إعـــــــلان

تقليص
لا يوجد إعلان حتى الآن.

ندمت على السكوت مرة ........ وندمت على الكلام مرارا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ندمت على السكوت مرة ........ وندمت على الكلام مرارا

    الحكمه تقول
    ندمت على السكوت مرة ........ وندمت على الكلام مرارا
    كثيرا ما نتعرض لمواقف ومواجهات سلبيه

    ولكل انسان طريقته في المواجهه

    فمنهم من يواجهها بانفعال مقنّن , ومنهم من يواجهها برعونة وتهـــــــــوّر
    ومنهم من يواجهها بصمت.
    وقد يكون هذا الصمت نابعا من حكمة .كما قد يكون ناتجا عن جبن واستسلام .
    أو لغاية في نفس صاحبه.....
    فما الافضل بنظركم مواجهة المواقف السلبية بالصمت ام بالكلام ؟؟؟

    واذا كنت في موقف ظلمت به ولكن ان تكلمت خسرت الطرف الاخر!!

    كيف تتصرف؟؟

    بإنتظار ارائكم
    ومروركم
    ...انثى عجزت عن وصفها الحواس...

  • #2
    فما الافضل بنظركم مواجهة المواقف السلبية بالصمت ام بالكلام ؟؟؟

    واذا كنت في موقف ظلمت به ولكن ان تكلمت خسرت الطرف الاخر!!

    كيف تتصرف؟؟



    غاليتي شوفي شموخي


    مواجهة المواقف السلبيه تعتمد على الطرف الآخر

    اذا كان سلبي بالرد

    سـ أكون سلبيه لأني ماراح أتحمل سلبيته على

    وأحيانا يكون الصمت أفضل وأبلغ من الكلام


    أما إذا كنت في موقف وظلمت منه !

    سأدافع عن نفسي حتى وإن خسرت الطرف الآخر

    لأن بإعتقادي ان الطرف الآخر لو كان حريص على تبرئتي وعدم ظلمي مازعل:)


    عزيزتي


    كثيرا مانظلم نحن النساء ويكون الرجال دائما بحق

    ولكن احيانا تأتيك الظلاليم من أقرب الناس لك وهم أهلك:)




    موضوع في قمة الروعه كـ صاحبته بالطبع


    دمتى متألقااا دوماا غاليتي شوفي شموخي


    تقبلي مروري السريع


    اختك / نـــوال
    التعديل الأخير تم بواسطة nawal; الساعة 03-19-2008, 02:35 AM.

    تعليق


    • #3
      مشكوره يالغلا

      انا معاك فيه ناس النقاش معهم عقيم لكن ضروري لايجاد حل!!!


      بس تصدقين انا من النوع السلبي مشكلتي في الحياه اني ماخذ حقي واقول خلاص ليه اكبرها وهي صغيره


      وطبعا هالشي يجرء ..... عليك


      يعني لو صار انه احدهم اساء الظن فيني اسعى جاهده لاثبات الحقيقه ولما تبان ماخذ موقف وانا اعتبرها


      قمة السلبيه


      شاكره لك مرورك العطر غلاتي
      ...انثى عجزت عن وصفها الحواس...

      تعليق


      • #4
        يسلمو لهذا الموضوع ويعطيج العافيه ....


        انا شخصيا صار لي موقف حيل قاسي ولليوم هذا اعاني منه لان للحين

        ماطاف عليه سنه وهالشي صار لي تقريبا 8 اشهر

        والقصه هذي اني في يوم 19/7/2006

        دريت ان الوالد الله يرحمه فيه مرض خبيث .... دق على ورحت للمستشفى العسكري وكلمني

        وحلفني ووصاني اني ما اعلم احد ولابيزعل علي العمر كله ... لو درا احد بالموضوع

        وانا حلفت له اني بسكت وماراح يدري بهالموضوع احد المهم....

        ظليت معاها قلباً وقالباً في هالموضوع ومشيت معاه بجميع الاوراق حتى بأوراق السفر للخارج

        ماقصرت فيها بس جبروته كان رافض مبدأ السفر وحب يكمل اللي ابتداه بمستشفى مكي جمعه

        لين ماجاني بيوم وكان هاليوم يوم 11/7/2007

        وقال خذني المستشفى خلني اشوف اشفيني صاير جذي وكانت عيونه واضحه للكل ان هو فيه شي

        صارت عيونه لونها تميل للون الاصفر وهناك اكتشفت ان ايامه معدوده

        ووظل يقاوم المرض عشر ايام ... لين ماجاني يوم 21/7

        وقال انا بروح البيت مابي اقعد بالمستشفى ووافقت اداره المستشفى بهالشي وظليت معاه

        بنفس اليوم وشفته شلون انتكس صحيا وتدهورت حالته وباليوم الثاني توفى


        يوم 22/7 الله يرحمه كنت بجيب له علاج وهناك اتصل اخوي وقال ابوي شكله بغيبوبه وهناك شفته

        ان فارق الحياه وكان معاه رجال الاسعاق صرت جدام عمامي واخواني وعيال عمي وعماتي وخوالي

        اني مقصر في حق ابوي وموضوع نفس جذي ماكان لازم اخشه عنهم بس صار اللي صار المهم بس

        امي هي اللي كانت تدري بكل شي وكانت حاسه فيني وعارفه اني ماقصرت معاه بس جدام الباقي

        انا قصرت حيل ومشكورة للموضوع
        آخر مواضيعي ..

        (جمانة)

        http://vb.kuwait777.com/showthread.p...=1#post2650780

        تعليق


        • #5
          اقسم بالله ما اقدر ارد


          لانه فيروس


          اااه


          كتب شي ما اقد اتحمله


          الله يرحمه والدك يارب


          والله يرحم الجميع ان شاءالله


          والله والله ما ادري شنو اقول


          تعلم يا اخوي فيروس انك ذكرتني


          بعمي الله يرحمه توفه سنة 1996 شهر 6


          كان فيه خبيث مات مبطون ويوم الجمعه


          كان ابوي يعرف بالشي هذا والكل كان مايدري وكانت في زياره لبرفسور فرنسي قال ابي احد من عائلة المريض هذا كلمو ابوي لانه اكبر واحد فيهم وقاله انا اعلم انك سلمين وتأمنون بالقدر والموت اخوك ماراح يعيش اكثر من 6 شهور لانه انتشر بالدم كامل


          كان ابوي كل يوم العصر يروح لمكان يبجي بروحه كنت ادري انه يبجي بس ماكنت اعرف ولا كنت اعي شنو اللي يصير عدل

          المهم انه قبل لايموت ابوي علم الكل وقال سامحوه وادعوله كان الامر صاعق على الجميع


          قبل لا يتوفه قال لابوي وكان ابوي عنده بالغرفه قال يامبارك انا مابقا لي شي تكفى شوف عيال واهتم فيهم قاله ابوي مافيك شي يابو انور ايام وتقوم بالسلامه يارب

          قال انا اشوف الموت جان يسكت شويه وبعدها رفع اصبعا وذكر الشهاده والتفت لليمين وخرج من فمه دم وتوفه من الصدمه الكل ماقدر يتحمل الموقف انهاروووو


          وانا الحين اقولها ودموعي نازله وغرقة الكيبورد

          الله يرحم الناس اجمعين يارب


          والله يا اختي شوفي شموخي موضوعج جميل ولاكن اثر فيني


          جزاج الله خير


          دمتي لنا سالمه ان شاءالله من كل شر يارب


          فمان الله


          افضل موقع للقرأن الكريم اتمنا من الجميع الزياره
          http://quranexplorer.com/

          تعليق


          • #6
            فيرووس


            الله يجبر بخاطرك ويغفر للوالد ويجمعك فيه في جنات النعيم


            كل الشكر لك على المرور
            ...انثى عجزت عن وصفها الحواس...

            تعليق


            • #7
              الزعل

              كل الشكر لك والله يجعل الهناء قدامك ومايفجعك في غالي قول امين
              ...انثى عجزت عن وصفها الحواس...

              تعليق


              • #8
                افضل الصمت الحكيم

                مريت بمواقف بحياتي واجهتهم بالصمت لان لي حكمه بصمتي علي اني سمعت كلام عني وهو كلام مو صحيح وانظريت بس انا طلبت الاجر في آخرتي فانا اتبع اجر الآخره ولا اسعى لدنيا زائله وقيل وقال


                اعترف ليومك الصمت يقتلني بس انا ارتاح عالصمت ولا احب اجرح وأأذي الطرف الآخر واخسره فمن أذاني اقول علي طول الله يسامحه أو يسامحها


                وأصمت:::


                وبالنسبه للاخ فيروس بنات و الزعل اقولهم في ناس لما يجيهم المرض ما يحبون يقولون لاحد علشان شي واحد وهو (( نظرة الشفقه من الناس )) لان الناس تحبهم وراح بهالحاله تسأل وتكثف بالزيارات وهو داخليا ونفسيا كافي اللي فيه وكثر السؤال بيتعبه اكثر والله يرحم موتانا جميعا ولك الاجر يافيروس بحفظ السر واحترام الامانه اللي اؤتمنت عليها واحييك علي شجاعتك وصبرك بالعكس انت سويت المطلوب منك لا تأنب نفسك علي احترامك للغير والاعمار بيد الله

                و لن اصمت عن شكرك يالغاليه شموخ


                يعطيك العافيه عالموضوع


                اختك

                قمر

                تعليق


                • #9
                  قمر

                  يسعدني تواصلك يالغلا ولايهمك الكلام اذا جاتك ركله من الخلف معناه انك في المقدمه

                  مشكوره حياتي والله لايحرمني تواصلك واحي عقليتك الواعيه
                  ...انثى عجزت عن وصفها الحواس...

                  تعليق


                  • #10
                    انا راح اتكلم عن موقف صار معاي

                    لما ابوي تزوج على امي كنت عارفه لاني اقرب وحده لقلبه طبعا زعلت عليه وغرت كثير بس بعدين قلت مااكون


                    انانيه واخليه يعيش حياته وصرت بين نارين


                    اقول لماما او اسكت لدرجة انها شكت وجات حلفتني ولضطريت اكذب عليها لانها مريضه بالسكر وخفت عليها


                    وتعبت كثير وانا اشوفها تتخبط بين الشك واليقين وحاولت المح لها واضرب امثله عشان ترتاح

                    لحد ماجاء اليوم اللي انهارت فيه لا اكتشقت عقد الزواج وزعلت مني واعتبرت سكوتي رضا بالموضوع


                    والله وحده العالم اني كنت خايفه عليها من الجلطه


                    والموضوع صار له 4 سنوات واحس انها لسى شايله علي!!


                    مدري صمتي كان حكمه او غباء؟؟


                    ياريت اعرف الاجابه!!!
                    ...انثى عجزت عن وصفها الحواس...

                    تعليق


                    • #11
                      في البدأيه أح ــب أشكرجـ أختي العزيزة ..

                      بصراحه طرحج رووعه وهادفـ ..

                      ..

                      أنا مريت هــم بمواقف صع ــبه مثل اي ذكرتونها ..

                      وساعات الانسان يحتار ما يدري شسوي ..

                      لانه لو تكلم بيزعلون عليه ولو سكت بظنون فيه شي ثاني ..


                      بالنسبه لسؤالجـ عن موقفج ..

                      أنا أعتقد كان لازم تقولينلها بس بصورة تدريجيه ..

                      عشان لا تكون مفاجئه ..

                      لانه مهمى يكون لازم امج تدري بمثل هذا الشــي ..

                      ويعطيج العافيه

                      ما قصــرتي ..

                      ..
                      ..
                      My HearT is dieing
                      iT needs 2 Be LoveD

                      ..

                      تعليق


                      • #12
                        الاروع مرورك يالغلا وصح كلامك لو قلت احسن بس تصدقين انا الصدر الحنون اللي يلجؤن له ولما صارت المشكله تخصني


                        ماعرفت اتصرف!!

                        وغيرها كثير من المواقف اللي تحتارين تسكتين او تتكلمين!!!
                        ...انثى عجزت عن وصفها الحواس...

                        تعليق

                        يعمل...
                        X