_-{ أكـبر درس تلقيتـه من الحـياه }-_ مـا هــوو ... !!!

[FaHoDo]

[align=center]السلام عليكم ..


نعيش في هذه الحياة ونمضي في دروبها

ونسعى في طرقاتها ..

ونتوقف في محطاتها ..

وفي سيرنا هذا نصادف من العبر والدروس الشي الكثير ..

نعم نصادف ونعايش

ونتألم ونتعلم ..

ونظل نمضي لنصادف من جديد ونتعلم من مدرسة الحياة


(( الحياة ))


"
"
"

أكبر مدرسه.. وأفضل مدرسه..

والذي لم يتعلم فستعلمه الحياة أعظم الدروس وأكبرها..

حياتنا تكون صعبه في أحيان كثيره .. ونضعف لمواجهتها

ظروفنا تكون أقوى من أن نتحملها..

صدماتنا أكبر من ان نستوعبها..

وهذا مايحدث مع الجميع وهذا واقعنا الذي لامفر لنا منه..

دائماً مانقوي أنفسنا للمواجهه.. منا من ينفع معه ومنا من لاينفع معه أبداً

فربما يكون يئسه يسيطر عليه بشكل كبير.. وهذا يضعف من قدرة المواجهه الكبيره لديه..


(((( مـــــــــــاهو أكبر درس لقنته لك الحياة ))))

الكثير منا يتعظ من مواقف تحصل له دائماً .. مع أي كائن يكون..

ماموقفك من هذي المواقف التي قد تكون مؤلمه وقد تكون نتيجتها سلبيه عليك أنت..

الموضوع لو ما عجبني ما نقلته لكـم ..

ناطر اجوبتكم ..[/align]

[احساس طفله]

وعليكم السلام ورحمة الله وبركاته

لا يمكن أن تتوقف الحياة عن إعطاااء دروسها بيوم من الأياام

كثيرة الدروس اخوي

واكبر درس وفاة خالي الله يرحمه وكنت موشايفته صار لي سنتين والحياه علمتني اني استغل كل لحظه اقعد وياها مع اهلي او رفيجاتي لان الانسان مايدري متى يموت؟ لان ممكن ان الانسان بغمضه عين يروح لعالم ثاني





الله يغفر له ويرحمه برحمته الوااسعة وجميع موتانا وموتى المؤمنين والمؤمناات



يعطيك العافيه اخوي فهودو .......... يسلمو موضوع مميز ...........تحياتي لك

:ballet: تـــحـــيــ احساس طفله ـاتــــي :ballet:

[FaHoDo]

[align=center]حـسووس ..


درس مؤلـم وربي ..

والواحد يعيش بهالدنيا عشان يتعلم من الدروس ..

وانتي زين تعلمتي من الدرس ..

تحياتي لج على تفاعلج .. متشكره يا ستي : ) [/align]

[mshtaga]

يعطيك العافيه فهووودوووو:)

الدروس كثيره وكل يوم تعطينا الحياة درس

لكن اكبر درس عطتني اياه الحياة

هو من احد الصديقات واللي كنت اتبرها اكثر من اختي
دخلتها بيتنا وتعرفت على اهلي ولمده مو شويه يمكن 7 سنين وانا معاها

كنا اكثر من خوات لكن

للاسف اكتشفت انها صداقة منفعه ومصلحه لا اكثر ولا اقل
انتهت هذه الصداقه بطلب منها
عقب ماخذت كل اللي تنبي

هني علمتني الحياه اني ما اثق الا بخواتي واهلي المقريبن واتعامل مع
رفيجاتي بحذرررررررررررررر

يعطيك العافيه فهوووودووووووو:)

[HoNeY RoSe]

والله الحياه دروووس ..


وانا وايد تعلمت دورس منها وحتى لو ما كان الدرس صاير ليي صاير لغيري اخذه بعين الأعتبار ..

اكبر درس تعلمت انه المره ماتعطي قلبها لريال غير زوجها ,, وايد اسمع واشوف واقرا مشاكل بنات بسبب انهم يأمنون للريال ويفكرونه انه حبهم وانه وانه وطبعا دور الوهم ...

وهم بعد
درس الثقه بالناس ما اثق باي احد
ما اضيع اقرب الناس ي عشان اصدقاء يدد توني اعرفههم : )

::
مشكور اخوي
منور القسم

[اللي راح .. راح]

[align=center]السلام عليكم ورحمة الله وبركاته

الدروس !! صعبه وكل مانتعلم درس !!
نقول عرفنا كل شي ونرجع نخطي بمجال ثاني ونتعلم درس ثاني
الحياه مراحل ..

بالنسبه لي .. انا دعيت على شخص !! سوى لي شغله !! ودعيت عليه والله من كل قلبي
وصابته الدعوه !! ومنها ندمت .. مع أنه مأذيني بس شقول !!
وتعلمت أني ماا ادعى على احد !!

ودرس ثاني .. بمجال الثقه !! مو اي شخص تثق فيه

ودرس الاخير .. أستغلال كل لحظه مع ناسك بالفرح .. لان اللحظه اللي فاتت ماتعود


وقواك الله أخوي .. موضوع قيم ..



[/align]

[عنوسه ^_~ ماتهاب]

[align=center]وعليكم السلام ورحمة الله وبركاته


هلا وغلا فيك اخوي

الكريم موضوع حلو
قريته امس

وما جاوبت

حبيت افكر

ونمت افكر فيه

وقعدت وعندي الاجابه

باذن الله


اولا الحياه لا تعطينا دروس

احنا ناخذ الدروس من البشر

البشر والي يمرون بحياتهم اهم لهم الفضل الاكبر بالدروس

فـ الانسان يتعلم من اول ما ينولد لين يموت

والدرس ما يكون كبير الا لما يكون قاسي
قاسي جدا
فـ يقدر قسوه قدر فائدته

والحمد لله
الانسان لازم بينه وبين نفسه ما يتعبر الازمات الي تمر عليه

مصايبب او مشاكل
يشوف الجانب الاخر منهم
وانا جذي اسوي طول عمري
اي مشكله تمر علي ومهما كانت متعبه او صعبه ما اطالع لها
اطالع ان صارت لي لسبب
وعشان اتعلم شي والحمد لله اصبر واكتشف ان كان هالشي يستاهل التعب

ولو بقول لك تعلمت هالدرس وهالدرس بكون مقصره

والحمد لله
كل درس مر علي ربا بنفسي شي

وكل الشكر لك اخوي

والحمد لله علي السراء والضراء[/align]

[مجنونة حب]

من الدروس اللي تعلمتها من مدرسة الحياه ...


..أن لو شنو لا تأتمن أحد على سرك لأنه في لحظة غضب راح يفشيه..


وهذا درس تعلمته من اختي .:
..ان اذا كانت حياتج سعيدة مع زوجج لا تسولفين حق أمج مواقف الهواش
و تفاصيل العلاقة اللي تصير بينج و بين زوجج لأن مهما قلتيلها عن مواقفه
الحلوة معاج راح تظل بذاكرتها مواقف الهواش..



...


((fahodo))



كل الشكر لك أخوي على تميز طرحك


و عساك عالقوة


^_^

[*TanTosHa*]

FaHoD

..

ؤعــليكمـً الســلآمـٌ ورحـٌمه الله وبركٌـأته

..

في الحـياه نتع ـلم دروســ كثيرة ..

ففي كــل يوم نمــر في مشاكل سؤاء كـأنتـ بسيطه أؤ صع ـبه ..

الا اننا نتع ـلم مُنهـأ الكــثيــر ..

وأنــأ تعُـلمتـٌ أنــ لا أثقــ بأي شخــص ..وأكون حذره باختيار ألأصدقــأء ..

تع ــلمتـ أنُـ الحياه لحظــأت فيها المحــزنــُ والمُفرحــ ..

تعــلمت أنُـ ألفــشل طريق للوصــؤل الـى النجــٌأحــ ..

تعــلمتــ أن كـــل مــأ نحصله سنحــصل على ثماره يومــأ ما ..

والحــياه ستع ـلمنا المزيد ..
..

كــل الشكر لكــ
طرح ممــيز
ويع ــطيك العافيه ما قصــرتــ
منور القسمـ

.
..
.

[FaHoDo]

[align=center]النور نوركم ..


من خلال اطلاعـي عـلى مشاكلكم ..


وجدت معظم الذين كتـبوا الدرووس كان سببها الثقــه !!!


هل ننحن في عالم يفتقد بشـده للثقه !!!!؟


بس هم للحين الدنيـا بخـير وفيهـا الزين وفيهـا الشـين ..

__________________________________

عنوسـه ..،

كثير من الناس تمـر عليهم مواقف و ازمات و مشاكل

بس للأسف تلاقينه يطالع غيره ويعتبر والليي صار له يقول " اللهم ارحمني "

هم هذا غلـط .. لأن اذا انت صارت لك مشكله اذا تبي تتعلم منها وتعتبر يكون أثرها بقلبك وبنفسك اكبـر وأوسـع

من انك تعتبر من مشكله انسان اخر ... : )

_________


هــووونــي ..

تنتـــش ..

النور نوركم ولو : ) [/align]

[Demon of Dark]

وايد شغلات تمر بحياتنا ناخذ منها دورس وايد

بس اقسى درس اخذته بان اخرت جم سنه بعد الثانويه

يعني دراستي بالجامعه ماكانت بعد التخرج ولاسباب وايد

واللي بعمري تخرجو وتوظفو وستقرو وانا مضيعه ماشاءالله

فمنها تعلمت بان مو كل شي اتمناه يصير لي

قفلت ع تخصص وكنت مااابي غيره وبالاخر غيرت

بس بعد شنو

والحمدلله صج ضاع من عمري ايام لكن تعلمت فيهم شغلات وايد

مشكور اخوي ع الموضوع الروعه

تقبل مروري

[ع ـناديهـ]

اشكرك فهود ع هالموضوع الحلوو : )

دروس انا تعلمت بهالحياه


طبعا بذكر واحد .. يوم دخلت الجامعه وماخذه الدنيا لعب بلعب وماهتميت بدراستي
وكله واسطه وماشيه ع هالاساس وماكنت حاسبه حاسب الدراسه بس يوم سقطت بالفيزيا
صحيت من الي انا فييه وكأن سقوطي صحاني من الي انا كنت فييه ... فأعنت الحرب ع نفسي : ))

ولاهنت يالغالي ع هالموضوع : ))

[قبلت التضحيه]

واايد شغلاات بحياتنا تمر علينا نأخذ منها درووس


كل يوم تتعلم درس يديد

هذي اهي الدنيا

يعطيك العافيه على الطرح الرائع