قله أدب وله قله ذوق ؟

[*TanTosHa*]

السـلام عليكم .,,

اليــوم ودي أتــكلم عــن صفه يفتقدها الكــثير من النـاس ..

بصراحه مادري شنو اسميهــا ..

قلــه أدبــ أو قله ذؤقـــــ ..؟

قبل فتره كنت واقفه بمواقف الجمعيه وناطره امي على ما تيي ..

يمي سياره قاعده تطلعـ واهيه تطلع دعمتني وكملت طلعت كأنه ما صار شـي ..

وحتــى ما كلفت على روحها وقالت أسفه اختــي أو شي ..

مشت وكملت طريجها ..!! وأنـــا انصدمت ..

الموقف الثـــأني ..

وانا كنت بحاسب شغله بالســوقـ ..

واقفه بالدور ..

ماشوف اله وحده يت يدامي ولا احم وله دســـتور ..!!!

انزين يعني ما تشوفني واقفه انطر الدور ..@@

والله هالناس مادري شلون صايره ..

..

حبيت أعرف رايكم بهالنوعيه من الناسـ ..؟

*TanTosHa*

[SuL6aN]

مرح ـــبآ الــ س ـــآع

آنـ س ـه " تنتــــش" يـ ع ـطـ ي ــج العآفيه ع الـ م ـوضوع

اكو نآس وآيد جذي من هالنوعيه

وهالشي إن دل . فإنما يدل على قلة التربيه وقلة الذوق مثل ما تفضلتي

. . . ,,, . . .

شـ خ ـصيــــاً , اشوف انهم نآس ما يستـ ح ـون

وبصرآحه انتي غلطآنه المفروض ماتسكتيـن عن هالنوعـ ي ـه

. . .

تسلـ م ـين وعـ س ـآج ع الـ ق ـوه

7zN

[HoNeY RoSe]

::

هذي ناس ما عندها لا ذوق ولا احترام ..

انا بعد ينرفزوووني .. جنه الدنيا سايبه ..

بس شتفهمين فيهم .. الي من هالنوع ويهم مايستحي

:@:@

انا وايد اتصير معاي من هالمواقف .. وانا من النوع ابتسم واخمد .. بس ماتمشي معاهم لازم يبي لهم الي اللسانهم طويل


مشكوره حوبي

:(


::

[BiShOw]

اللي دعمت سيارتج يمكن اهيه ما تدري ، و اللي يت و وقفت جدامج بالطابور ما تحترم دور غيرها ، و انسانه مو متحضره ،، بس يمكن كانت مستعيله و عندها ظرف ، بس حتى لو كان المفروض تبتسم و تقولج اختي ممكن اوقف جدامج مستعيله شوي و انتي اما تسمحيلها او لا ..

[فيرووووس بنـ؟ـات]

لا قله ذوق وقله ادب ....

بصراحه هالمواقف صارت لي واجد وخاصه عند البنزين وقت الحساب عند الكاشير او ...

في الجمعيات وصعب نقول ان التربيه لها دور اساسي في هالامر لأن اغلب من يسوون هالحركات

هم كبار في السن... وأعذر أحيانا في بعض الحالات ... لأن ممكن يكون مضطر ويكون عنده موعد ضروري وطايفه...

بس يحزني من يسبقني في الدور عند الطبيب ويتجاهل هالموقف لان حالي ممكن تكون اصعب من حالته ولا يراعيها

يسلمو لج ويعطيج العافيه

[شوفو شموخي]

مشكوره غلاتي

انا صادفت ناس كذا مو متربين وماعندهم احساس بالغير وانا اعتبرها انانيه وقلة ذوق

قبل اسبوع كنت في كار فور والا اسمع ذاك الرجال يحش فيني مع زوجته انه انا ((سقطت ))عليه!!!


يعني تقدمت وهو واقف قبلي طبعا انقهرت وقلت له انا اسفه اخوي وتفضل بس انا ماعتقد انك قبلي!!!

طبعا انقص وجهه واعتذر مني وقال لا انتي اغراضك شوي حاسبي قبل ,,رفضت وخليته يحاسب!!!!


الناس غريبه تشوفبنهم يتقدمون على الهندي واذا اعترض قالوا بعد هندي لك وجه تتكلم ؟؟مدري هم احسن منه

في ايش؟؟؟

[البحر الهادي]

كثير من المواقف تحصل معانا
بهذا الاسلوب التافه

والمشكله اذا فكرت فيها انها بسيطه وابسط الامور

بس ليش ما يحترم نفسه ويحترم الاخرين

بالدور والكلام والاسلوب


تسلمين

[لنا عمر ٍ بلياك]

قلة التربية والذوق موجوده ..

لكن انا اعتقد انه هل شي يعتمد على نوعية الشخص الي يكون واقف مثلا ً وياخذونه دوره او يدعمونه ويمشون ..

والي واثق منه انه الحين الناس قاموا يسلبون حق الغير من النظر الى الشكل


بمعنى اصح لو كان واحد هيئته شديد و معصب شوي !! ما اعتقد انه راح يجي او تجي وحده وتعدى عليه

لكن لو كانت وحده واقفه وشكلها فقيره ومؤدبه .. راح يتعدون عليها


شكرا ً آنستي


:)

[aljhry]

رأيي في الحقيقه بسالفة السيارة

اللحقها واوقفها واقولها ماتشوفين السياره اوكي هم ما شفتيني انا بعد الدعمه ؟؟

ولا يعني غباء ؟

اما السالفه الثانيه مالت الجمعيه عادي اذا كنت فاضي اما اذا مشغووول لا مايصير والحق على المحاسب بس


وشكرا

[ScReAmQwEeN]

تان توشــا ..

تسلمين على الطرح الحلــو ؟؟ ؟؟
بخصوص إلي دعمتج بسياره .. اهمـ شي سلامتج والمسامح كريم
والأنسان مومعصوم عن الخطأ .. ..

امـــا إلي تعدى على الدور أنــا اشوفها وااايد وصارت لي واايد
بس ماأعلق ولااتكلمـ الأن إلي يسوي هالشغلات ماعنده ذوق ومايحترم أحد
واذا تحجيت بقل ادبــه الأن من البدايــه الذوق منعدم ..
وبعد احنــا لازم انلاحظ الناس إلي ورانــا ونقدر يمكن يكون في شخص كبير سن
شخص تعبان ..أم مستعجلــه عشان عيالها .. يعني مايصير شي لو تأخرنــا دقايق وعطيناهم دورنــا

ثانكس ..
تقبلي مروري

[s.r.k]

مثل هالمواقف وايد تصيرلي .

و قبل اسبوع هم جذي كنت واقفة بحاسب ناطرة دوري خليت اخوي الصغير

واقف بالدور و رحت صوب الثلاجة اللي يم المحاسب الثاني بشتري ماي

و رديت بسرعة و لا اشوف اخوي واقف برا و لا وحدة رايحة حاطه السله و رايحة

تبي اتييب شي و ترد بعد :|

و المشكله لو اغراضها اقل من اغراضي جان طوفتها و خليتها قبلي حتى لو مو

مستأذنه .. بس المشكله يعني شاريه وايد ..

و بعدين اهوة المحاسب بنفسه خذا اغراضنه و حاسبهم ؛

.

ووايد تصيرلي مثل هالمواقف و انا من النوع اللي اطوف كثر ما اقدر و ما اتكلم

حتى ساعات امي تتنرفز و تلومني :|

بس بعد أصير أحسن منهم مع انه يبيلهم وحده عندهة لسان علشان توقفهم

عند حدهم ،

و ماكو وحدة ما عندهة لسان او ما تقدر تتكلم و ترد عليهم

بس لانة عندها ذوق و اخلاق و مو قليله الادب و محترمة نفسها ..

يسلمو عالموضوع ..

[*TanTosHa*]

Beckham&&England

..

أهلا وسهـلا ..

بصــراحه مو طبع ـي أرد ..

والله حتى انا قاعده اقول المفروض أرد عليها بس شسوي ..!

..

ألف شكــر لكـ على مروركــ الحلوو

نورتني

..
.

[*TanTosHa*]

HoNeY RoSe

..

اي والله ما يستحونـ ..

ما ايون اله بالعين الحمره ..

..

ثنكيوو على مرورجــ العسلـ ..

ويع ــطيج العافيه

وما قصــرتي

نورتي

..
.

[*TanTosHa*]

BiShOw

ماتدري!! :cwm15:

ما سمعت صوت الدعمه ..!

اوك يمكن دعمتني واهيه ما تدري تعتذر ..! مو تمشي !

ومثل ما قلتي اا اهيه مستعيله على الاقل تقول ..

..

مشكورة على مرورج العسل ..

نورتيني ..

وحياج الله

..
.

[*TanTosHa*]

فيرووووس بنـ؟ـات

..

صح كلامك كبار السن معذورين ..
وبالعكس انا اذا شفت مره كبيره انا اقلها تفضلي ..

..

كل الشكر على مروركــ العطر ..

ويعطيكـ العافيه

نورتني

..
.