وين البراءة في عيالنا !!!

[بنت فضل]

السلام عليكم

موضوعي باين من العنوان

وين البراءة في عيالنا !!!

قبل احنا في الابتدائي ذبحتنا صور الكارتون والمسلسلات الكرتونيه ((ليدي اوسكار..كابتن ماجد...توم سوير..لولو الصغيرة...القناص....ليدي ليدي...سالي...جازورا...الحوت الابيض..الماسة الزرقاء...قرانددايزر..الرغيف العجيب...وغيرهم ))من الكرتونات العجيبه الي الصراحه فيها عبر كثيره استفدنا منها واحنا اطفال

اما مسلسلات الكبار وغيرهم ماكنا من المتابعين عدل لها يعني اذا بنتابع بنتابع مسلسلات مثل ((حسن ونور السنا...خرج ولم يعد...على الدنيا السلام...خالتي قماشه..وغيرها من المسلسلات))الي صج هم فيهم عبر ومافيهم شي يخدش الحياء مثل مسلسلات الحين للاسف

وكنا صج صج على نياتنا لي ماوصلنا الاعدادي وجريب الثانوي قعدنا نفهم امور الكبار وغيرهم

بس الحين لا اله الا الله عليهم عيال الحين من الابتدائي صارو فطينين بامور الكبار وحتى نظراتهم نظرات اشخاص كبار..وقامو يتابعون هالمسلسلات الي الصراحه ماتليق لهم ولا بسنهم...ولما يتابعون مسلسل كارتوني ياويلي من هالمسلسلات كلش مالهم عبر كله طق مطاقق..وتذبح وحروب..وحبني وحبك..وبوي فريند وقيرل فريند...شنو ذي؟؟؟

وين وصل المستوى الاعلامي للاطفال؟؟؟!!!
شنو سبب فقد البراءة عند عيالنا؟؟؟!!!
صار الطفل ينقاله لما يكون بالروضه ولما يدخل المدرسه خلاص يصير عود وهو توه بو 6 ولا 7 سنين

شنو الاسباب برايكم؟؟واشلون نقدر نحمي عيالنا من الغزو الثقافي عليهم؟؟؟
ابي نتكلم في هالموضوع الي اعده خطير على مستقبل هالاطفال؟؟؟وطريقة ممارستهم حياتهم اليومية...

في انتظار مشاركاتكم وآرائكم
يحفظكم ربي

بنت فضل؛؛؛

[ViOliet]

مرحبا حبيبتي

هاده كلام ما ينطبق على كل الأطفال

فالبيئة لها دور و الأسرة لها دور ... و العصر له دور

و اروع مافي الطفل براءته ...

[البحر الهادي]

بنت فضل

كنت مره قاعد عند بناتي ويتابعون فلم كرتوني ما اعرف اسمه البنات 3
الله وكبر علي البنات شوفي اللبس اشلون صاير والحركات البوليسيه
---

الظاهر مو تفكير الاطفال الي تغير تفكير الكبار الذين صنعو هذه الكرتون والمصيبه الذين يستقبلونها لاولادنا وهم منا
هل نمنع اطفالنا من مشاهدت الافلام الكرتونيه
هل نتابعهم في فراغهم ولا نذهب الي اشغالنا او لا ننام والسبب افلام كرتونيه
هل نغلق التلفزيون ونسكر عليه

طبعا لا لا لا
الحل ؟

كل الشكر


البهلوان

[*TanTosHa*]

في وايد اسباب ..

أولها المسلسلات الكرتونيه والتلفاز ..

المفروض يكون في مراقبه من قبل الوالدين على هالاشياء ..

لانه حتى المسلسلات الكرتونيه بعضها لا تعــليقـ ..

وغير هذا العصر وتغير الزمان الى الأسـوأ ..

صار كــل شي عادي والانفتاح ..

وبعدين التربيه لها دور كبير في تنشأه ألأطفال ..

وتغير طباعهم ..وتربيتهم تربيه اسلاميه صحيحة ..

بنتــ فضل ..

مشكـؤرة على الطرح المميز
ويعطيجـ العافيه
وما تقـصرينـ

..
.

[mshtaga]

تسلمين بنت فضل
فعلا الواحد قام يخاق بهالوقت حتى من المسلسلات الكرتونيه
اختي لان الزمن تغير والتفكير تغير معاها بمعنى التطور
الله يستر من هالتطور؟
شكرااااااااا

[nawal]

بنت الفضل

عيالنا مالهم ذنب

فهم اطفال تبهرهم الالوان والموسيقى والرسومات

اناالذنب هو ذنب مروجي هذه الافلام للصغار وهدفهم الربح المادي فقط

عيالنا يفهمون مو مثلنا قبل ننبسط اذا حط لولو الصغيره او عدنان ولينا

الآن الطفل ناقد جيد ومتابع جيد

وعلى فكره اطفالنا اذكياء مو اى شي يعجبهم


تسلمين يالغاليه

وعسى الله يحفظ عيالنا من شرهم

[بنت فضل]

الاعضاء الاعزاء الله يخلي عيالكم ويحفظهم من كل شر

ومنورين بردودكم وتواصلكم معي

لا عدمت تواجدكم عبر صفحتي


دمتم بود

بنت فضل ؛؛؛

[حمـوووود وهبـي]

الصاحب ساحب


بعدين مثل ماقالت تنتوشه

بعض المرات الافلام الكرتون

(( الله بالخير ))

وفعلآ

متابعتهم للمسلسلات الحين

عرفتهم على كثييير من الاشياء (( الارف ))


وهذا دليل

على عدم مراقبه الطفل

ويعطيج العافيه على الموضوع 100%

[بنت فضل]

كويت 777

أسعدني تواجدك المميز ومرورك العذب

تقبل تحياتي


بنت فضل ؛؛؛

[فيرووووس بنـ؟ـات]

الفضائيات .... المتوفره ....

التلفونات الرخيصه والانترنت السهل في استعماله .... اسباب اولى لفقد براءه الاطفال وسلبها منهم ...

الابوين يربون صح بس بس

اختيار الاطفال للي حولهم هو الغلط ونظره الباقين للأطفال تثير الاستغراب

يعني ممكن الكبار يغلطون جدام الاطفال ويقولون هذا طفل مايدري عن دنياه ومايدرون ان الطفل يتعلم...

وعقله قابل لأي معلومه تخطر في باله يسلمو لج ويعطيج العافيه

[بنت فضل]

فيروس بنات؟؟..
مروركـ..اسعد قلبيـ..
وكلماتكـ.. اخجلت احرفيـ..
فاشكركـ.. من اعماق قلبي
ع التواصل الرااااااااااااااااائعـ..
الذي يزيد صفحتي تألقا
وعافاكـ..الله
ولاحرمنا هذا التواجد

بنت فضل ؛؛؛