|ll| : هل ندمت يوما لكونك صريح مع شخص ما بموضوع ما ؟؟ :|ll|

[FaHoDo]

قــــووه


الصراحة أساس لنجاح علاقاتنا مع الأخرين . الحياة الزوجيه , الصداقه , التعاملات المادية و غيرها من أمور

الحياة تقوم على الصراحة لكي تستمر بنجاح .

برأيك/ج هل تحتمل/ي كلمة الصراحة أكثر من معنى ؟ ما مفهومها الحقيقي بنظرك ؟

إلى أي مدى تكون الصراحة مجديه و مفيده؟

هل للصراحة سلبيات ؟ ما هي ؟

هل تخاف/ي أو تتجنب/ي مصارحة الأخرين بحقائقهم ؟

هل ندمت يوما ما على صراحتك/ج مع شخص ما و تمنيت/ي لو أنك لم تكن صريحا معه؟

ما موقفك/ج من شخص صارحته بحقيقة ما غضب منك و أنهال عليك بما لا يرضيك ؟

برأيك<ج هل هناك فرق بين الصراحة , الوقاحة و الجراءة بالحديث ؟ أرجو التوضيح .



انزين .. تقدر تقولي من وجهه نـظرك/ج في وسيله دبلماسيه اتخليك تتصارح مع اللي جدامك بدون ما تمس احساسيسهم ؟؟


وشكرا ..

[nawal]

الصراحه شي جميل في زمن اصبح البعض فيه كـ النعامه للاسف

وطبعا بما إني صريحه ولا اخشى لومة لائم

أقول لك ان الصريح في وقتنا هذا منبوذ ومكروهـ

وهناك فرق بين الصراحه و الوقاحه طبعاا

لا اريد ان اكثر بهذا الموضوع

لاني اعرف ان صراحتي ربما لاتعجب البعض


تسلم FaHoDo

موضوعك في قمة الروعه

[فيرووووس بنـ؟ـات]

الصراحه ... وقاحه ... بس مطلوبة ...

احب تكون صراحتي ...ملموسه عند الغير ....

لان الصراحه تحل امور مستقبليه كثيره .... شنو فايده ابني علاقه وللاسف ما اكون فيها صريح !!

يجي يوم .... وراح اعترف له وبعدها بيزعل ويمكن نفترق ونختلف ....

الصراحه ... راحه نفسيه .... من يكون صريح مع نفسه كان مع غيره اكثر صراحه ...

ياما ناس زعلوا مني بسبب وقاحتي في الصراحه وما جاملتهم ... بس احسن بكثير من الجذب عليهم ...

وياما ناس بعد ماعرفوا ... الصراحه مني تخلوا ... بس من تخلى الله لا يجيبه ...

احيانا يطلبون مني اكون معاهم صريح ولمن يشوفون الصراحه .... يبتعدون ... هالناس بالنسبه لي اقولهم ...

البعد عنكم راحه ......وياما صراحه فكت ناس من بلاوي ... مثل هالقصه اللي بذكرها ....

يقول شخص وصته امه ان لا يكذب على احد ويكون صريح مع كل الناس ... وبيوم كان طالع لدوامه بباص (حافله)

وتم اختطاف الباص من عصابه ... وصاروا يسئلون الركاب جم معاك بجيبك واذا قال ماعندي فتشوه ...

صار الدور على صاحبنا وسئلوه جم معاك قال لهم 40 دينار بس ... اضحكوا عليه العصابه وقالوا ...

اكيد هذا مجنون ليش ما انكر مثل ربعه .... جان يخلونه والله ستر على فلوسه


يسلمو لك ويعطيك العافيه

[HoNeY RoSe]

صراحه ولا مره

بس احس بعض الاحيان انه في ناس اذا قلت لهم الصراحه يزعلون .. ويحطون بخاطرهم ,, بس بالآخر اهم الي راح يستفيدون

وانا احب الي اتعامل معاهم ايكونون معاي صريحه .. : )

المهم نجاوب على اسئلتك ..

برأيك/ج هل تحتمل/ي كلمة الصراحة أكثر من معنى ؟ ما مفهومها الحقيقي بنظرك ؟
ايي .. صراحه الي ايقول ليي ايقول الصراحه لي اعتبره يحبني وخايف عليي .. وخصوصا اذا كنت اسوي شي يعني غلط : )


إلى أي مدى تكون الصراحة مجديه و مفيده؟
الى المدى البعيد ,, بنزعل في البدايه بسس بعدين راح نفهم : )

هل للصراحة سلبيات ؟ ما هي ؟
الزعل بعض الاحيان ,, وفي ناس مايتحملون كلمه من احد اتسوي مشاكل يعني ^_^

هل تخاف/ي أو تتجنب/ي مصارحة الأخرين بحقائقهم ؟
اتردد .. بس بالاخر اقول باي طريقه اوصل الشي الي ابي اقوله..

هل ندمت يوما ما على صراحتك/ج مع شخص ما و تمنيت/ي لو أنك لم تكن صريحا معه؟
لا


ما موقفك/ج من شخص صارحته بحقيقة ما غضب منك و أنهال عليك بما لا يرضيك ؟
ما عندي.. حدهم يعني ايقولون لا مافيني جذي ... وبعدين بروحهم يتأكدون

برأيك<ج هل هناك فرق بين الصراحة , الوقاحة و الجراءة بالحديث ؟ أرجو التوضيح .
ايي فرق شاسع
الصراحه وضحناها وايد ..
بس الوقاحه .. انك اتيي تبي تسوي نفسك صريح وخايف على الشخص وتكلمه جدام الكل واتقول انه هذي الصراحه هذي وقاحه
يعني اتفشل الشخص بمقصد الصراحه


انزين .. تقدر تقولي من وجهه نـظرك/ج في وسيله دبلماسيه اتخليك تتصارح مع اللي جدامك بدون ما تمس احساسيسهم ؟؟
امم
ما ادري بس ادور الوقت المناسب.. اهم شي .. ومو جدام الكل


وشكرا ع الموضوع

منور القسم

[قـمـر]

عيش صريح حياتك كلها راح تكون صح

اما باللف والدوران ومراعاة احاسيس غيرك علي حساب صراحتك فهذا اكبر غلط


ولازم الكل يعرف انك انسان سيده الابيض ابيض عندك

والاسود اسود

المهم نرجع ونجاوب علي الاسئله



برأيك/ج هل تحتمل/ي كلمة الصراحة أكثر من معنى ؟ ما مفهومها الحقيقي بنظرك ؟


اتحملها نعم حتي لو كانت سلبيه وضدي ممكن انتبه لشغله كنت غافله عنها بس بالصراحه ارتاح ولا اعيش مع انسان يجاملني ومن وراي يتكلم عني بشغله سلبيه ما نبهني عنها

ومفهومها الحقيقي بنظري ان الصراحه فعلا راحه لأي انسان وهي بوح جميل نقي وصافي غير مغلف بالكذب والخداع!

إلى أي مدى تكون الصراحة مجديه و مفيده؟


الصراحه بكل احوالها مفيده حتي لوكانت قاسيه علي اللي امامي بس لازم اكون صريحه معاه واتبع عده طرق لتوصيل الشي اللي ابيه يوصله ان كان حساس زياده عن اللزوم او كان من الناس اللي مايتقبل الصراحه او النقد البناء فيبيله
صبر وجهد علي ما اوصل له ان لو ما حبي وخوفي عليه ما صارحته افضل من اللي يعيش معاه طول عمره يخدعه ويكذب عليه !


هل للصراحة سلبيات ؟ ما هي ؟

نعم بعض الصراحات تجرح تؤلم وممكن في صراحه تخليك طول عمرك عايش بحزن يبيلك فتره علي ما تصحي من الصدمه بس لما تعرف انها هالصراحه في صالحك لازم توقف وتتحمل علي نفسك انك تتقبلها بكل ثقه ولا تعيش عمرك كله مخدوع


بعطيك امثله كثيره عالصراحه السلبيه :

مثلا واحد يحب وحده سنين طويله وبعد العشره يصارحها انه ما يحبها اهي مصارحه مؤلمه بس هي حقيقه لابد
من مواجهتها وتقبلها


مثلا الابن اوالبنت بعد تربيه الوالدين لهم سنين طويله يصارحونهم بانهم بيودونهم دار العجزه لان ما يقدرون يسكنون معاهم في البيت لظروفهم العائليه الصعبه هذي صراحه مؤلمه جدا


مثلا لما تجيك صراحه من اقرب الناس لك واللي ما تتوقع ان الشي اهو سواه ويعترف لك بكل صراحه انه اهو السبب بكل اللي صار لك فهذي صدمه مؤلمه وصراحه سلبيه


لما انسانه تصارح صديقتها انها حبت زوجها وتزوجته فهذي صراحه سلبيه ومؤلمه


وفي اشياء كثيره اعتبرها صراحه سلبيه
هل تخاف/ي أو تتجنب/ي مصارحة الأخرين بحقائقهم ؟

في انواع من الصراحات تخوف وتكون مجبور تكون صريح علشان ضميرك الحي الواعي واللي ربك بيسائلك عليه بيوم من الايام


لذلك

احب اصارح اللي احبهم ويحبوني لاني ماقدر اشوفهم يعيشون مخدوعين واسكت الله بيحاسبني بيوم من الايام


والساكت عن الحق شيطان اخرس

هل ندمت يوما ما على صراحتك/ج مع شخص ما و تمنيت/ي لو أنك لم تكن صريحا معه؟


ما ندمت ابدا علي صر احتي لاهلي وناسي وحبايبي لان رغم انها تكون مؤلمه بس صادقه ويعرفون عدل اني مستحيل

اضرهم بالعكس انا لخوفي عليهم وحبي لهم ولمصلحتهم كنت صريحه معاهم !


ما موقفك/ج من شخص صارحته بحقيقة ما غضب منك و أنهال عليك بما لا يرضيك ؟

صارت معاي اكتفيت بالصمت سنين طويله وقلت لهالانسانه وقتها مدام تملكج الغضب ما راح اتناقش معاك لما تحسين من داخلك اني صارحتك مو لمضرتك بل لصالحك والايام بتثبت لك وانقطعت عني سنين وعقب ما ثبت لها نفس كلامي بالضبط ردت متحسره وتقول ياليت خذيت بنصيحتك بس شعقبه عقب ما طاح الفاس بالراس ووقفت معاها ولا يخيبت املها رجاها وصديتها ابدا

والله ...
برأيك<ج هل هناك فرق بين الصراحة , الوقاحة و الجراءة بالحديث ؟ أرجو التوضيح .


اي في ناس يكونون صريحين حد الوقاحه مثلا في انسانه يعني بتصارحني بموضوع ما تخيل والله كنت بالبر بين اهلي وجماعتي ومحطوط الغدا توني بحط اللقمه بحلجي تصور صدمتي بموضوع ما ادري لحضتها ابلع اللقمه والا انفضها من ايدي بس تمالكت نفسي واللي قهرني ان مصارحتها لي كانت جدام اهلي يعني موتتني تقريبا بس ربك ما يترك عبيده

والله يهدي هالفئه علي نفسهم
انزين .. تقدر تقولي من وجهه نـظرك/ج في وسيله دبلماسيه اتخليك تتصارح مع اللي جدامك بدون ما تمس احساسيسهم ؟؟


صدقني في صراحه حلوه مثلا تبين له انك تحبه حيل اولا


لو اهي اختك او ولدك او صديقك او زوجتك او امك او ابوك او او او .... الخ


اول شي انصحك فيه لاتصارحه جدام احد


ثانيا لو تطلع معاه بره وتقعد علي البحر مثلا بعيد عن الناس وتطيل النظر بعيونه وانت تسولف معاه ترا للعيون لغه يفهمها اللي تتحاور معاه ولما تتأكد بطمئنانه وهدوءه تبدا شوي شوي تمهد للموضوع

ثالث شي ابدا بالايجابياته وثم صارحه بالسلبيات اللي اهو الموضوع اللي بتكلمه فيه وانتبه الانسان اللي قاعد تكلمه اذا هو من النوع الصعب وعارف انه بيهاجمك لما تصارحه لا تصارحه بالبدايه بس حاول تجره بالكلام وتجره تجره لما اهو يتوصل للخطا اللي فيه وقوله اي هذا اللي انا اليوم طالع معاك بكلمك علشانه


رابعا انتبه لنفسك وانت تكلمه لا تفارق شفاتك الابتسامه البسيطه ولا الكلمه الطيبه الحلوه ولا عيونك خلها مركزه فيه لما يتكلم وانتبه لحركاتك مافيها شي لو مسكت ايده او وهو متأثر من صراحتك تحط ايدك علي كتفه



موضوع رائع اخوي فهود
اختك

قمر

[mshtaga]

فهوووودوووو
يعطيك العافيه على الموضوع

الصرااااحه حلوووه ومو حلوووه

في ناس عادي عندهم اذا احد صارحهم وبالعكس يتقبلون النقد لانهم عارفين ان هذا الشي لمصلحتهم

وفي ناس بس تقولهم يا فلانه ترى والله فيج جذي وجذي يزعلون او حتى تنصحهم يزعلون ويعتبرونك انت الغلطان

ومثل ما قالوا اللي قبلي الصراااحه لابد منها ولابد انك تصارح شخص تحبه وتهمك مصلحته

الانسلن ندما يصارح اهله والناس لمقربين منه ممكن يتقبلون الكلام لانهم عارفين ان الشخص اللي جدامهم يبي مصلحتهم

بالنسبه للفرق بين الصراحه والوقاحه؟
اكيد في فرق كبير
يعني انا ممكن اكلم الشخص على انفراد اصارحه بعيد عن عيون الناس حتى لا ينحرج

بس الوقااحه اهي اللقافه يعني اركز على سلبيات الشخص اللي جدامي بحجة اني اصارحه

شكراااا على الموضووووع

[*TanTosHa*]

الصــراحه راحه ..

وانا أحب الانسان الصريح ..

والي ما يجامل .. :cool:

وأكيد انا اتحمل الصراحه بصدر رحـب وأتقبلها ..والصراحه مفيده لانه ما فيها خداع وكذب على الشخص او مجاملته خاصه اذا كان يبي رايك الصريح ..

سلبيات الصراحه انه مو اي شخص يتقبلها واحتمال يزعل منها ..ومثل ما يقولون كلمه الصج تزعل ..

وانا ما عمري ندمت على صراحتي ..لاني دايما اقولها باسلوب مميز وراقي بحيث اني ماجرح الشخص الي يدامي ..وما تكون مثل بعض الناس يحاول يستفز الشخض الي يدامه على ابو انه يصارحه ..هالشي غلط طبعا ..

اذا حاب اتصارح شخص بسلبيه فيه ..لازم يكون اسلوبك حلو ..وما يكون حواليك ناس عشان لا تسببله احراج ..!


فهود

طرح موفقـ
ألف شكر لك
منور القسم
ما تقـصر

..
.
.

[FaHoDo]

:: nawal ::

على حسب ردج انتي من الناس اللي بقلبهم على لسانهم ويعجزون عن توصيل الفكره بطرق غير مباشره .. :)


وهذي حلوه ومو حلوه ..


بس انا احسدج صراحه .. :) لأن كل ربعج يكونون من طينتج الصريحين والطيبين :) ..



فيــ؟ـرووس

الصـراحه مو وقاحه إلا في حال كانت امام الناس وبين الحشود .. :) ..

وانا معاك ان الصراحه تحل أمور مستقبليه كثيره .. وهي بالنسبه لـي تكون بمكانه الأساس لأي علاقه ..

ويسلمو عالقصه اللي راح اتفيد الكل بس يتهيأ لـي ان لو اييونك اثنين طوال ومجسميين ولابسين بدله ام كرفته سوده ويقولون جم معاك بتطلع لهم كل شي :p


هـونـي ..

هذا الواقع شنسوي .. وايد يحبون انك تصارحهم بالامور الايجابيه واذا وصلوا للامور السلبيه حبوا انها تكون مجامله وحديث سطحي فقط لا غـير ..

اذا جذي تعجبني صداقاتج .. :)

نـورتـي عزيزتي :)


قـمــر


عيش حياتك صريح راح تكون صح .. وانتي الصح بعينه :)


صراحه لـو ابي اعلق أقول انتي ملكه النقاش بهالمـوضوع :)

اقول بأني معاج بـ 85% بالميه اذا ماكانت 90% :) ..

واللي صارحتج الله " .... " يوفقها انزين خلاص فيها حره بتصارحج جدام الاهل بس مو عالغدا وأصلا ما يجوز تتحجى عالاكل و بعد موضوع حساس وخطير وما خلتج تتهنين ..
"عاد حسافه بالبر وطبخ بر ما ينطوف وخلت ما تتهنين بعد :p "


شاكر لج تواجدج يا ملـكه ...



مشمش ..

اكيد الواحد ما يتقبل على نفسه اي سلبيه اذا كانت بصيغه مباشره ..

يعني " انت فيك كيت وكيت " ماراح يتقبل اما لو " والله يا فلان انت مميزاتك وايد بس لو تشيل سلبيه وحده تكون انسان متكامل والكامل وجهه الله السلبيه بعض المرات انت تقول / تسوي " فلازم الجمله تكون صيغه مباشره مرتبه او صيغه غير مباشره بس توصل المعلومله .. :)

شاكر لج تواجدج حـبوبـه ..



تنتش ..

كنت ماخذ عنج فكره انج انسانه مرحه ورائعه ومتعدده الايجابيات و"سيده"

بس بواسطه هالرد ...

تأكدت وجهه نظري بانج سيده وهذا احلى شي قبل ما تكون علاقه ..
والله وناسه ما تقصر مشكور تسلم نورت < كل هذول حقي :$ :p

شاكر لج تواجدج .. :)

[كويتيه][F.B.I][]

انا من وجهة نظري

ان الصراحه اسلووب

والواحد يعرف شلون يصارح الناس بس بطريقه حلوه وماتجرحهم
ممكن تكون مؤلمه بس على طول هالشخص بيتفهم ان من حبك له
وخوفك عليه صارحته لانك تبي مصلحته بس ماراح يتفهم الا اذا توافر بهالصراحه الاسلوب

اما الي يقط وماهمه باسم اني انا صريح هذي تعتبر وقاحه منه

ومو شرف له ولا ميزه والله فلان صريح واهو يجرح بالاوادم

وذا انا بقول حق وحده انتي فيج وفيج وفيج
راح اطبق مثل دايم اسمع امي تقوله وانا متأثره فيه حيل
الاعور مانقوله بعينه انت اعور

ماقولها مباشره اقطها عليها لا اختار الوقت المناسب
والمكان الي مافيه ناس لان ممكن اني اسبب للبنت هذي
جرح ماتنساه وكل ما احد يذكرني عندها اول ماتذكره هو جرحي لها
لازم الواحد يخلي الناس تاخذ انطباع حلو عنه

واللي يقول الصراحه وقاحه انا اخالفه بهالشي

الواحد المفروض يكون متزن صريح بس مو لدرجة الوقاحه
يعني امسك العصا من النص

وكل كلمه قالتها اختي قمر انا معاها
بالنهايه احب اقول
ان الصراحه فن وذوق

مو الكل يعرف شلون يستخدمها

مشكور اخوي عالموضوع

[ScReAmQwEeN]

أنـــا صريحـــه لبعــد حـــد ..
لكـــن صراحتي توقف اذا حسيت أني اجرح إلي قدامي يعني احب اكون صريحـــه بس بدون تجريح
في طرق كثيره نكون فيها صريحين بعيد عن التجريح والوقاحـــه ..
انــا من الناس إلي أموت ولا أجرح أحــد أو أكون سبب في دمعــة أحــد
توصل فيني الأمور أني احط بقلبي اذا حسيت ان الأنسان إلي جدامي بينجرح من اي شي اقولـــه
صراحتي تتوقف على الموقف أو نوع الأنسان إلي جدامي أو علاقتي معاه .. ..

وثانكس .. على الموضوع