س,,,,,ك,,,,,ر,,,,ا,,,,,,,,ن

[شوفو شموخي]

,,,,,,,,,,,,,,,,,,,,ام الخبائث,,,,,,,,,,,,,,,,,,,,



طبعا العنوان مو محتاج تفسير انا اليوم بتكلم عن موضوع حساس شوي



كلنا نعرف انه اللي يشرب خمر ويموت قبل لايتوب ينحرم من خمر الجنه!!




طبعا سمي بهذا الاسم لان اللي يشرب ممكن انه يسوي اي شي


يذكر انه في زمن الصحابه جاء رجل يسأل عن تفاوت الاحكام في الشريعه



بالنسبه للسرقه,,الزنا,,الخمر


طبعا شرب الخمر هو الاشد لانه اللي ((يسكر))ممكن يسرق ويزني!!



هذا غير تأثيره الصحي واثاره على الفرد




لكن انا اليوم ماراح اتكلم عن الحلال والحرام ((مفروغ منه))



انا اتسائل عن 3 حالات لو انت --انتي؟؟


الحاله1_لو وحده حبت واحد وتقدم لها وتمت الموافقه وقبل الزواج بكم يوم

اكتشفت انه يشرب!!شتسوي؟؟تكمل وتقول يمكن هدايته على يدي

وتقول هو حنون وطيب ويحبني بس عيبه الشرب!!او تنسحب وتقول لاهلها!!




الحاله2_لو كانت متزوجه وبعد ماحملت اكتشفت انه زوجها يشرب!!

تلحق نفسها وتطلب الطلاق او تصبر لعله ينهدي!!


الحاله3_لو اكتشفت انه اخوك يشرب شراح تسوي__ين!!!



تقول لابوك او تنصحه بينك وبينه!!وشردة فعلك!!


بقلم شوفو شموخي

[ScReAmQwEeN]

مشكوره على الموضوع الرائع ..
دائماً مبدعه ..

في الحاله الأولى ..
لو مادخلت عليه راح اطلق منه .. ..
بس لوطاح الفاس براس .. راح انطره باليل لمن يوصل سكران واصوره بكاميرة فيديو وأخليه يشوف نفسه
واهو يترنح ويسوي حركات ويقط كلام خيط وخيط اكييد بينقد على نفسه وبعقل واذا مافاد دام اني ماحملت راح اطلق

وفي الحاله الثانيه ..
لا دام أني حامل بسوي المستحيل لمن الله يهديه يعني ادخل أهلي أو مشايخ واذا مافاد راح اخلي الشرع يحكم بيني وبينه ..

في الحاله الثالثه :
على طول ومن دون تفكير بعلم ابوي أكييد واذا تساهل ابوي بالموضوع بدخل كبير العايله لأن ماأبي ضياع اخوي واهو الأهم ..


يعطيج العافيه تقبلي مروري

[طموحة مملوحة]

الحالة الأولى ... ولو اني اذا حبيت ضحيت ...بس ماراح ضحي بمستقبلي ومستقبل أولادي علشان واحد يشرب ..طبعا ماراح أوافق عليه ولو انه يحبني اهو يترك هالمصيبة .... شنو لهالدرجة الخمر ماكل حياته ؟؟ بالطقاق فيه الف غيره يتمناني :) حاصل له ... لوووووول


الحالة الثانية

ماراح أطلب الطلاق لأن عندي بيبي .... راح أحاول أصلحه .... أحاول فيه مرة وثنتين وعشر .... وبكون بعيدة عنه علشان يحس بقيمة البيت .... وأدور على طرق علاج ... لازم أغيره للأحسن :)



الحالة الثالثة ...

هذي المصيبة .. :) طبعا ماراح أسكت وبقول لأهلي علشان يمسكونه ويسنعونه ويخلونه سييييييييدة سيييييدة :D


مشكورة حبيبتي على الموضوع :)

[Q8_N]

الحاله3_لو اكتشفت انه اخوك يشرب شراح تسوي__ين!!!

تقول لابوك او تنصحه بينك وبينه!!وشردة فعلك!!



بالنسب لـ ردة الفعل ,,اكيد هالشي بيأثر علي ,,, لان سمعة العايلة قبل كل شي وهاذا قاع يلعب فيها !!

اول شي وقبل كل شي لازم اكـلمه وأحاول افهمه وأعلمه ,,, واكيد ما راح يرضى بس اذا اصريت عليه يمكن الله يهديه

واذا ضل على هالشي وما تغير راح احاول اني اقول لـ واحد من العايلة يعرف يتفاهم وهادي ,,, لان مرات اذا درى الابو اتصير مشكلة كبيره

واذا ما نفع معاه كل شي,,, بالاخير ماكو الا اقول للوالد لعل وعسى يخاف منه او الوالد يعلمه الشغل ..


شكرا على الموضوع

[فيرووووس بنـ؟ـات]

يسلمو لج شوفو شموخي للموضوع المخمر ....... وانا حاب اجاوب على الثلاث الاسئله وبطريقتي ....

وبذكر قصه سمعتها بس مادري هي حقيقه او كانت مثال بس اذكر اني سمعتها.............

في الحاله الاولى .....

انصحها انها تتركه .... وتعلن هالشي بعد مادام مادخلت عليه ...... ولاتحاول تكابر على نفسها

لان الشيطان اشطر منها .... صج إن المرأة اذكى من وادهى من الشيطان نفسه .... بس يفضل ان تستسلم في

الامر هذا بالتحديد ....


في الحاله الثانيه ...

في هالحال .... انصحها تصبر بس لمده بسيطه ....واذا شافته زودها ... اتبع خطوه اذكرتها لنا الاخت سكريم اللي هي

تصويره ومن ثم ..... طلب الطلاق مع .... شرط عالزوج وبالمحكمه ... ان تكون وصايتها على ابنها وتحملهما معا...

تكاليف الحمل وغيره من امور بعد الولاده .... والقصد النفقه .... وابقاء التصوير شاهد عيان له ... لو حب يماطل في

مسأله الطلاق او الطفل .... ومنعه شرعيا ... عن رؤيه إبنه إلا ان يتعدل عن حاله في هالحال ممكن لكل شيء..

أن ينصلح ويرجع كما كان ويمكن افضل ......

في الحاله الثالثه

ميلاني .......... لو فيك خير إشرب والله لخليك تكره اليوم اللي جيت فيه ويمكن احرقك فيه واقول سكران وحرق

نفسه واطلع منها ...........




............................

بذكر لكم قصه ...... عن وحده كانت فب امان الله في بيتها ومعاها طفلها الرضيع فأقتحم بيتها حراميه

وكانوا يبون اغتصابها فلم ترضى وترجتهم وحاولو خطف الطفل فرفضت وترجتهم وحاولوا ارغامها على شرب الخمر...

وهم رفضت وترجتهم ان من الصعب انها اتسقط في الحرام فخيروها مابين الثلاث ام الشرب او قتل الطفل او اغتصابها

فشاااافت ان الارحم ان شرب الخمر اهون وان الله بيسامحها لانها مجبورة ........ فلمن شربت واسكرت وداخت

قامت ومن كيفها في قتل الطفل وبدل ان يغتصبوها ..... زنت بكيفها ...... فخسرت كل شي بسبب تهوينها للخمر

واشكركم للموضوع

[شوفو شموخي]

كل الشكر لكم حبيايبي على المرور

سكريم الاجمل مرورك وبجد عجبني رايك ينم عن عقليه ناضجه وريي خطيره فكرة التصوير :)



طموحه رايك على راسي من فوق بس انا اختلف معك عن اخوك انك تقولين لاهلك اول انصحيه وعطيه فرصه


وخلي عينك عليه واذا كررهاذاك ا الوقت علميهم!!


كيو ان:خوش راي الاخ اقرب كثير من الاب اول النصيحه واذا مانفع هو اختار الفضيحه!!!



رايك منطقي



البنت تترك وماتحاول مع اني اختلف معاك فيه !!!



الزوجه صعب انها تطلب الطلاق لانه راح ياخذ ولدها وحنا عندنا لو تروح تشتكي يقولون جيبي شهود!!يا ليل مطولك



اما ميلاني حرام ربي يحفظه لشبابه وعاد مو لدرجة الحرق النصيحه حلوه وجرب تكون صديق مو اخ ((الله لايقوله))

[Cute Baby]

السلام عليكم

بالحاله الاولى : لا ماراح أكمل وأتركه

الحاله الثانيه : أصبر عليه واذا ما انهدى راح أتركه لأن السكران يسوي كل شي وأنت ذكرت هالشي

الحاله الثالثه : الله لايقول ..أكيد راح نحاول أنا وأفراد أسرتي انه ننصحه بكل الطرق ونمنعه من هالشي

وشكرا

[شوفو شموخي]

كيوت


يشرفني وجودك يالغلا وراي سديد

[HoNeY RoSe]

الحاله1_

اذا ما صار شي .. وحتى لو صار شيي واكتشفت وماعندي عيال اطلب الطلاق ..



الحاله2

بما انه عندها عيال لا .. اصبر .. بس اقدر انا الي اعدله (6) ..
واذا ما اعتدل معنه حرام عيال ويضيعون بسبة ابو فاشل .. اطلق .

الحاله3
..
واخليه يلعنون خيره .. واذا ابوي ماسوة شيي .. انا ..
اسوي مثل فيروس بنات اذبحه واقول اهو مات مو سكران ههههههه :P'


شكرا حبيبتي ع الموضوع

يعطيج الله العافيه

[ALz3L]

اشكرج من صميم قلبي على الموضوع الجميل


يا اختي العزيزه في حديث للرسول صلى الله عليه وسلم والله واعلم انا اعرف الثلاث ولاكن لا اعرف ترتيبهم سوف اقولهم والله واعلم

عقاب الثلاثه لايدخلون الجنه

الاول: قاطع الرحم

الثاني: مدمن الخمر

الثالث : مصدق بالسحر

والله واعلم

ونحن نتحدث على الخمر والعياذ بالله

والله يبعدنا عنه ان شاءالله

واما على الامر بانه اخي يشرب الخمر لو كان اللي اكبر مني انصحه ولاكن اللي اصغر مني اعذبه واكرها بنفسه بوسائل كثيره


تقبلي مروري


دمتيلنا سالمه ان شاءالله من كل شر يارب


فمان الله

[شوفو شموخي]

مشكورين على التفاعل

[*TanTosHa*]

الله يبع ـدنا عـنـ السكــر ..

..

الحاله1_لو وحده حبت واحد وتقدم لها وتمت الموافقه وقبل الزواج بكم يوم

اكتشفت انه يشرب!!شتسوي؟؟تكمل وتقول يمكن هدايته على يدي

وتقول هو حنون وطيب ويحبني بس عيبه الشرب!!او تنسحب وتقول لاهلها!!

على حسب الشخصـ اذا حسيت انه ممكن يبتعد عن هالشـي احتمال اظل معاه ..
بس الأكيد اني ابتعد عنه واتركه ..


الحاله2_لو كانت متزوجه وبعد ماحملت اكتشفت انه زوجها يشرب!!

تلحق نفسها وتطلب الطلاق او تصبر لعله ينهدي!!

أحاول أهديه اذا ما نهدى طلاق وكيفه ..

الحاله3_لو اكتشفت انه اخوك يشرب شراح تسوي__ين!!!

أقول حق أخوي لكبير ..وأخليه يكلمه ..



والله يكفينا شر هالشي ..

..

شوـفي شموخـي ..

ألف شكــر لج
دائما مبدعه بما تطرحينه لنا من مواضعي تستحق النقاش ..
وما قصـرتي

..
.

[شوفو شموخي]

تنتش غلاتي


الاروع تواجدك يالغلا

[دنووش]

اسمحولي جميييييييع ..

انا اشوف ردودكم غير منطقيه جميعااا ..احس انكم تتكلمون وكأنكم كامليين !!! احس اني قاعده في مدينه افلاطون اللي مافيها اي غلطه ..

نبي حوار هادف يتميز بالشفافيه ..صيروا واقعيين ..

اولا: شوفو اشكرك ع الموضوع ..وكما هي عاده مواضيعك مميزه بس المشكله ان الكل هنا من دون اغلاط!!!!!

نبي اجاباتك ع الحلات

ثانيا:راح اتكلم عن نفسي بالثلاث حالات

انا شخصيا عاطفيه ولو حبيت شخص حبيته ..وزي مايقولون الحب اعمى ..والله لو اشوف اللي ماينشاف فيه مراح اهتم لاني بالاول والاخير احبه واشوف عيوبه كلها صح ..

في الحالتين الاولى نووو وووي يكون الحل عندي الانفصال ..مستحيييل ..والسبب الحب ..وراح اكمل ..

وراح احاول اصلحه ..لانه غلط اتركه كذا والا اشلون نصلح اغلاط الشخص ..انا اشوف انه مو بالترك ..بالبقاء معه واقناعه بالخطأ اللي يرتكبه ..يعني بالتدرج ..

اصلا حتى لما صار النهي بالدين عن الخمر بالذاااات ..كان بالتدريج ..لثلاث مراحل ثم التحريم ..

انا ماأؤمن باللي يقولك يا ابيض يا اسود ..لا فيه النص نص ..دون افراط ولا تفريط..

بالحاله الثالثه : الله لايقوله ولا اشوف احد من اخواني ولا احد من عيال المسلمين بها الحاله ..بس لو صار راح اعتمد على نفسي واحذره بأسلوب راقي ومو بالتهديد ..لان التهديد مو علاج ابداا

وانا من الناس اللي ماتمشي بالتهديد لو على رقبتي ..اذا مانفع معاي راح اقول لامي لانها احن قلب وبكلامها راح تلين قبله وتبعده بإذن الله عن هالاآفه ..

وتحيااتي للجميع

[شوفو شموخي]

حبيبة قلبي دنووش


كفيتي ووفيتي يالغلا بس يمكن الاعضاء تكلموا عن شي ماعاشوه اللي يعيش التجربه اكيد بيختلف رايه


لكن الشوف غير السمع


انا عن نفسي ماعرف اقسى او افضح لو صار ومريت بهالموقف بصبر وبدعي ربي يهديه له ولعيالي ومافكر



اتركه لانه يمكن ينحرف ويدخل في دوامة الادمان!!!



اما لو كنت بنت ودريت قبل الزواج راح اتردد كثير اني اوافق حتى لو حبيته!!




واما بالنسبه لو كان عندي اخ انا للاسف ماعندي الا اخت بس لو افترضنا راح انصحه واحاول اكون بقربه واساعده


واخر الحلول اني اقول لاهلي لانهم ماراح يتفهمون ويقسون عليه!!