للمتزوجين والمتزوجات فقط _ ولا يمنع دخول الباقي

[nawal]

مو متزوجة طبعا .. :icon_wink:

و مشكورة على طرحج للموضوع :)

و شي حلو ان الزوج يدلع زوجتة لو مهما وصل العمر فيهم .. و هم الزوجة حلو انها تدلع زوجهة و تريحه و ماتحن وايد لانة الحنة اتييب الفقر زي ما بيقولو ..

و مادري بس حلو حلو انة يدلعون بعض وايد حلو لوووول

شمالة يقضون العمر هواش (( اهوة لابد و انة يكون في بس يعني هواش عن هواش يفرق )) و حلو بعد انة واحد منهم يزعل و الثاني يراضيه يعني زعل بسيط و هكذا ..

و انا الحين تذكرت شغلة لووول و مو راضية اسكت اهوة عن نفس الموضوع ..

سي يو

الله يرزقج الزوج الصالح

يدلعج آخر دلع :)

وربي صدقتي بكل كلمه

ليش لهواش والنجره مع بعض

صح

حلو ان الواحد يزعل ويراضيه الثاني

حكيمه وربي يازينج زيناه :)

بس تعالي ماقلت لي شنو الموضوووع ؟؟

ترى ازعل اذا ماقلت لي

< < صارت بقلبها الا تعرف السالفه

[البحر الهادي]

هلا نوال

متزوج والحمد لله


البهلوان

[nawal]

البهلوان

هلا فيك يالغلا

طلعت متزوج؟؟؟

وااااو انت رقم 2 بعد الزعل

يعني اكيد عايش الدلع بأنواعه

وينها عنوسه تشوف ان في متزوجين مو كلهم عزوبيه هههههه

ع العموم عسى الله يهنيك بحياتك ويسعدك دوووم

بس ماقلت لي رايك بموضوع الدلع بين الزوجين؟؟

يهمني رايك بما انك متزوج؟؟

بنتظار جوابك يالغلا

[البحر الهادي]

نوال

الدلع شيء اساسي بالزوجيه بين الزوجين
بس عاد موكل يوم هههههههههههههههههههههه
اختي الزوج او الزوجه لا بد ان يمرون بظروف الحياة بأنواعها
ولكن لا يخلو من كلمة شكر وابتسامه وضحكه بينهم
ولا بد من مشاكل تحصل بين الزوجين الحديث الزواج ويسمونها عندنا - ملح الزواج او ابهارت الزواج
حديث الزواج مو انا سكراب الزواج هههههههههههههههههه
مهما طالع عمر الزوجين الدلع واجب عليهم لاستمرار الحياه
بس نوال ما اقدر ما اقدر ادش مواضيع حساسه
عشانك رديت مره ثانيه
البهلوان

[nawal]

البهلوان

فديت الخجل وأهله :)

أدري أحرجتك بس مقدرة لك هذه الرجعه فديتك

وعارفه ان مواضيعي فيها بعض الجرأه وحساسه نوعا مااا

لأن ممكن من ردك ورد غيرك يستفيد البعض :)

الله يهنيك يارب ويسعدك في حياتك الزوجيه وتكون عسل × عسل دائماااا

شكرا لعودتك مرة آخري

والله يعز شانك ويعليه فوق السحاب

وأثمن لك هذه العوده :)

[JoKeR 2]

احلى شي بالدنيا لما وحده ادلعك لووووووول :P


مو شرط الازواج يدلعون بعض ,حتى الحبايب :p


عموما موضوعج حلو


والدلع لازم يكون موجود ولا تخرب العلاقه الزوجيه :)

شكرا

[ScReAmQwEeN]

أنــا مومتزوجه .. بس دخلت حاشني فضول ..
ومردي بتزوج انشاءالله .. عشان جذي دخلت اطلع .. :)


أنــا اقول الدلع فطره والحنيه فطره بالأنسان
يعني موواحد مايعرف لدلع طريق يقوم يدلع
يصير ماصخ ..
وأنــا احب التفاهم بين الأزواج والحب بدرجه الأولى
بعدها كل شي يصير .. ويهون ..

[Cute Baby]

أنا الحمدلله متزوجه


بتكلم عن الدلع بشكل عام

الدلع والدلال شي ضروري بالحياة الزوجيه ولايستهان به

الدلع يلطف الحياة الزوجيه والزوجه لازم تدلع زوجها وتعامله بلطف وحنيه

فبالدلع نضيف على الحياة الزوجيه الموده واللطف والخفه وتصير ممتعه

ولانتصور ان الرجل قاسي وخشن ولايحتاج الى الدلع والدلال فالبعكس الرجل يحتاج اليه كثيرا ويحب زوجته أكثر لما تهتم فيه

فالرجل يحب الدلع كالمرأة وأي شخص يحب أن يدلع .. فالدلع مهم مهم مهم :icon_wink:

وشكرا

[nawal]

احلى شي بالدنيا لما وحده ادلعك لووووووول :P


مو شرط الازواج يدلعون بعض ,حتى الحبايب :p


عموما موضوعج حلو


والدلع لازم يكون موجود ولا تخرب العلاقه الزوجيه :)

شكرا

طبعا احلى شي بالدنيا الدلع :)

عارفه انه موشرط الأزواج بس انا موضوعي عن الأزواج

والحبايب لهم نصيب بس بعدين :)

تسلم يالجوكر

عيونك الحلوه

حياك الله

[nawal]

أنا الحمدلله متزوجه


بتكلم عن الدلع بشكل عام

الدلع والدلال شي ضروري بالحياة الزوجيه ولايستهان به

الدلع يلطف الحياة الزوجيه والزوجه لازم تدلع زوجها وتعامله بلطف وحنيه

فبالدلع نضيف على الحياة الزوجيه الموده واللطف والخفه وتصير ممتعه

ولانتصور ان الرجل قاسي وخشن ولايحتاج الى الدلع والدلال فالبعكس الرجل يحتاج اليه كثيرا ويحب زوجته أكثر لما تهتم فيه

فالرجل يحب الدلع كالمرأة وأي شخص يحب أن يدلع .. فالدلع مهم مهم مهم :icon_wink:

وشكرا

تهوووومه

صح لسانج بالفعل كلامج سليم 100%

وهذا اللي كنت ابي الأعضاء يقولونه بالموضوع

فديتج وعسى الله يهنيج مع زوجج وتعيشين حياة مليئه بالعسل :)

[nawal]

أنــا مومتزوجه .. بس دخلت حاشني فضول ..
ومردي بتزوج انشاءالله .. عشان جذي دخلت اطلع .. :)


أنــا اقول الدلع فطره والحنيه فطره بالأنسان
يعني موواحد مايعرف لدلع طريق يقوم يدلع
يصير ماصخ ..
وأنــا احب التفاهم بين الأزواج والحب بدرجه الأولى
بعدها كل شي يصير .. ويهون ..

أول شي شرفتيني بالدخول

ويارب يرزقج الله سبحانه بالرجل الصالح

طبعا بوجود الحب يكون هناك الدلع من الطرفين

على فكره انا سامحه للفضولين بالدخول هههه

حياج الله يالغاليه

[شوفو شموخي]

افا عنوس نسيتنا حنا دخلنا دنيا:)


شوفي الدلع حلو لكن مع مرور السنين راح يكون فيه روتين صعب تكسرينه انا بطبعي معوده نفسي على الكلام الحلو


مع الكل ((عيوني,قلبي,غلاتي))طبعا ابو الشباب غير فديت قلبه:)


دلعي له يكون بذكرياتنا سوا وكيف كان متوله ايام الخطوبه وطبعا 26 الشهر ازيد الجرعه شوي:)


حسبي الله على ابليسك نويل قلبتي المواجع


وعقبال مانشوفك في بيت العدل:)

[المنــــفي]

متزوج حاليا واحده فقــــــط :-

يعطيك العافيــه
على هذا الموضوع
طبعا الأحترام والتقدير والود والألفه
هذه أساس الزواج الناجح

التدليل والدلع
هذا أمر ثانوي له أهميه كبيره
الدلع والتدليل يكسر الروتين
ويجعل كلاً من الزوجين يحس ببريقه
وأنه لازال يلفت النظر
كلمات الدلع والتدليل لابد أن يصحبها
تصرفات تجعل من الكلمات أكثر وقعا وتأثيرا على النفس

طبعا الدلع بشكل مستمر صعب
لكن الأستقبال بأبتسامه دائما
وأظهار الحفاوه بالتعامل هذا امر راقي
له اثر كبير في النفس

احس ان اللي يدلع زوجته نصاااب ..

دنوووش أش قصدك أنا نصاب
كأنك تقولين نصاب :)

ملاحظتك قيمــه جدا وفي محلهــا
وللأسف غالبية الأزواج اللي يلعبون بذيلهم
يذرون الرماد في عيون زوجاتهم بالدلع الزايد والهدايا
واللي على نيتها تعتقد أنه مستحيل يشوف غيرها
من كثر ما يدلعها





(:

[i! غرور ـأنثى i!]

^_^

الدلع شي اساسي واعتقد ما راح تمشي الحياة الزوجيهـ من دونهـ

الدلع عامل رئيسي للحب سؤالء من طرف الرجلـ او المراهـ
واعتقد ان المراه بحاجهـ اكثر لدلعـ لان بطبيعه المرا اهي نعومة واتحب الدلعـ
لكن الرجل بحاجهـ لدلع عشان يحس بمعزتهـ ومدى حب زوجتهـ لهـ
وهكذاا
الدلع لازمـ يكون موجود
والله يرزقني بالريال اللي يدلعني ^_^

<< مو متزوجهـ واتفلسف :p

يعطيج العافيهـ حبيبتي نونو ^_^

[بوقلبين]

الدلع نوع من انواع البهارات

تطفي على الحياة الزوجيه نكهه وطعم ثاني
واللي معروف ان البهارات لو زادت تضر ماتنفع
انا من وجهة نظري ان دلع الزوجه يكون فيه نوع من الخصوصيه ومايكون ظاهر
لان الزوجه بلحظات الدلع اتحول الى طفله والدلع الزايد يخربها
واحتمال كبير اتمرد

عشان جذي ممكن ان الرجل يدلع زوجته بينه وبينها
عشان تعرف قيمة هذا الدلع

التعامل مع الزوجه لازم يكون بحذر

لكن اللي يدلعها جدام الله وخلقه وجدام اهله وهذا اهم شي عند الزوجه دلعني جدام اهلك وبالبيت كسر راسي بس عشان تحرهم

ولو لاحظنا الزوج دائما اذا سير على اهلة ومعاه زوجته قاعده يمه وتمسك ايده
وحركات مالها راس ولا رجليين
حلات الدلع بالبيت وبغرفة النوم بس
لكن عند اهلك عند اهلها بالسوق ماسك ايدها واهي حاطه راسها على كتفك
قمة المصاخه
حلو شكل الزوجين واهما محترمين وتكانه

والزوج نفس الشي مايبي الدلع الا بطاعتها له واحترامها
ويازينها اذا نادته ابو فلان
حافظك الله ومن هالسوالف
دلع بس بأدب
وفي اماكن لدلع الزوجين اللي في قلة ادب يكون بغرفة النوم


وآسف على الاطاله
وشاكر لج نوال هالموضوع الحساس والحلو
واشوفج فبيت عدلج مدلعه مستته