مــا سر الأرقام المميزه لسيارات والموبايلات عند الشباب

[ScReAmQwEeN]

السلامـ عليكمـ ورحمة الله وبركاتــــه



ظاهرة غريبه وخطيره منتشرة بين الشباب في الخليج وهي الأرقام المميزة للسيارات او الموبايلات

يدفعون الاف الدنانير للحصول على رقم مميز للسياره او الموبايل

ولو ياهمـ فقير او محتاج و طلب منهم 10 دنانير رفضوا

ولو طلب منهم مبلغ بسيط جدا للتبرع لعمل خيري لبخلوا عليــه .

شباب ما يهمه إلا المظاهر
والله معظمهم لا يمتلك لا ثقافة عامة ولا أسلوب لبق في التعامل

لماذا بدل لا يسعون وراء هذه الأرقام المميزة ان يسعوا ليكونوا رقما مميزا في المجتمع . .


ملاحظــه :

موضوعي هذا ليس هجوم على شباب ولكن ظاهره وموجوده بكثــره
وأرجوا مناقشتــها بسعت صدر ..

[LoVeLiYa]

اي والله حتى انا شايفة جذي @@

اذكر مرة شفت اثنين بمحل تلفون اتطق مطااقق على رقم الحمدلله والشكر قعدت اتطمش عليهم ههههههههههههههههههههههههههههه

ماادري منو قاص عليهم وقايلهم ان هالارقاام بتتحول حق دولارات بعدين =\

نقصاان عقل والله

ثااانكس حبوبة على على الموضوع :>

[عاشقــ تويتي ـة]

احم احم مايبيلها توضيح

لفت نظر وبس :p

ترى مو بس الشباب حتى البنات :p

انا مرة اختي احلمت وقعدت وقالت ابي رقم يكون فيه 3 سبعات ورا بعض :/

يعني السالفة لفت نظر
وانا اتذكر من وانا صغيرة تقريبا في سن الـ 14
قلت اذا شريت سيارة ابي رقم اللوحة يكون تاريخ ميلادي
89718 <== جذي كنت ابيها :p
18-7-89

فاقولج يعني سوالف كماليات كل هالامور بس
تسلمين وعساج عالقوة

[ScReAmQwEeN]

LoveliYa====>> لووووووووووووول طق عـــاد تخلف ..
تسلمين على مرورج ياقلبي ..


عاشقة تويتي ===>>يشرفني مرورج .. وحلــو رقم سيارت المستقبل كوووول

[فيرووووس بنـ؟ـات]

مرضى نفسيين ومهووسين بالتميز ...

اعرف شخص يراجع عند طبيب نفسي لان بين كل فتره وفتره يشتري رقم تلفون غالي وهو يدري

ان هالشي راح يفلسه بس مايقدر

انا اعتبر ان هالشي هوس والهوس مرض نفسي

يسلمو لج ويعطيج العافيه

[ScReAmQwEeN]

فيروس بنات ..

يشرفني مرورك .. نورتني ..

والله يشافيــه .. فعلاً هذا هوس ومرض .. .. ولا منو عاقل يقط الألاف على مجموعة ارقام
لاتودي ولاتيب .. ..

يسلموووووو

[كـلـي غـلا]

كل مراهق يحب يلفت أنظار الي حوله .. ويجذب انتباههم ..

وبكره لما يكبرون يضحكون على سوالفهم هذي ..

كل الشباب جذي ..

تسلمين خيتو

[ScReAmQwEeN]

كلي غلا ..

الله يسلمج .. وموكل مراهق هذي حركاته .. .. وبعدين الحين اغلب إلي يشترون ارقام مميزه
ناس كبار واايد ..

ويعطيج العافيه رايج على عيني وراسي ..

[عنوسه ^_~ ماتهاب]

هلا وغلا اختي اكتب رد مرتين وانسمح جان اعصب
:@:@


الاجابه بالموضوع نفسه


شباب ما يهمه إلا المظاهر
والله معظمهم لا يمتلك لا ثقافة عامة ولا أسلوب لبق في التعامل






اهم شباب همهم المظاهر ويكشخ قدام البنات
والانسان مو بسياره ولا برقم ذهبي

بس الي يسوي شي تدرين شنو
يعني انه لو كان انسان عادي ما في بنت بتطالع له

فـ يغري ضيعفات النفوس بالرقم الذهبي والسياره الغاليه

وبالالغلب تلقينها اقساط
وعليه قروض لاعنه خيره


ومن نص الشهر يدور حق البانزين من امه ولا ابوه وا عليه عليه


وهذا قل التصرف


صراحه الشباب من هالنوع عمره ما لفت نظري

بالعكس

احسه يكسر خاطري
لانه نظره للحياه سطحيه جدا

ربي يهديهم وكل الشكر لج حبيبتي

[Dr.n7s]

الضاهره منتشره من زمان

يمكن بسبب هوس بالاشياء المميزه من الشخص نفسه


واللحين انتنشرت بعد ضاهرة الايميلات المميزه

وصاروا يشترون الايميلات الثلاثيه او الثنائيه


مشكوره على الطرح

دمت بود


sEe y0u

[aljhry]

موضوع حلو

بس للتوضيح

في شباب مثل ما قلتي يحبون ارقام مميزه سوا باللوحات مالت السياره

او بأرقام التلفون

بس شوفي البنات بعد اي مكان يروحون له ما يهمهم السلعه

الي يهم السعر علشان الي يسأل بكم شريتيه تقول بمبلغ كبير

وتصير السلعه حلوه


يعني صغر العقل مو شرط على الشباب بس البنات اكثر

من وجهة نظري

وشكرا

[mshtaga]

فعلا
هالشي منتشر بشكل كبيير

انا اشوف انه الشباب الخليجي بشكل خاص يحبون المظاهر والكماليات
واختي هالشي هذا نفسه عند البنات
ما ادري هالرقم شنو بيزيد فيهم جمال والا علم
اقصاه مجموعة ارقام

شكراااااا

[البحر الهادي]

التميز بالافضل كل شخص يحبه

اما التميز بالكماليات وهذا نقص عقل وتصرف

ولكن لابد ان ياتي يوم ويندم علي فعلته

اما الانسان المقتدر علي زيادة الكماليات لديه ليس عليه احراج

المشكله ان شخص عادي ويشتري رقم باغلا الاسعار اين يكون عقله حينها

للاسف ضاهره غريبه


تسلمين

[*TanTosHa*]

مجرد موضه ..

وتدرين الناس تحب تقلد بعضها وناس تحب يكون رقمها مميز ..

..

يعني ا

[*TanTosHa*]

مجرد موضه ..

وتدرين الناس تحب تقلد بعضها وناس تحب يكون رقمها مميز ..

..

يعني اذا الشخص قادر يشتري بكيفه بس انه ينقص على روحه ..

ماعتقد هالشي صح ..

ومشكورة ما تقصرين

..
.