هـــل ســـبق وانهــــزمت في مناقشة وشعرت ان الحق مــعـــك؟؟

[فيرووووس بنـ؟ـات]

مراحب شباااب وبنات...

حبيت اضع بين ايديكم موضوع للنقاش وهدفي النقاش فقط ..!

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟



اوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟



هل شعرت يومــآ ان الطرف الأخـــر في النقاش معك خرج صامتــآ لأنه فقط يريدك ان تسكت وليس لأنه مقتنع بكلامك ؟

تعتقد .... هل كنت مناقش جيد معه ام لا ؟ والسبب؟


تقبلوا فائق احترامي اخوكم ...

فيرووووس بنـ؟ـات

[شوفو شموخي]

يشرفني اني اكون اول من يرد


اخوي انا اعتبر نفسي محاوره جيده لكن اكيد تعرضت في حياتي لمواقف كنت اشوف نفسي الصح واحاول اوضح


وجهة نظري لكن لما اشوف انه النقش عقيم مع الطرف الاخر افضل السكوت مو من باب الانهزام لا

لكن انا اعتبر الصوت لما يرتفع في النقاش فهو خرج من النقاش الى الخناق

في هالحاله مافي نتيجه والسكوت افضل لانه دوم اللي يرتفع صوته حجته ضعيفه وماشي على مقولة خذوهم بالصوت


كثير تعرضت لهالموقف مع الوالده لما اتناقش معها احسها متمسكه براي معين وصعب اني اقنعها في راي


مع اني مؤمنه انه كل انسان حر في رايه لكن في ثوابت مايختلف عليها


والقصد من النقاش مو اني افرض راي عليه لكن احاول اوضح له وجهة نظري اقنعه او يقنعني


لكن للاسف في ناس اذا خالفتهم بالراي يزعلون ويحسونك ضدهم


هنا الصمت ابلغ بكثير


طرح رائع اخوي

[mshtaga]

شكرااااااااااااا على الموضوع فيروس

بالنسبه لي نعم وكثيرا ما يقع الانسان بهذا الموقف

يعطيك العافيه

[فيرووووس بنـ؟ـات]

اختي شوف شموخي ...... يسلمو لهذا الرد السريع ويعطيج العافيه

التعبير بالكلمات من الصعب التعبير عنها بسهوله ومالومج ولا الوم الغير في عدم فهمهم لنا

لان احيانا نعتبر انفسنا اخترنا اختيار صحيح وبالاخير اكتشف ان اللي اخترته غلط والاهم الثقه في النفس وبس

يسلمو لج مرة اخرى

[فيرووووس بنـ؟ـات]

مشتاقه اشكرج للرد ويعطيج العافيه اي صح الكثير منا يقع في هالامور والمشكله عند التوضيع نستعصب هالردود

وهالمناقشه وشاكرلج التواجد

[البحر الهادي]

فيرووووووووس بنات

اكيد بس السبب مو الانهزام بل البعد عن المشادات
التي لا تنفع بل تضر

وكثير من الاشخاص يحاول ان يناقشك بس بطريقته الخاصه وهي الصراخ والانفعال المبالغ فيه

وانا من طبعي اذا وصل النقاش الي صراخ امتنع عن الاقناع الشخص
ويكفيني سكوتي من هذا الانفعال

بس ابي اكون صريح معاك يبط جبدي الي ينفعل ويصارخ ويريد ان يثبت
انه هو الصح والاخر خطأ

تسلم فيروووووووووووووس ---- وتشرفنا ونورتنا بحضورك


البهلوان

[فيرووووس بنـ؟ـات]

البهلون ارحب في حضورك معاي في هالصفحه واشكرك على هالرد

بس تدري انا استانس على اللي يتناقشون بطرييقه مزعجه اما الصراخ واما غيرها عشان ابدع

بالرد عليهم احاول رفع ضغطهم وتسلم على المرور الجميل

[*TanTosHa*]

فيروس بناتــ

طرح مميز يستحــق النقاشــ ..

..

كثيرا ما يصادفكــ مثل هذه المواقف بالحياه ..

والسبب ممكن لانه الشخص نفسه ما يعرف يقنع أو اسلوبه بالكلام مو واضح ..

حتى لو معاه الحق تلقا الطرف الثاني ما يقتنع بكلامه ..

طبعا أكيد مريت بمثل هالمواقف ..

يمكن اني ابي اعبر عن شي بس مو عارفه شلون اوصل المعلومه حق الطرف الثاني و ما يفهمني ..

بصراحه مادري شراح اسوي بس احاول اني افهمه واذا ما فهم كيفه ..

بعطبك العافيه وما تقــصر

..
.

[HoNeY RoSe]

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟
ايي .. مو عشان ما اعرف شلون اوصل وجهة نظري ..
انا من النوع .. الي بسرعه يمل .. يعني عندي شي بوصله لاحد .. فهمته مره مرتين ثلاث .. بعدين امل واتركه .. ما ارد احاول اوصل الي ابيه




اوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟

يمكن بخاطري اسب ..
بس ما اتوقع بالكلام .. ولانه انا عن نفسي اذا احد بيناقشني بصراخ .. مارح اقتنع بكلامه ..
مثل مانقول ( ياخذ الصوت بصايح ) يعني يصارخ عشان نصدقه ونقتنع .. وانا ماعندي ىهالشي ..


هل شعرت يومــآ ان الطرف الأخـــر في النقاش معك خرج صامتــآ لأنه فقط يريدك ان تسكت وليس لأنه مقتنع بكلامك ؟

ايي .. احيانا
يمكن يكون المناقش مثلي .. يمل من كثر ما يفهم الي جدامه .. يتعب ويترك الشي ويطلع ^_^

مشكور اخوي يعطيك الله العافيه

[بنت فضل]

فيروس بنات ؟؟

::::

طرح رائع منك أخ فيروس للمناقشه ويشرفني بأن أكون أحد المشاركات في هذه المناقشة ؛؛؛

وبالنسبة لي شخصيا مر علي موقف في مجال عملي والموقف هذا فعلا خسرت فيه بهزيمة كبيرة جدا جدا

رغم أنني كنت على حق ولكن مسؤلتي بالدوام لم تتنازل عن أبداء رأيها وقالت جملة لأن أنساها مهما أحييت


(( هاي اللي ناقص وحده صغيره أتمشي كلمتها ورأيها علي أنا وأنا مسؤلتها بالدوام ))


تخيلوا أشلون تفكيرها وأشلون نظريتها بس هذا حل الدنيا

فيروس بنات ؛؛ مريت بالكثير بهذه المواقف وخصوصا أثناء الاجتماعات ودائما أخرج منها مكسورة الخاطر ؛؛ ودائما لاحياة مع من تنادي على الرغم الصراخ احيانا وغيرها من طرق حوار للاقناع لكنها كلها لا تفي بالغرض امام مشرفتي بالدوام ؛؛ هذا موقف من لاشي


تقبل تحياتي



بنت فضل ؛؛؛

[nawal]

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟

بعض الأحيان

اوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟

مره وحده فقط


هل شعرت يومــآ ان الطرف الأخـــر في النقاش معك خرج صامتــآ لأنه فقط يريدك ان تسكت وليس لأنه مقتنع بكلامك ؟
لأ لم يحصل

تعتقد .... هل كنت مناقش جيد معه ام لا ؟ والسبب؟

عن نفسي انا مناقشه ومستمعه جيده ولم يحصل معي اى من المواقف هذه الا نادرا


ثانكس فايرووس

موضوع جميل جداا

[Cute Baby]

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟
نعم والسبب ان الطرف الاخر لايعطي فرصه لنفسه لان يستمع لكلام غيره ويعتبر نفسه اهو الصح


اوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟
معركه وجدانيه نعم ولكن ليست بمعركة الفاظ

هل شعرت يومــآ ان الطرف الأخـــر في النقاش معك خرج صامتــآ لأنه فقط يريدك ان تسكت وليس لأنه مقتنع بكلامك ؟
لا لاني مستمعه جيده واستمع للشخص الى النهايه حتى افهمه ولا اظلمه اذا كان على صواب


تعتقد .... هل كنت مناقش جيد معه ام لا ؟ والسبب؟
مناقشه جيده في اغلب الاحيان وبعض الاحيان تعتمد تعتمد على الموضوع الي نتناقش فيه



اشكرك اخوي وموضوع رائع

[فيرووووس بنـ؟ـات]

فيروس بناتــ

طرح مميز يستحــق النقاشــ ..

..

كثيرا ما يصادفكــ مثل هذه المواقف بالحياه ..

والسبب ممكن لانه الشخص نفسه ما يعرف يقنع أو اسلوبه بالكلام مو واضح ..

حتى لو معاه الحق تلقا الطرف الثاني ما يقتنع بكلامه ..

طبعا أكيد مريت بمثل هالمواقف ..

يمكن اني ابي اعبر عن شي بس مو عارفه شلون اوصل المعلومه حق الطرف الثاني و ما يفهمني ..

بصراحه مادري شراح اسوي بس احاول اني افهمه واذا ما فهم كيفه ..

بعطبك العافيه وما تقــصر

..
.

يسلمو لج اختي ..... وعساج عالقوة وان شالله ماتمرين بهالظروف ...

[فيرووووس بنـ؟ـات]

هل سبق وانهزمت في مناقشتك وشعرت ان الحق معك لكنك لاتعرف كيف توصل وجهة نظرك ؟
ايي .. مو عشان ما اعرف شلون اوصل وجهة نظري ..
انا من النوع .. الي بسرعه يمل .. يعني عندي شي بوصله لاحد .. فهمته مره مرتين ثلاث .. بعدين امل واتركه .. ما ارد احاول اوصل الي ابيه




اوهل سبق وتحولت مناقشتك الى معركة وجدانية حامية ربما تطورت الى معركة بالألفاظ ؟

يمكن بخاطري اسب ..
بس ما اتوقع بالكلام .. ولانه انا عن نفسي اذا احد بيناقشني بصراخ .. مارح اقتنع بكلامه ..
مثل مانقول ( ياخذ الصوت بصايح ) يعني يصارخ عشان نصدقه ونقتنع .. وانا ماعندي ىهالشي ..


هل شعرت يومــآ ان الطرف الأخـــر في النقاش معك خرج صامتــآ لأنه فقط يريدك ان تسكت وليس لأنه مقتنع بكلامك ؟

ايي .. احيانا
يمكن يكون المناقش مثلي .. يمل من كثر ما يفهم الي جدامه .. يتعب ويترك الشي ويطلع ^_^

مشكور اخوي يعطيك الله العافيه

تسبين مرة وحده الله يستر بس ..... والله يعين من يناقشج عليج

يسلمو لج ويعطيج العافيه

[فيرووووس بنـ؟ـات]

فيروس بنات ؟؟

::::

طرح رائع منك أخ فيروس للمناقشه ويشرفني بأن أكون أحد المشاركات في هذه المناقشة ؛؛؛

وبالنسبة لي شخصيا مر علي موقف في مجال عملي والموقف هذا فعلا خسرت فيه بهزيمة كبيرة جدا جدا

رغم أنني كنت على حق ولكن مسؤلتي بالدوام لم تتنازل عن أبداء رأيها وقالت جملة لأن أنساها مهما أحييت


(( هاي اللي ناقص وحده صغيره أتمشي كلمتها ورأيها علي أنا وأنا مسؤلتها بالدوام ))


تخيلوا أشلون تفكيرها وأشلون نظريتها بس هذا حل الدنيا

فيروس بنات ؛؛ مريت بالكثير بهذه المواقف وخصوصا أثناء الاجتماعات ودائما أخرج منها مكسورة الخاطر ؛؛ ودائما لاحياة مع من تنادي على الرغم الصراخ احيانا وغيرها من طرق حوار للاقناع لكنها كلها لا تفي بالغرض امام مشرفتي بالدوام ؛؛ هذا موقف من لاشي


تقبل تحياتي



بنت فضل ؛؛؛

بنت الفضل الله يعينج عليهم بس مانقول الا.... الله يسامحهم بس

يسلمو لج للتواجد وعساج عالقوة