آخر زمنــ عشنا وشفنــأ ..

[*TanTosHa*]

السلام عليكم ..

,,

بنــات آخر زمن ..

عــشنا وشفنا وهم نشوف ..

..

قبل فتره كنت رايحه السوق مع أختي ..

وانصدمت من موقف صار هناكــ ..

دخلت وحده المحل ولا تقول بصوت عالي ..هــــــــــــــــأي ..

وراحت حق راعي المحل (سوري) وتسلم عليه ..شلونج شخبارك ..وتسولف معاه وتتضحكــ بصوت عالي ..

جنه واحد من الربع ..!!

الموقف الثــأني ..

هم بمثل المكان دشيت محل شيلات ..

ودار الحوار بين (الهندي) والي يايه تشتري (البنت) كانت تبي تشتري شيله ..

..

البنت:انا مادري اي وحده اخذ هذي ولا هاذي ..

الهندي :ماما انتي كل شي حلو عليج لو تاخذين اي وحده ..

البنت :هاهاهاهها ..(وتضحك)...

...

والله حتى الهندي يعرف يغازل ومطيح الميانه ..

..

ولو تشوفون البنات عادي عندهم ..

ومستانسين على الوضع ..

شرايكم بهالنوعيه من البنات ؟

تتوقعون السبب يرجع للهندي او للبنت نفسها ..؟

شنو سبب هالشي ..؟

..
.
.

ويعطيكم العافيه ..

*TanTosHa*

[لنا عمر ٍ بلياك]

هههههههههههه

صراحة يعني عفوا ً ضحكت على محادثة الهندي والبنت الي تبي تشتري ..


أنا قبل كنت أشتغل بمحل كمبيوتر .. واشتغلت بأشياء كثيرة بحيث اني تعاملت مع عدد كبير من الحريم :)


صدقيني هل شي هذا نابع من البنت نفسها .. لـو أنه الهندي عنده شك واحد في الاميه انه البنت الي قدامه محترمه ماراح يقدر يتلفظ اي لفظ من الالفاظ هذي .. مو هندي أي بائع بالاحرى ..



كانوا يمرون علي اشكال وألوان ؟ بعضهم !! يفرض أحترامه عليك قبل لا تكلمه!!

والبعض من اول كلمه راح تعرف انه ردي


لكن صدقيني السبب الكاستمورز لوول :)


يعطيج العافية حبوبتنا امتعتيني بموضوعج اللطيف


:d

[شوفو شموخي]

غلاتي تنتش

اولا حبيت احيك على رجاحة عقلك وحسن اختيارك اللموضوع ممايدل

انه عمرك العقلي اكبر بكثير من عمرك الزمني :)


قال تعالى((ولاتخضعن في القول فيطمع اللذي في قلبه مرض))


شرايكم بهالنوعيه من البنات؟؟

شوفي هي لها احتمالين اما تكون البنت مايعه وماتحشم نفسها

او تكون على نياتها وماتعرف حدود التعامل مع الاخرين وطبعا في كلا

الحالتين هذا خلل كبير في التربيه والقدوه


يعني انا بنتي عمرها 9 ولما تضحك بصوت عالي في مكان عام اخانقها

واقولها حنا مو بالبيت!!

حتى الرد في التليفون فيه فرق بين اللي ترد الووووووووووووو

والي ترد ا لو نعم مين بغيت!!!


وانا بكل صراحه ماحترم اللي ماتحترم نفسها!!



تتوقعون السبب يرجع للهندي او للبنت نفسها ..؟

للاثنين الهندي عنده استعداد يستخف دمه ويتسلى

والبنت طريقه تعاملها معاه خلته يجريء عليها لو احترمت نفسها كان فرضت

احترامها على الكل امش عدل يحتار عدوك فيك!!

شنوسبب هالشي ..؟


قلت لك

تكون تعودت تشوف اهلها جف مي فايف


ماتوجهت صح ولما كانت صغيره ماعودها انه الشارع غير البيت


صداقات سيئه



قلة الرقابه والتوعيه!!

[قـمـر]

حلو الموضوع يا تنتوشه


في حكمه تقول اذا لم تستح فافعل ماتشاء


وهالنوعية الله يهديهم مطيحين الميانه مع الكل


بصراحه يرجع للبنت ماتستحي


انا ما احب اعطي اهتمام لهالنوعية واعطيهم اكبر من حجمهم الصغير !!

اشكرك عالموضوع


اختك


قمـــر

[ALz3L]

اتوقع سؤالج شويه صعب هههههههههههههه يعني بذمتج العتب على منو الهندي يعني


اكييد النت لو انها محتشمه نفسها جان ماطاحة الميانه خليها على الله والله يستر على بناتنا يارب


اشكرج من صميم قلبي على الموضوع الجميل


دمتي لنا سالمه ان شاءالله من كل شر يارب


فمان الله

[بنت فضل]

مشكوره خيتوه على هالاطروحه المميزه

ولكن ماذا عساني انا اقول عن هالنوعية من البنات

بصراحة قلة ادب وقلة وعي

لان في بالهم اذا سوى هالحركات راح يلفتون انتباه الناس اليهم واكيد بيكون همهم الوحيد هو لفت انظار الناس اليهم وكثيرا مانلاقي مثل هالتصرفات في المجمعات والخياط وحتى مكان بيع العبي بس شنو انسوي غير ان احنه نقول

:::::

واذا لم تستحي افعل ماشئت

تقبلي تواجدي


بنت فضل كانت هنا 000

[البحر الهادي]

مشكوره اختي تن توشا
علي طرح الموضوع
كثير من المناظر نشوفها في كل مكان وللاسف
ولكن السبب هل هو التربيه ام تنفيس عن الكبت في البيت او قلت وعي البنت لهذا الموقف
او قلت الخوف من الاهل او قلت الواهس الديني عندها ؟ وأسئله كثيره جدا
تسمحيلي اكتب موضوع مقارب لهذا الموضوع واكتب هذه الا سئله التي فعلا نريد لها جواب ؟
بعد اذنج لانه فعلا موضوع يشد الاخر او انتي كتبيه ؟


البهلوان

[طموحة مملوحة]

بكون صريحة معاج ولا راح أتصنع وألف وأدور وأقول غلط ومادري شنو ..

يعني وايد أشوف من محلات مثلا يقول هالنوعية من الكلام ... اكتفي بابتسامة وماله داعي الضحك والمصخرة .. واذا زفيته وصرخت هم ماله داعي ..

سالفة ان الميانة هذي لعبة البعض علشان لمن يصير المكاسر ينزل بالسعر علشانها :) المهم انا ويني ووين السوق ؟؟ الي اروح له مرة بالشهر ...

[فيرووووس بنـ؟ـات]

بصراحه أول مادخلت المنتدى في بنات كانوا يرفضون احد يعلق عليهم ولو كتبنا شي واحد ضدهم

بس اللي الحين اشوف العكس صاروا البنات ينتقدون انفسهم شي حلو والله في إيجابيه بالتغيير.....

وخليني الحين اجاوب على اسئلتج اول ...

شرايكم بهالنوعيه من البنات ؟

أكيد رايي اني ضد هالحركات وضد اللي يسوونه لان كل وحده منهم تمثل بيئتها وتمثل تربيتها وهي واجهه

للعايله فلازم تتحكم بتصرفاتها بكل عقلانيه

تتوقعون السبب يرجع للهندي او للبنت نفسها ..؟

يامسكين ياهندي كل شي عليك ..... الموقفين اللي ذكرتيهم .... لا تحمل المسؤوليه العاملان الهندي والسوري

ولكن تتحمله البنت قولي ليش ...؟... لأن البنت هي اللي مطيحه الميانه وتتكلم بأسلوب لا يليق بشخصيتها

أعتقد لو الهندي او السوري شاف البنت اللي جدامه رزينه وعاقله جان خاف احد ان يكلمها او يفاوضها بسعر

الشي اللي تبي تشتريه ... بس مادام شافها رايقه ورايقه له اكيد بيكون رايق هو لها اكثر

شنو سبب هالشي ..؟

مثل ماقلت لج مياعه البنت واسلوبها بهالصورة عطى للهندي وللسوري المجال في التجرأ مع البنت بس لو تزفه مره

ومرتين وتكون تكانه ورزينه ما اعتقد بـِ يوطوط عندها او يتجرأ

وشاكر لج للموضوع حجيه تنتوشه

[HoNeY RoSe]

اممم

البنت اكيييد .. بدون تفكييرر

يعنيي تقهين لو اهي ماتبي واهو .. هالكثر مطيح الميانه بتسكت عنه

والله تسوي له سالفه .. وحتى لو كان اهو هندي غشمرجي لووول :d

يعني البنيه اهي الاساس لو ماتبيي .. تدخل تشتري واهي ساكته .. اذا استدعى تتكلم (تقاصص) خلها تتكلم :d:p..

مشكوره حبيبتي ع الموضوع

[بوقلبين]

والله تنتوشة كلامج عدل

وكلام الاخوان والخوات كله صح
والواحد تحترق اعصابه وهو يناقش هالمواضيع

في ردود كثير ممكن الواحد يعلق عليها مثل

الاخت طموحه مملوحه
تقول عادي لزوم المكاسر وينزل من السعر
اهو عدل كلامها اهيا تنزل من قيمتها وكرامتها واهو ينزل من سعر بضاعه
قيمتها ماتساوي قيمة شرفها

وبعدين ليش نروح بعيد ليش دشو المنتديات
وشوفوا مياعة البنات نفس الشي
بالالعاب مسخره وبحجة انه لعبه شفيها عادي
مو شايفني ولاشايفته!!

وتغزل ع الراحه وماخفيه من ردود كان اعظم

[مجنونة حب]

هههههه

شالهندي >> وايد ماخذ راحته



انا برايي ان اذا البنت نوعها خفيفة وكل شي عادي عندها >> هذا اللي يخلي الهندي يتجرأ و >>يغازلها<<

وسبب هالشي >> البيئة اللي تربت فيها هالبنت >> هذا اذا كانت >>متربية<<




^^وجهة نظر^^



تقبلوا مروري



:)

[إقلاع حتى الضيآع]

والله انا رايي فيهم ...
بنآت مآ تربو صح .. : )

[*TanTosHa*]

لنا عمر بلياك ,,

دوم هالضحكه ..:)

عادي حتى انا انصدمت وضحكت ..

وكلامك عين العقل ..

المحترم محترم بكل مكــان ..

بس للاسف في بعضهم حتى أهاليهم ما يدرون عنهم ..

ألف شكر لك

نورت

ويعطيك العافيه وما تقـــصر ..

..
.
.

[*TanTosHa*]

شوفي شموخي ..

تســلمين على كلامج الرائع ..
أحرجتي تواضعي :$ ..

..

والله أحسن شي تسوينه انه من الحين تخلين بنتج انها ما تضحك بصوت عالي ...
خاصه اذا مكان عام لانه من الادب انه الانسان ما يسوي هالتصرف سواء بنت أو ولد .

..

ألف شكر لج ..
دائما منورتني بسجرح ..
ما تقصرين ..

..
.
.