بسنا منقول ,,اذا تحب مصلحة المنتدى ادخل

[اسير الشووق]

المنفي

بالاول احب امسى عليك بالخير يا من قرات موضوعي

ثانيا شاكر لك تواجدك بالمنتدى وانا احيك على مشاركتك برد على الموضوع

سالفه ان المشرفيين قائمه على واجبهم على اكمل وجه انا متفق معاك فيها
واخص بالذكر الاخت نوال مشرفه قسم المناقشات

المنقول يا حبيبي مطلوب عندنا بالمنتدى ولازم الناس تنقل مواضيع لانك ما تقدر تحدد هذه الظاهره

العرب يا ناقل او منقول

انا واكون معاك صريح ما حطيت الموضوع لاني ابي منع المنقول
لاني عارف ما راح يطبق شئ

بس انا ابي كل واحد رائيه وطريقته المثلى بالتعامل مع المنقول

قلت رائي وتعامل اسير الشووق مع المنقول اذا طاح بيده شنو يسوي

الاخت عاشقه تويتي تقول انا مو دكتور ولا اعرف بالمشتفيات اشعرفني بالبحوث الطبيه
يعني ليش تقول شئ انت مو عارفه شسبب

الا اذا تبي تزيد مشاركتك ما تنفهم الا جذي

المهم على عيني وراسي مشاركتج واحيك على تواجدك بس الموضوع يبي له مرونه
لك خالص تقديري واحترامي
اسير الشووق

[اسير الشووق]

البهلوان

اسعدني تواجدك حبيبي بالموضوع وكل الشكر لك ايها العضو النشيط والمبدع


متفق معاك بكل الي تقوليه

بس اشرايك انا وانت نتفق

القسم العام او كما يسمونه كوكتيل

يمكن هذا القسم الوحيد الي حرام فيه منقول
لانه قسمنا الخاص
قسم كويت 777 الخاص بالاعضاء مانبي اي احد من بره يشاركنا فيه
هذا القسم في اراء اعضائنا وافكارهم ميولهم يعني نجيب افكار من بره ليش ؟

يحز بقلبك لو شفت منقول بالقسم العام تحسه جايب فكر من بره ويحط بقسمنا

قسم المناقشات النقل فيه واضح هليومين بس انا اقول لما ننقل ليش ما نضيف بند او بندين على المنقول

احنا ما ننقل قران عشان بالضبط ننقله

نضيف فكره او فكرتين نتكلم من الموضوع من جهه ثانيه نسلط الضوء عليه من زوايه محد سبقها لنا

يعني ننقل فكره الحوار مو محور الحوار

الاقسام الثانيه
مثل ما تكلم الانترنت ذاخر بالبحوث الطبيه سواء من مواقع طبيه او متخصصه
اجيب منها معلومات ومواد كتابه موضوع واكتبها بالمنتدى بدل لا انقل
اعتقد ماله داعي اشتغل بمستشفى اذا المواد متوفره عندي

احب اشكرك مره ثاني اخوي البهلوان

وتقبل خالص ودي وتقديري لشخصك الكريم

[اسير الشووق]

كويت 777

شاكر لج مرورج على الموضوع

بس بعرف ليش زعلانه ؟

مو قاصدج بالكلام انا ماخذه الموضوع بحساسيه الاعضاء الباقيين يردون عادي بس انتي احسج زعلانه

شنو احنا ما نعرف نكتب ورائنا ابداعتك وبعدين احنا جايين تناقش مو طريقه لنقاش الله يهداج


اذا زعلانه على هلكلام
اشاعه فنانه والله مو قصدي عليج

الاخت عاشقه تويتي صار لها نفس الموقف واخذ الموضوع بروح رياضيه

مو ذنبج وانا ما احملج المسئولية وانه بيغ ديل منج

لا تتضايقين مني واتمنى اشوف رايج مره ثانيه بالموضوع :)
ما اعتبرها مشاركه منج

لكي اجمل التحيا

[اسير الشووق]

ما حب يهاااااااااال

يعطيك العافيه على المرور
والله كنت متوقع منك الكثير لانك اكثر واحد تعاني من هلمشكله يا صاحب المبادرات الخلاقه والافكار

بس شفت ردك مختصر وحسيت تهمش دورك بالمنتدى

معروف ما حب يهال ومعروفه مشاركته

ومشكوره مره ثانيه على المشاركه

[اسير الشووق]

تنتوووووووووشه مشكوره على المروره

وعلى المشاركه الاروع الي قلتيها كله مسلمات :)

ما يحتاج اناقشج فيها

لكي خالص احترامي

[اسير الشووق]

نوال


مشكوره على المشاركه حضورج ومشاركتج شئ يمهني واسعى له بمواضيعي

معاج حق مافي حقوق ملكيه بالمنتدى يا نوال بس قلت اقتراح اشرايج نبحث عن اكثر من مصدر

وبتالي نسوي فلتره واعاده تجديد للقديم ونسوي موضوع جديد

انا تكلمت عن هاذي الفكره

اشرايج فيها في ضوء هذا النقل الاعمى يتم هناك تدقيق املائي وتدقيق على الكلام

والحمد لله بزمن قوقل كل شئ متوفر اكتب الموضوع وانا متاكد ان الموسوعات ما راح تقصر

هاذي وجه نظري وابيج تشاركيني برايج فيها

مشكوره على المرور:)

[اسير الشووق]

هني روز

مشكوره على مشاركتج بس انا اقترحت اقتراااااااااح يمكن تكونين قريته بين السطوووووووور


بس يا اختي يكفي انك تتواصل مع الاعضاء الموجودين بالمنتدى احسن من المنقول

وبعدين اذا تعودنا على المنقول راح ننسى الابداع والنسبه للكتابه صدقيني تجي مع التدريب

اذكر قبل كنا نقول للي ما يعرف يكتب

لما تقول ما اعرف فانت تنقل ومضه عصبيه للمخ فيكون الاستجابه بكلمه مستحيل

ارجع اقول مشكوره على المرور

[اسير الشووق]

دنوووووووووووووووش

مشكوره على المروره ومشكوره لانج معااااااااااااااي


وان شاء الله بجهودج وبجهود الاعضااااااااء بنسوي شئ انا واثق بهل شئ

بس نبدا باول خطوه ان يكون لنا موقف من النقل :)

وبس هذا الي اقدر اقوله

اخوج اسير الشووق

[بوقلبين]

السلام عليكم جميعا

اولا احب اشكر اخوي اسير الشوق وشهادتي فيه وبالمواضيع اللي يقدمها مجروحه

طبعا فكرة او موضوع محاربة المنقول طرحت اكثر من مره وكل مره تنزل بشكل غير
وانا من خلال قرائتي لموضوع اسير الشوق وحسب مافهمت وان شاء الله اكون اصبت الفهم ان زميلنا العزيز اراد من الموضوع تحفيز المشرفين والاعضاء على العطاء اكثر وتقديم الافضل
وليس منع المنقول لان كثير من المواضيع المنقوله مقبوله ومطلوبه بس الاهم هو ذكر المصدر او ذكر انها منقوله
الكثير منا يدخل النت او المنتدى للترفيه عن النفس بعد يوم شاق من العمل بالنسبه للموظفين او فترة نقاهه بالنسبه للطلبه
فما في احد عنده استعداد يطلع من تعب عشان يدش بتعب البحث عن فكرة جديده وصياغة موضوع قد يأخذ من وقته الكثير

كما ان العقليات مختلفه هناك من هو قادر على الكتابه اليومية والاخر قادر على الاسبوعيه والبعض يكتب موضوع بالشهر او بالسنه
الاهم هو التواصل من خلال مواضيع ذات فائدة ومواضيع ممكن الواحد يستفيد منها مهماكانت منقوله او من افكاره
يمكن من الاراء اللي اتفق معاها فكرة الاخت عاشقة تويتي لانها الاقرب الى المنطق وكان طرحها مبني على اسس حددت من خلاله الاقسام التي ممكن ان يباح النقل وهناك اقسام تحتاج الى الابداع

وهناك نقطه مهمه لو احد الاعضاء قام بكتابة موضوع من كتاب هل يعتبر نقل؟
واذا كتب منقول ألا نرا ان ذلك فيه هضم لحقه وتعبه

بعض الاعضاء والمشرفين ينقلون مواضيع بشكل عمياني ومايكلفون نفسهم حتى تعديل النص من مؤنث الى مذكر وهناك منهم من ينسى حذف اسم المنتدى الذي نقل منه وهذا هو ما نرفضه بالمنقول

كلنا ننقل مواضيع وانا اتحدى حتى الاخوان اللي رافعين شعار ضد المنقول او مايشاركون بالمواضيع المنقوله هم اكبر ناس يسرقون مواضيع والطامه الكبرى انهم ينسبونها الى انفسهم

في الختام اشكر اخوي اسير الشوق على الطرح والهدف منه مثل ماذكرت في البدايه هو تحفيز الاعضاء والمشرفين على الابداع وليست حرب على المنقول

[فيرووووس بنـ؟ـات]

المنقول .... يصلح في اقسام معينه .... وفي اقسام معينه لايصلح .....


انا مثلا دائما في قسمين العام والمناقشات الجاده ....

وهالقسمين يمنع المنقول فيهم لان بصراحة مطلوب منا في هالقسمين التجديد بالافكار بس ...

شالفايده ... نرد ونقرا شي قديم ....


الكل يؤيدك ان ضد المنقول بس في اقسام معينه يتطلب منا المنقول

يسلمو لك

[HoNeY RoSe]

هني روز

مشكوره على مشاركتج بس انا اقترحت اقتراااااااااح يمكن تكونين قريته بين السطوووووووور


بس يا اختي يكفي انك تتواصل مع الاعضاء الموجودين بالمنتدى احسن من المنقول

وبعدين اذا تعودنا على المنقول راح ننسى الابداع والنسبه للكتابه صدقيني تجي مع التدريب

اذكر قبل كنا نقول للي ما يعرف يكتب

لما تقول ما اعرف فانت تنقل ومضه عصبيه للمخ فيكون الاستجابه بكلمه مستحيل

ارجع اقول مشكوره على المرور

يعني هذا يبي له احد يسوي دوره بالمنتدى يعلم الاعضاء الي مايعرفون يكتبون اصول كتابة الموضوع ^_^


وشكرا مره ثانيه

[BiShOw]

أخوي لما الواحد بينقل المفروض ان ما ينقل موضوع بس عشان يزيد مشاركاته المفروض لما بينقل موضوع يكون قاريه مقتنع فيه ، و آخر شي يبدي رآيه ،، و ما ينقل شي الا اذا شاف إن الناس بيستفيدون منه


ماتوقع اذا كتب منقول ولا مو منقول هالشي راح يغير الوضع ، بس الافضل ان يكتب منقول


لا يأس إن الواحد ينقل موضوع عشان يفيد الباجي

و اذا نقلـ موضوع مو مستعد يناقشه لا ينقله !