زوجك .. يدافع عن اخته.. ويقف ضدك !!!!

[بنت فضل]

السلام عليكم ورحمة الله وبركاته..


الموضوع يبين من عنوانه..

سؤاااااااال للمتزوجات وحتى الا مو متزوجات..

شنو بتكون ردة فعلك وزوجك ما يصدق الكلام اللي تقولينه عن أهله وخواته؟

شنو موقفك وزوجك يهزأك قدام امه وخواته؟

مثلا صارت مشكلة بينك وبين اخته....وزوجك وقف بينكم يسمع المشكلة ومباشرة قط اللوم عليش انت زوجته ويدافع عن اخته!!!

شنو بتسوين ذيك الحزة؟؟

وهل هذا الشي موجود واااجد في البيوت العائلية؟

وهل هذا الموقف صار لك ؟



بانتظار ردودكم..


بنت فضل ؛؛؛

[*TanTosHa*]

صج موقف صعب ..

راح أقول الصج يدام الكل ..وأثبت صحه كلامي ..واذا جذبوني أهله واهمه يدرون اني على الصح ..

ما راح ازورهم بعد لاني ما واصل ناس جذابين ويحبون المشاكل ..

وبس جيه اكون مفتكه منهم لول ..

مشكورة على الطرح الرؤعه
وما تقصري ..

..
.

[البحر الهادي]

بنت فضل

السؤال موجه للبنات ؟ بس ابي اعلق بطريقه ثانيه اذا ممكن

يمكن تصير هذه المشاكل وترجع لقلت عقل الزوج اولا وقلت تفاهمه للموقف

لانه كبير وليس صغير لاي مشكله او ظرف بين العائله

لا بد اولا ان يتحكم بشعوره ولا يظلم لا الاخت ولا الزوجه

كلهم غالين عنده هذي اخته - وهذي زوجته ام اولاده

حتي لو ايقن ان الغلط علي اخته او زوجته لا بد ان يصلح الخطأ

ولا يشجع علي التنفير بينهم وان يكلم كل واحده علي حدا

حتي لا يخسر اخته ولا زوجته لانهم غالين عليه والمفروض ان يكون

حكيم وحليم في هذه المواقف الصعبه

== والافضل اذا وصل الحال الي ذلك ان يبتعد هو زوجته في بيت خاص له ولزوجته

ويجعل المحبه والود من ابعيد افضله ولا ينقطع عن اهله بالعكس يقرب ويصلح ما اخطأ

تسلمين

البهلوان

[فيرووووس بنـ؟ـات]

انا بشاركم برأيي كوني رجل ....

شنو بتكون ردة فعلك وزوجك ما يصدق الكلام اللي تقولينه عن أهله وخواته؟

انا اعتقد انها لازم عليها تلزم الصمت في هالامور ولاتحاول تكبرها والسبب .. البعد عن المشاكل بس لو زادت عن الحد

من الافضل تقوله ولاتنتظر رده فعله الافضل هو يشوف هالشي بعينه ....

شنو موقفك وزوجك يهزأك قدام امه وخواته؟

اعتقد ان هذا الرجل نقدر نقول عنه تافه فللزوجه كيان ويجب المحافظه عليه .... ويحق لها الزعل ولو كان زوجها موهامه

اقدر اقول لها تبتعد عن زوجها فتره عشان يحس بفقدانها ...


مثلا صارت مشكلة بينك وبين اخته....وزوجك وقف بينكم يسمع المشكلة ومباشرة قط اللوم عليش انت زوجته ويدافع عن اخته!!!

شنو بتسوين ذيك الحزة؟؟

اذا كان الاخت غلطانه فاعتقد ان هذا الرجل لايستحق ان يطلق عليه لقب زوج وان رجولته ناقصه بالعدل والمساواه...

واذا كانت الزوجه غلطانه ووقف مع اخته فهالشي يكون جدا رائع بس الافضل يحاول يحد من الخلاف ويحكم بالعدل ..


وهل هذا الشي موجود واااجد في البيوت العائلية؟

انا بطبيعه عملي اشوف واسمع مشاكل اكبر واكبر واكبر من هالمشاكل ولكن الستر زين

وهل هذا الموقف صار لك ؟

خليني اتزوج ويحلها ربج من اشوف مشكله بين اختي وزوجتي اتزوج على زوجتي <<----- شفتي العدل لوول

يسلمو لج ويعطيج العافيه

[بنت فضل]

اللهم صل على محمد وآلهـ الكرام,,

خيو العزيز فيروس بنات ؟؟..
اولا ارحب بيكـ..//..
بجد اشتقنا لتواجدكـ,, لك فترة مادخ ـلت

ثانيا,,
ميرسي ع المرور الج ـميل,,
ربي يع ـافيكـ..
ولاتحرمنا تواجدك ..
دمت بخير وسهالهـ,,

تحياتي

بنت فضل ؛؛؛

[بنت فضل]

اللهم صل على محمد وآلهـ الكرام,,
خيتو الغاليهـ تنتوش,,

اسعدني تواجدكـ،،//..
الذي انار صفحتيـ ,,
فاشكركـ من اعماق قلبي,,
ع التواصلـ الرائع..,,

خيو البهلوان,,

تواجدكـ،، هو من زاد صفحتي حلاوة,,
فشكروالف شكر ..لشخصكـ الكريم,,


عافاكما اللهـ,,
ودمتما بخير وسهالهـ//..

تحيات بنت فضل,,

[شوفو شموخي]

طرح رائع مثلك يالغلا


اكيد هالشي موجود لكن المراءه الذكيه تكسب زوجها عن طريق اهله لان اللي مافي خير بأهله مافي خير لي


انا ام واذا ربي عطاني عمر راح تكون لي كنه واتمنى تكون زوجة حمودي مثل بناتي


اما بالنسبه انه يوقف مع اخته ضدي لا مااراح ارضى لايكون بصفي او صفها لازم يسمع من الطرفين ويوقف مع الحق



مره من المرات صار سوء تفاهم بيني وبين حماتي وجيت قلت لابو الشباب وقال انا مالي شغل حلوا مشاكلكم بينكم


وبجد بعدين ندمت لانه عطيت الموضوع اكبر من حجمه ونحلت المشكله لانها كانت جدا تافهه


وبعدها تعلمت اني مادخله في مشاكل مع اهله مهما صار لانه مستحيل بيرضى عليهم,,,وبس:)

[المنــــفي]

طرح رائع مثلك يالغلا


اكيد هالشي موجود لكن المراءه الذكيه تكسب زوجها عن طريق اهله لان اللي مافي خير بأهله مافي خير لي

أختصرت الأخت شوفي شموخي الأجابه علي
منو قال لازم يكون الزوج يكون سئ مع أهله عشان
يكون جيد مع زوجته

الزوجه اللي علاقتها سيئه مع أخوانها وأهلها
صعب جدا تستوعب أن الأخت مالها ألا أخوها
مو كل بيت لحمته وحده وعلى قلب واحد

الزوجه احط معاها ثلاث
وأبدلها بألف
بس الأخت تشوف الله ثماً أخوانها أعضداها

الزوجه اللي ماتقدر اهل زوجها وتستحملهم
وتعاملهم معاملة الند للند وتعاند وتحط راسها براسهم
علاجها تروح لبيت اهلها كم شهر تقييم أمورها عدل

الغالبيه ترجع بعد ماتكون صحة لنفسها عدل


شكرا بنت الفضل
شدني الموضوع مع أني داخل
على عجاله ولقراءة المواضيع

[كـلـي غـلا]

ياجماعه شفيكم كل شي بالسياسه ..

أكيد بيحب أهله وخواته .. عاش معاهم طول العمــر .. أكيد انه بيدافع عنهم ..
واذا هم الغلطانين مرده يعرف ..

كل الشكر لك على هذا الطرح المميز

[البحر الهادي]

كل الذوق

بعد هذي زوجته مو
اقل حب من اخته هي حياته وستره ولذته بالدنيا
وذا اخته عوبه وملسونه شنو يسوي بعد يوقف معاها علي ام اولاده
لا بد من موقف فيه حزم في هذه الامور
علي الاخت والزوجه

تسلمين

البهلوان

[كـلـي غـلا]

اخي البهلوان ..

انا مع الرجل انه يدافع عن اخته اذا هي على حق
اما اذا ملسونه مثل ماقلت يوقفها عند حدها ..
ومثل ماقلت مرده يعرف منو الغلطان .. ويجازيه ..

بس هم مرات ما ينلام الرجال اذا وقف مع اخته وصعب انه يصدق فيها ..
لان هذي عاشت معه طول العمر وتربى معها ..
تلاقيه صعب يصدقها .. لكن البنت بشطارتها تكسب زوجها ..
والبنت لازم تحسن لزوجها وأهله .. مو داشه حرب ..!!

هذي وجهة نظري :)

[العميل السري07]

ملقووف داخل يشووووووف شنو صاير
:)
شكرا على الموضوع اولا
ثانيا
ممكن اقول كلمتين :
يجب على الشخص سواء بين اهله او اينما كان
وكان هو الفيصل في القضيه
يجب عليه اولا:
الاستماع حجه الطريفين كامله
بعدها يليقف مع الحق اينما كان
ولو كان على اقرب قريب
((ان الحق احق ان يتبع ))
فيجب على الرجل ان لا يقف مع اخته او زوجته
فكلتاهما عيناه
فيجب ان يقف مع الحق وان يداوي ما تضرر

.
.
.
.
وشكرا

كان معكم
ملقووووووف الامه
العميل السري 07

[HoNeY RoSe]

شنو بتكون ردة فعلك وزوجك ما يصدق الكلام اللي تقولينه عن أهله وخواته؟
اممم .. صراحه صعبه ..
بس مفروض يكون عاقل .. وحقاني .. ويفهم الموضوع وبعدين يوقف يم الي يبيي .. واذا ظلمني وقف يم خواته .. الله عليه ^_^


شنو موقفك وزوجك يهزأك قدام امه وخواته؟
بل .. طبعا انا راسا ابجي لوول
بس اطلع من المكان الي اهو فيه وارد بيتيي .. وخله اهله الي يخربون بيته ينفعونه ^_^


مثلا صارت مشكلة بينك وبين اخته....وزوجك وقف بينكم يسمع المشكلة ومباشرة قط اللوم عليش انت زوجته ويدافع عن اخته!!!

شنو بتسوين ذيك الحزة؟؟
شنو حرمه اهو يدخل نفسه بسوالف الحريم ؟؟
اقول له يطلع من السالفه وهذا شي بيني وبين اخته .. وحرمه مع حرمه اتجوز


وهل هذا الشي موجود واااجد في البيوت العائلية؟
ايي ..
هذله الازواج الاغبياااء مع احترامي لهم
الي مايفكروون .. ولا يفهمون شنو السالففه


وهل هذا الموقف صار لك ؟

لا والله ..
والحمد لله امي ما اشوف انه تصير مشاكل بينها وبين عماتي وحتى لو صار امي من النوع الي طنش تعش تنتعش :d

مشكور خيتي

[nawal]

شنو بتكون ردة فعلك وزوجك ما يصدق الكلام اللي تقولينه عن أهله وخواته؟

طبعا بنقهر وببجي طول الوقت اذا ماصدقني

شنو موقفك وزوجك يهزأك قدام امه وخواته؟

يهزئني طبعا قويه بحقي لأني بكون مهانه جدا أمامهم ويمكن يشيخون على جدامه

مثلا صارت مشكلة بينك وبين اخته....وزوجك وقف بينكم يسمع المشكلة ومباشرة قط اللوم عليش انت زوجته ويدافع عن اخته!!!

اذا دش وسمعنى اغلط على أخته اكيد ماراح يرضى بس اذا كانت اخته غلطانه على ودافع عنها طبيعي بنقهر حييييييييل

شنو بتسوين ذيك الحزة؟؟

اصعد غرفتي وأنطره لما يرجع وأفهمه السالفه بالضبط وأنقده على نفسه بس طبعا ماهينه جدام اخته لا عيب

وهل هذا الشي موجود واااجد في البيوت العائلية؟

البيوت أسرار وطبعا أكيد تحصل في بيوت كثيره وخصوصا اللي ساكنين مع أهلهم في بيت واحد

وهل هذا الموقف صار لك ؟

لا طبعا وأتمنى مايصير لي اذا تزوجت

ثانكس بنت الفضل

مواضيعج بصراحه حساسه ومن واقع الحياة

عشتي يا قلبو

[بنت فضل]

نجمات ونجوم منتدانا الرائع..
لقد انرتم مملكتي بتواجدكم الجميل والمتألق..
والذي جعل احرفي تتراقص فرحا لكلماتكم,,//,,
فلكم مني كل الشكر والاحترام..
عافاكم الله,,
ولاحرمني وصالكم المشرف,
دمتم بح ـفظ الرحمن

تحيات

بنت فضل ؛؛؛