هل الزوج يقدر زوجته العاملة عند عودتها للمنزل؟

[بنت فضل]

السلام عليكم ورحمة الله ..

هل الزوج يقدر زوجته اللي تقعد من صباح الله خير وتطلع تشتغل بره البيت 8 ساعات دوام بالاضافة الى الساعات الاضافية ؟..

واذا ترد البيت تغسل وتنظف وتكنس وتراعي أمور عيالها وتسهر .......

كل هذا طبعا وما تنام الظهر ..

وهو يطلع يروح الشغل شبعان نوم واذا يرد من الشغل ينام الظهر ..


وبعدين نلاحظه يعنفها بسبب التقصير في بعض الامور!!


هل الزوج يقدر هذي الزوجة؟


الكلام في هذا المجال طويل ولكني سأتركه لكم..


اعزائي الأعضاء

أذا انت متزوج شنو طريقة تعاملك مع زوجتك اذا ترد من الشغل؟ وشنو احساسها النفسي بوجودها معاك ؟


واذا انت متزوجة وتشتغلين شنو طريقة تعامل زوجك معاكـ ؟

هل تشعرين بالراحة في المنزل بعد ارهاق العمل خارج المنزل؟

أو ان المسؤوليات متراكمة عليك؟



مع تحياتي
بنت فضل ؛؛؛

[*TanTosHa*]

أكيد في بدايه الزواج ما راح يكون في مسئوليات وايد ..

اثنينهم يروحون الدوام ويردون ويساعدون بعض في شغل البيت ..

مو معقوله المرأه تسوي كل شــي لازم الريال يساعدها ..

وجيه البيت يكون متوازن والضغط متوزع ..

اما اذا يابو يهال ..أكيد المرأة راح تنضغط أكثر ..بس المرأه الذكيه ما تخلي كل الضغط عليها وريلها قاعد حاط ريل على ريل ..

لا لازم توزع شغل البيت بينها وبين ريلها ..

مثلها ريلها يراقب اليهال واهيه تعدل البيت ..

وفي ناس تييب خدامه عشان تساعدهم بلبيت ..وطبعا انا ضد هالشي لو شنو يكون الضغط كبير ..

وأكيد الزوج لازم يتفهم مرته ويساعدها ..

ومن الرجوله انه يساعدها اصلا ..مو مثل بعض الرياييل يقول انا ما نزل من مستواي واساعد مرتي بشغل البيت

مادري شفيها يعني اذا ساعدها بينقص من مستواه ..؟

بلعكس مرته بتحبه زياده ..

بنت فضل

اشكرج على الطرح الحلوو

وما تقــصرين

نورتي القسم ..

..
..

[البحر الهادي]

بنت فضل

اولا الحمد لله علي النعمه الي نحن فيها ما فيه بيت يخلي من خدامه هذا اولا

اما بخصوصي اذا ردت زوجتي للبيت وانا موجود الحمد لله استقبلها بابتسامه
واقولها بسرعه نجبي الغداء والحمد لله مرتاحين بحياتنا و مستانسين
وذا العكس اجي للبيت اجد زوجتي وبناتي ينطروني علي احر من الجمر عشان يتغدون مو حبا فيني
لا اضحك ههههههههههههههههههههههه
ينتظروني بلهفه وحب واشتياق
اختي احلي شيء عند الزوج اذا شاف زوجته تخدمه وتتعب علي راحته
يزيد غلاها ويتمسح في حبها ويحمد ربه الذي رزقه هذه الزوجه
ولا يبخل في ابتسامه وحب وعطف لها بل يشاركها بمشاعرها و حبها له
حتي لو مرضت او تعبت لا يضغط عليها في البيت والاولاد بل يحاول ان
يساعدها بالذي يقدر عليه

تسلمين
البهلوان

[ViOliet]

هلا حبيبتي

واذا انت متزوجة وتشتغلين شنو طريقة تعامل زوجك معاكـ ؟

الحمدلله ما اشتغل ... و ليش اتزوج ان ابغى اشتغل ؟ خللي الرجال يشتغل

و خللي المرأة تحافظ على انوثتها ...هذا رأيي أحس ينقص من انوثتي ...

لأنه لو اشتغلت المرأة مستحيل الرجل يقدر ... و يعاملها كند له


هل تشعرين بالراحة في المنزل بعد ارهاق العمل خارج المنزل؟

لو كنت اشتغل ؟ لا طبعا كيف ارتاح و متى ؟ ابغى اكون امرأة فقط

أو ان المسؤوليات متراكمة عليك؟

لو كنت اشتغل لا ما اظن الشغل يتراكم علي لأني حأرجع اشتغل في البيت

ما اقدر اخللي شغلي يتراكم علي .. بطبعي ... بس حأتهد لأني ما اقدر انام و لا ارتاح مضبوط

شكرا يا قلبي ع الموضوع الرائع امتعتيني و من سبق و رد .. تحياتي ..

[فيرووووس بنـ؟ـات]

اعتقد اني لو متزوج والعياذ بالله..


وزوجتي كانت تشتغل فسأقدر وضعها وارحمها بشل ودي وحبي بس لو شفتها منشغله عن البيت وتاركه شغلها

لغيرها ... فسيكون لي معاها حسااااب قاسي يمكن اخليها تترك الدوام لو شفت منها تقصير ..... بس لو عيت

وشفتها تبي الدوام اكثر وشايلها هم الدوام اكثر بسوي لها مفاجأه واجيب لها هديه بسيطه شرعيه ..

اتزوج عليها وحده موموظفه واخليها تحس بالبيت اكثر وتدللني اكثر

بس صدقيني لو شفتها عادله وبالمواصفات اللي قلتيها اول صدقيني بحطها في القلب وعلى الراس

مشكورة للموضوع ويعطيج العافيه

[HoNeY RoSe]

ياختييييييييييييييي

فيروس ببنات انت مافي مني مناك

هديه بعد خخخخخ


,,,

المهم نرد للموضوع
لو كنت متزوجه واشتغل
ان شاء الله ماراح اقصر اسوي شغلي من الليل او اقعد من الصبح وارد من الدوام ابتسم عشانه اذا يستاهل مايستاهل اتغدا واغدي عيالي ونام واهو ياكل بروحه :p

وينجب للروحه

مشكوره حبيبتي

[بنت فضل]

الاعضاء

*TanTosHa*

البهلوان

ViOliet

فيرووووس بنـ؟ـات


HoNeY RoSe


يسلموا على مروركم الرائع


اسعدني تواجدكم


تقبلوا تحياتي

بنت فضل ؛؛؛؛

[Cute Baby]

أنا أشتغل واعاني من الشغل لاني ارد تعبانه وابي انام ومالي خلق اسوي شي بس اضطر علشان زوجي اني اييب من بيت امي غدا او من مطعم او اكون من الليل مجهزه شي حق الغدا
ووايد وايد اعاني من الدوام ووايد اغيب والسبب اني لازم اهتم بزوجي وبيتي
لاني الزوج والبيت عندي من اولوياتي

والمسئوليه تتراكم اذا اجلت الشغل وانا الحين حامل وماعندي خدامه الله يعيني
:( اتعب وايد ودايما اجازات ومرضيات وغياب من دوامي

بالنسبه لي انا اتمنى اني القى واسطه واقعد بالبيت ونفس الوقت اسمي مداومه بس علشان ماقصر مع زوجي وبيتي

وشكرا

[بنت فضل]

كيوت بيبي ..
مروركـ..اسعد قلبيـ..
وكلماتكـ.. اخجلت احرفيـ..
فاشكركـ.. من اعماق قلبي
ع التواصل الرااااااااااااااااائعـ..
الذي يزيد صفحتي تألقا
وعافاكـ..الله
ولاحرمنا هذا التواجد

بنت فضل ؛؛؛