الواجهات البحرية والنظافه ..

[*TanTosHa*]

بسم الله الرحمن الرحيم ..

في موضوعي اليوم راح أتكلم عن ظاهره شوهت منظر الواجهات البحرية ...

لو تلاحظون انه ايام العطل دايما الجنسيات الغير كويتيه يكونون قاعدين
بالواجهات البحريه الي يشوي والي يايب أكله معاه ..

أبيكم تشوفون منظر الواجهه بعد ما يروحون ..

متروسه وصخ بكل مكان ..وما أشوف أحد شال وصخه معاه ..

انزين يعني انتو يايين تستانسون ..ليش ما تنظفون وصخكم بعد ما تخلصون ..

بصراحه هالشي وايد يضايقني ..

بدال لا يحافظون على نظافه الدوله يوصخونها ..

المفروض يكون في رقابه من الدولة تخفف من هالظاهره وغير هذا يكون في غرامه عشان هالنوعيه من الناس يهتمون بالنظافه غصبن عليهم ..

لو كنت أنت بتطلعـ بمكان عام مع عيالك أو أفراد عايلتك
راح ترمي الاوساخ وما تهتم ..؟
أو انك تمنع اليهال من انهم يوصخون ولا عادي عندكـ ..؟
وشرايك بفرض قانون الرقابه والغرامه للي يوصخون ؟

..
.

*TanTosHa*

:hearts1:

[البحر الهادي]

تن توشا
والله شيء يبط الجبد صج الي نشوفه علي الواجهه البحريه
شيء غريب تقول مو بالكويت قاعدين الوصاخه تارسه الشاطيء
تقول ناثرين الزباله فيها لا وكل شيء تشوفه من الي
يعني انت ايها الشخص ليش ما تشيل زبالتك معاك وترميها
في مكانها الخاص ليش تخليها وراك
بس والله ما الومهم الوم الي مخليهم علي كيفهم وقلت الرقابه علي الشواطي
انا اتكلم عن العموم مو بس الاجانب حتي منهم من اهل البلد
اتمنا ان يحطون مراقب والي يشوفه يخلي مخلفاته علي طول يعطيه مخالفه
والله ما تالقين احد يخلي زبالته في مكانها عزكم الله
اما بخصوص السؤال ظ
لا طبعا لا بد من الواحد ان يكون نظيف ويعلم اهله واولاده النظافه في المكان الي يتواجدون فيه
وهم شنو يبون يسوون بس يجمعون مخلفاتهم ابكيس ويحطونه في المكان القمامه بس
شنو يبون يصنعون ذره كله كيس
بس اقول لا بد من الرقابه و الغرامه لا بد منها
كل الشكر
البهلوان

[*TanTosHa*]

البهوانـ

والله انا باطين شبدي ..
يعني وصختو شيلو زبالتكم ..
ماكو لا نظافه ولا شـي ..:confused2:
اي والله حتى اهل البلد ونت الصاج ..

نورني تواجدكــ الحلو
ألف شكــر لكـ
وما تقــصر

..
.
.

[mshtaga]

تنتوشااااا
موضوع رائع
والله هالشي حددده مشوه منظر البحر
حتى اذا بغى الواحد يقعد ما يلقى مكان نظيف الوصخ بكل مكان
حتى داخل البحر تلاقين الوصخ
واكيد اذا كنت طالعه ما راح اخلي الوصخ حدددده فشله
بس اتمنلى تكون هناك قوانين صارمه عشان يحرومن يقطون زبالتهم
والله الواحد ما قام يروح البحر والسبب هم
شكرااااااااااا

[*TanTosHa*]

مشتاقه

..

اي والله حرام شوهو البحر
احنا بروحه ما عندنا غيره ..
..

ثنكس على مرورج العسل
نورتيني
ما قصرتي

..
.

[HoNeY RoSe]

اييييييييييي

اذكر اللعام بالصيف كنا رايحين مع اهلي

انا اذا اروح البحر احب امشي بدون انعال ( مكرم القاري:D)
ودست على شي شق اريولي :(
مايسوى عليي
وغير انهم يحفروون ويقطون الجمر الي يشوون علييه في الارض .. وياما سمعت قصص بسبب هذا انه يهال يلعبون ومايدرون انه فيه جمر ويحترقون


لو كنت أنت بتطلعـ بمكان عام مع عيالك أو أفراد عايلتك
راح ترمي الاوساخ وما تهتم ..؟
أو انك تمنع اليهال من انهم يوصخون ولا عادي عندكـ ..؟
وشرايك بفرض قانون الرقابه والغرامه للي يوصخون ؟
لا طبعا لانه هذا يدل على ان الي يرمي الوصخ وسخ ابيته وبره بيته ..
يعني يتعب يقطة بالزباله او تعوره ايده .. اصلا في هنود يفترون بالبحر اعطوهم اياه اذا تتعبون يعني ^^


والله خوش قانون مو بس بالبحر حتى بالشوارع والاماكن العامه الناس ماتيي الا بالعين الحمره :D'


مشكوره حياتي فديتنج:p

[قـمـر]

ما لومج خيتوو تنتوشه


توني راده من السوق ولما تعبت من المشي قلت اقعد مع عيالي بستار بكس


تصوري العايله الكريمه قامت والا الوسخ والقراطيس والجياس من عقب عيالهم


والام حتي ماتعبت روحها تقول لخدامتها شيلي الوسخ


طبعا تضايقت حيل من المنظر لاني اول مره اشوف جذيه حسيت ان هالعايله مو مهتمه



وصدقيني اخذيها قاعده النظيف والمرتب دايما نظيف سواء ببيته او بره


واللي يقط علي الارض هذا بالاساس مو مرتب ومهمل






ولازم نرفع شعار لهالفئه من الناس ونقولهم


(( نبيــــــــــــــها نظيــــــــــــــــــــفه ))




يعطيك العافيه حبوبتي تنتوشه عالموضوع الحلو


اختك

قمر

[SuL6aN]

تنتوشه

يـ ع ـطيج العافيه ع الموضوع

. . .

بالنسبه حق السؤال الأول .. اكيد لأ

بالنسبه حق سؤال الغرآمه .. انا بصراحه من المؤيدين لفرض

غرامات وعقوبات ولكن بشرط انها تكون ع الجميع مو بس ع المقيم . . !!

علـىى سبيل المثآل .. الحين بريطانيا اذا المواطن البريطآني واهوه بسيآرته وقط شي بالشارع

يخالفونه وهذي عليهــآ 3 نقآط ووالليسن عندهم يسحبونه اذا صار عليه 8 نقآط شوفي

يعني المخالفه كبيره . . .

ومايطلع الا بطلعة الروح عندهم اذا انسحب . . يعني ماكو شغل واسطات . . شعوب متطوره

ـ ـ ـ ـ

انا بعلق على موضوع صغير الي اهوه موضوعج

انتي قلتي ان الجنسيات غير الكويتيه

اهيـآ السبب . . ؟

يعين الحين الكويتيين مايسوون جذي . . ترا الكويتي اهوه الي يسوي جذي ومايهتم يقولج

انا كويتي عاادي . . .

سؤالي اهوه .. ليش هالعنصريه ونشوف ان الكويتيين مايسوون شي غلط . .

شـ ع ـب الله المـ خ ـتآر << =- =- !! !!! !!

احنا لو الله يفكنا من هالعنصريه احنا بـ خ ـير

تسلمين مره ثآنيه . . .

ـ ـ ـ ـ ـ

[Cute Baby]

انا من المؤيدين للغرامه واحس الناس تستاهل ان يدفعون لان الحين مو بس الواجهات البحريه حتى الشوارع نمشي ونشوف الزباله تتحذف من السيارات ومن اللي يتمشون ولا واللي يفتح باب سيارته بالسياره ويتفل قطيعه تقطعهم الودرين
ايون من ديرتهم يبون يترزقون ويوسخون ديرتنا
وانا اؤيد اللي قبلي ان مو بس غير الكويتيين يوسخون حتى بعض الكويتيين نفسهم يوسخون

وشكرا

[*TanTosHa*]

هوني روز ..

عدلـ كلامج صار الوصخ بكل مكان مو بس بالبحر وهالأماكنـ ..

..

ألف شكــر لجـ على طلتج العـــسل
نورتيني بتواجدجــ
وما قــصرتي

...

[*TanTosHa*]

قــمر..

اي والله
يعني خدامتكم وياكم خلوها تنظف ..
لا ماكو احساس..

..

مشــكورة على ردج العــسل
ونورتيني
ويعطيج العافيه
ما قصــــــرتي

..
.

[*TanTosHa*]

Beckham&&England

..

دايما قوانين الدول البره أحســن ..
ولو فــي قوانين صارمه جان ما صرنــأ جيه ..

بالنسبه حق الملاحظه انا قلت غير كويتيين لانه أغلب الي يقعدون هناك غير كويتيين ..

بس هم لو تلاحظ بردي على الاخ البهلوان كتبت ..

اي والله حتى اهل البلد ونت الصاج ..

..

مشـــكور على تواجدكــ الرؤع ــه
نورتني
ويع ــطيكــ العافيه ما قصــرتــ ..

..
.

[*TanTosHa*]

cute baby

...

يفتح باب سيارته بالسياره ويتفل قطيعه تقطعهم الودرين

لوول لا تعليق

اي والله صح كلامج ..

لا نظافه ولا شــي ..

وانا هم مع القوانين وبشده ..

..

ألف شكر على تواجدجــ الرائع ــ ..
ويع ــطيجـ العافيه وما قصــرتي ..
نورتيني

..
.