مغامراتك أيام الطفوله والمراهقه هل هي تعيسه ام سعيده؟

[nawal]

اسعد الله اوقاتكم بكل خير احبتي في الله

كلنا عشنا مرحلة الطفوله والمراهقه

وكلنا مررنا بأيام مازلنا نذكرها كأنها حدثت بالأمس

مازلت أذكر بيتنا القديم بمنطقة ( شرق ) وقربه من البحر الآن أصبح ( سوق شرق )

وأذكر ( راعي عربانة الماى ) يفتحون الأولاد ( هوز الماى ) ويتركون على الأرض فيجري خلفهم ( صاحب العربانه )

ويهربون ضاحكين وأيضا الألعاب القديمه ( المقصي ) و ( حي الميد ) وألعاب شعبيه كثيره

والبنات كنا نلعب ( الحجله ) + ( الربازه ) وهي الحجر المستخدمه للرمي وعادة تكون قطعه من ( كاشيه )

والمراهقه كنت أعشق أغاني ( ورده ) + ( مياده ) + ( نبيل شعيل ) وكنت أندمج مع الأغاني لدرجة البكاء

وكنت أشعر بالغرورو عندما يلحق بنا ( شباب) خلف باص المدرسه رغم اني كنت خجوله واجلس بالمقعد الأمامي

ولكني كنت اشاهد البنات في الخلف ( يتحرشون ) بالشباب ويضحكون وكنت اغبطهم :)

ذكريات كثيره كثيره

الآن

ماهي ذكرياتكم أنتم؟

بإنتظارها وكلي شوق لرؤية حروفكم

[HoNeY RoSe]

//

الآآآآآآآآآآآآآي احب هالأيام احلى ايام

صج صج عشتها بمعنى الكلمه :$

كنا ساكنين بشقه .. وخبرج بشقق الأهل مايرضون نطلع ,, بس هالحجي مو علي ولا على اختي كناا نشرد الظهر وقت الي ينامون البيت ÷÷

ونطلع نلعب مع بنات الفريج والصبيان : $

كنا نلعب وايد اشياء الحجله ,و الخشيشه يعني وايد يغمض عيونه واحنى ننخش :$

ولاا احسن شي ايام رمضان انسوي مسابقات يعنني كشخه :p ,, وكان فيي هدايه كاكاو ابو خمسين فلس:p معاه مئة فلس ونغلفه عشان يعني هدية صج لوووووووول

المراهقه :
بدت المراهقه وبدت حبست امي لنا ÷÷ في البيت كله ماكوا طلعات يعني نطلع بس مو وايد ..
وفي المدرس حلوو .. انا من النوع الشعبيه الاجتماعية .. يعني بسرعه أأقلم نفسي مع البنات حتى لوو ما اعرفهم ,,
اذا عجبوني اواصل معاهم ماعجبوني بس اتشوفيني اتهرب اتسحب عنهم ÷÷

وبثنويه ايام الي ارد مع الباص ايصير لنا مثل الي يصير لج الشباب وحركاتهم من الباص ,, بس مايمديني اشوف من اركب الباص انا ورفيجتي حش بالبنات الي بالباص لوول << لانه اليومين الي انروح فيهم في الباص يغصبونا عليه محد ايجي لنا :$ وحر وشمس :d

ذكرت شي بعد من رد اوخر الشتا ..

قبل واحنى صغار مافي شي ابيتنا صاحي والله انكسر كل شي وانخش الي انكسره ÷÷ .. ومحد يعترف لو شنو صار ,, وبعدد اذكر مره صارت مشكله ابيتنا مو مشكله بس يعني لغز وليومج ماندري منو سوا هذا .. كان ملح الليمون قريب من الشكر ,, وما ادري من طيح ملح الليوم بشكر ,, وتخيلي امي اتسوي الحليب اتحط شكر يخترب الحليب والجاي مالح على حامض على حلو ,,
وسوووا لنا عقاب لمدة اسبوع ويبونا نعترف ومحد اعترف .. للحين ماندري منو سوا جذي : $
هههههههههه

<<< وايد قرقت يختييييييييي


مشكوره اختي ع الموضوع : )

[s.r.k]

[align=center]موضوع حلو و إجابته مالها حدود

لكثرت الذكريات ..

؛

أذكر القليل منها ..


..

مرحلة الطفولة
.
كنا فبيت يدتي قاعدين ..
كنت البنت الوحيده يدتي تحبني وايد ماترضى علي و حتى ابوي ...
حياتي وايد كانت هادية .. كنت احب العب بروحي او مع اخواني ..
أحب العب برووي .. يعني اخواني عيالي .. لوؤل
او مثلا عندي البيبي .. ( العروسة ) يعني بنتي و اشتري اغراضهة
كنت وايد أحب هالسوالف من و انا صغيرة .. احب المواعين وايد لوول
امي كلا تشتريلي العاب جذي و آكل صناعي .. يعني أطبخ و جذي ^_^
أحب الباربي .. أذكر كان بخاطري يكون عندي ريال بنفس حجم باربي بس ماشريت
مادري ليش :| و كنت كل اسبوع اروح الجمعية صوب الالعاب اشتري نفنوف يديد حقها ..
اقصقص شعورهم اسوي تسريحات غريبة و عجيبة .. و اقص جم القميص اسوي موديل ثاني

؛

بالروضه كان في واحد كلا اتناجر معآ معني مسالمة حدي بس مع البنات بس اهوة كلا يتحرش لي آخر لحظة بالروضة
و بحفلة التخرج و اهوة يتحرش و يأذيني
اذكر كان شعره اشقر ..بس مو حلو وايد :~p
مرة في حلاو مصاص آخر حبة كانت حقي .. اهوة قاعد يمي و مآحصل .. جان يقوم يبي يآخذ الحلاو من ايدي و اهواش مع الابلة
و بحفلة التخرج جنة انا اول وحدة بطابور العرض او ثاني وحدة و اهوة من قرادة حظي واقف وراي لوؤول و كل شوي يطق الكبوس
بالشهادة و انا اطقة و اهوة يطقني لين مشى الطابور لوول و أحلى شي انه كل هذا امي مصورته بالفيديو ..^_^
مرة كنا بنروح نآخذ اخوي من المتوسطة شفته برا .. <<<< لوؤل شلون لمحته ~P
لانة أخوي اصغر مني بسنة فمعا بالمدرسة .. ^_^



امممم موقف يضيق الخلق لووؤل *_*
كنت توني متحجبة صغيرة .. قاعدة العب مع ولد عمي أكبر مني و اخوي .. و اخوانا معانا .. المهم
قاعدين نلعب كروت بوكيمون مادري شسمهم ..! ~ : )

و أبوي يه زفني مادري على شنو .. يقولي ليش قاعدين تلعبين مع صبيان
المشكلة وين الصبيان بس ولد عمي اكبر مني و كلنا بهال يعني و انا بحجابي لوووول :p ~

ضيق خلقي وآيد يعني انا شذنبي اذا البيت كلا صبيان ... :@~

^_^
بطلع حرتي



،

مرحله المراهقة ..
مرحلة المشاكل .. لوؤل
انا من قبل عنيدة بس صرت أعند ..
اممممممم و الله وايد ذكريات حلوة بهالمرحله
اخواني كبرو و صارو يونسون و ما اقدر استغني عنهم ^_^ ~p
مواقف داخل البيت و برا البيت معاهم وايدة ..

،[/align]

[طلآل ~]

[align=center]بسـم الله الرحمن إلرحيـم

والله خـوش موضوع

والله إيآم الطفـوله يآكثر المشــاكل فيهـاا

نلـعب فيهـا التيــل

واللحقه

كـوره قـدم

نَكسر أغرااض البيت <_ حتـي البيت مآسـلم مـني هههههههههههههههههههههههههههااي

وإللحقه

ومـرآآت آنـآ وربعـي يوم كـنآ بآيآم الطفـوله

نسـوي بـلآوي

كاان تفكيررنا كل همه اللضحك

نلـعب بمسدسـات صـجم

<_ دوم هو الضحيـه

وواياام المرآ’هقه

للحيني عآيشهآآ ف4

سـلآآم[/align]

[a7la 3eemiya]

بسم الله الرحمن الرحيم

بالنسبة لي مرحلة الطفوله ما استانست فيها كلش

يعني من بداية حياتي وانا حسسوني إني بنيه كبيرة أشيل مسؤوليات البيت

وأساعد أمي وأبوي بالشغل وجذي

ما عشت أيام اللعب والطفوله :)

والحين بمرحلة المراهقه الله ييخليلي النت

كل وقتي عليه

أحاول أأدي واجبي حق الكل يعني اساعد امي وابوي واخواني وجذي

اخلص وايي عالنت

بس هم مرحلة الطفولة أحلى من المراهقة

والله يستر من سن الشباب *_^

شكرا عالموضوع الحلو

[قـمـر]

[align=center]أيام الطفوله سعيدة جدا ولله الحمد

لأني امضيت طفولتي بالالعاب وعشت سني ما كنت افكر بشي ابدا الا اللعب


لعبتي المفضله (( بروي ))

من مغامراتي ايام الطفوله اني كنت عاجله حيل والدليل الحين بقوله

زارتنا جارتنا مره عجوزه وما تاكل حب سنونها مكسره

فامي قالت جيبي جاي وحب


سويت الجاي



قمت ادور حب مالقيت الا شويه فعندي بيبي متوو مالتي احبها اموت فيها صرت ذكيه خذيت من حبها الشمسي وخلطته مع الحب

المخلط الشويه اللي لقيته


امي ماحست ولا العجوز لان بالاساس ما تاكل فانا واثقه انها ما راح تاكل حب

وطول ما انا قاعده خايفه تاكل حب البيبي متوو

وذاك اليوم علي حضي النحس كلت حب قمت اطالع واقلب بعيوني فوق وتحت بس اشوه ماكلت الحب الشمسي لوول

كلت نخيه اعتقد تعرفونه وبس وقفت وحمدت ربي ان الموقف انتهى علي هالشي

وليومك يتذكرون امي و خواتي ويضحكون علي هالموقف وانا بعد

عاجله مو صح؟



يعطيك العافيه نوال


ولهت جدا لمواضيعك

اختك

قمر[/align]

[ع ـناديهـ]

ل وووووووو لز

يا حلوو ايام الطفوووله ويييه يا كثر مواقفي صج ليت الزمان يعوود لان ايام الطفوله ما تتعوض

من المواقف الي اذكرها الله يسلمكم

اول موقف :

انا واختي الكبيره من كثر اندماجنا ع التلفزيوون حبينا نصير نفس الممثلين والمذيعين
قامت اختي الكبيره ولا تقول لي شرايج نطلع بالتلفزيوون (( طبعا انا كنت جاهل )) قلت يالله
ونرووح ونصعد فوق السطح ونوقف جدام الدش (( مادري صحن الستلايت )) المهم نوقف ونغني
والي ترقص وانا طبعا اسلم اقول يمااااااااا تشوفيني ههههههههههههههههه وبعد ما نخلص ننزل
ركض ع التلفزيون نبي نشوف صورنا هههههههههههههههههه <<< صج خبووول

وهذا الموقف يوم كنت انا ايام الابتدائي والحين انا بالجامعه وكل ماذكر اقول العن خيري لي هالدرجه انا خبله
واقعد اضحك ع نفسي صج ايام : ))

الموقف الثاني كان مع اخوي الصغير << برئيه اهما الي يخربوني ولا انا مسكينه ههههههههه

طبعا الصبيان دم ضروسهم البنات و24 ساعه عنااد فيني وانا طفارتي الي يعاندني
المهم امي تحط براويز (( جمع برواز ))<< فاشله بالعربي
المهم تحطهم ع الدرج يعني زينه نتهاوش انا واخوي يقول اهما يكفني وينهااش فانا ماقدر اصيده
وبالعربي مالي خلق اركض فأقوم احذفه (( تكرمون )) بنعال ونكون صوب الدرج واهوا ينزل راسه وتنكسر
صوره وتقوم امي وتبدلهم بعد ما تبدلهم نتهاوش بعد ونكسرهم ل ووووووووووو لز وهذا حالنا واحنا صغار
بالاخير امي شسويت ماقامت تحط شي ع الدرج مسكطينه تعقدت منا هههههههههه

اما عاد سوالف المطر كل فهذي حدث ولا حرج

الي كنا نستانس ان طق مطر علشان نحط صابون لولو ع الارض ونلعب هههههههههههههههههه


صج اياام كانت اجنن من الخبال ههههههههههههههه
بس يعني الحين كبرنا وعقلنا <<< ماعتقد


طولت عليكم سوري : )

[*TanTosHa*]

..

وناســـه والله ذكـروتوني بايامـ أول ..

يعــني أكيد كانت حــلوة بما انها طفـؤله ..

أذكر ابيتنا القديم ـ كانـ في حـوشـ ..

وكنا نلعب حي الميد وصيده مصيده ..

والله أيـامـ حلوة..

..

نوال

مشكورة على الطرحـ الجميلـ ..
ما قصـرتي
منورة القسمـ ..

..
.

[قـمـر]

عناديهـ الله يعين امج عليج لوووووووووووووول


سوالفج موتتني ضحك

[ŋαŋ]

[align=center]


لوووول عليكم سوالف
تموت ضحك والله
بالنسبه لي أيام طفولتي كانت صبيانيه شوي يعني ما أقعد
ألا مع عيال على أيامي وأنا صغيره ما كان عند خالاتي بنات
يعني خالاتي الكبيره كل عيالها أولاد وماعندها ولا بنت للحين
وخالتي ألا بعدها عندها بنت صغيره والحين أهي بالأبتدائي
يعني بالعربي أول ما أنولدت وأنا بين أولاد ^_*
وطبعاً ما كنت أعرف أسمه بنات عمتي .. أولاد عماتي كذا
ما كنت أحب ألا عيال خالاتي الكبيره بذات ثالث ولد لها لأن أحنا تربينا من بعض
وكنا دايم ويا بعض المهم

أنا طفولتى صدق كانت كلها عيال ومع عيال
بس كنت هاديه هاديه حيل وكنت خجوله لأبعد درجه
مو جريئه حيل وللحين فيني هالصفتين ع فكره ..

المهم

من الأشياء إللي أذكرها وأنا صغيره
كنا ببيت خالتي أللي عندها بس عيال

مره طأح عصفور بالحووش وكان صغير حيل ويجنن حتىآ أذكر كان لونه رمادي
المهم رحنا أنا وولد خالتى أخذنا وأعتننا فيه وكذا
وكل يوم وأنا طابه بيتهم عشآن هالعصفور :|
و24 ساعه وهالعصفور معنا .. عآد مره كنا مع العصفور يعني وكان وده يطير
وقاعد يدور عن راسي الدرج لأن أنا وولد خالتى كنآ قاعدين على الدرج وعندنا العصفور يدور
كلنآ حرام لازم نطيره يرجع لأمه .. عآد ولد خالتى حنون درجة أولى :p
المهم بعد محاولات وكذا طار العصفور وكذا
وراح لأمه بس جد وقتها حسينا أن سوينا أنجاز لووووول :D



وأشياء ثانية بعد
وكانوا أولاد خالتى الكبار دايم يلعبونا شجررره نمله خخخخخ كنآ نتحمس وربي ^_*
وكان جدي الله يرحمه يلعبنآ بعد ويوزع علينآ حلو وعلووك .. :$

وأيش كمان أذكر بيت جدي كان عندهم حديقه بدور الأرضى يسمونه كذا
كان فيه مراجيح و الأشياء هاذي كنآ نركب كل عيال خالاتي وأنا وخواتي وكلنآ يعني
ونقول .. يلا نروح أي مدينه . . واحد يقول مدينة الأكل واحد يقول مدينة المادري أيش
ينقالهم يعني بروحون الأمآكن هآذي :p

وأشياء كثير صاإرت بس ما أذكر منها شيء ألحين ^_*

أما مرحلـة المراهقه .. وما أدراك ما مرحلة المراهقه كانت جنونيه
صحيح للحين مراهقه بس بدايتها كانت جنونيه كلها عنآآد × عنآآآآآآد :p
كنت كله أجنن ماما .. وأدلع على بآبآ :p
وكنت وقتها مجنونه جنوون مو طبيعي بس الحمدالله خفيت الحين :p
بس مع هذ1 كنت عاقله شوي :$

ثآأنكس على الموضوع النآأأيس
يعطيك العافيهـ =)

[/align]

[فيرووووس بنـ؟ـات]

خوووش موضوع .....

تبون تحسسونا بطفولتنا ...

انا بالنسبه لي ... ابدعت في الطفوله وخاصه اللعب ... قضيت طفولتي والمراهقه كلها كرة قدم ...

اذكر كنت يادوب اطلع من المدرسه اوصل البيت ... ادرس نص ساعه او اقل بس مستحي اكثر ...

تصير الساعه ثلاث العصر ... العب كرة قدم ... بس تنتهي المباراه نريح .... ونصعد على سطح البيت ونلم كنار من الشجره اللي

في البيت ... بيوت الاحمدي معروفه حوش كبير ولازم فيه شجره عند الاغلبيه ...

بعدها نرد نلعب كرة ... ونروح نقز اما في سوق الاحمدي او سينما الاحمدي ...وبعدها ...

ارجع البيت وانام غصب .... عشان المدرسه

يسلمووووووووووووووووو لج نوال

[قبلت التضحيه]

الله يذكر ايام قبل

شحلات ايام قبل
شاكرلج على الطرح الراائع


( `•.¸
`•.¸ )
¸.•
( `•.¸
`•.¸ )
¸.• )
(.•
ר) ......... (¨`×
¸.•¸.•¨) (¨`•.¸`•.¸
(¸.• (قــبـــلــت الــتــضــحــيــه* ) `•.¸)
(¨`•.¸`•.¸ ¸.•¸.•¨)
`•.¸)

[mshtaga]

تسلمين نوااال ع الموضوع

ايااام الطفوله والمراهقه احلىىىىىى ايااام حيااااتي

اول شي بما اني اخر العنقووود :)
وعلى قولتهم دلوووعه وعنييده
كانت طفولتي ومراهقتي تاخذ نوع من الشطانه على الخبال نوعا ما :)
اذكر ايام المتوسطه مافي بنت ولا ابله ما اشتكوا علي :) ام لساااان والله انا برييئه :(
يعني ايام طياااشه والله انا لو ابله وفي بنت مثلي اذبحهاااااا
ايام المراهقه يمكن اتذكرها بس الطفوله خلاااص كبرنااا خرفنااااا هههههههه
المراهقه ما تحسين فيها الا ايام الثنويه
وكااانت احلى ى الايام
كنت طااايشه على قولتهم
بس الحمد لله الحين عقلنااا :)
يا ليت ترد هذيك الايام والله احسن من هالايام
شكراااااا

[nawal]

يا قلبي

يا حلات ذكرياتكم وربي عشتها معاكم خطوه خطوه

ماعندي رد لكم حقيقة ماعندي

جدا مبسوطه معاكم بذكرياتكم


كملو ذكرياتكم لاتوقفون

وكل وحده او واحد وده يقول عن سوالفه

ترى الموضوع لكم مخصوص لسرد الذكريات على راحتكم

ولاحد يقول طولت لا بالعكس اخذو راحتكم على الآخر


فديتكم وفديت عيونكم وذكرياتكم أحبتي في الله جميعااا

[ScReAmQwEeN]

[align=center]نوااال .. خوش موضوع .. ..
الأعضاء ذكريتهم واايد حلــوه .. ..

أمــا أنــا كنت عايشـه بيت يدتي .. وكنت مينونــه وهبلــه.. وطفولتي كانت صبيانيــه
يعني كل وقتي مع صبيان الفريج .. .. اذكــر أن أنــا كنت أطق صبيان وبنات الفريج وكانوا أهليهم
ييون يشتكون الأبوي لمن يروح المسيد .. كل مايطلع يمسكــه واحد يقول فكنــا من بنتكـ ولمن ابوي
يي يخانقني انكــر وأقول جذابين يتبلون علي .. يقوم ابوي مسكين يصدقني .. ..
وفي يوم طقيت ولد يرانـــا لباب جدام الباب .. فلعــته بصخره على راســه وقام ابوه يتشكي ورااا ابوي
راس ولده .. عشان يصدق المهم خذاني ابوي وحبسني بغرفــه بشوف راح يردون يتشكون يعني بعرف
منو صاج منو جذاب .. راح تضحكون بلي سويتــه والله كنت مينونــه .. قام عمي اهوو كان بمثل عمري ..
فتح لي الدريشــه من ورى بدرنفيس مادري شنو يسمونــه وطلعنــا طقينــا نفس الولد ورداني مره ثانيــه الغرفــه
ويوم تشكواا مني عصب عليهم ابوي وقام طلعني قالي الحين صدقتج انهم يظلمونج .. لوووووووووووووووووووووووولز :)
انسى كل شي إلا هاليوم ماأنســـاهـ .. .. :) صج ضحكـ عاد يوم كبرت قلت الأبوي وقال لي ((كيدكن عظيم حتى وانتواا صغار :) ))

عاد بروضــه الله سلط علي واحد ماأنسى اسمــه كان اسمــه ((أحمد)) الوحيد إلي كان يكفخني ويدوس بطني ومايخليني ألعب
ليش مادري ((وعليــا أكسر الخاطر )) لمن علمت عمي عليــه وبأخر السنــه طقاهـ وخذيت حقي :) .. ..


سبحان الله ايامـ .. ليت الطفولــه تعود يوماً .. [/align]