::لماذا لا نراعـــي مشاعر الأخرين ..::

[عنوسه ^_~ ماتهاب]

بسم الله الرحمن الرحيم



:::: السلام عليكم ورحمه الله وبركاتة ::::


لماذا لا نراعي مشاعر الاخرين .؟


هذا اهو العنوان الي اخترته حق موضوعي..

طيب وحتي لو بنراعي مشاعرهم نجرحهم

شلون ..؟

انا بقول لكم شنو السبب الي خلاني اكتب هالموضوع


مع اني ما اكتب الا لما احس شي فعلا يخليني اكتب


انا كنت قاعده بالطبيب وانتظر دور فجا مر ولد صغير عمره بالـ 11 سنه

يا زينه والولد فيه شويه اعاقه مب قادره يمشي عدل

ويمشي علي مهل وانا ساكته
وفي قاعده من عندي حرمه عجوز

الولد يمر ويمشي والاخت وش تقول

الله يشافيك

دامك ما تقدر تمشي ليش ما تقعد علي كرسي محترك يمه ليش
وبصوت عالي والمكان يعمه السكوت
يعني حابته يعني كاسر خاطرج

يعني حابه تواسينه ما تدرين انج جذي تحرجينه وتجحرينه قدام الناس
طيب اهو مو قاعد يحاول انه يكون انسان طبيعي حاله حالنا

مو معني انه مب قادره يمشي عدل فيه شي او ناقص

كان ودي اقول لها الله يشفيج انتي

بعد ما شفت الدمعه بعينه وانحرج وما عرف شنو يرد او يسوي

طيب جذي نتمني الشفاء لهم

كل انسان فينا الله معطيه ابتلاء ولكن
في ابتلاء ظاهر
وفي ابتلاء خفي
كم انسان سوي ما فيه شي يمشي بينا ونشوفه نقول ما شاء الله

ومن داخل فيه مليون عله وعله .. ومحتمد ربه وساكت
مب كل شي يبين او ظاهر
مب كل عله او مرض او حزن او زعل ظاهر

الدنيا مليانه

والي حراني وخلاني اكتب

هالموضوع هالموقف
طيب ليه ما نراعي مشاعر الناس الي فيهم اعاقه
كم معاق ومعاقه كان عضو فعال بالمجتمع
احسن مني ومنكم

واحنا كم سوي شنو سوينا والي سوا

انسان سوي واهو معاق الي يسويه يسويه بصعوبه


بس حبيت اطلع الي بداخلي لاني مقدر اخليه انفجر


جذي طبعي

وابي رايكم بالموضوع


عنوسه ماتهاب

[مينونه صاحيـه]

اولا .. لي الشرف اني اكون اول وحده ترد بموضوعج المميز غلأتي ...

وثانياً ... مبروك انه تبطل المنتدى لوووووووولز ...

والرد للموضوع في فئه من هالناس هاذي عنووسه موجوده بكل زمان ومكان الضمير الميت اللي مايراعي مشاعر الاخرين هالناس هاذا مااشره عليهم تعرفين ليش لاانهم اهم اللي فيهم عله واعاقه مو شرط بالجسم والعقل بلا اعاقه داخليه وهي انهم يجرحون هالناس ويشمتون فيهم وبلا اخير يقلون الله لا يبلانا والله يشفيهم معنا الله بلاهم عطاهم احساس ميت وضمير مايحس لوووووووولز والله هالشي يضحك انهم اهم المريضين وتشوفينهم يعيبون ويجرحون ويستهزؤن وهم الجهل وبقلوبهم مرض ...

مااقول غير الله يبعدنا عنهم وعن اشكالهم ومو كل قلب طيب مثلج عنووسه اعرفي انه الناس اجناس وكل واحد وقلبه بس فوق هذا لا تتنازلين عن هالطيبه مهما كان وصيري مثلي عطي ولا تحاسبين لاانه بلاخرئ راح تفوزين بإذن الله ...

وصدقيني ومثل ماقلت مافي انسان معاق واذا في اعرفي انها مو شرط اعاقه جسميه او عقليه بلا المعاق بنظري اهو اللي بقلبه مرض وحسد وحقد ويشيل ويستهزء ويجرح ويذم بالناس هذا المعاق ...

وربي يبعده عنا وعنج حبيبتي ...

وتسلمين على الطرح المميز مثل حضورج المميز يالغاليه ...

وعسانا ماننحرم من هالطله وهالحضور ...

ودمتي كما تحبين ...

مينونه ميشووو

[البحر الهادي]

سبحان الله بعض الناس يكونون فضوليين لابعد الحدود

وتاخذهم العفويه التي تسبب الاحراج للمستقبل منهم

باعتقادي العجوز اخذتها طيبة قلبها والنصيحه التي في غير محلها ووقتها

وكما قلتي معاق افضل من الف واحد صاحي وقلبه اسود وتفكيره تحت الصفر
-----
الا تحس انت او انتي بالانسان الذي امامك ان تجرحه بكلمه او نظره
الرحمه والنصيحه والمحبه واجبه علينا بس باسلوب ووقت لها لا تاخذنا العفويه والفضوليه بجرح انسان
مهما كانت اعاقته


تسلمين عنوسه

[HoNeY RoSe]

اممم

واي الناس الي جذي
عنم حسب طيوبيين ويواسوون من جدامهم .. واهم يذبحون الي جدامهم

انا اكرهه هالحركه وااااااااااااااااااااااااايد
وياما صار جدامي مواقف من هالنوع

قبل فتره بعد بالمستشفى ..
كانت هناك بننيه كبري تقريبا ما ادري اشفيها بس يعني وايد تعبانه واهلها كلهم معاها ..
تخيليي انا مو فضوليه لهدرجه بس كنت عند الدكتور وياات خالة البنية احنىى نعرفهم .. ايقول لها الدكتور اهي الحين احسن بس يبي لها راعاايه شوي
الا اتقول له اي دكتور ماتشوفنا كلنا هني لانه اهي يتيمه !!! يعني كلش ماله داعي انها اتقول جذي وااي ملاقه

:(

مشكوره حوبي ع الموضوع
يعطيج الله العافيه

[*TanTosHa*]

واايد ناس يقولون كلام مايقصدونه وبالنهايه يجرحون الي حواليهمـ ..

المــفروض الانســان يفكر قبل لا يقول شــي ..

ما يتكلم على طــول ..


والعيوز المفــروضـ انها ما تحرجـ الولد ..
لانه اهيه قاعد تخليه يحس انه مو كــامل او مثل ناقصه شـي ..

وفي ناس تلقينهم يقولون نصيحه بس قصدهم الاهانه ..
ويقطون كلام بس يبون يحرجون الشخص الي يدامهم ..

..

عــنوس ..

طرح جميل ..
كل الشكر لجـ وما قصــرتي ..

..
.

[mshtaga]

يعطيج العافيه عنووسه

للاسف في ناس يقولون الكلام بقصد النصيحه والمواساه

بس الطريقه اللي يقولون فيها لكلام والاسلوب اهوا اللي يجرح

ويمكن هذا المعااق احسن من الف رجااال صاحي

شكراااااا

[فيرووووس بنـ؟ـات]

اول شي الحمدلله اني اكتشفت هالشي اني مو بس الوحيد اللي يقط بدليات ولا يدري عنها ...

ثاني شي اغلب الناس وخاصه كبار السن يجهلون احترام الناس ... فهم ينظرون للموقف انها مواساة ولا يدرون ..

باللي يقولونه صج كبيره عمره صاحبه الموقف اللي معاج بس مومثقفه ولاتدري باللي قالته بس هو مواساه..

بنظرها ... في بعض البشر عندهم مبدأ اللقافه في ... التعبير عن الاخرين ويختارون اوقات حيل بايخه ...

بس ماعليهم لوم لان.. هالشي راجع لعده امور منها التربيه .... والتعليم ...

يسلمو لج ويعطيج العافيه

[شــمــآلــي]

لا حول ولا قوة الا بالله ...


بالله هذا طبع العجايز ...


لكن انا من ناحيتي أي شخص عاجز وأشوفه يراجع بأحد الدوائر بنفسه أحترمه شديد الإحترام

لأنه أفضل من اللي نايم تحت المكيف ومعطي حدا تخليص المعاملات يخلص له ...

مشكووره اختي وما نقول الا الله يعين كل عاجز ويشفيه


بارك الله فيج

[كـلـي غـلا]

والله ما تنلامين ..

هذي إنسانه مريضه وربي مريضه ..
بينما هو .. إنسان كامل .. والكامل الله .. تدرين ليش لانه حاول قد مايقدر انه يكون طبيعي ..
لكن جرحته " بدفاشة اسلوبها " ..

الناس الحين ما تهتم لمشاعرج تجرحج وكنه العيـد ..
تعلمت اشيا واجد من الدنيا ..
اولها انك لا تبادر بمحبة واحد ما اظهر محبته لك ..
وثانيها إجرحهم مثل ما يجرحونك ..

وكثيـر .. وياما عطتنا الدنيا دروس .. نتعلم منها

هالنـاس بكره ربج يبليها .. وبتتذكر كيف كانت تجرح الي حولهـا .. وتعض اصابع النـدم ..
لكن لا فات الفوت أبد ما ينفع الصـوت ..

الله كريم بس ..

تسلمين يالغلا .. مميزه دوم

[بوقلبين]

عنوسة يعطيج العافية على الموضوع
وانا حاس بإحساسج ونبرة القهر اللي اتكلمين فيها

وهذا دليل نبل

..لكن اذا كانت السيدة هي من كبار السن اعتقد انها تعاملت مع الموقف بفطرتها وماكانت تقصد قلة الذوق

اما اذا كانت وحدة مثقفه وشابه اعتقد انها عديمة احساس وتحاول تظهر تعاطف غير موجود بداخلها

وبالنهاية ياعنوسه يجب علينا ان لانتضايق من بعض المواقف لا ن ..الاحساس نعمة وعلينا استثمار الموقف لصالحنا


ولعل هالموقف جاء بوقت نحتاجه نحن وغيرنا من الشباب ليلفت انتباهنا بأن علينا ان لانقع في نفس الخطأ الذي وقعت فيه السيدة

واكرر شكري للموضوع القيم

[i! غرور ـأنثى i!]

عنوسهـ

معاج حق انج تنقهريب بس مثل ما قال بوقلبين
اهيا مرهـ عودهـ يعني مو مثقفه وماتدري بلي تقولهـ

بس اكيد راح يحز بخاطر الولد

واكو وايد مواقف اتصير لواحد يجحر مشاعر الغير بس بدون قصد واحنا لازم ما نواخذهم
ونعطي الشخص على نيته وقد عقلهـ

والله يشفيهـ ان شا الله

يعطيج العافيه اختي ^_^

[المنــــفي]

الأخت:- عنوسه ماتهاب
شكرا لطرح مثل هــذا الموضوع
واتمنى تقبل كلامي بصدر رحــــب
والهدف من كلامي طرح وجهة نظر مغايره لك
أتمنى ماتزعجك

يا زينه والولد فيه شويه اعاقه مب قادره يمشي عدل

ويمشي علي مهل وانا ساكته
وفي قاعده من عندي حرمه عجوز

عنوسه ماتهاب
أنتي وضحتي أن المرأه كبيره بالسن
على قولتك عجـــوز
فأتمنى مراعاة وأحترام عامل السن
صعب جـــداً تغيير بعض الصفات
في أبنائنا أو شبابنا
فما بالك في تغير الصفات في أبائنا

المــرأه كبيره في السن
وقالت كلامها بحسن نيه ولاتهدف للشماته
وكانت ناصحه لهذا الشاب الصغير
يعني كان كلامها بحسن نيه
وهدفها طيب من اللي قالته
صحيح كلمتها ماكانت موفقه
بس قلبها عليه وكلمه بعفويه أطلعت منها




أختي عانسه ماتهاب
أرجـــو عدم تحميل الأمـــور
أكثـــر مما تحتمـــل
يعني المواقف العارضه
لا تعورين قلبك فيها


المعاقين أو ذوي الأحتياجات الخاصه منا وفينا
ولهم أحاسيسهم وكرامتهم
ويفترض أن لهم مكانه أكبر في نفوسنا
نتعاطف معاهم ونساعدهم بدون مانحسسهم بأي نقص فيهم
كم من صحيح البدن أصبح معاق بسبب حادث أو أمر من أمور الدنيا
الواحد يحمد ربه على النعمه اللي الله مكرم فيها
ويقدر هالبشر مو لازم أن الله يبتليه في عمره او في حد
من أهله عشان يحس فيهم.

كان ودي اقول لها الله يشفيج انتي

الحمدلله أنك ما قلتيها
أعتقد بتتضايقين لو بكت هالحرمه العجوز من كلمتك
فزين ماقلتي شئ لها

[المنــــفي]

الأخت:- عنوسه ماتهاب
شكرا لطرح مثل هــذا الموضوع
واتمنى تقبل كلامي بصدر رحــــب
والهدف من كلامي طرح وجهة نظر مغايره لك
أتمنى ماتزعج

يا زينه والولد فيه شويه اعاقه مب قادره يمشي عدل

ويمشي علي مهل وانا ساكته
وفي قاعده من عندي حرمه عجوز

عنوسه ماتهاب
أنتي وضحتي أن المرأه كبيره بالسن
على قولتك عجـــوز
فأتمنى مراعاة وأحترام عامل السن
صعب جـــداً تغيير بعض الصفات
في أبنائنا أو شبابنا
فما بالك في تغير الصفات في أبائنا

المــرأه كبيره في السن
وقالت كلامها بحسن نيه ولاتهدف للشماته
وكانت ناصحه لهذا الشاب الصغير
يعني كان كلامها بحسن نيه
وهدفها طيب من اللي قالته
صحيح كلمتها ماكانت موفقه
أختي عانسه ماتهاب
أرجـــو عدم تحميل الأمـــور
أكثـــر مما تحتمـــل
يعني المواقف العارضه
لا تعورين قلبك فيها

-------------------------------------------