منع الأختلاط \\ نبي رايكم

[AL_MoHaNdS]

مساء الخير والخيرات

مساكم الله بالخير يا اعضائنا ومشرفينا

وايد هالايام نسمع عن منع الاختلاط اما بالجرايد او من سوالف الناس

فحبيت اطرح هالموضوووع المهم ونشوووف رايكم :)

مثل ماتعرفون عن المدينه الجامعيه الجديده اللي ليلحين ماسوو منها شي
راح يسووون كليه خاصه حق البنات وكليه خاصه حق الشباب

ومثل ما تعرفون انه عدد الدكاتره بالجامعه محدود يعني مثلا في مواد تلقى عدد الشباب 4 اما عدد البنات فتلقى 17 او 20 يعني مايقدرون يفتحون شعب فيها اربع طلاب فإذا افتحوا شعبتين راح يظطر الدكتور يدرس شعبتين ومث مانعرف انه الدكتور يفتح اكثر من مقرر يعني جذي راح نضرب الشعب ب2 وراح يصير ضغط على الدكتور فراح تظطر الحكومه انه تزيد عدد الدكاتره ويعني زياده عدد الواففدين وماشالله بالكويت عدد الوافيدن كل فتره وفتره يزيد :)

والشباب في النهايه راح ياكلونها لنه مافي شعب مفتوحه

فأنا أبي أشووف رايكم في منع الاختلاط.

[mshtaga]

يعطيك العافيه اخوي

والله الاختلاط موجود بكل مكان مو شرط بالجامعه

وبالعكس الحين حتى بالقاعات والمحاضرات البنات بروح والشباب بروح
يعني ما يدرسون معانا بنفس الكلاس

انا اشوفها يعني عادي سواء منعوا والا ما منعوا نفس الشي

شكرااااا

[LoVeLiYa]

عادي عادي ;p

شكرا على الموزوع ;p

[kaka 22]

والله انا افضل منع الاختلاط . .

. . لأن مو حلوه شباب وبنات بجاااامعه وحده تحت سقف واحد . .

. . . ويعني انا واحد من الناس . . ما ارضى انه تكون اختي تدرس مع صبيان ومثلك عارف


بالاخير مجرد وجهه نظر . . واحنا ما نفك ولا نربط



كل الشكر لك اخوي

[البحر الهادي]

انا مع منع الاختلاط

لا بد ان تكون البنت علي راحتها غير مراقبه من الغير
وتكون في مجتمع مع البنات

والعكس صحيح

[فيرووووس بنـ؟ـات]

والله ياريت يتم التطبيق في كل الدوائر وتحت كل الأسقف بس مناشبين للطلبه

جنه محد مغازلجي بهالبلد غير هالولد ... شنو الفرق بين الاختلاط في الجامعات وبين الاختلاط في أي مكان اخر ..

لو يبون يمنعون الاختلاط فلازم يمنعون الاختلاط في كل الدوائر الحكوميه ....

وانا مع منع الاختلاط وبشده بس ... شايف مو شايلين هم غير الجامعات ....

اصلا الإختلاط في الجامعات يمكن يكون انسب للطلبه والأسباب كثيره منها ... ان الجنسين راح يشدون حيلهم اكثر


يسلمو لك ويعطيكم العافيه

[شوفو شموخي]

انا مع منع الاختلاط لانه ماورا الا المشاكل وعلى قولة فيرووس الكل بيدوام عشان الغراميات!!:)

[كويـتي][F.B.I][]

واللــه انا مع منع الاختلاط بشده

ليسئ كأسباب اخواني الي ردو

ليسئ السبب غراميات ومغازلجيـــه

....

السبب ان المنتسب والمنتسبه لاول سنه يكونون

في سن المراهقه وسن النهووض الفكري

فيجب ان نطهر افكارهم قبل بلوغهم سن الرشـــد

انا لا اقصد انهم وقحين واظلمهم لا

ولكن الشيطان شاطر

اذا قلناا ان يوجد بنات محترمات يجب ان تكون هناك قله من المنحطات

والشر يعم والخير يخص

فالبنت المحترمه تجد سلوك البنت الاخرى والتعارف من الشباب من يظمن لي انها لن تنزلق ذهنيـن
وشيطانين سوفاء تجرها إلى السوء بتصرفاتها

وكذالك عند الشباب الشاب المحترم سوفاء يشاهد اصاحبه الاخرين بنعيم التعارف والمغازل

وسوفاء ينجرف هو الاخر

ويقول البعض اهم بالوظايف مع بعض

لا مشكله الوظايف يكون الانسان بكامل قواه العقليه ويكون رزين ويخاف من كلام
الناس فسنه 25 سنه ويكون بحالة زواج قريبه

عرفتو سببي

اتمنى انكم تتقبلونه بصدر رحب

تقبلوني

مزيد المطيري

[AL_MoHaNdS]

يعطيك العافيه اخوي

والله الاختلاط موجود بكل مكان مو شرط بالجامعه

وبالعكس الحين حتى بالقاعات والمحاضرات البنات بروح والشباب بروح
يعني ما يدرسون معانا بنفس الكلاس

انا اشوفها يعني عادي سواء منعوا والا ما منعوا نفس الشي

شكرااااا

الله يعافيج اختي تسلمين على الرد

بس على طاري الجامعه احنا عندنا اكثر من محاضره خلط يعني مواد 100 تلقينها مو خلط بس لما تتعمقين تلاحظين اكثر المواد خلط

[AL_MoHaNdS]

عادي عادي ;p

شكرا على الموزوع ;p

العفو والف شكر على الرد البسييييط :)

[AL_MoHaNdS]

والله انا افضل منع الاختلاط . .

. . لأن مو حلوه شباب وبنات بجاااامعه وحده تحت سقف واحد . .

. . . ويعني انا واحد من الناس . . ما ارضى انه تكون اختي تدرس مع صبيان ومثلك عارف


بالاخير مجرد وجهه نظر . . واحنا ما نفك ولا نربط



كل الشكر لك اخوي

تسلم اخوي على وجهة نظرك

وانا والله رايي من رايك

[Z@G®†éY]

الــحين عــآدي مآفيــهآ شي

والأخـــتلاط صــآر شي عـــآدي كـــآهي بالمجمعـــآت

بكـــل مكــآن واضـــن تــعوردنا عـــلى الأخـــتلاط

هـــآذى وانـــآ إشووف بـــرإيي مــآفيهآ اي مشكــله

وكلنــآ عيــآل ديـــره وحـــده

وشكــرا على الــموضوع

ومـــآتقصرر

[دنووش]

انا ضد المنع ..

لان كل ممنوع مرغوب ..واحس بهالطريقه راح تصير فيها سلبيات اكثر من الايجابيات ..

والاختلاط موجود بكل مكان ..ولمتى راح يتم الفصل بين الرجل والمرأة وكأن كل واحد منهم جاي من كوكب ..

الرجل مكمل للمرأه في المجتمعات كماهي مكمله للرجل ..

[HoNeY RoSe]

سبق وتناقشنا بهالموضوع

اممم

انا اقول هالقانون مامنه فايده
بيمنعون الطلاب بسس بالجامعات
وبالاماكن الثانيه .. بعد بيمنعون الاختلاط ؟؟


:)

يعني .. مو مأيده له هالقانون


شكرا اخوي
منور القسم

[لنا عمر ٍ بلياك]

بالنسبة لي .. مع منع الاختلاط ..


المشكلة أنه اغلب الذكور مع المنع .. واغلب الاناث مع الاختلاط

وهذا الأدهى بالموضوع :)


اشكرك يا المهندس