إرتداء الشاب للشورت _ هل انت مع ام ضد

[بوقلبين]

عدنا ..

مداخلة بسيطه بس على الي يقولون عادي وحرية شخصية
يبدو انهم مو واضحة الصورة عندهم

الاخت طموحه

مجرد سؤال بسيط هل تقبلين القعده مع اخوج ولد امج وابوج :)
واهو لابس شورت استرج !
ادري ماتقبلينها
لان السترج مثل ما انتي عارفه او حتى الشورتات بشكل عام تكشف اكثر مما تستر
فما بالج بواحد يتمشى بين البنات والحريم واهو جذي يعني كله عالمفتشر
واضيف شغلة ثانيه للتنوير
القانون يمنع هذي الملابس بالاسواق والاماكن العامه بما فيها دشاديش النوم
والشورتات لانها تخدش حياء البنات ...اللي عندهم حياء

بالنسبه الى الاخ كاكا
اذا بالدوانية ماتقبلونه لابس جذي شلون اتقبله بالسوق واهلك فيه

[إقلاع حتى الضيآع]

انآ مع .. لآن كل شي له وقته ...
دمتي بسرور ...

[Q8_N]

والله انا ما ألبس شورت الا بـ حالتين // ألعب كـره او بسبح ,, وبس

اما اللي يـلبس شورت داخل مجمع او دوانيه هاذا ما يستحي ,,, وهالشي غـلط


شكرا .

[kaka 22]

بوقلبين

شكرا لمداخلتك

ولكن انا خصصت المكان اللي هو بحر


وبعدين انا ما اقدر اجي للناس واقولهم البسوا اللبس الفلاني



وكل الشكر لك

[ALz3L]

اشكرج على الموضوع الجميل


صدقيني الشباب في داخلهم البنات يفتنون بالمنظر هذا

وبعضهم ماخذها انه حياته فري ولا يبالي


صدقيني منظرهم مو شي وعيب يعني ماله اي داعي


وبعظهم يلبسون الوان عجيبه يعني لازم تشوفينهم

هههههههههههههه


انا ارفض الشاب يلبس الشورت بالمول او مكان عام

بس على البحر بالشاليه مكان خاص عادي يعني مايخالف


ولكل مكان لبس


دمتي لنا سالمه ان شاءالله من كل شر يارب


فمان الله

[فيرووووس بنـ؟ـات]

انا شخصيا ما احب لبس الشورت نهائيا بس وقت البحر

بصراحه صج انا رجال والشورت مايعيبني بس احس اني مو لابس للاسف صار الاغلبيه يلبسونه ويتمشون بالسوق

او يفترون فيه من ديوانيه لديوانيه لو قلنا رياضه جان اهون بس حق كشحه ماشوفه كشخه لان سيقان الواحد

تخرع ف شلون لو لابس الشورت ..... الله يعين

شاكر لج نوال ويعطيج العافيه

[ScReAmQwEeN]

نوال مشكوره على الموضوع ..

أنـــا ضد هالشي خير شر حتى على البحر في ناس وعيب يلبس شورت ضيق
يعني في شورتات وسيعه

وشلون عااد لو كان بالسوق يمشي .. موشي الصراحه والشخص إلي يلبس جذي
مايحترم نفسه موعااد يحترم الناس ..

مع أحترامي للكل أنـــا الريال إلي اشوفه جذي احتقره ..ويطيح من عيني ..

تقبلي مروري

[دنووش]

الشورت السترتش بالاماكن لعامه اكيد شكله مقزز ..

عموما ماستصيغ الرجل اللي يجعل نفسه عرضه للكلام..

ولكن في الاخير تبقى ضمن حريته الشخصيه ..

تحيااتي

[ŋαŋ]

يلبس الشورت وقت بحر وقت سباحه وقت كره وقت نوم
أذا كان بالبيت عادي هالشي راجع له

بس يلبسهم في السوق أو أماكن عامه ولا طالع مع أهله
شكله مصخره بصير .. :)

يعني الشورت لها أماكن معينه
مو بأي وقت ينلبس ^_*

يعطيك العافية نوال

:)

[BIG^BOSS]

السلام عليكم ورحمه الله وبركاته

انا رايي من راي كاكا عدل الشورت حق واحد يروح الحداق بحر او حق بر ام سوالف المجمعات انا ما اشوف فيها لزوم ان الواحد يلبسها :) وجه نظري هذي

قواج الله اختي نوال على الموضوع

[مس_ديور]

ويع نوال ريال يلبس شورت ويطلع دواخله فشله

لالا انا ضد

ماحب اشوفه استحي


مشكوره نوال

[Demon of Dark]

بصراحه
بيكون شكله لا تعليق

ماتمنى اشوف واحد جذي

وربي عيب شلون يرضاها ع نفسه


مشكوره اختي ع الطرح الحلو

تقبلي مروري

[قـمـر]

الشورت الاسلامي يكون حد الركبه ووسيع مو ضيق يضهر مفاتن الرجل الله والمفاتن الحين

المهم


وينلبس بوقت لعب الكره او اي نوع من انواع الرياضه او للسباحه


مو حلوه يلبس الشورت الضيق يتمشي فيه او يقعد بين اهله لازم يحترم الموجودين


والشورت هذا اغراء ماعتقد احد يرضا يلبس هالنوع من الشورتات




ودمتم

يعطيك العافيه نوال عالمواضيع الساخنه اللي تطرحينها


اختك

قمر

[اماراتى كوول]

عن نفسى شو المشكله اذا لبس شورت او كت
مب عيب
الريال ما يعيبه شىء

[nawal]

مشكوره نوال على القضية

شي طبيعي شكلهم يسد النفس
واحد لابس شورت وقصير وضيج
تخيلي المنظر !!

بس مادري في وجهة نظر
اشوف في وحده يعجبها المنظر وتحب تشوفه "اوراد"

يعني اكيد في تباين بالأراء

نظرة البنت تختلف عن نظرة الريال لأفخاذ بعضهم البعض

واتمنى من العزيزه اوراد شنو المتعه اللي تشوفها واللذه
بأرجل الشباب!؟

هلا وغلا

بوقلبين

اىوالله يسدون النفس خصوصا اذا بالسوق يتمشى جدام خلق الله

والأخت أوراد قالت رايها وانا احترمه جداا