ليه في هالحاله نتخزبق!!

[شوفو شموخي]

ليه شبابنا مايعرفون يتكلمون امام شاشة التلفزيون


يعني لما يسألونهم يتخزبقون ومايدرون شيردون!!!!!


في العيد الوطني:


المذيع يسأل المواطن ماهو شعورك في هذا اليوم؟


يرد:والله شعوري مثل شعور اي مواطن فرحان ومبسوط!!!



طيب شوفو اللاعبين:


بعد المباراه يجي المذيع ويسأل اللاعب عن المباراه واسباب الفوز والتحليل


يرد:الحمدلله سوينا اللي علينا وفزناوكنا الافضل ونقدم افضل في المرات


القادمه!!


مع العلم انه كثير منهم جامعين ومثقفين!


لكن قله من يجيد التعبير والتحدث بطلاقه!!


ازيدكم من الشعر بيت صاحبتكم اللي هي انا واعوذ بالله من كلمة انا

قبل فتره اشتركت في توب تن ام بي سي

وربحت 1000 ريال محظوظه مو:)



المهم لما اتصلو فيني وقالو بعد دقيقتين بتكونين على الهواء


لو شفتوا شصار فيني


المذيعه هلا ام محمد


وانا ماني عارفه شقول اللي اذكره اني قلت



والله متفاجئه وشكرا ومدري شقول!!كلمات متقاطعه!!


ولما قفلت منها انقهرت وطلع مني كلام روعه بس كلمة ياريت ..تعرفون الباقي



المهم



في رايكم ايش التفسير لهذا الوضع!!؟؟



بقلم:شوفو شموخي

[*TanTosHa*]

اي والله دايما يصير جيه ..

أنــا ساعات بالمحاضرات بالجامعه أكون عارفه الاجابه بس لمن أبي أجاوب أتوتر ..

مع انه الوضع عادي بس مودري ليش يصير جيه خاصه اذا خلط ..!!

يمكن لانه نتوتر ونستحــي ..

خصوصا اذا الكل كان يطالعنا واحنا نتكلم ...

بس المفروض نكون أجرأ ..ونقدر نتكلم خاصه بهالمواقف ..

..

شــوفي شموخ ـي ..

..

ألفــ شكــر لجـ ..

طرح مميز

ما قصــرتي ..

..
.
.

[HITLER]

السلام عليكم

بكل بساطه السبب الاحراج . الشخص ما يكون حاسب احساب للموقف ويصير على فجأه فأكييد راح يتبلعم مو بس بالتلفزون او الاذاعه باي موقف يسبب احراج او ما يكون حاسب له احساب


سلااام

[فيرووووس بنـ؟ـات]

هالمشكله ..... معانا من فترات الدراسه ..... فتشوفينه في إذاعه الصباح وقت طابور الصباح

يقرا ... كل شي وهو عايش في رهبه ويقرا بسرعه (جنه في احد يركض ورااه)

مايهتم الطلبه والمدرسين يفهمون كلامه ولا لا بس الاهم هو يقول اللي عنده وبس ... وهذا مثل اخر حبيت

اذكره قبل لا ارد على سؤالج...........

مشكلتنا في المدارس لم نتعلم مواجهه الحضور ومهما كانت شطانتنا نبقى خجولين

هالعيب عاش فينا من ايام الطفوله وكبر معانا عند الكبر ..... لو علمونا ايام المدارس جان تغير الحال ...

والعلم بالصغر كالنقش على الحجر ..... لو نشوف الغرب .... فنشوف كل شي يسهلونه لهم

عشان لا كبروا يصير متكلمين جيدين عالاقل

وشاكر لج للموضوع ......... بالاخير العيب في مدارسنا وتأسيسنا الدراسي

[قـمـر]

هذا يسمونه الارتباك

والسبب انه اهلنا من احنا صغار ماعلمونا فن الحوار والقعده مع الكبار للتحدث معاهم


هذا السبب عطيته لج من النهايه

تربيتنا اص اسكت هاكم العاب لعبوا وانتوا ساكتين او روحوا بره لعبوا بالحديقه او الحوش


يعني فن الحوار مثل ما نشوف عند الاجانب من وعيالهم صغار يتكلمون معاهم كأنهم كبار

احنا لا قمنا نسولف والصغار رد علي كلامنا قمنا نضحك عليه ويستحي ويروح

فينمو عندنا الارتباك


الحين خلونا احنا نربي عيالنا علي فن الحوار

يعني نصيحه من وانتوا صغار كثروا سوالف مع عيالكم لاتقولون طفل ما يفهم شي


كلموه كأنه كبير راح يكبر وهو منسق في كلامه وعنده ثقه بنفسه


يا شباب عيالكم اخذوهم ديوانيات خلوهم يسمعونكم ويتكلمون معاكم


راح تضبط ونكون لنا جيل متحدث باذن الله


يعطيك العافيه شوفو شموخي عالموضوع

اختك

قمر

[قمرهم كلهم]

أتـوقـع الـربـكـه ومـافـيـه وقـت تـصـفف حـجـي لـنـاس فـ تـقـول مـن غـيـر تـفـكـير


والـتـوتـر والـرهـبـه والاحـسـاس بـالــتــوهـق هـذي مـشـكـلـه

[ScReAmQwEeN]

إي والله أنا أيد كلام قمر .. ..
أهلنا ماعودنا نتكلم ونقول راينا ..
لتكلمنا قالوا عيب بس انتوا صغار شفهمكم .. :)
ولاسكتنا قالوا ليش ماتكلمون شكبركم حسبالكم يهال :)
والله عقد مادري شنسوي
عشان جذي مانعرف نتكلم لمن يكنون كل الناس ساكتين ويطالعونا ..
وهذا إلي يصير على التلفزيون الواحد يرتبك ..
لأنه مومتعود .. ..

[Demon of Dark]

الحمدلله انا مو من النوع هذا

الا اذا كان التي في ماادري ماجربت الوضع هذا

بس الوضع عندي عادي لابعد حد
اهلي علموني من وانا اصغير اقول كل شي واتكلم بكل طلاقه
ابدي راي بدون اي خوف سواء اللي قدامي كبير والا صغير
اهم شي يسمعني

واحب اوضع نقطه للجميع اهي ان اللي يصير
من انواع الرهاب الاجتماعي
واهو منتشر وايد بين الناس

مشكوره يالغاليه ع الموضوع الحلو

تقبلي مروري

[شوفو شموخي]

قلبي تنتش


صح كلامك بس انتو اذا ارتبكتو لانه معكم شباب في السكشن معذورين احنا بنات ونرتبك وحنا عارفين الاجابه صح


لكن اعتقد الثقه في النفس مهزوزه ومثل ماقالو اخواني التشيعيم من الاهل له دور كبير

[شوفو شموخي]

غلاتي ديمون


صح رهاب اجتماعي اختي اخصائية علم نفس ودايم تزعل مني وتقول خليك اقوى !!!

[شوفو شموخي]

قلبي كوين

صح كلامك لاوالاهل على كيفهم يصنفون اذا ابدينا راينا قالو صغار ماتفهمون واذا سوينا شطانه


قالو مو عيب تسوون كذا وانتو كبار!!والله مشكلهّ حددوا موقفكم:)

[شوفو شموخي]

غلاتي قمرهم


صح بس ليه الربكه لو اهلنا لله يسامحهم عودنا على الحوار والتفاهم كان وضعنا احسن مو اذا قلنا ليه


قالو لاتناقش حنا اهلك اسمع وبس وبدون ماتعرف السبب!!!

[شوفو شموخي]

عمري قموره

اخصائيتنا كفيتي ووفيتي واذا جاء الكلام من اهل الاختصاص انا مقدر ازيد:)


وحشتيني:)

[شوفو شموخي]

هلا وغلا فيرووس

عدل كلامك المدراس مقصره حيل يعني لو مثل ماعلمونا س=ص

اللي لين الحين مافهمتها خصصوا لنا ماده تبني من ذاتنا شوي لكن حنا كذا ننتظر الشي يصير بعدين ندور الاسباب والحلول


مثل الارهاب عندنا مافكروا انهم يحطون ماده اسمها الوطنيه بعد ماطلع جيل متشدد يكفر اي احد يخالفه في الراي


والله محزن!!!



وعلى طاري الاذاعه


انا كنت من المتفوقات ولله الحمد ومره كانت المديره توزع شهادات تقدير وقعدت تنادي على اسمي وانا في


الطابور وعمك اصمخ!!1


ليه لاني ماجرؤ اطلع اسلم عليها واخذ الشهاده مع ان ماما كانت معي في نفس المدرسه والله شعور مخجل!!

[البحر الهادي]

مرحبا شوفو

انا مع الاخت قمر بالراي

والارتباك تقريبا في كل انسان يرتبك الصغير قبل الكبير

وخاصه الارتباك الفجأه مثل ما حصلج مع المذيعه


البهلوان