نبيهــــــــــــا ونـــــــــــاسه !!؟؟

[قـمـر]

السلام عليكم ورحمة الله وبركاته:ezpi_blush:

قربنا علي انتهاء السنة الدراسية :bounce:

وابتداء العطلة الصيفية عند البعض منكم، :dance:

ونجد أن البعض منا لا يعرف كيف يقضى فترة العطلة التي تصبح مملة عليهم أو لأطفالهم . :chono::dance1:

والبعض لديه مخططات مرتبة ومفيدة لكيفية قضاء عطلته الصيفيه:icon1:

حتي لا تبقون فريسة الملل أو تضييع الوقت أو الكسل.

فربما تقضونه أمام التلفاز أو النوم .

يجب ان ننتبه ان طوال العام الدراسي واجهتكم كثير من الضقوطات النفسيه

والامتحانات ....الخ:icon_mad::bawling:


لذلك سنفكر جميعا بكيفية قضاء عطلة صيفية ممتعه لكم ولأطفالكم ان وجد!!:rolleyes:


فالاجابه راح تكون لكم أو بالنسبة لأطفالكم ( للي عنده فلذات اكباد )

:alarm:


1/ هل فكرت بكيفية قضاء عطلتك الصيفية ؟


2 / ما هي مخططاتك لقضاء عطلة صيفية ممتعه ومفيدة؟


4/ هل أشبعت مواهبك في مخططاتك ؟ ان لديك موهبة اذكرها لنا


3/ كيف تجعل العطلة الصيفية نعمة أونقمة ؟



4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟


5 /هل فكرت بحفظ القرآن الكريم من ضمن مخططاتك ؟ ولماذا؟


6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟








واكون شاكره لكم مشاركتكم مع الموضوع




اختكم

قمر

[HoNeY RoSe]

والله خنووش فكره


انا بشوف شنو مخططات الاعضاءء وافكارهم ..
لانه انا لحد الحيين ما مفكره بشي
لانه مشغوله بسجيل الجامعه ولويه صاير عندي


شكرا حبوبه ع الفكره

[قـمـر]

العفووووووووو هوني روز


فكري وخبرييييييينا عن مخططاتك عن قريب


اختك

قمر

[شوفو شموخي]

1/ هل فكرت بكيفية قضاء عطلتك الصيفية ؟

اي والله بسافر ان شاء الله شهر والباقي بحاول ادخلهم نادي صيفي

2 / ما هي مخططاتك لقضاء عطلة صيفية ممتعه ومفيدة؟

بحاول قد ماقدر ابعدهم عن التكنلوجيا :سوني,,جيم بوي وغيره

4/ هل أشبعت مواهبك في مخططاتك ؟ ان لديك موهبة اذكرها لنا

ابد عادي مثل كل سنه لاجديد :العام وديتهم تركيا وخليتهم اسبوع في بورصه
يعيشون حياة الريف ولااروع

3/ كيف تجعل العطلة الصيفية نعمة أونقمة ؟

والله هي نعمه اذا استغليناها صح


4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟

اكيد في الصيف لازم نتزاور كثير وتحسين عيالنا ينتظرون الصيف عشان يلتقون

5 /هل فكرت بحفظ القرآن الكريم من ضمن مخططاتك ؟ ولماذا؟

شوفي السنه هذي بيكون رمضان الله يبلغنا اياه من ضمن الصيف واكيد بنختمه

6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟

حلو انهم يزرورن بلاد ماشافوها ويتعرفون على حضارات جديده

واللي مرتبط ومايقدر يسافر يقدر يدخل عمل تطوعي في الصيف ولااحلى من كذا:)

يفيد ويستفيد




واكون شاكره لكم مشاركتكم مع الموضوع

العفو قلبي روعه من روعة حضورك



اختكم

قمر[/COLOR][/SIZE][/FONT][/CENTER][/QUOTE]

[mshtaga]

هل فكرت بكيفية قضاء عطلتك الصيفية ؟
هالصيف عندي كورس صيفي بالجامعه بس انشاء الله عندي شهر وماخططت لحد الحين
ما هي مخططاتك لقضاء عطلة صيفية ممتعه ومفيدة؟
خلال فترة الاربعين يوم تقريبا بالصيفي راح انظم وقتي ما اخليه على طول دراسه لازم نستانس بالعطله
هل أشبعت مواهبك في مخططاتك ؟ ان لديك موهبة اذكرها لنا؟
انا مواهبي احب اكتشف كل شي غريب وانشاء الله نتوفق بهالعطله وتكون عطله جميله
كيف تجعل العطلة الصيفية نعمة أونقمة ؟
اكيد اذا استغليناها استغلال صح وسافرنا فيها الى بلدان يستحق السفر لها .
هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟

والله ياقمر احنا كل سنه نروح العمره وانشاء الله هالصيف مانطوفها وزيارات الاهل اكيد لازم مو بس بالعطله حتى الايام العاديه
هل فكرت بحفظ القرآن الكريم من ضمن مخططاتك ؟ ولماذا؟
على قولت شوفو رمضان هالسنه بالعطله وباذن الله نختمه

ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟

يحاولون يستفيدون منها كثر مايقدرون واللي عنده عيال لازم يغير ليهم الجو خاصه بعد انتهاء الامتحاناتتسلمين على الموضوع

[قـمـر]

اشكرك سي ماي شموخي عالرد


وسفره موفقه يارب

[قـمـر]

مشتاقه شدي حيلك بالدراسه وان شاء الله تخلصين وزوجك ما بيقصر وياك كل سنه سفره مع العيال


مستقبلا


الله يوفقك بدراستك يارب

[*TanTosHa*]

1/ هل فكرت بكيفية قضاء عطلتك الصيفية ؟

ودي أسـأفر بس عندي صيفي ..لمن يخلص احتمال اسافر واذا ما سافرنا شاليهات ..

2 / ما هي مخططاتك لقضاء عطلة صيفية ممتعه ومفيدة؟

يعني احتمال اخذ دوره تصوير ..ادش نادي ..اقرا كتب ..وجيه نستقلها صح ..

4/ هل أشبعت مواهبك في مخططاتك ؟ ان لديك موهبة اذكرها لنا

أحب التصوير وان شاء الله بدش دوره تصوير ..

3/ كيف تجعل العطلة الصيفية نعمة أونقمة ؟

نعمه انه نسوي الاشياء المفيده ..

4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟


الاهل حمدالله كل خميس نشوفهم ..بالنسبه حق عمره اي ودي اروح ..

5 /هل فكرت بحفظ القرآن الكريم من ضمن مخططاتك ؟ ولماذا؟

بصراحه لا ..لانه ماييه على بالي ..بس ان شاء الله ليش لا..

6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟


ممم

يعني بالصيف شنسوي غير انه نسافر ..أو نسجل بدورات ..شغل صيفي ..
مثل هالاشياء ..


..

قمـــر

ألف شكر لج

طرح روعه

ما تقصرين

..
.

[قـمـر]

كـــل الشكر لغاليتي تنتوشه علي المخططات وبصراحتك المعهوده منك


اختك

قمر

[فيرووووس بنـ؟ـات]

1/ هل فكرت بكيفية قضاء عطلتك الصيفية ؟

العطله الصيفيه مو لي بس لميلاني ولاخواني ومخطط لهم برنامج راح يونسهم ... ان شالله


2 / ما هي مخططاتك لقضاء عطلة صيفية ممتعه ومفيدة؟

طبعا احنا من صار لنا سنه تقريبا ماشفنا الوناسه بشكلها الصحيح ... ففكرت ان بالصيف ... بالاسبوع بطلعهم مرة او

مرتين ... وتلبيه طلباتهم ...


4/ هل أشبعت مواهبك في مخططاتك ؟ ان لديك موهبة اذكرها لنا

انا موهبتي الشخصيه كرويه وادبيه بس للحين ماوصلت لحاله التشبع اعتقد بالعطله بتفرغ للمنتدى بشكل ممتاز


3/ كيف تجعل العطلة الصيفية نعمة أونقمة ؟

لو استغليتها بشكل الصحيح ...



4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟

زياره الاهل ... مستمره والحمدلله والعمره مخطط لها ...


5 /هل فكرت بحفظ القرآن الكريم من ضمن مخططاتك ؟ ولماذا؟

حفظ القرآن مو بس بالعطله ... انا احفظ القرآن خاصه لاصار وقت فراغي كبير ... ومخصص من وقتي اليومي للقرآن

6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟

التركيز في العطله على الاستمتاع .... ولا يفكرون بالسنه الجديده ...

يسلمو ويعطيكم العافيه

[البحر الهادي]

قمر

1-هل فكرت بكيفية قضاء عطلتك الصيفية ؟

العطله الصيفيه اكيد والاهم الاولاد


2 / ما هي مخططاتك لقضاء عطلة صيفية ممتعه ومفيدة؟

والله المخططات ترتبط بدوامي للاسف بس ان شاء الله تكون ميسره لو ما سافرنا


4/ هل أشبعت مواهبك في مخططاتك ؟ ان لديك موهبة اذكرها لنا

لا بد من تغيير واشباع الرغبه بالتغير افكر ادش دورة كمبيوتر
3/ كيف تجعل العطلة الصيفية نعمة أونقمة ؟

لو استغليتها بشكل الصحيح والبعد عن المشاكل اهم شيء


4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟

العمره من الاولويات لي كل سنه وان شاء الله هي تكون اول شيء نقوم فيه والزياره ولله الحمد مستمره


5 /هل فكرت بحفظ القرآن الكريم من ضمن مخططاتك ؟ ولماذا؟

حفظ القرآن شيء جميل ذكره وحفظه مو بس بالعطله
تسلمين علي هذه النقطه

6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته
الاستمتاع بالعطله والتقارب مع بعض

تسلمين قمر

[قـمـر]

يعطيكم العافيه اخواني البهلوان وفايروس بنات عالاجابات


والله يوفقكم بتخطيطاتكم للعطلة


اختكم

قمر

[s.r.k]

1/ هل فكرت بكيفية قضاء عطلتك الصيفية ؟

من قبل جم شر كنت اخطط و طبقت بس للأسف لمن يت العطله في وايد مخططات انلغت
مثل شغل بالصيف تطوع بس ماكو مجال لاني راح اكون مع امي و اهمة ما يعطون اجازات بروحه الشغل جشهر و شي
و انا راح اطول و عندي مسؤوليات ..
و كنت مخططة ادش دورة تصوير لاني اعشق هالشي بس هم تكنسلت و مادري اذا في وقت و لا لا لانة يبيلها مجابل و ما احب اني اكون مشوشة بكذا شغلة و ادشهة ابي اكون رايقة و مستعده لها
و ان شاء الله ادش نادي
و هم راح الها بتسجيل الجامعة
و في الشاليهات و احتمال سفره سريعة لاسبوع ..
و الحين الصراحة مو قاعدة افكر الا بشغلة الاسبوع الياي راح تصير و اتمنى انها تعدي على خير يعني مشوشة وايد


2 / ما هي مخططاتك لقضاء عطلة صيفية ممتعه ومفيدة؟

مثل ماذكرت


4/ هل أشبعت مواهبك في مخططاتك ؟ ان لديك موهبة اذكرها لنا

التصوير ان شاء الله اشبع هالموهبه ..


3/ كيف تجعل العطلة الصيفية نعمة أونقمة ؟

نعمة اذا استانسنة فيها و مارسنا فيها اشياء مفيده و ممتعه بنفس الوقت تنسينا تعب الشغل او الدراسة طول السنة
و نقمة اذا استغليناها باشياء تافهة و مجرد تضييع للوقت بلاهدف او معنى



4/ هل فكرت بالعمرة أو زيارات الأهل لتقوية صلات الرحم من ضمن مخططاتك؟ ولماذا؟

و الله العمره من زمان مفكره فيها بس ابي اروح مع ابوي و ان شاء الله الله يكتبلي اروح اذا مو الحين بوقت ثاني
و زيارات الاهل للحين مستمره سواء بالعطلة او غير .. لانة بزيارة الاهل متعه خاصة .. اشوف عمامي و عماتي خوالي و خالاتي و عيالهم .. شي حلو وايد و انا احب هاليمعات اللي تصير بين الاهل كل اسبوع


5 /هل فكرت بحفظ القرآن الكريم من ضمن مخططاتك ؟ ولماذا؟
الصراحة لا .. بس فكرت بأشياء ثانية..

6 / ما هي اقتراحاتك لاخوانك وأخواتك لقضاء العطلة الصيفية غير اللي ذكرته؟

كل واحد على حسب هواياته ..
عشاق الكره .. يمارسون الكره و يسون مباريات مابينهم لانة وناسة
عشاق البحر .. يروحون البحر سواء حق سباحه او غيرة ..
و مادري كل واحد على حسب ذووقه و هواياته :)

مشكورة على طرحج

[قـمـر]

اشكرك سكرررررررررر الغاليه



والله يوفقك يارب ويسعدك بعطلتك


اختك

قمر

[المنــــفي]

أن شالله الأسبوع الجاي مسافر بأذن الله

هالسنه فرنــــسا
ملو الأعيال
كله سنه لندن لندن لندن
قلت نغير نروح فرنســـا

--------

بس واحد من الربع أن شالله
هــــم الأسبوع الجاي بيسافر

بس سفرته مثل سفراته المعتاده
في آخر ست سنوات

مكه المكرمه 5 أيام وبعدها
الطايف الشفا أسبوع
ومن ثم الرياض (( المصيف )) (( من بين أسبوع لعشر أيام ))
ومرات يمر مملكة البحرين (( ستره )) 3 أيام وهو راجع
طبعا هم أعياله ملو من خط سير الرحله المعتاد
طبعاً فرق كبير بين ملل أعيالي وملل أعياله



طبعا الأجازه جميله جدا في السعوديه
خصوصا في مكه المكرمه
ونصيحه اللي يروح عمره أنه ما يستعجل بالرده
يقعد كثر ما يقدر بمكه
والله لذه عجيبه البقاء بمكه بعد العمره

اللي يصير دائما أن الواحد ما يمديه يعتمر
وقبل لا يريح يكون راد

الشفا تبعد عن الطايف 22 كيلو بالضبط
طريقها هاي وي ممتاز وآمن
جوها جميل جداً
وأفضل من الروحه لأبها والباحه

نصيحه للي يروح عمره يمر الشفا
نصحيتي للي ماجرب السياحه في السعوديه
يجرب في عروس المصايف الطايف

وأذا ما أستفاد من نصيحتي
مستعد أدفع تعويض له
أقامه أسبوع على أحسابي في الروشـــن (( ببيشه ))


شكرا لك
قمـــر
على طرح هذا الموضوع