الحب أعمى ولكن الأخرين يرون

[ScReAmQwEeN]

م/ص الخير

كل يوم يمكن أن يسأل اي واحد منا :مالذي أعجبه فيها ؟
عندما نشاهد زوجين ،عروسين خصوصاً ،ونعتبر أن الزوج أجمل من الزوجه ،وأنه"أفضل"
وأرفه شأناً ،كما هي حال ولي العهد البرياطاني تشارلز وكاميلا باركر ،اللذين تزوجا بعد قصة حب دامت 34عاماً ..
فهل الحب أعمى كما يقلون ؟
وهل هناك مكان مع الحب الحقيقي ،لأستخدام اداة الأستفهام أو التساؤل أو الأستفسار ،
لماذا وكيف واين ومتى؟؟

أتمنى أن تناقشون معي هذه الظاهره والأسئله الحشريه والغريبه ألتي تطرأ على البعض منا
هل فعلاً الحب أعمى ؟هل أنتم من الذين يتأثرون بالجمال ..
والجمال بالنسبه لكم هو قرين الحب ..


انتظر ردودكم ..

[طموحة مملوحة]

فعلا الحب أعمى ...


بالنسبة لي جربت الحب .... والحمدلله الحب الشريف طبعا بس الله ماكتب لنا نصيب ... لكن فعلا قبلها كنت أشوفه ملاك مع انه مسيكين وجيكر :P فعلا كانوا يضحكون علي وشحببج فيه وشوفي شكله وانتي قمر ومادري شنو .... بس هالأشياء كانت ولا شي عندي لأني أشوف الجوهر ... قمة في الأخلاق والأدب ... وغير جذي كافي ان الكل كان يدري والكل حاط ان خلاص هذول بيتزوجون ...بس الله ماكتب ... وصدقيني حبه لازال ساكن بقلبي لدرجة اني حرمت على نفسي الزواج .... ولا راح ألقى قلب مثل قلبه ... يستحق أن أبقى وفيه طول حياتي وحيدة بس عايشة على ذكراه :)

الحب أعمى نعم .... وأعمى مني مافي:P


مشكورة يالغالية على الموضوع :)


ماخشيت شي دام أسئلتج حشرية وأنا أحب الحشرات ........ شكو :P ??? لووووول

[ScReAmQwEeN]

تسلمين ياقلبي ..
علــى مرورج .. ..

[Q8_N]

عن نفسي ما اعترف بهالشغلات ,,, يعني حب اعمى وجذي وين قاعدين بأمريكا وغيرها ,,,


يمعوده احنا غير عن هالدول ,, وولي العهد البريطاني اهو من ديره ثانيه وعاداتهم غير عنا وثقافتهم تختلف اختلاف كبيييير

بس حبيت اوضح لج ان كل ديره تختلف عن غيرها من ناحية الثقافات والعادات :)

وشكرا

[طموحة مملوحة]

حبيت أوضح ان الحب حب .... وليس للحب وطن :) ولا عادات وتقاليد ...

الحب فطرة ..... شي مو بالايد ... :)

بس هالشي حبيت أوضحك لرد أخوي على الموضوع

[Q8_N]

حبيت أوضح ان الحب حب .... وليس للحب وطن :) ولا عادات وتقاليد ...

الحب فطرة ..... شي مو بالايد ... :)

بس هالشي حبيت أوضحك لرد أخوي على الموضوع

انا ما اقول ان الحب مو من عادتنا وجذي ,,,, قصدي عن مثالها لـ ولي عهد بريطانيا

الحب صارله فتره طالع عندنا ,,, يعني تقولين لي قبل 50 سنه ان الواحد يقعد يحب وحده 10 سنين او 5 سنين ويتزوجها !!

اصلا توه الحب طلع من الافلام وغيره ,,,

والحب فطره اذا كان لـ شخص اتعرفه ,,, مو شخص توك اتعرفه وما كملت معاه شهرين اتحبه !!

وانا قصدي ما اعترف بالحب الاعمى اللي يكون بين شخصين توهم يعرفون بعض ,,, الحب يبيله وقـت طويل

[طموحة مملوحة]

أكيد يبيله وقت طويل ... والدليل على ذلك هالمثال .. :)


يالله طاحت أسنانهم وللحين يحبون بعض :P

والأفلام من وين يابت الحب ؟؟؟ م الحياة الي عايشينها... :)

[ScReAmQwEeN]

Q8_n
يسلموووو على مرورك
أحترم رأيك ولكن أنـــا وضعت مثال الملك البريطاني أنه أحب من سنين طويله وتزوج الملكه ديانا وكانت من أجمل النساء وبعدها خانها مع حبيبته السابقه والمعروف عن كاميلا أنها من ابشع نساء بريطانيا ..
ولو لاحظة لوأنه 34 سنه يحب مراه بشعه على زوجته ديانا وهي من ملكات الجمال ببريطانيا ..
ومن هنا يعتبر الحب اعمى .. ..

أنـــا لاأريد أن اناقش الحب بالغرب أو عند العرب
بل اريد ان أعرف هل حقاً الحب أعمى .. تستطيع أن تحب مرأه غير جميله ..

وأحب ان أوضح لك أن الحب موجود حتى ايام الرسول صلى الله عليه وسلم والصحابه .. ..
فهناك قصه شهيره لا تحظرني اسمائهم الأن ولكن كان هناك صحابي يعشق زوجته لدرجة الجنون ويسير خلفها يبكي
ورأه الرسول عليه الف الصلاة والسلام وقال :أريتم حب اعظم من حب فلان لفلانه ((وذكر اسمائهم ))

الحب موجود ولكن الحب الحلال بين الزوج وزجته

[Q8_N]

طموحه مملوحة :: يعني تقولين لي ان قبل 50 سنة اكو حب بين اثنين مو متزوجين بالكويت ,, يعني يحبون بعض لمدة 5 سنين ويتزوجون بعدها !!



ScReAmQwEeN
اي كلامج صح ان الحب بين اثنين متزوجين ,,, بس على طاري حب من دون زواج وجذي ما اعترف لان بس اضاعه وقت

وتوني فهمت عليج ان الاثنين كانوا يحبون بعض من زمان ,, وريتشاردز كان متزوج من ديانا اللي فرق عن عشيفته وعالرغم من هالشي كان يحب عشقيته
بس لا تنسين ان ديانا هم كانت تحب غيره :D

لو كان يحبها صج ومن الاول جان تزوجها مو نطر 35 سنه !!

[ScReAmQwEeN]

Q8_n

تسلم على مرورك ورايك على عيني وعلى راسي

[طموحة مملوحة]

اي في ... بس ماكانوا بمثل جراءة الحين ... شوف أيام أول ماكو تلفونات ولا بلوتوث ولا في أي شي يخليهم متواصلين الا الحب الي بينهم وتلقى الشوفة عندهم اوووووووف احلا يوم مر بحياتهم ...


لا والقصة الي ضحكتني انها صارت والله ... ولمن كبروا وعجزوا تزوجها :)


في والله في .... بس أول نيتهم شريفة الحين قليل الي تلقاهم نيتهم زينة .... الحب الحين صار لعب وبس ....
من الطرفين مو طرف واحد .... صعب تلقى الحب الشريف والي تخلص له وتحس انه يستاهل تعطيه عمرك

[Q8_N]

اول شي لـ ScReAmQwEeN :: سوري عالاطاله اكـلت الموضوع :D بس حبيت اناقش ,, ما كان قصدي اني اطولها ,,, و هم بعد رايج وأراء الكل على راسي بعد

طموحة ومملوحه :: ما يندرى كل شي جايز ,, ومثل ما قلتي الحب هالوقت كله لـعب ,, وقبل بس شوفه وما تطول بعد
بس ما اعتقد ان قبل يعني اثنين يتعلقون ببعض حييل مثل الحين ,,
وكل ما كنت العلاقة قويه كل ما زاد الحب ,, بس قبل ماكو كلش بس نظره على ما قلتي بين اثنين لا اكثر ولا اقل .. ومرات اتكون قصة حب من طرف واحد ..

يالله اخلــيكم ,, سوري عالأطاله

[ScReAmQwEeN]

Q8_n

المساحه مساحتك تقول فيها إلي تبي .. ..
وماطولت يالغالي إلا لهتمامك بالموضوع .. وشكرك على مشاركتك الخفيفه :)
وكل شخص عنده وجهة نظر ولازم نحترمها ورايك يستحق كل الاحترام والتقدير

شرفتني

[بوقلبين]

الانسان يحب بقلبه مايحب بعيونه عشان جذي نقول الحب اعمى
اعمى بصيرة ولكن الانسان الاعمى الحقيقي هو اعمى القلب أي اللي يحب بعينه يحب شكل

كلام الاخت مملوحه عين العقل وهناك قصص كثيره

اكبر دليل عنتر وعبله هذا خال فحمه وعبله حلوه وحره
وكان يضرب بها المثل
وحبهم تخلد وصار مضرب مثل

مشكوره اختي على الموضوع

[ScReAmQwEeN]

حياك الله بوقلبين ..

وكلام صحيح .. ..