من منا ماله ماضي!!!

[شوفو شموخي]

الطفولة تعني البراءة والنقاء ،،،،،

الطفولة تعني ،،،عقول انطلقت من الواقع لتعانق الخيال ،،،

في الطفولة كل شيء ممكن وسهل المنال ،،،

فكلمتي عيب وحرام لا وجود لها في عالم الطفولة،،،

لنعد للماضي ونلونه بلونين ،،،

سواء كان الماضي الوردي ...

كلون احلامي بلبس فستان ابيض وطرحه!!!

أو الماضي الأسود،،،

صفعه..على الخدين كعقاب لذنب اقترفته ..

مهما كان لون الماضي ،،مازلنا نشتاق لتلك الأيام ،،

أيام لن تتكرر أيام الطفولة ...

•.¸.• ₪₪ احلى ايام العمر ₪₪ •.¸.•

نصحى الساعه 8،50 دقيقه بالضبط ونفرش مخداتنا قدام التلفزيون وقبل
البث،،،

"وش وش وش... صوت التلفزيون" وماعندنا غير قناتين ،،،

نتنظر سالي ويوم يعرضونه ويوم يكنسلونه ،،،واحنا ملينا التقطيع المسلسل

40 حلقه بالقنوات الثانيه،،،

واحنا خمس طعش حلقه ونص وباعلانات سن توب تصير ست طعش....


•.¸.• ₪₪ احلى ايام العمر₪₪ •.¸.•

خلاص أصابنا الاحباط ،،،


نشتري دش والحين صرنا ماندري شنتابع من كثرة القنوات!!


•.¸.• ₪₪ احلى ايام العمر ₪₪ •.¸.•

نسمع صباحك الصباحي والورد التفاحي

وبنتي تردد:كاسي كنو لالالا اسيكا سيكا نو!!!

•.¸.• ₪₪ احلى ايام العمر ₪₪ •.¸.•

قمة السعاده اروح

مكان أحبه مكان صغير فيه كل ما لذ وطاب ،،،فيه ثلاجات داخلها ايسكريم

اشكال و الوان لا فيه ايسكريم أحلى واطعم فيمتو او حليب يحطونه باكياس


ويثلجونه .....

وفيه كاكاو بو نجوم

و أهم مافيه ،،،فيه حلاوة البقره ...حلاوة أدمنتها ..

والحين باسكن روبنز وكرسبي دونات((بس مالها طعم))


•.¸.• ₪₪ احلى ايام العمر ₪₪ •.¸.•

اكبر همومي انه قلمي انكسر او ارنوبي مات!!!


•.¸.• ₪₪ احلى ايام لعمر ₪₪ •.¸.•

كانت عندي صديقه كويتيه ساكنه في السعوديه ولما اتخذوا قرار الرجوع


لبلدهم كان اول مره اذوق فيها طعم الفراق!!

وكنت في سن المراهقه والى اليوم مانسى ذاك الشعور وبعد شهرين


من روحتهم صارت الازمه ورجعو كل الناس زعلانين على اللي يصير الا انا


فرحانه لانها رجعت لي!!!!

•.¸.• ₪₪ احلى ايام لعمر ₪₪ •.¸.•


لما كنا نقوم نفطر((نتريق)) شكشوكه((بيض طماط))

وراضين ياحللينا


والحين كرواسون,,اومليت,,وكل واحد متذمر اللي يبي على جبن واللي على

شوكلاته


اعذروني طولت عليكم لكن هذه غصه من قلب شوفو شموخي

اتمنى تشاركوني بجزء من ماضيكم!!!

[البحر الهادي]

شوفو شموخي

رجعتيني الي الوراء بكثير يكثير
بسعادتنا ومآسينا ونحن اطفال اذكر اب 50 فلس كنا نشتري احلي وجبه علي الوجود طبعا كان في زماننا
ميرندا وخبس ايراني فيه جبن مثلث مع قطع طماط مع قطعت علجه يا سلام ههههههههههههههه
العلجه تحليه هههههههههههههههههه
المآسي عليها بالقلب احسن

البهلوان

[شوفو شموخي]

البهاوان


كل الشكر لك اخوي ونسيت الباجيلا:)والنخي!!


اه على ايام زمان

[قـمـر]

ذكرتيني بككاو ي المفضل وانا صغيره ككاو بونجوم وكتكات وبفك اترسه فلفل بوديج وببسي


واللفه اللي قال عنها اخوي البهلوان ليومك اكلها مع فلفل بو ديج ماستغنا عنها


ذكرتيني يطلع بالتلفزيون قبل بباي اسمه سالي تصوري حتي بنتي حبته تشوفه الحين


وافتح ياسمسم



والله رديتينا لماضي حلو حسافه راح وكبرنا


يعطيك العافيه شوفو شموخي


اختك

قمر

[شوفو شموخي]

هلا والله عيوني موووون


يازينها من ايام على قولتك شطة بو ديك ومهياوه شغل عدل مدل:)

[ScReAmQwEeN]

تسلمين شوفو شموخي والله ردتينا لورى واايد
يازين ذيج لايام كل الناس تحب بعض وكل الفريج خوان نلعب مع بعض ...

ذكرتيني بفك بوسفينه كنت اغرقه دقوس ((شطه)) وأكله وعيوني ادمع من الحراره
وكاكاو بنجوم ذكرتيني فيه ياقمر بس أنا كنت احب إلي شكله مثلث .. وعصير السانكست لله عليه ..
وريكووو ناخذ الصور إلي داخله ونلزقهم على الثلاجه .. واااااااو صج يهالوا....
ولا رسوم التحركه مالت اول لحن الحياة وسالي وكننديز والرجل الحديدي .. مو ألحين رسومهم تسد النفس
كل تكنلوجيا ابطال الديجتال ويوغي ومادري شنووو ماتحسون فيها طفوله ..

تقبل مروري ((سوري طولت عليكم )) :)

[فيرووووس بنـ؟ـات]

•.¸.• ₪₪ احلى ايام العمر₪₪ •.¸.•

بالنسبه لي كانت أيام مليانه بالذكريات الحلوة والمره ....

طبعا .... أول شي اسويه الصبح ..... في ايام المدرسه خاصه .... كنت ادور لي عذر عشان اغيب ....

وبالفصل ساكت .... مؤدب .... شاطر ..... في اول حصه افكر بالغدا ....!

وفي أول حصه ارسم على الطاوله (سرير) وشخص نايم كنت دوم نعسان وما أذكر في يوم كان فيه مدرسه

إني غسلت وجهت عشان لا أصحصح .... يادوب اغسل ايدي !!

ولاصارت الهده افكر اطلع من الفصل الاول ولاصرت عند باب المدرسه امشي شوي شوي عشان عمي لايشوفني

اني ملهوف على طلعتي من المدرسه لاوصلت البيت .... افكر اغسل وجهي ويغصبوني على غسل الرجلين...

اتغدا ... ومباشره أحل واجباتي .... والساعه ثلاث بالضبط العب كره كنا نلعب لين مانمل احيانا للساعه 10 بليل

ماورانا شي .... وكنت اتهرب من خدمه ضيوفنا ..... وكنا نصعد على شجر (الكنار) جنه شواذي وناكل اكل خبال...

وبس صار وقت النوم نمنا وارجع من جديد في باجر ومتاعبه

يسلمو لج شوفو شموخي وعساج عالقوة بس فضيحه لو شافوه عيالج هالموضوع

عشان لايقلدونا بس وعساج عالقوة

[HoNeY RoSe]

واااااااااااااااااااو


انا صج صج احس مرحلة الطفوله اهي اكثر مره استمتعت فيها بحياتي ..
وسويت فيها الي ابي

اول شي صغار .. وكنا ثلاثه وانا اصغر وحده فيهم فيعنيي اطلب ادلل ..
كانت طالعاتي تقتصر مع اهليي فقط مافي طرق ورفيجات بطرق

بس بعدين اطورنا
صرنا نهرب من البيت .. ونطلع .. وصار عندنا رفيجات بنات وصبيان ..
وكنا صج نغربل الي بالفريج لدرجة كنا لين نلعب (السكينه) ونصارخ ونعصب اذا غلبونا اوخطأنا كان يطلع لنا جاررنا من البلكونه مالت بيتهم ويقط علينا بيض هههههههههههههههههههههههههه

ولا نتأدب نرجع البيت نتسبح ونرد نطلع نغير المكان ههههههههههههه

ويوم الاربعا اتشوفينا كلنا مستانسين ليش؟؟ لانه اساعه خمس او ست يحطون فلم هندي على قناة البحرين (55) ههههههههههههههههههههههههههههه
وكان عنندنا بعد واحد يبيع في بيتهم ( اسمه عباس ) لوول
وكنا كله نشتري منه بس كله على حساب الماما والبابا لووول :d

وطبعا الرسووم على ايامي توم سوير ولحن الحياه آخييه
وبومبوو ..
وكنا من الصبببببببببح انرز ويهنا

وايام العيد ورمضان يحطون بابا ياسين بعد نحبه .. ومفتاح الكنز من عيد لعيد نشوفه ههههههههه :d


وفي رمضان هذا بعد ما كبرنا :$
شوي
كنا بعد الفطور نطلع انا واختي ورفيجتنا .. ونروج الجمعيه (كنسسلنا على عباس) نروح نشتريي بفك وفلفل ونقعد على السور مال بنايتنا (العماره)
يعني الي يقول قاعدين على الأطلال ..

وبعد اممممممممم
ايي وكنا نسوي ميزاان من حطبه طويله نحطها على السور ونلعب هههههههههههههههههههه :d

ومره سوينا شي بس ليومج لين نذكره نضحك يعني اكثر عن الباقيي

(تعرفين الليف مال غسال المواعين ؟؟) هذا خذيناه وخذيين اعواد ثقاب ( كبريت) وشغلنا فيه وقعدنا نفره عشان يصير عندنا مثل العاب الناريه لووول
وعلى حظنا شافونا الشرطه ويو لنا هههههههههههههههههههههههههههه
انا ورفيجتي شردنا وبقت اختي ورفيجتها اختي كانت بتشرد بس مسكتها رفيجتها هههههههههههههههههههههههه
والشرطه خلوهم يلمون الاعواد مال الكبريت والليف ويعطونهم وياهم هههههههههههههههه بس يعني صج وصلت فينا لشنو

وايد وايد
ليت ذاك الزمن يعود

سوري على القرقه الي ماتخلص ولا تنتهي

وسوري ع البدليات الوايد :d

ومشكوره ع الموضوع الي صج ردنا لاول :d

[شوفو شموخي]

كوين


قلبي والله ذكرتيني بريكو حتى انا كنت اجمع الاستيكر بس احطه على الكبت لووووووووووول


وعلى قولتك بفك بوسفينه مره حلو :)

[شوفو شموخي]

فيرووس

اي والله فضيحه على طاري الكنار ياويلهم عيالي لو كلوه بدون غسيل واحنا كلنا من الشجر دايركت والحمدلله

مالنا الا العافيه


والله ايام حلوه


بس انا كنت احب المدرسه والدراسه يسموني ((مصريه,,دافور))

[شوفو شموخي]

فطوم


شعرفك بعباسوه لايكون اللي في العدليه:)


تصدقين حتى انا سويتها الليفه اي العاب ناريه لاوندورها بيدنا نسوي شجعان يعني:)


بجد ياريت الزمن يرجع!!!

[HoNeY RoSe]

ايييييييي
خخخخخخخخخخخخخخخخ

لالا مو العدلييه


السنابس انا كنت هأ

وناااسه

[شوفو شموخي]

زين اشوه فيه واحد اسمه بندر عباس في العدليه كنت اشتري منه بالدين:)

[nawal]

الله عليك يا شموخي


ذكرتيني بطفولتي فعلا


وسبقتيني بطرح فكرتها وتألقتي بها كـ العاده


------------------------

طفولتي


كانت مرحه للغايه لدرجه اني اتذكر ولد جيرانا صغير كان يشتري لي من البقاله

ويضع الكيس عند الباب يطرقه ويهرب ولما افتح الباب اشاهده من بعيد ينظر الي ويقولي :: إخي الجيس حقج

آخذ الكيس بخجل واغلق الباب بوجهه وإذا سألتني أمي اقولها ولد جيرانا شراها لي فتغضب مني .


طفولتي


كانت جميله فـ الكل كان يعشق عيوني وتتخاطفني نساء الفريج لما كنت اطلع وكل حامل كانت تتمنى تجيب بنت بجمال عيوني @@


طفولتي


كانت رائعه فقد كنت من المتفوقات بالمدرسه والأوئل وحصلت على لقلب أفضل رياضيه بالكويت في مجال الجمباز

والحركات الارضيه الايقاعيه


طفولتي


كانت جميله جدا رغم قسوتهاااا ومرارتهاااا


راح اذكر لج موقف ما انساه ::::

في احد المرات اعطتني والدتي (دينار) وكان الدينار يتكلم بذاك الزمان وطلبت من ان اشتري لحم مفروم من اللحام

واثاء سيري وضعت الدينار بفمي وقمت ( اعلج فيه ) ونسيته ولما وصلت للحام ولا الدينار مخروم من المنتصف


خفت بصراحه ارجع البيت امي تهاوشني واروح اتكي عند عمتي وعلمتها بالسالفه وتعطيني دينار غيره وشريت لامي

اللحم المفروم وماعلمتها بالسالفه وعدت على خير بس لما كبرت شويه وطافت السنين علمتها ولا تضحك وقالت ::

لومعلمتني وقتها كان (( جويتج على ايدج علشان ماتاكلين الدنانير وتنحاشين عند عمتج ))



هذه احدى ذكريات الطفوله

الله يسعدك ذكرتيني يالغاليه

[شوفو شموخي]

هلا والله غناتي نوال


حتى انا عيوني حلوه:)


ايام زمان كل شي له طعم برغم البساطه وصعوبة الحياه لكن انا امنت انه كل شي يجي بسهوله يروح بسهوله


يعني لما كان كل شي مو متوفر كنا منزعجين والحين كل شي متوفر ومتذمرين ونتمنى الزمن يعود

انا من جيل الطفره يعني لحقت على جيلين ((مخضرمه)):)





الواحد مايحس بطعم العسل الابعد لسع النحل!!!