شريكـ حياتكـ عقيمـــ

[ScReAmQwEeN]

مساء / صباح الخير

شفت موضوع واايد عجبنــي في أحد المنتديــات ..
حبيت أخذ رايكمـ فيــه ..

الســؤال هــذا موجــه لشبــاب والبنـــات ...


نفترض انكمـ تزوجتوا .. .. وكتشفتوا بعد الزواج أن شريك حياتكمـ ((عقيمـ))

ماذا ستكون ردة فعلكمـ ؟؟

هل ستستمرون بالزواج ؟؟ وتختارون التضحيه بأعظم شعور ((الأبوه والأمومه ))
أمـ تختارون الأنفصال ؟؟


علماً بأن شريك حياتك كان هو حب حياتك .. ..


يالله أبي مشاركاتكمـ ..


تقبلوا محبتي وأحترامي ..

سكريم كوين

[nawal]

سكريم


عن نفسي طبعا لو كنت احب زوجي او لا

سـ أبقى معه للأبد

ولن اطلب الطلاق نهائياااا

العقم

من رب العالمين>>> شنو ذنبه الزوج؟؟

واذا حبيت اعيش دور الامومه

اروح وآخذ طفل من (( اولاد الدوله)) اكسب أجر فيه

وبنفس الوقت احبب زوجي في الطفل هذا

واخليه يعيش دور الاب معاه:)


موضوع جميل وحساس جدا

سلمت يداك يالغاليه

[ScReAmQwEeN]

تسليمن نوال .. على مشاركتج ..

رأي حلووو .. ..

ويعطيج العافيه

[البحر الهادي]

مرحبا

انا طبعا لا لن اتخلا عنها طبعا واحاول بكل جهدي
ومالي بالعلاج

واذا لم يكتب نصيب

اكون صريح معكي سوف اتزوج من امراه ثانيه
مع الاحتفاظ بزوجتي الاولي والتمسك فيها لابعد الحدود حتي لو تطلب الانفصال
لان الاطفال زينة الحياة الدنيا ومتعة الوالدين فيهم وهم من يحملون اسمي بعد مماتي
واذا الله حط فيهم البر لنا سوف يرحمون ايضا زوجة ابيهم وهي الاولي ويخلونا مثل امهم

اللهم فرج عن المسلمين والمسلمات الذين يتمنون عطفك ورحمتك بالانجاب يا سميع يا رحيم


البهلوان

[شوفو شموخي]

انا مراح اكون مثاليه لأني حلمي الامومه من وانا صغيره والحمدلله ربي رزقني ويارب يجعلهم قرة عين لي

في الدنيا والاخره ويجعلهم من الصالحين

ولو لاسمح الله كان زوجي عقيم مستحيل استمر معاه لان الرجل في غيره لكن الضنى غالي وماله عوض

[فيرووووس بنـ؟ـات]

نفترض انكمـ تزوجتوا .. .. وكتشفتوا بعد الزواج أن شريك حياتكمـ ((عقيمـ))

ماذا ستكون ردة فعلكمـ ؟؟

قضاء وقدر .... ولا اختلاف على امر ربي ..... واحاول اعطيها الكثير من العطف عشان لاتحس بالنقص ...

هل ستستمرون بالزواج ؟؟ وتختارون التضحيه بأعظم شعور ((الأبوه والأمومه )) أمـ تختارون الأنفصال ؟؟

انا شخصيا اكمل الزواج لان سنه الحياه الزواج .... وقصدي في الزواج مو بس العيال بس هم الستر على هالفتاه

اللي عطتني حياتها واغلى ماعندها ... بإسم الزوجه


بس لي ملاحظه .....

لو كنت ارغب في العيال اقدر اكمل الشرع حبتين ... واخذ زوجه اخرى تجيب لي طفل يحمل إسمي .... بس ...

احاول اعدل بينهن وصعب ارضاء الثنتين بس قسمتي ونصيبي ....

ولو ماجابت الثانيه امري لله واخذ الثالثه لو كنت ارغب في طفل بس اعتقد بتنسد نفسي عن الزواج بعد الثانيه ...

يسلمو لج ويعطيج العافيه سكريم

[ViOliet]

مرحبا حبيبتي

بكل صراحة انا بنت و ان اتزوجت ،و كنت انا العقيم

هو حيتزوج و ان كان طيب يخلليني معه و ان كان سيء يتركني ... يعني حيتزوج

و انا بدون تفكير ان كان زوجي عقيم حأتركه فورا ... انا اتزوج عشان اعيش حياتي و اكون ام ...

و هذا هو الحب الحقيقي .. مو اعيش حياتي في كذبة كبيرة و كلام احبك و تحبني ..

شكرا يا غالية

[ScReAmQwEeN]

البهلوان +++++++ يسلمو على مرورك ..
وقتلك من قبل أنت انسان راقي حتى بأجاباتكـ

شوفو شموخي ++++ تعجبني صراحتج
وكلامج عين العقل .. وهذا رأي بعد ..


فايروس بنات ++++ ثانكس على مرورك .. ..
وعجبني ردكـ قريب للواقع ..

violiet++++ هلا فيج ياقلبي .. تشرفت بمرورج

[قـمـر]

الحمد لله الله رزقني باطفالي


ولم اعش هذا الموقف


ولكن انصح اي متزوجه لو حصل معها هذا الموقف وزوجها يحبها ترا حرام كسر الخواطر والعقم من الله مو بيده

ولا تفكرين يالزوجه ان حياتك راح تكون افضل بالاطفال وتضحين بانسان حبك


ربما تزوجتي بغيره وتكتشفين مع الايام ان الزوج الثاني لا يحبك نفس الاول والاطفال عاقين فيكم وتجازفين!


فالتضحيه مطلوبه والحب وفاء وعطاء وعهد بين اثنين !

ولا تفكرين ايضا وتخلين الناس تهدم حياتك ويقولون لك لو انتي فيك عقم كان تزوج عليك برد عليك باقولك الزواج حلل للرجل اربع وعياله من زوجه ثانيه هم عيالك وكرامتك عنده محفوضه وبيضل يحبك طول عمره لانك الاولى والافضل عنده!


انا ضد ان المرأه تتطلق من الزوج بسبب الاولاد


لان الحب الحقيقي مع انسان يحترمك ويقدرك ويحبك هو الحياه الحقيقيه وتقدرون تتبنون طفل يربطكم ببعض


هذا رأيي


والاختلاف في الرأي لا يفسد للود قضيه



اشكرك اختي في الله سكريم كوين

اختكم


قمر

[ScReAmQwEeN]

قــــمر ..
ثانـــكس على مرورج .. يالغلا ..

ورايــجــ .. على العيــــن وراســ .. ..

الله يخليلجــ عيالجــ يارب .. ويرزق عيال وبنات المسلمين .. ((في الذريــه الصالحـــه ))

[HoNeY RoSe]

الامومه .. احساس جميل عند البنت

فصعب اضحي عشانه بسهوله

لكن اذا كان الزوج يستاهل التضحيه ليش لا .. ما اطلب الطلاق ونعيش مع بعض


مشكوره اختي

[العميل السري07]

سلام عليكم ورحمه الله وبركاته
تحيه طيبه وبعد ...


قال الله تعالى -(( المال والبنون زينه الحياه الدنيا ))-
فالله سبحانه وتعالى قال ان الابناء هم زينه الحياه الدنيا
فلذلك لو كان الرجل الذي تزوج واكتشف ان زوجته عقيم لا تنجب الاطفال
فواجب عليه الرضوخ لامر الله وواجب عليج العمل لعلاجها
لان الرسول صلى الله عليه وسلم قال فيما معناه (( ما انزل الله من داء الا وجعل له دواء علمه من علمه وجهله من جهله الا الهرم)) اي جميع الامراض لها علاج والعقم له علاج
وقال الرسول صلى الله عليه وسلم (( ماء زمزم لما شرب له )) فعلى من كان عقيم ان يتعالج به وان يشربه واهو ميقن بان الله سيشافيه فيه... (( وحبه البركه دواء لكل داء))....
فالعلاج الزوجه واجب على الزوج ... لانها بشر لها مشاعر
وتحتاج وتطمح واتتمنى ان يكون لها اطفال كغيرها من النساء
.
.
واما الرجل فبامكانه التزوج باخرى.. مع مسك الاولى وعدم تطليقها والمحافظه عليها
فان اتى عليه طفل ...
.
.
فارى من وجهت نظري ان ترضع الطفل امه وزوجه ابيه العقيم
فبذلك يكون ابنا لها بالرضاعه.
.
قد يحتج علي البعض بالقول كيف ترضع وهي عقيم
اقول له انه بامكانها الارضاع
وقد ثبت ذلك بعده وقائع...
.
.
.
فعلى الزوج عدم التفريط بزوجته العقيم وامساكها فلعل الله يكتب لها ابنا منه
ولو كان بعد حيييييييين
وعلى الزوجه العقيم بالدعاء فهو سلاح المؤمن
ولايرد القضاء الا الدعاء
.
.
.
فاللهم ارزقنا وارزق المسلمين ابناء بارين بهم طائعين لهم صالحين في دينهم فالحين في اخرتهم
.
.
.
وشكرا لك على الموضوع.
.
.
اخوكم العميل السري07

فعلى من

[ScReAmQwEeN]

هوني روز ==>> ياهلا فيج .. بصفحتي .. نورتيني

العميل السر ي===>> كلامكـ الصراحـــه يبعث الامل فيني .. ورايكـ عجبني ..
يسلموووو على مروركـ .. شرفتني ..

[s.r.k]

نفترض انكمـ تزوجتوا .. .. وكتشفتوا بعد الزواج أن شريك حياتكمـ ((عقيمـ))

ماذا ستكون ردة فعلكمـ ؟؟


رآح انصدم صدمة كبيرة .. لاني قاعدة اشوف حلم حياتي انهدم جدامي .. و هو حلم الامومة .. و انة يكون عندي عيال مني و فيني .. و من انسان احبه


هل ستستمرون بالزواج ؟؟ وتختارون التضحيه بأعظم شعور ((الأبوه والأمومه ))
أمـ تختارون الأنفصال ؟؟

الصراحة سؤال حساس و الاجابة عليه وآيد صعبة !!

آنا مآبي أقول عن نفسي اني مثالية و اني راح اضحي علشان ريلي ..
بس هذا قضاء و قدر من رب العالمين ماراح نقدر نجدم و لا نأخر بشي ..

بس ..

مادري الصراحة اذا كنت راح اقدر اتحمل و اصبر وآيد

و آنا بالاساس أحلم بإنجاب الذرية و و و و و و ،،،، إلخ

و هم راح يحز بخآطري و مآدري شلون راح تطلع مني كلمة خل ننفصل أو من هالكلام مآادري و ما احب اني أجرح مشاعر أحد بنفس الوقت و ماراح اقدر انسى الايام اللي عشتها معاا ...

و الحياة تستمر ..




و مشكورة على طرحج

[عاشقــ تويتي ـة]

ScReAmQwEeN
عجبني كثير ما نقلتي حبيبتي ..

شـووفي .. كل زوج وإلا زوجة
حلم حياتهم .. الأبوة والأمومة

ولو كان ريلي أهو حب حياتي

راح اصبر عليه صدقيني مستعدة أصبر 7 سنين

بس ما أعتقد بصبر عليه أكثر من هالـ 7 سنين

صدقيني بقعد وماني مخليه ديرة إلا وبروحلها وأعالج نفسي وأعالجه فيها

ولو ماكنت انا اللي قررت الانفصال .. بيتعب أهو من تأنيب الضمير وأهو اللي بيقولي

إن لازم ننفصل .. وبعدين ماراح يرتاح من كلام أهله .. لأن طبعاً احنا ماراح نقول إن العيب منه .. كل تبريراتنا بتكون " ان الله ماقسم لنا العيال ليلحين " عشان جذي
ماراح يتحمل أكثر كلام أهله .. لأن بيعاايرونه فيني <== لأن بيكون ظنهم إن أنا اللي
عقيمة مو ولدهم (( وااايد متأثرة بالمسلسلات والأفلام :icon_cool: ))

عمــووماً .. هذي كانت وجهة نظري
وأتمنى إني قدرت أوصلج الفكرة اللي في بالي

^_^