زيـــاده الاســــعار

[شوفو شموخي]

هلا وغلا فيك نورت القسم

والله جبتها على الجرح ,,اخوي لما نكون احنا اكبر مصدرين واحتياطي نفط ويصير فينا كذا!!


يعني ابو متعب ماقصر نزل زيادات وخفض الرسوم على المواد الاستهلاكيه لكن هوامير السوق بلعونا


ومافيه حماية مستهلك قاعدين يكنزون فلوس على حسابنا!!


تصدق مرت علينا ايام السوق ماقيه خبز!! والعذر ارتفاع السعر من المصدر!!


وربي وجعني قلبي يعني لما ارتفع الرز قالو فيه بدائل لاتاخذون بسمتي


وخذوا البديل طيب الخبز ايش بديله خصوصا في عوائل هذا مصدر عيشتها!!


اتذكرت ماري انطوانيت لما قالت لشعبها كلو بسكوت!!!


اللي يصير مره صعب ومن المعروف انه عندنا اكبر طبقه الوسط الحين بننقسم فقير او غني!!!مافي حل وسط!!

[Q8_N]

والله مشكلة ( عويصة ) جدا جدا ,,,

على ما اعتقد الزياده صايرة من بره وبعض تجارنا ,, يعني ما بالايد حيله ,,,

أتعرف كل شي زاد سعره بس المشكله ليش هالزياده بـكل شي !! يعني لو شغلات معينه اوكيه بس كل شي زاد ..

والناس الحين بالكويت كلها تشتكي من الزياده صغار وكبار وماكو اي حل لها ,,, الله يـعين ان شاء الله

شــكرا

[*TanTosHa*]

بغ بوس

ألف شكر لك على الموضوع الي يستحق النقاش

وفعلا زياده الاسعار منتشره بشكل كبير وبكل شي

وبالاخص المواد الغذائيه وحتى المطاعم جنهم يدرون اهل لكويت بس ياكلون ..

اول شي زادو على منتجات كي دي دي ..بعدين الكل زاد ..معنه الكل زايد بس حطو دوبهم دوب كي ديددي

عاد تدري المنتجات لكويتيه بسعوديه ارخص من لكويت ..

..

عاد الزياده حق المعاشات حتى لو زادوها ما راح تسوي شي لانه كل شي غااالي ..

بس العوض ولا القطيعه

ألف شكر لك وما تقصر

طرح مميز

..
.
.

[طموحة مملوحة]

لا تعورون قلبي :( اي والله صج

شي يحز بالخاطر .... أهم شي بالكافتيرا بالجامعة هم مغلين الاسعار ... قلت لهم اهم زادوا اهلنا مازادونا احنا ...

ليش مايزيدون الاعانة على جذي ؟؟؟

بطوا جبدي والله كل شي صار غالي .... مانبي الزيادة ... ردوا مثل أول والله أحسن :(

ليش جذي يسوون فيج يا كويت ...؟؟؟؟ :(

[بنت فضل]

مشكور عزيزي

(( بج بوس ))

على هالاطروحه المميزه للنقاش 00

بصراحه الاسعار ولعه على قولة اخوانه المصريين

ومثل ماقال المطرب حكيم نار00 نار

والاسعار فعلا ناار وصايرين احنه مثل الحطب والنار تبي تاكلنه والاسعار النار والناس هي الخشب 00

بصراحه مثل ما واعدوكم بالزياده هم احنه واعدونه بالزيادة بس الظاهر كل كلام في كلام ولا في زيادة ولافي اي شي

والتجار لاعبين بحسبتنه 00 كل بقالة سعرها اغلى من الثاني والظاهر مافي رقابة على الاسعار 00

والظاهر الناس بتقزرها خبز وجبن 00 بس حتى الطحين ارتفع سعره مدري شسوي الناس


وتقبل تواجدي


بنت فضل كانت هنا 0000

[BIG^BOSS]

ياهلا والله فيج اختي شوفي شموخي اي والله معاج حق كل شي زادو هذا جحد من التجار ونصب اي والله اذا ما كان في خبز عيل ماكو الى انطبق كلام اتذكرت ماري انطوانيت لما قالت لشعبها كلو بسكوت!!! معاج حق والله اختي انج تنفعلين بلموضوع وسمله على قلبج اختي وان شاء الله تنزل الاسعار وترد نفس اول واحسن والله يهدي التجار قواج الله اختي اسعدني مرورج الطيب

[BIG^BOSS]

ياهلا والله اخوي كيو ايت اي والله مشكله عويصه والكل قام يشتكي من زيادره الاسعار وان شاء الله تنزل الاسعار اسعدني مرورك الطيب قواك الله اخوي

[BIG^BOSS]

ياهلا والله اختي تنتوشه اي والله معاج حق يوم زادو كي دي دي زادو كل شي وسالفه المطاعم معاج حق فيها ما شاء الله الاعلانات مكفيه وموفيه عن المطاعم بكل مكان والكل قام يزيد ومحد ماكلها غيرنا :) الله كريم وسالفه لو زادو المعاشات عدل كلامج ما راح تسوي شي والعوض ولا القطيعه وياهلا ومرحبا فيج اختي تنتوشه اسعدني هذا المرور الطيب والنقاش قواج الله

[BIG^BOSS]

ياهلا والله اختي طموحه سلامه قلبج اختي اي والله معاج حق حتى بلجامعه صارت الزياده لوووول والله شي يبجي ولا يضحك على سالفه اهم زادو اهلنا ما زادونا شنسوي اختي الله كريم وان شاء الله كل شي يرد مثل اول واحسن واسعدني مرورج الطيب اختي قواج الله دمتي بالف خير

[BIG^BOSS]

ياهلا والله اختي بنت فضل اسعدني هذا التواجد

اي والله عدل كلامج قالو نبي نزيد المعاشات ما صدقو التجار رفعو الاسعار صدقيني لو يقلون محنا معطين زياده راح ينزلون الاسعار :) احنا معلقين بين حبل ومن الصوب هذا زياده الاسعار والصوب الثاني زياده المعاشات وماندري مته راح ترجع الاسعار مثل بس ان شاء الله تنزل اسعدني هذا المرور اختي قواج الله دمتي بالف خير بنت فضل