طواريء كل سنه!!

[شوفو شموخي]

مدراسنا هل تخرج طلبة علم أم شخصيات محبطة..؟؟

السلام عليكم ورحمة الله وبركاته ..

اتمنى من كل يقراء موضوعي "إبداء رأيه بصراحة"
أنا ماأبي مجاملات ولا أبي أحد يوافقني عشان يرضيني أنا أبي "الصراحه وبس"
أبي أعرف كم نسبة اللي حاسين مثل إحساسي

سؤال يطرح نفسه ..
مدارسنا وش تخرج بالضبط ..؟؟
أنا أبي اعرف وش هدفهم من بناء المدارس وتوظيف المعلمات والمعلمين ..؟؟
أبي الهدف الحقيقي ..

ندرس مناهج حشو وفي البيت يصير طواريء وقت الاختبارات حنا باقي لنا


شهر تقريبا والاجازه 4شهور ومع الاعياد ورمضان توصل 6شهور نص السنه

عطله!! انا عيالي لسى صغار بس اشوف اللي حولي لحول يحزنون

دراسه واعتكاف وانقطاع عن العالم الخارجي وفي الاخر اذا عندك واسطه

تدخل جامعه او انثبر في بيتكم واقعد دور وظيفه ب1500 او زيد نسبة البطاله

لدرجة انه الطالب مايدري اي تخصص يختار لانه ماعنده بعد نظر!!!


والنتائج:
كم هائل من الشباب المحبط نفسياً
لايستطيع حتى المناقشه
لايستطيع إبداء وإثبات وجهة نظره
لايستطيع التمييز بين الصواب والخطأ
لايستطيع الدفاع عن أبسط حقوقه
والبعض منهم ينحرف في محاولة لتفريغ "الكبت" وأكيد المدرسه مو هي العامل الوحيد بس ماننكر أنها العامل الرئيسي
16سنة مو بسيطة

اتمني اشوف نقاشكم على هذا الموضوع ...........

بقلم شوفو شموخي

[HoNeY RoSe]

اممم

المدارس تخرج فئات من الناس ..

منهم من يحب يدرس ويكمل دراسته .. ويتخصص بشي كان وده فيه من اهو صغير .. ومنهم من انجبر على شي اهو ما يبيه سوا من اهله او من المدارس والجامعات نفسهم ...

واذا على الامتحانات وحالات الطوارئ .. هذا شي لا بد منه
يعني تخيلي نفسج ادرسين ناس طول السنه واهم مايدرون بشي .. فهني الامتحان او الاختبار اهو الي قيمهم .. وكل واحد يحصل على قد الي فهمه ودرسه ..


وو انا عن نفسي لو اخلص جامعه ومالي شغل .. بعد اكمل دراسه .. ولا اظل في البيت .. واقول انه مافيه شغل .. والخ

والي يشتغلون بمعاشات (150دينار) 1500
محد بيظل مثل ما اهو بيطور من نفسه راح ايكون معاشه اكثر مع مرور الايام .. مافي شي ايي بساهل

النتائج :

كم هائل من الشباب المحبط نفسياً
لايستطيع حتى المناقشه
لايستطيع إبداء وإثبات وجهة نظره
الشخص نفسه يثبت وجوده ماله دخل اتوقع الدراسه .. ياما ناس مو متعلمين او دارسين بس لثانويه .. وشوفيي شلون لهم سيط ومنصب بديره وويتكلمون بمنطق وجنه واحد جامعي وعنده شهادات بكذا شي ..


والبعض منهم ينحرف في محاولة لتفريغ "الكبت" وأكيد المدرسه مو هي العامل الوحيد بس ماننكر أنها العامل الرئيسي
16سنة مو بسيطة

اي والله مو بسيطه .. بس بعد انا كلش ما اللوم المدارس الشخص نفسه ^_^

(( سوري رديت ردود عشوائيه .. بس ماعليه لانه وضوعج اكثر من شي يتكلم ^_^))

[mshtaga]

شووووفوووووو موضوع فعلا قوي
ويعبر عن واقعنا

للاسف انا من وجهة نظري الخلل في مناهجنا وطرق التدريس اللي تعتمد على الحفظ والتلقين فقط
والحفظ وحشو المخ بالمعلومات ياثر على الانسان اذا كان مو متقبلها
ولو بننظر الى الدول المتقدمه في التعليم لنرى انهم ما يعترفون بالجانب النظري
يدربون الطلاب من هم صغار على الجانب العملي

يعطيج العافيه

شكرااااااااااااااا

[كـلـي غـلا]

بقول نقطـه ..

على هالدراسه والإعتكاف .. وتلاقين لا دخلو الجامعه بطاريتهم خلصت ..
لان شدو حيلهم كله بالثنويه ..

وبالنسبة للإحباط .. النسبة الغير متوقعه ..
والي بنى أحلام .. تجيه النسبه وتصدمه ..
والله يسلم الواسطات للبعض ..

عسى الله يوفق الكـل ..

تسـلمين غلاي

[البحر الهادي]

شوفو شموخي

بخصوص الدراسه حدثي ولا حرج
قلت الاهتمام بالتدريس اولا بالمدارس والاهمال المتواصل الملحوظ بالمدرسه
لغياب المدرسين والمدرسات وتكديس الواجبات عالي الطلبه
وايضا الطلبات التي لا تنتهي من بحوث وغيره لا بعد البنات الله المستعان
حتي الاكسسوارات وغيره
وذا اقتربت الاختبارات الله يخلينا المدرسين الخصوصيين

اما النتائج
تعتمد علي الطفل حينما يكبر ويقرر هل يكمل دراسته ام يتوظف وتكون نهاية دراسته الوظيفه
العاديه

البهلوان

[شوفو شموخي]

دري


بطه حرام عليك 150 دينار!!وغلاء الاسعار اللي حنا فيه متى يتزوج ومتى يجيب عيال!!!!


لا اللوم على المدارس لانهم مجرد حشو كلام ولما نتخرج ماندري ليه درسناه


تدرين مافي دافع او طموح يخلينا نتحمس وندرس لانه بالاخر مو نسبتك اللي بتدخلك لا الواااااااااااااااسطه


ولو بقدرة قادر دخلتي الجامعه مافي وظايف!!


طيب الشباب وين يروح!!!

[شوفو شموخي]

البهلوان جبتها على الجرح الدروس اخصوصيه هم كبير واستنزاف للاموال كنا ناقصين!!


المشكله انه المدرسين اغلبهم اجانب يعني عيالنا اللي تربوا وفي فمهم ملعقه ذهب فاشلين


وهم الفقر ذابحهم وطلعوا مدرسين ودكاتره واطباء دنيا غريبه!!!

[شوفو شموخي]

ذوق يالغلا

صحيح ياكثر اللي يتعبون وفي الاخر خذلان!!!

قلت لك الواسطه طاعون العصر



ياربي يحقق احلامكم ويوفقكم يارب

[شوفو شموخي]

مشتاقه

تدرين انه في عوائل تفرض على عيالها يدخلون علمي حتى لو كانت ميولهم ادبيه!!!


عشان يتوظف اذا تخرج ((ياليل مطولك))


ولا المناهج انا درست علمي اسبوعين وبعدين حولت ادبي طبعا رضوا لانه امي معلمه((شغل واسطات)))


وحولت لانه صدقيتي ادبي!!شفتو الطموح


والى اليوم مافهمت س=ص؟؟؟؟


للاسف تخرجنا مانعرف نحاور الغير !!!

[Demon of Dark]

السلام عليكم ورحمة الله وبركاته

الموضوع يالغاليه لو بتكلم فيه لمليون سنه مارح اخلص

المشكله بصراحه بكل شي

المناهج الاسلوب ( التطور اللي يقولون عنه وماشفنا منه شي )

يعني وبكل صراحه لا تعليق

اما شنو النتائج احباط انحراف جرائم كبت امراض نفسيه وغيره

المفروض قبل مايصدر اي قرار بقصد التطوير المزعوم

نشوف يناسب قدرات المدرسين اللي نصهم للاسف وبكل صراحه فاشلين ومو تربويين

يعني مايعرف اسلوب الحوار والنقاش السلم مع الجيل اللي قدامه

يعرف شي واحد انا اسولف وانتو اخفظو وخلاص

ولازم اخلص المنهج

تخيلي مدرسه تقول لازم اخلص المنهج باي صوره

واي سؤال اكتبوه بنوته واشوف اذا في مجال بعدين

طبعا لا تعليق

واما الجامعات حدث ولا حرج

عندك واسطه حياك

ماعندك فلوسك ترفعك

ماعندك الشارع ينطرك

لو معدلك فوووووووووووق

وهذا الشي انا شفته بنفسي يعني مو حجي سامعته

والوظايف الله بهذي انتي اخبر ماله داعي اتحجى او اقول شي


بعدين ماله داعي نحط كل اللوم ع الطالب يكفي انه مضغوط طول السنه

و بالاخر ينظلم

صج في مدرسين اوكي بس وربي انهم قله

واسفه ع الاطاله

واعذريني لان كنت حدي متضايقه من اللي قاعد يصير و كلامي مو مرتب ولا شي

يعني وحده قاعده تكتب بدون ماترجع للي كتبته


ويعطيج الف عافيه غلاي

تقبلي مروري

[*TanTosHa*]

بصراحه من غير مجابله يبتيها علجرح ..

موضوعج حدا رؤعه

في وقتنا الحالي المدرسه جزء مهم من حياه كل طالب ..

سوف أتحدث عن المواقف التي حصلت في احدى دور الأطفال (الروضه) قبل المدرسة ..

طلبت المدرسه من الأطفال برسم وردة مثل الوردة التي رسمتها ..

عندها قام الأطفال برسم ورود مختلفه كل واحد على حسب تفكيره وخياله ..

عندما رأت المدرسه رسمه واحد من الأطفال قالت:هذي مو وردة ارسم وردة مثل الي انا رسمتها ...

معنه انه رسمته ورده بس بطريقته ..

طبعا هالشي يحدد ذاكرت الطفل ويقلل من ذكائه ..
يقتل روح الخيال والتصوير الموجوده فيه ..

وطبعا أكيد في أمثله وايد ..يمكن الي يقراه يحس انه عادي وما يأثر بس تأثيرة كبير ..!

وفي المدرسه حدث ولا حرج ..

اساسا طريقه الدراسه ما تعجبني

تعتمد على الحفظ وبســ ..

كتاب شمتنه الي يحفظ أكثر اهوا الي ينجح ..

المفروض يخلونها تعتمد على لفهم وكل واحد له طريقته في كتابه الاجابه ..

المفروض يقون شخصية الطلبه ويقدمون النصايحـ الي تفيدهم ..

والمدرسين يكونون أقويه لهم شخصية وهيبه عشان تكون الدراسه منظمه ..

كــل الشكر لجـ عزيزتي على الطرح

وما تقـصرينـ

...

[شوفو شموخي]

ديمون

شدعوه يالغلا انا والصفحه حلالك:)

بجد ياقلبي اللي قلتيه دراستنا للسف مجرد حفظ مافيها اي شي للشخصيه

تلقينا فجأه ننتقل من الثانوي للجامعه وكل همنا انه بنغير المريول ونلبس اللي نبيه!!!


مانعرف شنو يعني قدسية الجامعه وانه هذا مستقبل لا وناسه واثبات حال ومنافسه في اللبس والمكياج!!

للاسف لو صار وتخرجا نبروز الشهاده ونعلقها لدرجه تلقين جامعيات ولما تتكلمين معها ماتعرف لغه؟؟

وماعندها منطق((البعض طبعا)) والسبب انه حتى الجامعه تركيز على التخصص وانعدام الشموليه في الطرح

والنتيجه كم هائل من البنات جالسين في البيوت ينتظرون وظايف!!!

او يرضون بعد كل هالتعب بوظيفه راتبها راتب شغاله عندنا ((الفلبينيه)) راتبها 1500!!!!


الماده مو كل شي بس اقلها الشاب يقول ليه ادخل جامعه واتعب نفسي !!اشتغل بعد الثانوي لان الراتب هو نفسه

اذا مو اكثر!!شي غريب!!!

الطموح والوعي بأهمية الجامعه مسؤلية مين؟؟؟

مازلت اجهل السبب!!!

[شوفو شموخي]

العفو غلاتي تنتش


حلوه منك طرح لاساس في الطفوله صحيح لو تشوفين في الروضه يعورون القلب لما تسألينهم عن احلامهم

اللي يقول طبيب ,,معلم,,,طيار...ضابط,,الخ


مايدري المسكين انه مو بكيفه لو كان طول عمره متفوق وصادف تعب في النهائي راح يدخل اي تخصص فيه مكان

شاغر لا هذا المحظوظ ولا انه طموحه موجه من الاهل لو كانت ميوله ادبيه غصب يدخل علمي

عشان مستقبله احسن!!!


اما مناهجنا حكايه يعني البليده طول السنه تهمل وفي النهايه تصم الماده وتنجح!!

لكن في الاجازه سأليها عن اي شي نست لانه مجرد حفظ من غير فهم !!

وهنا المشكله وين الثقافه !!

يقولون جامعي مثقف!!

يعني اللي 12 سنه ماثقفته راح يتثقف في 4 سنوات!!!

عجيب والله!!

لو يدرس العمر كله على هالاساس مجرد تلقين عمره مايحصل الثقافه!!!

يمكن الدنيا تعلمه اكثر!!!


ااااااااااااااااااااااه وبس

[فيرووووس بنـ؟ـات]

والله ... للأسف مدارسنا تخرج .... طوفه خامسه لكل طوفه في دار طالب من طلابها


السبب ان بعض المدرسين يتعمدون اعطاء بعض الدروس بشكل غير مفهوم عشان المدرسين يستفيدون


منهم بالدروس الخصوصيه واباء هؤلاء الطلبه يلومون ابنائهم مايدرون ان المشكله من المدرسين

ما انكر في بعض الطلبه عقلياتهم صعبه ومتاخره بس لو شاف الضغط من المدرسه .... لكان حاله غير

يسلمو لج ويعطيج العافيه

[شوفو شموخي]

اخوي فيرووس

المفروض انه المعلمين يقدرون انه البشر قدراتهم تختلف مو غبا لكن فيه اللي يحفظ من مره وفيه اللي يبي له التكرار

لكن مثل ماقلت يتساهلون لعدم احساسهم بالمسؤليه او على الاقل يحللون رواتبهم يجون وضغوط البيت معهم


للاسف اجيال وراء اجيال تتخرج والثقافه في انحدار!!!