ليش استدعوا ولي أمرك؟

[بنت فضل]

السلام عليكم

شخباركم أعضاء

شخباركم 00

(( طلاب وطالبات ))00

كل واحد مسوي مشكله ايام المدرسه ..

نبي نعرف جابو ولي امرك ؟
وشنو المشكله اللي مسويها؟

اني بصراحة ولا مرة استدعوا ولي امري
الا بس مرة مو عشان مشكلة بعد كان عشان
اني مريضة واتصلوا في اهلي يجون لي

يالله اعترفوا


في أنتظار ردودكم 000

بنت فضل كانت هنا 0000

[HoNeY RoSe]

:D

ولا مره

مشكوره حبيبتييي
وياني فضول ابي اشوف يش استدعوا والياء الامور الجنس الاخر :p

[*TanTosHa*]

..

بصراحه ما صادف انه نادو أمي ,,

يمكن انا قلتلها تيي عشان مدرسه زفتني :( ..

ومره أخوي ييه عشان يوقع أوراق الغياب لوول لانه كنت أغيب وايد ..

بالنسبه حق الشطانه انا طبعي هادي وما سوي مشاكل ...:)

...

يع ــطيج العافيه بنت فضل ..
وما قصــرتي ..

..

^_^

[بنت فضل]

غاليتي

:: هوني روز ::

:::

أسعدني تواصلك المميز

ومرورك العذب

تقبلي مودتي يا أول الواصلين الى صفحتي

دمتي بود

بنت فضل كانت هنا 000

[شوفو شموخي]

مشكوره غناتي


انا ولله الحمد كنت في حالي ومااستدعو ولي امري لان امي معلمه في نفس المدرسه وكنت احترم المعلمات كثير

[حمـوووود وهبـي]

هااااي
انا من ناحيتي شكثر عطوني استدعاء وتقارير
اخر استدعاء استلمته من مدرس الاسلاميه
اذكر كان اسمه استاذ صادق < عماني
وسبب
اهوا كان يجيب المسجل الاسود هذ الي جاي مربع
طبعآ اغلب المدرسين يشيلونه وكان جايب وياه مكرفون او مايك
احنا كنا مجننينه
مره ربعي الي قاعدين اخر شي تهوشو بحصته
انا قمت اركض على المكرفون
عليت الصوت حده
اغني واشجع المتهاوشين
هههههههههههههههه
اهوا خلى المتهاوشين وجاني
وعطاني استدعاء طبعي سيدا قطيته با زباله
وثانكس على الموضوع المرح

[لنا عمر ٍ بلياك]

أنا مرتين استدعاء ولي امر

وأخوي جا مو ابوي


أول مره تهاوشت مع الوكيل القزم بثانية ثانوي ..


وثاني مره تهاوشت مع الناظر البطه برابعه ثانوي ..


كل هواشي مع كبارية المدرسة :p

مشكوره فضل ..

[Q8_N]

والله بالنسبة لـي ,,, اكثر شي بسبب التأخير يكون الاستدعاء قبل ,,,

والله المدرسه على اي شي تافهه استدعاء ما عندهم شغل



شكرا

[إقلاع حتى الضيآع]

ضربتو الوتر الحساس ..
كثير استدعو ولي امري ..
بس مو ابوي اللي يجي لانه مشغول ..
عمي مدير مدرسة فــ عشان كذا يجي المهم
اعدد لكم الاسباب ..:
1_ الهواش وهو اكثر الاسباب .
2_ التفريك ][ التهريب ][ .
وبس لوول

[قـمـر]

ولا مره الحمد لله كنت هاديه ماعندي مشاكل


يعطيك العافيه عالموضوع


قمررر

[فيرووووس بنـ؟ـات]

انا شخصيا ياما وياما استدعوا ابوي الله يرحمه للمدرسه


والسبب او الاسباب الكثيره بذكر لج منها ...

مرة دقوا على ابوي وقالوا له .. إبنك صار له اسبوعين مايدش المدرسه وابوي تفاجأ بالموضوع وبالاخير اكتشف

ان واحد شبيه لإسمي وكان حيل منفعل ومعصب ابوي قبل لا يعرف الموضوع

ومره بعد اتصلوا فيه لان مستواي كان نازل في ماده الاجتماعيات وكنت مرتفع حيل بالمواد الثانيه

ولمن سئلهم عن درجه الامتحان قالوا له <ان ابنك عنده الامتحات ليش ماشفته رحت انا وانكرت

ان الامتحان عندي وانا كنت للاسف مشققه في البيت

ومرات انا طلبت منه يجي للمدرسه عشان يشتكي على مدرس لمن دش للمدرسه تفاجئ

فيني اقوله بشتكي على الناظر <<== عند وكيل المدرسه

جان ياخذني البيت ويقعد يزفني بالسياره وياكثر ماجاني

يسلمو لج للذكريات هذي ويعطيج العافيه

[عاشقــ تويتي ـة]

اممم انا امبلى مرتين عطوني استدعاء

اول شي كنت اولى ثانوي الكورس الثااني

كنت قاصة " موحاضرة " الحصة الاخيرة وكانت بدنية

والابلة بالهدة مسكت رفيجتي وقالتلها انتي ليش مو مداومة وقالت حتى فلانة ترى بعد مداومة :s

فتنت علي الحقيرة :/

والمشكلة ان الابلة تحبني وانا معاها بالمردشات بس هم ودتني عند الوكيلة انا ورفيجتي :/

عطتني استدعاااء .. بس عطيته لاختي الكبيرة واهيا اللي حضرت

ولي يومكم هذا امي ماتدري السالفة صارها 4 سنين :d

ومرة عطوني استدعاااء ولي امر .. سنة 2005 يعني كنت ثالثة ثانوي الكورس الثاني بعد

بس قلت للوكيلة نقعيه وعطي " سولار " تشرب ماييه <== طبعاً ماقدر اقول للوكيلة شربي ماييه :p عشان مانجحت من المدرسة .. سولار = فراشة مالت الادارة

وقلتلها ان امي وابوي مساافرين وصج كانوا مساافرين وماراح يردون الا بعد شهرين وكان اتذكر الاستدعاء

شهر 3 او نص 3

والسبب ان انا مالي شغل اللهم وحدة من البنات يتلي وترجتني ان اقول للوكيلة ان الولاعة اللب شافوها عندها

مالتي .. لان انا ابوي وامي مساافرين فماراح أتأذى وانا يعني اخت الذيب فواافقت :p

وبس هذيلاا اول وآخر استدعااائين آخذهم
وكلهم بالكورس الثانوي وكلهم بالثانيوي :$

[مينونه صاحيـه]

نبي نعرف جابو ولي امرك ؟
وااااااااايد والمشكله ياريت تي امي لي لا يطلبون ابوي شخصياً للحضور ...
وشنو المشكله اللي مسويها؟
السبب واايد اسباب ...
اولا :: انا مااحب المدرسه والدراسه قبل واايد ...واللحين متحسفه قد شعر راسي عشان ماكملت بس ان شاء الله راح اكمل ...
نرد لمحور حديثنا ...
الاسباب واايد ...
1 - اتهاوش مع البنات مااحب احد يغلط علي واسكت ...
2- انط من سور المدرسه وارد للبيت ولما تسألني الولده ليش يايه مبجر اقول قاعدين يصبغون الصف وطلعونا مبجر .. وللعلم صارت هالسالفه ثلاث ايام ورى بعض اسويها بس رابع يوم اتصلو على الولده وقالو ليش بنتكم ماداوم طبعاً امي مانصدمت تعودت على من كثر مصايبي قالت حق ابوي وانطقيت طااق وربي هالطق هذا مراح انساه قال شنو انتي ولد ولا بنت مو عيب هالشي هذا قلت كاهوو فلان قصدي عن اخوي كل يوم ناط واشوفه قاعد عند الفرع يدخن <<< فتنت عليه لوووووووولز خووو تبوني انطق بروحي لا صار بالجمله الطق يومها خيووو طبعاً كرهني بالستحقرني عشان فتنت عليه هههههههه ...
3- ضرب المدرسه وكانت وايد غليلة ادب معاي ...
4- وهي تم فصلي من المدرسه الصباحيه كسرت ظهر طالبه والله لايعودها من يوم خايس ماكو احد بالعايله مادره انفضحة فضيحه يومها اللي ياه يتشمت واللي ياه يطنز واللي ياه يعطي محاضره بس الشي اللي يضحك البنت اللي كسرت ظهرها صارت عز صديقه و رفيجي لي ...
وسوري عالاطاله ...
وعساج عالقووه يارب حبووبه ...
ودمتي كما تحبين ...
مينونه ميشووو

[Demon of Dark]

الحمدلله امي كل سنه تقريبا يستدعونها بس مو عشان مشاكل لا
كنت دايما الطالبه المثاليه الحمدلله
وكنت استانس اطير عند امي يالله روحي المدرسه وجذي وجذي
وتكريم يالله يمه عاد مرات تطنش وماتروح
طبعا لا تشوفون شكلي وقت التكريم ادور امي وين وين واذا مو اهناك اطق لكم بوز وتصير سالفه بالبيت
اما اذا اهناك شقت الحلج لا تعليق
ومشكوره خيتو ع الموضوع الروعه
تقبلي مروري

[ŋαŋ]

نبي نعرف جابو ولي امرك ؟
وشنو المشكله اللي مسويها؟

ولا مرة لأن مع نفسي دايماً
ما أحب أسوي مصخره و طق و طقيق

لأن اذا أمي جت مو بس راح تشوف ليش الأستدعاء
بس .. بتستقعد طول يومها و تسأل المدرسات عن مستواي ألخ ألخ وأنا مابي هالشي
عشان اذا سمعت شي مو زين تزفني و وتعطيني محاضرة بالبيت :p

يسلموؤ بنت فضل على هيك موضوع