متى تسويها!!!

[شوفو شموخي]

:brokenheart:

بسم الله الرحمن الرحيم



اشعر باهمة هذا الموضوع لذلك احببت طرحه عليكم واتمنى اسمع ردودكم وتعليقاتكم عليه

متـى تبتعد عن مـن تحب في حيـاتك؟؟!!





ليس من السهل ان تجد نفسـك امام هذه الخيـار

" الأبتـعاد عن من تحب "

قد نلجأ في حيـاتنا إلى مثل هذه القرار المصيـري ,,


" انهاء علاقه صداقه ,, الأبتعاد عن حبيب "


لأسباب مـا .. وتختلف هذه الأسباب من شخصاً الى شخص ..


ان مثل هذه القرارات تحتاج الى شجاعه

لكي تقدم على هذه الخيـار من دون تردد


هل سبـق لك وان ابتعدت عن حيـاة شخص مـا ؟ لماذا ؟

[البحر الهادي]

شوفو شموخي

الابتعاد شيء صعب ولكن لابد منه اذا

الصديق -- اذا حسيت انه غير متقبل لصداقتي
اما
الحبيب -- اذا عرفت سعادته مع غيرك ابتعد وادعيله بالتوفيق
-------
هل سبـق لك وان ابتعدت عن حيـاة شخص مـا ؟ لماذا ؟


منسي من زمن بعيد
كل الشكر شوفو شموخي

البهلوان

[nawal]

هل سبـق لك وان ابتعدت عن حيـاة شخص مـا ؟ لماذا ؟

حصل ^^ لاسباب كثيره يا شموخي لا يسعني ذكرها

بس صدقيني هو الخسران بالنهايه

لانه خسر قلب كان يتمنى قربه



فديتج


موضوعج حساس عور قلبي

[mshtaga]

هل سبـق لك وان ابتعدت عن حيـاة شخص مـا ؟ لماذا ؟
نعم شوفوووو
ولااسف امس
والى الان لم اعرف السبب من اعز صديقاتي
واهي اللي اختارت الفراق
والى الان لم اعرف السبب وللعلم صداقتنا طويله جدااااااااااااا
شكرااااااااااااااااااااا

[شوفو شموخي]

البهلوان

بصراحه انذهلت من اجابتك انك تنسحب وتخليها ترتبط في غيرك لانها بتكون سعيده!!ماشاء الله قمه في الايثار

الله يكثر من امثالك:)

[شوفو شموخي]

اسم الله على قلب نويل:)

حبي اكيد هو الخسران وبيجيه يوم ويندم لكن مايهمك يجي يوم وتعرفين انك اسأتي الاختيار وجاك الجرح من ناس


لئيمه!!!!

وكل دقه بتعلومه:)

[شوفو شموخي]

مشتاقه

نصيحه لك مني انا عشت الوضع نفسه اول شي حاولي تعرفين السبب منها واذا ماعندها سبب تأكدي

انها ماتستاهل حتى تقولين عنها صديقه لانه الصداقه اسمى من كذا بواجد!!!

بجد ذكرتيني بوحده لعبت فيني لعب وكانت اقرب انسانه لقلبي ولاحظت تغيرها علي ولما كنت اسألها تقول

مافي شي يغيرني عليك وانا متأكده انها تغيرت بعدين سقطت الاقنعه وعرفت انها ماتستحق اني انزل دمعه


عشانها لأني وبكل بساطه كنت مخدوعه فيها!!

والحين ماتعني لي شي وصارت واحد من الناس!!

تدرين نصيحه من اختك الكبيره لاتعلقين نفسك في حبال ذايبه اول ادرسي الشخصيه بعدين يصير خير


الحياه ماتنتهي عند فراق شخص!!!

[Demon of Dark]

هل سبـق لك وان ابتعدت عن حيـاة شخص مـا ؟ لماذا ؟
اي عادي وصارت قبل فتره
ومايهمني لان الشخص اللي مايحترمني ويفهمني عدل
افضل شي نبعد عشان ماتصير شغلات ماتعجبني
وهذا واهي من رفيجاتي المقربات لي وايد

يعطيج الف عافيه ع الطرح الروعه قلبو

[شوفو شموخي]

يعافيك ديمون


اكيد لازم الواحد يبعد لما تحسين انه الطرف الثاني مايستاهل او انه لئيم ولعاب بس يبيلها قدره هائله


و المشكله لما تكتشفين بعد عشره طويله انك مخدوعه هنا العشره ماتهون والذكريات تذبح!!!

[البحر الهادي]

شوفو شموخي

الحين اقدر اشطب اخر الاسطر بعد قرائتك لها
لانها ماضي فيني ولا اريد ان اتذكره

كل الشكر

البهلوان

[مينونه صاحيـه]

متـى تبتعد عن مـن تحب في حيـاتك؟؟!!

- الشي هذا صعب وهو البتعاد عن شخص تحبه وانت تدري انك مراح تعيش من دونه صدقيني كلمه تبتعد صعبه شلون لو تصير صج بس فوق هذا راح اقولج راح ابتعد عنه اذا حسيت او عرفت اني راح اسبب له مشاكل في حياته راح ابتعد عنه واذا عرفت انه سعاده مع غيري هم راح ابتعد عنه لاانه اللي يحب مايكرهه ويتمنى لحبيبه السعاده معاه او مع غيره ...

هل سبـق لك وان ابتعدت عن حيـاة شخص مـا ؟ لماذا ؟

نعم ...
- بصراحه حاولت وماقدرت لاانه هل الشخص عزيز علي ويسوى نظر عيني والله لايجيب اليوم اللي راح ابتعد عنه ...

يعطيج ألف عافيه حبيبتي عالموضوع اللي يعور القلب بصراحه ...

ولا تحرمينا من مواضيعج وطلتج علينا يالغلا ...

ودمتي كما تحبين ...

مينونه ميشووو

[ViOliet]

متـى تبتعد عن مـن تحب في حيـاتك؟؟!!

عندما تضطرني الظروف

هل سبـق لك وان ابتعدت عن حيـاة شخص مـا ؟ لماذا ؟

حصل و ابتعدت مجبرة عن اغلى و اعز ناس على قلبي " اطفال " لأني ما قدرت ارتبط بوالدهم

و اتزوج انسان ما اريده ... مع اني افديهم بروحي ...

و لهادي اللحظة و احاول اقنع نفسي ...

تسلمي حبيبتي ع الموضوع

[عنوسه ^_~ ماتهاب]

هل سبـق لك وان ابتعدت عن حيـاة شخص مـا ؟ لماذا ؟


موضوع حلو

الابتعاد صعب جدا

لما يكون غالي


ولكن سهل جدا لما تنصدمين منه مهما كان صديق او حبيب


الصدمه او خيبه الامل
او لما تكتشفين انه عكس الي في بالج
يكون اسهل شي بالدنيا فراقه

والندم علي كل لحضه


صدقتيها فيها


فـ المساله كلها تتوقف علي السبب

ان كان اجباري غصب عن الطرفين راح يكون مؤلم

وان كان بعد صدمه اسهل ما يكون وافضل ما يكون


:)

[دنووش]

الابتعاد صعب جدا

لما يكون غالي


ولكن سهل جدا لما تنصدمين منه مهما كان صديق او حبيب


الصدمه او خيبه الامل
او لما تكتشفين انه عكس الي في بالج
يكون اسهل شي بالدنيا فراقه

والندم علي كل لحضه


صدقتيها فيها


فـ المساله كلها تتوقف علي السبب

ان كان اجباري غصب عن الطرفين راح يكون مؤلم

وان كان بعد صدمه اسهل ما يكون وافضل ما يكون


برااافو عنووس ..والله قلتي اللي كنت راح اقوله ..

يعني ع السبب ..

انا جربت هالشي 3 مرات ..مايمديك مو؟

اولهم من وحده كنت اغليها حيل واحبها واعتبرها تؤام روحي ..وطلعت هي اللي تسعى لشقائي ..والاغرب انها تصير لي ..بس للأسف نست كل شي حلو جمعنا ..بس فراقها سهل لانها هي اللي بغت كذا ..
فيه مره كانت هي الاصعب لما اخترت انا الفراق ..وتبقى الاصعب دائما ..وللحين يحز بخاطري ..لان السبب كان قهري وصعب اني اتجاهله ..مع اننا كنا صادقين بس ياله مكتوب ..
واخيرا قبل فتره صار فراق ..وكان اسهل مامر علي لاني اكتشفت كذب الطرف الثاني ..واللي مايستاهل حتى التفكير فيه ..او حتى ينذكر هنا ..بس بما اني قررت اجاوب ..لابد يكون بالصوره لانه صوره للشخص اللي يحتوى اسوأ الصفات ..

تحياااتي شوفو ..

[شوفو شموخي]

البهلوان

حتى لو شطبت الاسطر من صفحتي راح تبقى محفوره في ذاكرتك

انت انسان واعي ومثقف واللي سويته شي تفتخر فيه ويدل على طيبة القلب والتضحيه

الماضي راح بحلوه ومره ربي يخليك لعيالك وامهم:)