بنت تشتم امها امام الناس؟؟؟؟؟؟

[mshtaga]

بسم الله الرحمن الرحيم

اخواني واخواتي

ماهي مكانة الام بالنسبه لك ولكي

انا ما ابي اطول عليكم بقولكم هالموقف اللي والله العظيم عيني دمعت يوم شفته معقووووووله هالشي يصير لا ومن بنت ما تتجاوز ال 15 سنه :

قبل كم يوم ذهبت الى احد المجمعات التجاريه
وكانت واقفه بجانبي بنت عمرها لا يتجاوز ال 15 سنه هي ووالدتها


والا البنت تصرخ على والدتها وتقولها انتي مالج شغل فيني وترمي الملابس بوجه والدتها(؟؟؟؟)

ومن هالكلام وربي ماني قادره اكمله الكلام اللي قالته لان فعلا موقف فضيييييييييييييييييع

شلون هالبنت الصغيره وهاذا اسلوبها
والمشكله واللي مجنني ان الام مااااااااااقااااااااااالت شي وسكتت

وشكلها يكسر الخاطر انا في البدايه ماتوقعت انها امها
ولكن سمعهتا يوووم قالتلها يماا


هل هذا اسلوب حضاري تسويه بنت بامها بمكان عام وجدام الناس؟

اذا هذا نتاج المستقبل الله يستر ؟
والسموووووحه اذا طولت عليكم وابي رايكم

[شوفو شموخي]

طرح رائع مثلك

اكيد مو سلوك حضاري حبيبتي هذه التربيه انا في نظري انه للعقوق سببين:


اما التدليل والدلع الزايد بحيث مايكون للشخص حدود ويتعامل مع الكل على وتيره وحده


المفروض الطفل يتعلم انه طريقة الكلام مع الام تختلف عن الصديقه


ووضع الحدود له لكن انا اشوف امهات لما يتعلم طفلها كلماته الاولى تكون شتم مثل غبيه


وردة فعل الام انها تضحك لانه صغير ومستغربتها منه لكن ضحكها له راح يعوده انه يقولها هالكلام لما يكبر


اتربيه مع الحزم هي المهمه ولازم نفرض على عيالنا احترامنا مو الخوف من عقابنا لانه بيجي يوم ويكبرون



اما السبب الثاني اتوقع الشده والحزم بحيث مافي مجال للتحاور فلما يكبر الطفل وخصوصا في سن المراهقه


راح يتعامل بنفس الطريقه


الله يقدرنا على بر اهالينا ويرزقنا بر اولادنا


ازرع خير تحصد خير

[البحر الهادي]

مشتاقه

ما اقول غير حسبي الله ونعم الوكيل على البنت كما تدين تدان
--------
- ووصينا الانسان بوالديه احسانا
- ولا تقلهما أف ولا تنهرهما وقلهما قولآ كريما
---------------
اختي يتكون السبب اكثر شيء من الدلع الزايد بالتربيه ويحصدها الاباء بالمستقبل
منهم من يحصد خير ومنهم يحصد شر
والمصلح الله

-- اللهم اصلح النيه والذريه

كل الشكر

البهلوان

[mshtaga]

كل الشكر شوفو شموخي

[mshtaga]

شكراااااااا بهلوان على الرد

[فيرووووس بنـ؟ـات]

إحترام الأم في الحياه واجب على كل إبن وإبنه

واللي حصل مع هالإبنه فهو امر صعب ذكره وصعب شوفته

لو شعرت الإبنه بمتاعب الام في تربيتها لقدرتها وشالتها على راسها بس الواضح

ان هالإبنه يبيلها تربيه من جديد وقص لسان

للأسف اغلب ابناء اليوم لا كبروا جم سنه وصاروا بعمر عشرين سنه

حسوا ان من حقهم انهم يناقشون امهاتهم ويعاندونهم ويتهاوشون معاهم بإسم ديمقراطيه العايله (دلع العايله)

وهالسلوك جدا مو حضاري والحضاره كلها بإحترام المرء لأمه

يسلمووووو لهذا الموضوع

[*TanTosHa*]

اوف صج موقف قــوي ..!

حرام شلون تكلم امها جيه ويدام الناس :(

شوفي انا أعتقد انه الام نفسها اهيه الي خلت بنتها تتماده ..

يعني لو من اول شي كان في حدود اذا البنت رفعت لسانها او شي يكون في عقاب

ما عتقد البنت بتحاول ترفع لسانها على امها مره ثانيه ..

وبعدين بطبيعه اي انسان يقدر امه وابوه ويحترمهم ..

لانه هالشي موجود في كل انسان ..

بس للاسف البعض الي قلوبهم جافه يكونون جيه ..

..
.

مشكورة على الطرح المميز
ويعطيج العافيه وما قصرتي

..
.

[HoNeY RoSe]

تدرين لو انا امها
والله والله ارفع يدي واطقها

شنو ؟؟ وماكو شغل بنتي ترفع صوتها عليي وتصفعني بالثياب ...

بس ما الومها الوم امها الي خلتها تتربى عللى هالطريقه
وماترد عليها


والله يتسر على عيال هالوقت

مشكوره حبوبه

[nawal]

مشتاقه

عزيزتي هالموقف ذكرني بقصة وحده

رمت او قطت ملابس امها بالشارع وطردتها من البيت!!!!

وهالبنت عمرها 18 سنه !!

يعني بهالزمن لاتستغربين من بنات هالوقت

وهذي البنت نقطه من بحر

ماقول الا الله يهديها ويصلحها وبعدين هي ترد على التربيه من الأساس

والأم لومربيتها عدل ماهانتها جدام الناس بالجمعيه



ثانكس ع الموضوع المحزن جدا

[كـلـي غـلا]

الرسول صلى الله عليه وسلم بأحد الأحاديث ..

قال : أمك ثم أمك ثم أمك ..

أكد عليها .. دليل على مكانتها ..

والقرآن ماقصر بالآيات ( وبالوالدين إحسانا ) صدق الله العظيم ..

وهذا عاقه .. وعقوبة عقوق الوالدين جزاهم ياخذونه بالدنيا
وما تأجل هالعقوبة ..

وهذا بدال ما تطيعها وتحسن لها .. بكره بتندم لا راح منبع الحنان ..

كل الشكر لكي ع هالطرح

[Q8_N]

الدلع الزايد وغيره .. خل البنت ما تحسب حساب لأمها ,, ,,, والغلط من اهلهالانهم ما ربوها

بالذمه اكو بنت تشتم امها جدام الناس !! الا اذا كانت مو متربيه صح .... واتمنى من اهلها يصيرون شديدين معاها

لان اذا اليوم شتمت باجر ما يندرى شنو بتسوي ...

وانتوا عارفين قيمه الام بحياتنا ,, وما يحتاج اذكر


اشكرك