تويت
صباح الورد
يلا نشوف شصار على فتون وعبودي
طبعا الاراء تباينت!!
القلب الحنون,,,البهلوان قالوا تتزوج ناصر لانه يحبها
سكريم كوين,,قمر قالوا مستحيل ولازم ترد لعبودي!!!
تنتش:تحاول تتفاهم مع عبودي وترد له
الحربي تناقش عبودي لانه يمكن ناصر لعاب!!!
فتون سهرانه وقاعده بالليل تفكر شراح تسوي كلها كم يوم وتنتهي العده!!!
يعني في امكانها تصلح الموضوع !!وتتنازل شوي وتصبر على عبودي!!
وغيرته لانه فيه ميزات حلوه وتشفع له!!
فكرت وقلبت الموضوع في راسها! حست بالحنين قالت ادق اسمع صوته واقفل
خذت الجوال ودقت055*********
تأخرتي ولااقدر اعيد ايام معاناتي
علاقتنا مابيك تعيدين النظر فيها
نسيت اللي مضى وياك نهيت اجمل علاقاتي
نسيتك مثل منتي محبتنا نسيتيها!!!
انصدمت شكت انها غلطانه دقت مره ثانيه نفس النغمه!!انهارت!!!
وقامت تكلم نفسها معقوله نساني !وين الحب والوعود تبخرت
وين اللي يقول نسيت انساك !!!
اكيد في بديل بحياته ولا كيف يبيع بهالسهوله,,ويمكن ويمكن ووو
حاولت تنام ماقدرت طلعت الشمس قررت تدق على الدوام وتسأل عنه
الو:السلام عبدالله موجود
المكتب:لا والله مدام ماخذ اجازه شهر!!!
نزل عليها الخبر مثل الصاعقه يمكن شهر عسل
او هجره ,,,خلاص انا خسرته وللابد
عزت عليها نفسها وثارت لكرامتها,,,وقررت تتخذ مسار ثاني
دقت على ناصر,,,وقبل لاتخلص اول رنه
يرد بلهفه :هلا والله بهالصوت!!
فتون:سلام اخبارك
ناصر:توني صرت تمام,,شفيك صوتك ضايق؟؟
فتون:لاابد بس من شوقي لك
ناصر:هاه
فتون: من قال هاه سمع
ناصر :سمعت بس مو صدق نفسي
فتون:لاصدق!!اخبارك اشتقت لي
ناصر:يهمك تعرفين!!اكيد انا اشتقالك وانتي تكلميني كيف لو غبتي
فتون:اممممم اشتاقت لك العافيه
ناصر:يقولون وانا بعد اشتقت يلعن اوم الرومانسيه اللي انتي فيها
فتون:هاه ماسمعت
ناصر:لاابد اكلم واحد من الشباب
فتون:طيب شوف شوي شوي لاتستعجل خلي الامور تاخذ مسارها الطبيعي
وبعد الارتباط ابشر من عيوني
ناصر:متى تنتهي عدتك
فتون:السبت اخر يوم
ناصر:معقوله اتمنى انام واقوم والقى السبت جاء
فتون:اهجد شوي وربي يكتب اللي فيه الخير
الجنعه الساعه 8 ونص يدق جوال فتون
معقول(((حبيب الروح يتصل بك))
ترددت وقررت ترد:بصوت مرعوب:الو
عبود:اخبارك اشتقت لك
فتون:عبدالله انت صاحي ماتذكرتني الا الحين!!
عبودي:انا عمري مانسيتك ؟؟ليه انتي كنتي ناسيتني
فتون:لأ بس
يقاطعها عبودي:
جالس بحالي ولحالي هزني الشوق وذكرتك يعني معقوله ياغالي كل
هذا وماوحشتك,,غيبتك طالت ليالي ياعسى خير وعذرتك
خوفي وكل انشغالي ,,دون ماقصد جرحتك!!!
الوقت مو في صالحنا انا بمرك بعد نص ساعه اجهزي انا اوعدك اغير من نفسي
عشانك وماخلي شي يفرقنا!!
فتون:لا عبدالله اصبر وعطني فرصه افهمك
عبدالله:مابي انا فاهم انتي تحبيني وانا اموت فيك!!!
فتون:ارجوك اسمع
عبود:يلا باي مشتاقلك,,,طوط طوط طوط
في رايكم:كيف تتصرف
لو تكلمت راح تصدم احساس عبود ويمكن السالفه تكبر
ولو رجعت له ناصر بينهار
تكفوووووون ساعدوها!!!
تعليق