :p

[ميلاني]

والله الطق يكره الطالب بالدراسه
يعني حلات الشي بالهداوه
عالاقل مثل ماتكرمتو ان تعهد او فصل
بس طق؟
يمكن ينادي اخوانه يشرشحون المدرس فمآ تسوىى عليه
لان الطالب ومثل ما انا شايف خصوصا اللي ينطق واهو المشاغب ما يتعور بالطق يتعور بالحجي وبس



عساج عالقوه اختي وماتقصرين عالمواضيع الحلوه

[فيرووووس بنـ؟ـات]

يسلموو للموضوع ويعطيج العافيه

أنا هم استنكر هالظاهر واستغربها انها بدت تزيد في الكويت بشكل ملحوظ بس العيب

الرئيسي في اختيار المدرسين من هذي الدول لأن من يختارهم هم اعضاء وزاره التربيه في تلك الدولة

وللأسف يرسلون لنا مدرسين ذو مستوى حيل متدني وعندي يصير مدرسين اوائل

ويمشون امور المدارس على الكيف ويهينون الطلبه بالضرب اللي مايستعملونه في مدارسهم للاسف

يعني شطارتهم بس عندنا لأن دايما الحق يكون مع المدرس والوزاره على حساب الطالب صج طلبتنا مستهترين في

الاحترام بس هذا مايعطي المدرس الأحقيه في ضرب الطالب ولو حصل هالشي مع احد من اخواني <<==

بنفعل وبرفع شكوى على المدرس .... لو كان المدرس هو المخطأ اولا وثانيا لو كانت الضرب حيل قوية

بس لو كانت مجرد ضربه عاديه فبمشي الامر عادي


ومشكورة يالغلا للموضوع والظاهره

[Q8_N]

والله لـكل مدرس اسلوب في االتعامل مع الطلبة .... اللي يطقهم اذا غلطوا او رفعوا ضغطه ... واللي يطردهم من الصف واللي ما يسوي شي

ويقولج :: اللي يطقك يحبك ... يعني اذا الطالب مو راضي يلتزم او يدرس المفروض يكون له عقاب يخاف منه علشان يمشي على الطريق الصحيح

لو ماكو عقاب جان الطلبه كلهم ما يدرسون او حتى ما يحطون اعتبار للمدرس وجذي وتصير مصخره ...

انا اشوف ان العقاب زين بس يكون له حدود يعني ما يودي الطالب العناية المركزه او ضرب الطالب بقوة ..
واللي يسون جذي يعتبرون مجرمين مو مدرسين ولازم يعاقبون باشد العقوبات علشان يكونون عبره لـغيرهم

والله التدريس مهنة صعبه اذا ما فرضت نفسك بالاول انسى ان الطلبه يحطولك اعتبار ... والمدرس الذكي والواثق من نفسه يعرف يتعامل معاهم

وشكرا

[*TanTosHa*]

ريووومه النزغة

..

أنا بعرف شلون غايبه والمدرسة مشتكيه عليج ..:(

حرام والله وايد ننظلم والسبه المدرسات ..

بس حكم القوي على الضعيف شنسوي ..!!

معنه المفروض تقولينلهم انا غايبه ويبين سجل الغياب انج مو حاضره ..

..

مشكورة حبيبي على مرورج الحلو
ويعطيج العافيه

نورتيني ..

..

هادي ..

أنا بصراحه ماحب الضرب ..

واعتقد حى الضرب الخفيف راح يخلي الطالب يعاند او انه يكره الدراسه بكبرها ..

ويعطيك العافيه على المرور الهادف ..

ما قصرت

نورتني ..

..


ميلاني ..

..

فعلا بالهداوه كل شي يصير ..

اما اسلوب الطق فهو اسلوب متخلف ..

..

يعطيك العافيه على تواجدك الرائع ..

ومشكور وما قصرت ..

نورتني ..

..


فيروس بنات ..

..

فعلا مثل ما ذكرت انه مستوى المدرسين حيل متدني ..

أذكر عندنا مدرسه يعني حليوه بس كلماتها لا تعليق ..وألفاظها ..ما كنت احبها والسبه جيه ..والله لو الطالب يقول كلمه بالغلط شوق شنو يسوون فيه ..!

يعطيك العافيه على مرورك العطر ..

ومشكور وما قصرت

نورت

...

Q8_N
..

أكيد لكل مدرس طريقه للتعامل مع الطلبه ...

والمدرس الناجح اهوا الي يعرف يتعامل معاهم بطريقه حلوة ..

ويخليهم يحبونه ..

كل الشكر لك عزيزي على طلتك الحلوة

ويعطيك العافيه

نورتني ..

..

^_^