بصراحه!!تتزوجها!!

[شوفو شموخي]

بسم الله الرحمن الرحيم
السلام عليكم ورحمة الله وبركاته

حبيت أعرف رايكم في موضوع مهم



افرض مثلاً أخي الشاب أنك تقدمت لخطبه فتاة ولكن تفاجأت بعد
السؤال عن عائلتها بوجود شخص في عائلتها ذو سمعه سيئة
أخيها مثلاً أو من أبناءعمومتها ...

فهل تترك فكرة الأرتباط بها محملاً إياها ذنب أهلها ...




وأنتي أختي الشابه لو تقدم لخطبتك شاب من خيره الشباب
ولكن تفاجأتي بعد السؤال عن عائلته بوجود شخص
ذو سمعه سيئه .. ولو فرضنا أخيه ذو السمعه السيئه ..

فهل ترتبطين به أو تحملينه ذنب أهله ....




أرجو الأجابه بصراحه


منقووووووووووول

[*TanTosHa*]

ما أرتبط فيه ..

لانه احتمال أكبير يكون مثل أخوه ..

بس اذا كان من بعيد يصيرله ممكن اني اوافقـ ..

بس بعد التأكد من سمعه عايلتهم للسنين الي فاتت ..

حتى لو البنت وافقت ممكن أهلها ما يوافقون ..

شوفي شموخي

وثنكيوو على الطرح المميز

ما قصـرتي

..
.
.

[^دلوعة فريجنا^]

أكيد أرتبط فيه بعد ما أتأكد عدل من أخلاق الشاب نفسه

أما أخوه ماله علاقة بالموضوع

وايد نسمع عن عوايل انهم خوش ناس والولد يطلع رايح فيها والعكس صحيح

==========

يعطيج العافية يقلبي عالموضوع وسوري عالإطاله

:)

[Q8_N]

والله انا اشوف ان كل شخص يختلف عن غيره ... يعني اخوها سمعته مو زينه ما اعتقد انها بتكون نفسه

وبعدين الناس فيهم الزين والشين ,,,,

وبالنسبه لي عادي ارتبط فيها


شكرا

[شوفو شموخي]

تنتش بس في كل عائله الزين والشين!!!


قال تعالى:((لاتزر وازرة وزر اخرى)

[شوفو شموخي]

كيو 8

شرفني مرورك واحيك على عقليتك صح ليه لازم تكون مثل اخوها الظليمه شينه!!

[شوفو شموخي]

فريجنا

اشرتي لنقطه مهمه يالغلا

صحيح ياما ناس حكمت على سمعة الاب والام انهم ناس محترمه وفي الاخر يطلع الولد اكبر نصاب

ومن الممكن يطلع مدمن او عنده بلاوي بس بالخفاء

متى يجي الوقت اللي نفخر فيه بأفعال الشخص مو سابع جد له!!

[HoNeY RoSe]

ايي
اول شيي

انا بتزوج الزين ما بتزوج الشين

وثاني شي .. مافيي عيله كلها زينه يطلع لج واحد من تحت الارض فيه عيب ^^


مشكوره خيتيي

[شوفو شموخي]

العفو قلبي

احي فيك رجاحة عقلك

صحيح يالغلا حرام نحكم على الشخص بالسوء بسبب احد من اهله سيء السمعه

ونفس الوقت نحكم على الثاني انه طيب من سمعة اهله وفي الاخر يطلع منحرف

كل شخص يتحمل غلطه والتعميم ظلم

[فيرووووس بنـ؟ـات]

أنا شخصيا ..... لم اتقدم لفتاه ولكن عرضت علي إبنه رجل ... هذا الرجل هو صديق لوالدي الله يرحمه

وحب يسوي شي لروح الرحوم فقدم احدى بناته لي .... وهذي حقيقه ....

بصراحه بالاول رحبت في الموضوع خاصه وان من كلمني عن هذا الرجل وماقدمه لي هو عمي ...

بس قلت ما راح اعطي رأيي حاليا في أي امر ..... يعني ما اوافق حاليا ...

مع الايام اكتشفت ان وحده من بناته لها علاقه مع شاب وهي متعلقه فيه رغم انها تعلم انه يلعب ...

ولكن لا اعلم من فيهم .... فغيرت رايي وألغيت فكره الارتباط بهذي العائله بس قدرت موقف هذا الرجل وحطيته على

راسي بس .... صعبه اقبل في امر كهذا ....

خاصه واني تأكدت من هالخبر بشكل حيل اكيد



يسلموووو لج واتمنى يكون هالموضوع هو رد للي لموضوعج .............

[ViOliet]

هلا شوفو شموخي

لا ما أحمله خطأ غيره .. لكن ان كان صاحب السمعة السيئة الوالد فهنا اعارض

لأن اولادي حيحملوا هذا الإسم ...

و في حالة انا الأم ... فأكيد ارفض في كل الأحوال لأني ابغى أختار لأبنائي الأفضل

شكرا موضوعك الرائع امتعتيني ...

[ALz3L]

اشكرج على الجهد المبذول بنقل موضوع جميل


يا اختي الصفه السيئه مثل شنو؟


اذا كان من العائله في انسان قاطع رحمه ولا يبالي باهله لماذا اناسبها ممكن ابنائي يتصفون بصفته لانه القطاعه وراثه


واما على امر ثاني مثل انه مسجون صاحب مشاكل وسوابق اما امتنع من التقدم لها لانه من الممكن اكون انا او اخي بالموقف هذا ولا نتزوج صح


ابي اتطرق لقصه لصديق لي كان ينوي الزواج من انسانه وهو تعرض لحادث سياره كان صغير بالعمر واصبح عرج قدم اطول من الثانيه ويعاني من مشاكل في المشي المهم تقدم للبنت وقالت ابي اشوفه شافته عرج قالت لا ما اخذ انسان عرج سبحان الله مسافره بسياره وهي راده للكويت تعرضة اهي واهلها لحادث سياره وانقطع ساقها سبحان الله وهي على وشك الزواج الله لايرضه بظلم والتشمة بالاخرين


دمتي لنا سالمه ان شاءالله من كل شر يارب


فمان الله

[شوفو شموخي]

فيوليت

الاروع مرورك يالغلا انا ماقصدت الخاطب انا اقصد اهله مثل ولد عمه مدمن او له سوابق!!


ترضين الارتباط فيه؟؟ وليه؟؟

انا في نظري انه كل انسان يعبر عن نفسه والخطأ مايتورث

وياما شفنا عوائل من ارقى المجتمعات واولادهم الله يستر علينا وعليهم

وفيه اسر متفككه وفيها مشاكل لكن يطلع منهم شباب ينحطون على الراس

انا ضد مقولة ((الحب يطلع على بذره))

[شوفو شموخي]

اخوي فيرووس

احترم وجهة نظرك لكن انت رفضت لارتباط بالبنت لانك عرفت انه اختها تحب؟؟

طيب لما تتقدم لوحده في المستقبل بتقعد تسوي فيش وتشبيه لكل اخواتها؟؟

على الاقل هذي عرفت عنها وتأكددت طيب يمكن تاخذ وحده وماتعرف عنها شي لكن ماضيها كان حافل!!

بصراحه انا تعجب من تفكير الشباب اهم شي انه اللي بيتزوجها مايعرف عنها شي مع انه في قرارة نفسه


يدري وواثق انه من الممكن انها حبت قبله!!

[شوفو شموخي]

الزعل

يشرفني مرورك لكن اختلف معاك انه القطاعه تورث((طلعت قانون مندل جديد))؟؟؟


القطاعه والوصل ترجهع للشخص نفسه وانت تشوف في البيت الواحد اولاد من بطن واحد وفيهم عفوا الصايع

ولملتزم!!صح؟؟


يعني التعميم غلط وحرام نحمل احد ذنب غيره


وبالنسبه للقصه اللي ذكرتها من حق البنت انها ترفض ترتبط بانسان عنده عيب خلقي وهذا من حقها

وعشان كذا نحطت النظره الشرعيه


مو من باب الشماته لكن هي حره في وضع مواصفات زوج المستقبل

هذا الولد اذا يخطب يتشرط بيضاء وطويله ومع غلاء الاسعار موظفه:)


حرام نحكم على فرد بالذنب لغلط سواه سابع جد!!