ذهاب الشباب إلى المقاهي 00

[بنت فضل]

أهلا بكم من جديد....

أعزائي أعضاء منتدانا الغالي

هل تؤيدون ذهاب الشباب الى المقاهي لقضاء وقت الفراغ وخصوصا المتزوجين منهم علما

بان ذهابهم لمشاهدة المباريات فقط وليس لتناول الشيشة او الالعاب الاخرى

وهل المباراة سبب مقنع لتأخر الزوج عن بيته وأهله


ارجو من الجميع المشاركه واني هنا بانتظاركم
ولكم مني جزيل الشكر مسبقا


بنت فضل 000

[alqlbal7non]

يشرفني اختي اني اكون اول من يرد عيج

بصراحه انا من رواد القهاوي وانا مع روحتهم للقهاوي عندي احسن من

صياعتهم بشوارع ههههههههههه

ومشكوره على الموضوع الرائع اختي

[*TanTosHa*]

أنــا مع هالشــي ..

بس أعتقد انه كــل شي له حدود ..

يعني المتزوج المفروض يرد البيت ..يشوف عياله وزوجته ..

وح ـتى العازبــ ..له وقت مع ــين ويرد ..

والسهــر الوايد برا البيت ماله مع ــنى ..

خاصه بهالايــام صار كــل شي يخوف والمصائبــ منتشرة ..

..
.

ألف شكــر لجـ
مميزة بما تنقشينه لنا مـن مواضيع ..
وما قصـرتي

,,
,

[Q8_N]

انا اشوف ان الذهاب إلى المقاهي ,, للشباب عادي ,, واحسن لهم من الفراره بالشوارع ,, والقهوه مكان يتجمعون فيه ,,

انا من رواد المقاهي احيانا ,, والقهوه الحين متوفر فيها كل شي انترنت وبلايستيشن وغيره ,, وهالشي حلو وزين ,, احلى من الفراره بالمجمعات وغيرها

بالنسبه للمتزوج ,, هم عادي بس مو لدرجة ان يقعد اهناك لـ وقت طويل ,, لأن وراه مسوؤليات ,, وعنده اعيال وزوجه ولازم يهتم فيهم


شكرا ,,

[saizo]

انا مو من الشباب الي يقعدون بالقهاوي
(( رحت مره وحده و بقيت اموت من الدخان -.- ))

..

لكن اذا خذيناها لمتابعة المباريات ... فا انا اشوف ان المبارات مو عذر للتأخر
كل شخص الحين يقدر يطالع المباريات وهو في البيت !

لكن الي يخلي الناس تروح اتوقع الجو و الحماس الي يصير بالقهوه
فا اكيد راح يكون في فرق كبير اذا راح اطال المبارات بروحي بالبيت او اني اطالعها مع 10 شباب على الاقل !


....

يعطيج العافيه على الموضوع :)

[البحر الهادي]

مرحبا بنت فضل
كنت من رواد المقاهي والان استقرينا في مكان خاص مثل الاستراحه انا والاصدقاء وبكون جدا صريح في جوابي لسؤالك ؟
المقهي نتجمع انا والاصدقاء لشرب الشيشه و الاستمتاع مع بعض والمقهي الحين متوفرفيها كل سبل الاستمتاع
فيه الي يشرب شيشيه ويشوف مباريات ووووو الخ
بس الي يضيق الخلق فيها علي قولت واحد من الربع تلم الزين والشين
وبخصوص المتزوجين ونا منهم السهر فيها انا اخالفه جدا ولا اؤيده ولكن نسهر في وقت العطل الرسميه تقريبا لعب ورقه وغيره وخاصه الي يودون زوجاتهم بالعطله الي اهلهم يسهرون يعني ما خذين راحتهم بالعطله والسهر
ولكن المشكله بالمقاهي انه فيها شباب صغار جدا تكرهك بالجلوس فيها
( بس بعد انتن ايتها السيدات خفو شوي علينا بالعطل الرسميه بالذات لا تدققون حيل الرحمه واجبه لرجال )
هههههههه
انا اؤيد للي يشربون شيشه او يطالع مبارات مااعتقد فيها شيء بس السهر مو لازم بستمرار اي كل يوم
ما فيها شيء اذا سهر الرجل المتزوج لمتابعت المباراه في المقهي لانه اختي فيه جو ثاني للمتابعه مع ربعه
وعادي تتنازل الزوجه شوي ما يظر

البهلوان

[عاشق مهزوم]

اول شي اشكرج على الموضوع الحلو

وانا بالنسبه لي اروح القهاوي اقعد مع ربعي

لأنا ماوراي شي

بس المتزوج عادي يروح القهوه بس بوقت معين ولازم يجابل مرته وعياله

والله يعطيج العافيه على الموضوع

وتسلم إيدج

[nawal]

بنت الفضل

انا اشوف ان من حقه الزوج متابعة المباريات بالمقهى

اذا كان من عشاقها

حتى يكون بعيد عن ازعاج الاولاد وايضا الجو بالمقهى مشجع لذلك

مافي اى مانع انه يروح طالما هو غاوي كره

لاتنسين ان الجو العام للمقهى مشجع جدا

يتخيل نفسه كـ أنه بالملعب مع الاعبين :)



تسلم ايدج ع الموضوع


دمتى متألقه

[فيرووووس بنـ؟ـات]

أختي بنت الفضل ..........

يسلمو لموضوعج ويعطيج العافيه .....

بصراااحه ..... انا من اللي يقعدون بالمقهى ويمكن اكثر شخص يقعد هناك .....

مع العلم اني لا ادخن ولا اشرب شيشه .... بس هو مكان احس اني اقدر اقعد فيه بدون ملل ... والازعاج هناك

يكون على خفيف وممكن تكونين صداقات وتناقشينهم في مواضيع عامه .....

ويكون وقت المباريات هناك مكان رهيب للتشجيع والتنافس ..... المشكله في البيت ...

ان الازعاج والمشاكل حيل مرهقه .... وماكو يوم يمر بدون ضيقه خلق فالتهرب للقهوه ابرك ...

مع العلم اني احب اواجه المشاكل بس احب اواجهها وانا بالي فاضي مو مشغول او منزعج ... وبالمقهى ..

احس اني القى المزاج الرايق فأرجع وانا متفضى ومرتاح

[لنا عمر ٍ بلياك]

والله انا بصراحة من رواد المقاهي .. ولازم احرق لي راس راسين :p



ولو اني متزوج ما اعتقد اني راح اقطع .. لانه الربع كلهم متزوجين ومع ذلك نشوفهم بالمقاهي ويطولون معانا


شوفي فضل .. المباراه اذا تأخرت ؟ بصراحة لازم الواحد يطول ع البيت .. هذا الشي راجع للشخص نفسه اذا كان متشدد في اللعب .. فما اعتقد انه يرد البيت لو انه المباره 20 ساعه


يعني هل شي كله راجع للـشاب بأنه يحب هل نوع من الرياضه او لا


اشكرج

:d

[ScReAmQwEeN]

تسلمين بنت فضل .. على الموضوع .. إلي باط جبد نص المتزوجات
خلصوااااااا من الدونيات أطلعت لهم المقاهي .. .. :) :)

مادري ليش الحريم يزعلون اذا راح ريلهم للمقهى أو الدونيه ..؟؟
يعني من حقه يرفه عن نفسه شوي ويقعد مع ربعه بعيد عن ازعاج اليهال
وصراخ المره .. ..
والله الريايل يكسرون الخاطر ماعندهم غير المقهى أو الدونيه يرحون لها ومناشبينهم عليهااا
أنـــا بصراحه .. عندي عااادي وماأحب الريال البيتوتي .. حتى لو يسهر برى واذا على عياله
أنــا من مأيدين وضع الجداول يعني لنــا وقت معاه وله وقت مع ربعه بجذي لكل بيرتاح ..

وبعدين أنـــا لاحظت ان كل عضو رد يشيش ..
نصيحه اخويه ترى والله موزينه لكم قعدوا بالقهوه من دون شيشه
انــا يدي يشيش وبعدها مرض بسبة الشيشه <<الله يجيركم منها وكرهكم فيها >> :) :)

[طموحة مملوحة]

أحسن من أنهم يروحون حفلات ورقص وشرب عدل؟؟؟ :)

[بنت فضل]

الاعضاء الحلوين منوريين صفحتي بردودك الحلوة وتواجدكم الاحلى

دمت على هذا التواصل الاخوي

ولا حرمنا الله وصالكم


تقبلوا مودتي


بنت فضل كانت هنا 0000

[HoNeY RoSe]

ايي عادي احس

احسن من الفرارة بشوارع

وانا احس االي يروحون القهوه وايد بيتتوتيين
وهذا الشي الاحظه على ابويي اذا مو في البيت يعني بعد الشغل في القهووه
فيعني مايحبوون الهياته وايد

شكرا حبي ع الموضوع

[بنت فضل]

هوني روز 000

يشرفني ويسعدني تواجدك المميز

تواجدك يعني لي الكثير

يمنحني الثقة 00

دمتي على هذا التواصل أخية القلب

لا عدمناك

بنت فضل 000