مابين في عينك!!!

[شوفو شموخي]

السلام عليكم وورحمة الله

الحين روح ارجوك وساعديني انساك ولاتجي حتى لو اني بغيتك

ولو مر في بالي بقايا لذكراك بحاول انساها مثل مانسيتك!!!!

مابين في عينك!!!!


طبعا اتوقع الكل سمع هالاغنيه وكلماتها جدا معبره ؟؟

انا حطيته ابي اشوف رايكم اكيد كل واحد منا في يوم تعرض لغدر او خيانه

من شخص ماتوقعه ؟؟

انا عن نفسي افضل الانسحاب بهدوء بعد مواجهة الطرف الثاني

وابعد من اني افكر فيه بعد كذا؟؟


الناس تختلف والبعض يشوف انه حرته ماراح تبرد الا اذا رد نفس الموقف

للطرف الثاني؟؟

انتم لما وواجهتوا مثل هالمواقف كيف تصرفتوا ؟؟

وفي رايكم الافضل الانسحاب بهدوء وغموض؟؟؟

او المواجهه؟؟

وفي رايكم وشو الذنب او الغلط اللي مستحيل تغفرونه مهما كانت منزلة الشخص

في قلبكم؟؟؟


انتظر رايكم حبايبي والله لايجيب الزعل؟؟


بقلم:شوفو شموخي

[kaka 22]

وعليكم السلام ورحمه الله وبركاته




في مواقف صارتلي لا تعد


ولكن انا ما احب ادخل في جدل مع اي احد

لذلك تصرفاتي كلها مثل ما يقولون بالعاميه ( ( طنش تعش ) ) ... لأني توني بمقتبل عمري وراح اصادف اشكال والوان . . واذا بشيل هم كل اللي مرو علي . . عز الله عشت بهم ونكد


وعن الذنب اللي مستحيل اغفره . . قلبي كبير ويغفر بسرعه وانسى اللي صار


:)


كان لي الشرف بأن اكون اول من يرد عليج


تقبلي مروري



kaka

[كـلـي غـلا]

تـدرين ..
هالأغنيـّه أحبها كثيـر ..
ولا تعرضت لشـي .. وسمعتهـا .. بسرعه تـدمع عينـي ..

الغـدر أصعب شي ..
تدرين ليه ..
تحطين ثقتك بإنسـان .. وتبنين عليه طموحات وآمال ..
ويسـوي غلطـة تهدم كل هذا ..
يكفي ان بتبقى صورته مهـزوزه في مخيـّلتك ..
بتقولون .. ليه ما نغفر ..
" ان الله غفـور رحيـم .. لكن .. وإنه لشـديد العقـاب " ..
طيب غفرت مره .. مرتين .. وعقب ..؟
أكيد ان الشخص بيقول بنظره هذا إنسان مغفـل .. كل ما أخطي عليه يرد يسـامحني ..
ويستغفلنـي ..
وربي الناس اصناف .. في منهم يتمـادى بالغلط ..
وفي منهم من تسـامحه أبد ما يعيدها لأنه أستحى على وجهه ..
وفي بعض ما تجي منهم الزلة .. لانهم لا حبـو .. حبو بجنـون " سواء صداقه .. أو حب .. إلخ من العلاقات السامية الشريفة .. "

بتقولون أني ما اغفر لحـد .. بالعكـس ..
انا أكثر وحده في الدنيا ياما سـامحت ناس .. ما تستحق هالشي .. غلطت مره ومرتين .. وأكثـر ..
وظلت تجرح هالنـاس فيني .. وتخطـي وتغـدر .. وسامحت بما فيه الكفاية .. لين حسـو إني مغفـله ..!!
وش أكثر من كذا ..
انا أؤيد ان الواحد يسامح مره ومرتين بالمعقـول ..
ولاتنسـون ان الله يغفر الذنوب .. وحنا البشر الصغـار ما نغفـرها ليش ..؟!
لكن الواحد اذا تمـادى لازم يوقف عند حده ..
لكن لازم يكون في حـدود .. عشان الطرف الثاني لا يستغلـك ..
مهما كنت تحبه لا بد في حدود ..
انك ما تجرحـه .. تداريه .. تواسيـه .. ولا وش فايدة هالحـب .. مجرد إسم ..
مابين بعينك = اهـديها لوحده .. الله يستر علينا وعليهـا .. وحده عرفتها وتمنيت اني ماعرفتها ..
غدرت فيني .. مع اني ما جا مني أي زلـة .. اي الله كريم ..
لهـا يوم :)
وبالنسبة للأسئله ..
إذا كانت الزلة صغيـرة أبد ما راح أسئل عليها .. وبطـوّفها .. وبمررها بهـدوء ..
لكن ليه أنسحب .. دام هالشخص كان له بقلبي محـل ..
الشخص اذا كان رخيص أكيد بفرط فيه .. لكن غـالي مستحيـل .. بسامحه مره ومرتين .. وإن كثر .. الله معه ..!!
وشوفي انا في ناس أتبع معاهم اني أبرد حرتي بنفس الموقف ..
وفي ناس أطوف لهم .. يعني على حسب ..
والذنب الي لا يغتفر أبد عنـدي ..
الخيـانة من غير أي سبب .. الحمدلله عساني ماتعرض لها لا من قريب ولا من بعيـد ..!!
..
تصدقين .. هالموضوع فتح علي جـروح كثيـرة ..
ولو بتكلم ماراح أسكت ..! اتكلم لي بكـرة ..
صراحة أبدعتي .. دام لنا قلمـك ..
وكل الشكـر ..

[دنووش]

وعليكم السلام والرحمه ..

موضوع حلوو شوفو ..طبعا كل شخص شي طبيعي يمر بموقف زي كذا لان الحياه مليئه بالاشكال والاوان المختلفه من الناس ..

طبعا انا عن نفسي اكي مريت بمواقف زي كذا ,,بس مشكلتي مقدر اتخذ موقف ..يمكن بس في وقته ازعل واتنرفز وماكلم الشخص اللي غدرني ..بس بعدها بفتره ..ويمكن بسيطه بعد ..اصفح وكأ، ولاشي صار ..لاني انسانه نسايه بقوووه يعني ماذكر المواقف ..واركز عليها ..

يمكن هي صفه حلووه بس مو دايم لان كثيييييير من الناس ماينعطون وجه ويشوفون لما تسوين كذا انه ضعف ..

وهو العكس تماما


تحياااتي لك ومشكوره ع القضايا المهمه ,

[شوفو شموخي]

كاكا

اتشرف فيك عزيزي

اهنيك على تفكيرك الناضج وروحك المتسامحه

انا طيبه كثير لكن في زلات لايمكن اغفرها انا بشر مو ملاك!!!

[شوفو شموخي]

دنوشتي

العفو حلو لكن اقترن بالمقدره!!

يعني فيه امور مستحيل الواحد يقدر يغفرها وليه ليه سبحانه اختص بالغفران لانه كريم وحنا بشر!!!

وفي كثير ناس تسامح وماتنسى وانا وحده منهم وانتي اكثر وحده عارفه اعطي فرصه وثنين واكثر

لكن بعد فتره خلاص النفس تعاف وعزة نفسي تسيطر علي <<فديتني احبني شسوي:)

فيه خطوط حمراء عند كل انسان صعب الواحد يتجاوزها


ومثل ماقلتي الناس الوان وكل يوم بتشوفين لون شكل هذا حال الدنيا!!!

النسيان نعمه دنوشه :)

[شوفو شموخي]

غلا ياذوق انتي

فديت الموضوع اللي خلاك تفضفضن:)

شوفي غلاي انا معك في كل حرف الحب مو كلمه الحب فعل وتصرف

والغدر سكين تذبح وصعب انها تبرى بسهوله ومثل ماقلتي صعب صورة انسان حبيتيه تنهز الا تنكسر وتتشوه

وقتها تحسين بالضياع وتأنيب الضمير بأنه يمكن يكون اختيارك خاطيء او جيتي في وقت غيرك !!!

وهواجس وامور غريبه يختل توازنك معها

حبي اللي غدرتك هي اللي خسرت لانه انتي وةبكل فخر مكسب لأي انسان وهي في داخلها عارفه وتكابر

ومصيرها يوم تعرف قدرك


لا تتوقعين انه اذا اثنين افترقوا بس طرف اللي يتألم !!صدقيني الثنين وحتى لو كان بقراره في يوم ذكريات جمعتهم!!

ومستحيل يمسحونها مهما حاولوا!!!

انا معك الغدر والاستغفال نارررررررررررررر تحرق

لكن الحمد لله الى الان محد قال افكر بالانتقام ننتظر راي البقيه!!

[mshtaga]

شوفووووو
يعطيك العافيه

مثل ماقالوا اخواني كل انسان يمر بهالمواقف

ولكن هناك مواقف تستحق المواجهه والرد

وهناك مواقف عكس ذللك
القلب يتحمل الكثييير لكن لابد ان ياتيه يوم وينفجر

انا تعرضت لمثل هذا الموقف من صديقه لي كانت من اقرب البنات الى قلبي
لكن في بدايه الوقت قالت انسيني
تركتها فتره
من ثم واجهتها المواجهه قد تريح الانسان ليعرف ان كان خاطئ او على حق

ولكن لايمكن ان ينسى الانسان ذكرياته حتى وان كان هناك خلاف كبير

ولكن ان اتى يوم وقالت سامحيني واغفري لي والله اغفرلها لان هذه الدنيا
زائله وما راح ناخذ منها غير اعمالنا الصالحه ونياتنا

وردت الفعل تكون حسب الموقف

شكرااااا

[HoNeY RoSe]

اممم

الحمد لله ولا مره صار ليي هالموقف ,,

بس اتوقع .. لو صار ليي انسحب وبهدووء .. او بالاحرى بنسى بعد فتره ..
ما احس انا من النوع الي توقف حياته على شخص غدرني : )


مشكوره حبوبه ع الموضوع

[المنــــفي]

مشكوره شوفو شموخي على طرح مثل هذا الموضوع
يمكن نستفيد من أسلوب ردة الفعل عند الأعضاء الكرام

بالنسبه لي
الحمدلله أعتبر من نعم الله علي الكثيره
الحلم وطولة البال
يعني مهما يكن الموقف سئ أو غبي أو قاسي
أتجنب تكون لي ردة فعل وقتها
وأحتفظ بتوقيت ردة الفعل
اللي يعرفوني يدرون بأسلوبي
واللي يجهلني يتوقع أشياء ثانيه....

شخصيا أشوف أنه ممكن أقول كـــلام وأندم عليه
أو أقـــوم بتصرف معين وأتحسف أني سويته
يعني تصرفاتي اللي قمت فيها بمحض أرادتي
ممكن أتراجع عنها
وأغير راي في موضوع معين

لذلك

أشوف طبيعي أنه تظهر اخطاء من بعض أصدقائي علي
أذا أنا نفسي مرات أخطأ بحقها
فطبيعي الآخرين يخطأون على

طبعا الأمر يتفاوت من خطأ لخطأ
والنيه عامل مهم جداً
أذا يتعمد الأساءه أو لأ


طبعا الغدر
أمر مؤلم جدا
وخصوصا على قولة طرفه بن العبد

وظلم ذوي القربى أشد مضاضةً
على النفس من وقع الحســام المهندي

طعنة الغدر اذا كانت من قريب وشخص غالي
يكون ألمها أقسى بكثير
والشخص القريب بالذات أقول في نفسي اللي ينكسر ما يتصلح
أوكيه أحافظ على علاقتي فيه وبسؤالي عنه بس مستحيل
ترجع العلاقه مثل قبل

أتبع أسلوب الأنسحاب بهدؤ
بدون لفت الأنظار
ونهائياً ما أواجه الطرف الثاني
لأن المواجهه ماتعني لي شئ
لأن الطرف الثاني أصبح غير ذي أهميه بالنسبه لي


ومستحيل حتى لو بعد فتره طويله على السالفه
مستحيل افتح الموضوع أو أتقبل
فتح الموضوع حتى لو كان جاي يعتذر

[شوفو شموخي]

مشتاقه

اهنيك على قدرة العفو

انا راح اسامح اكيد لكن ارد مثل قبل مستحييييييييييييل خلاص الخاطر يعاف!!مو بيدي

[شوفو شموخي]

روز

الحياه ماراح توقف على فراق ا غدر او حتى موت احد راح نعيش اللي مكتوب لنا

لكن الغدر والالم يترك اثار وندوب صعب الزمن يمحيها نتناساها اي لكن ننساها مستحيل!!!!
وجهة نظر

وربي يحمي قلبك من الجروح والغدر

[شوفو شموخي]

المنفي

نورت الصفحه بوجودك

المواجهه ضروريه حتى تعطي للطرف الاخر فرصه اخيره لتبرير موقفه وبعدين لك حريه الاختيار في العفو او الانسحاب

هذا راي:)

اما سالفة انه انه في وقت الغضب تتكلم كلام تقسى فيه انا مازلت محتاره هل الانسان وقت الغضب يقول اللي في

قلبه وكاتمه يعني زلات لسان بما في القلب

او انه مجرد كلام غيرمنطقي في وقت الغضب!!!

ياريت القى الاجابه؟؟؟

في انتظار بقية الاعضاء:)

[مجنونة حب]

والله ياما مرت علي مواقف تبط الجبد وتقهر بس دايماً أكون
المغلوبة و المظلومة في كل موقف لأني تعودت على تقديم
هبة لغفران على طبق ن فضة لكل اللي أذوني و دايماً أتساءل
هل هذا ضعف أم قوة شخصية ...!

المهم ..


موقفين اللي مو قادرة أنساهم و لا أغفر لأصحاب تلك المواقف
لأنها تركت أثر جراح في نفسي من أقرب الناس لي..

أولهما لم أرد عليه كعادتي لأني كنت أنتظر المساعدة من
أحدهم فأدار لي ظهره و تركني وحيدة .. فمضى وما زالت نيرانه
تتآكل قلبي ..

أما الثاني فأيضاً كان من انسانه قريبة مني و ضننت نفسي قريبة
منها .. لكنها طعنتني في ضهري في أول موقف واجهته مع أحدهم
و أفشت أسراري و أظافت عليها الكثير من البهارات .. فلم أستطع
الغفران فـ انتقمت لنفسي ولكن للأسف لم تشفى الجراح ولم تطفأ
النيران ...




((شوفو شموخي))


تمالكتني العبرة أثناء كتابتي لردي هذا لتذكري مواقف حاولت تناسيها ..


كل الشكر لج حبيبتي على موضوعج المميز


^_^

[شوفو شموخي]

المميز هو مشاركتج معاي غلاتي


انا نفسج انسحب بهدوء وصدقيني هذا موضعف هذي طيبه في ناس تحسدنا عليها خلينا ننام مظلومين مو العكس

وبعدين تفكرين اللي ينتقم يرتاح؟؟لاوربي راح يعيش بقهر بس من نوع ثاني

فديت قلبج وماعاش من يجرحه نورتيني