هــل تـحـب أن يـصـارحـك شـخـص في عـيـوبـك ..؟؟

[أمونه]

صبـــــــاح .. / مســــاء .. الورد



إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟




واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟


انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية

كما قال عنها سيدنا عمر بن الخطاب رضي الله عنه :

( رحم الله امرأ اهدى إلي عيوبي ) .


فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟


هل تعرف عيوبك بشكل واضح وجلي ؟

وأيهما أكثر وضوحا بالنسبة لك . عيوبك أو صفاتك الحسنة؟

بصراحة :


.. هل ترضى أن يصارحك احد بعيوبك ؟

مع اجمل وارق التحايــــــــــا ..

[إيميري Emere]

نعم يصارحني صديق مقرب في عيوبي لـ أتـفاداها بدلاً من يفاجئني بها شخص تكون علاقتي

به سطحية مما يوقعني في حرج لأني لا أعرف طبيعته

قديماً قالو : صديقك من صدق معك ليس من صادقك

تقبلي مروري

[مينونه صاحيـه]

لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟


- طبعاً اواجهه لا انه صديقي بالحظه هاذي واللي احبه لنفسي احبه له بعد ...



واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!


- طبعاً راح ارضى وخصوصاً لما تكون من اقرب الناس لي اعتبرها هدية اما اذا انسان مااعرفه ويجي بالحظه هاذي يقيمني على اساس فيني عيب و.....للخ راح مااتقبل منه هالكلام هذا ...


أم ستعتبرها إهانة وتدخل فيما لايعنيني أم وقاحة؟


- لا ماعتبرها اهانه ولا وقاحة وشلون مايعنيه اذا اهو صديقي راح يكون اصدق صديق لي وراح اصدقه اذا فيني عيب راح اتقبل منه انه ينبهني بشئ هذا احسن من شخص مااعرفه ينبهني بيه وكل الناس فيها اعيوب بس يمكن مرات تنزل عيبه مني لوووولز يعني لازم ينبهني بعيوبي ...


انتظر .. وفكر قبل الإجابة قليلاً .

- بصراحة ما احب انتظر ولا افكر حبيت اجاوب ع طول ...


إذا كنت تعتبر المصارحة بالعيوب هدية

فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟

- راح يكون لون الغلاف المحبه والمعزه والصراحة والصدق ..

- يعني مو اجرحه بكلامي قدام الناس واقول انت فيك كذا وكذا وعيبك جذي وجذي لا هذا ما اعتبره محبه ولا معزه بلا وقاحه مني راح تكون احب اذا شفت فيه العيب هذا راح يكون بيني وبينه هالشئ واحب انبه بالشئ هذاعشان تدوم المحبه بينا وتستمر الصداقه ...


هل تعرف عيوبك بشكل واضح وجلي ؟


- أي عيب الوحيد حب التملك والغيره الزايده وهذول الاشئ الواضحه فيني وتبين على طول في شخصيتي وخصوصاُ مع الانسان اللي احبه ...


وأيهما أكثر وضوحا بالنسبة لك . عيوبك أو صفاتك الحسنة؟


بصراحة :

- بصراحة صفاتي الحلووه وبنفس الوقت عيوبي وبنسبه لي ولشخص اللي احبه يقول هذا مو عيب يعني ملح لعلاقتنا لووولز بس الحمدالله صفاتي مصكره على اعيوبي يعني صفاتي مرقعت لي لوووولز يعني لو لا صفاتي جان ضعت ^.^


.. هل ترضى أن يصارحك احد بعيوبك ؟


- مثل ما قلت احب احد يصارحني بعيبي وخصوصاً من ناس اعزهم ولهم مكانه بقلبي وراح تزيد اكثر واكثر اذا صارحوني بعيبي ونبهوني فيه يعني مايجاملون والحمدالله والشكر الله انه الله رزقني بواحد يقدرني ويحبني وهم صريح معاي لابعد ما احد يتصور والله يديم هالمحبه بينا يارب ولا يفرقنا ...



تسلمين يالغالية ع الموضوع الرووعة وع الاسئلة الحلووه وايد ...

واتمنى اني جاوبت بصراحة حبووبه ...

وعساج ع القوه يارب ...

وبنتظار يديدج خيتووو ...

ودمتي كما تحبين ....

مينونه ميشووو

[HoNeY RoSe]

اول شي ولكموو حبيبتيي منوره منوره يمكن ماتعرفين منو انا ,, انا (امرآة الحديد) منوره القسم الغاليه = )


.. هل ترضى أن يصارحك احد بعيوبك ؟

ايي ,, بس مو من اي احد يعني من الاشخاص مقربين لي ,, امي اختي اخوي خالاتي ابوي:p
رفيجاتي ,,

لانه حلو تعرفين عيوبج وطبعا الي يحبج اهو الي بيقول لج الصج ,, والي مايحبج بيخبي عنج


مشكوره حبيبتي ومنوره مطرحج

: )

[ع ـناديهـ]

بالنسبه لي اذا شفت بصديقتي عيوب احب اواجها واقولها ترى الي تسويه غلط ومن هالحجي رضت كان بها ما رضت ع راحتها بس الي علي سويته

اما بالنسبه لي طبعا احب احد يصارحني بعيوني لان مرات الواحد يسوي اشياء بنظره شي عادي بس بنظر الجمييع غلط فانا استانس ع الي يصارحني بعيوني واعتبرها اجمل هديه : )


وكل الشكر لج اختي ع هالموضوع الحلو

ولا هنتي يالغلا : ))

[طلآل ~]

نـعم ,, آخليـه يصـآآرحـني ,, بس لو كـان مقـرب إلي ,,

[مجنونة حب]

هل ترضى أن يصارحك احد بعيوبك ؟


اي نعم راح أرضى ان يصارحني المقربون مني بأخطائي و عيوبي ..


بس المشكلة ان آنا بطبعي حساسة عنيدة .. فـ إذا كان الأسلوب جاف أو في

نوع من أنواع الاساءة والتجريح راح تكون النتيجة عكسية ..

فالأفضل ان الي يبي يوجهلي ملاحظة تكون بيني وبينه يعني ما يكون في طرف ثالث ..

و تكون بأسلوب راقي و لبق يراعي من خلاله مشاعري ..

حينها فقط ممكن أتقبل الملاحظة ..!



...


((أمونه))


كل الشكر لج غلاتي على تميز طرحج


ومن جديدج لا يحرمنا ربي


^_^

[رووح الانـوثهـ]

ايه ارضى بس اذا كان مقرب لي ..

يسلمو امونه عالطرح الحلو !!

دائمــاً مبدعهـ في مواضيعج !!

[حمـوووود وهبـي]

[gdwl]هل ترضى أن يصارحك احد بعيوبك ؟

ليش لا بالعكس افرح علشان اغيره اما ايذا كان عيبي عاجبني

فما لي دخل

( انا حر )[/gdwl]

[*TanTosHa*]

أكيد أحب ..
بما اني صريحه واحب الصراحه ..
فأحب انه يصارحوني بعيوبي ..
وبالعكس هالشي راح يفيدني يعني ..
بس احب الي يصارحني يكون الكلام بينه وبينه مو يدام الناس ويحرجني ..

..
أمـؤنه

كل الشكر على الطرح الرؤعه
ونورتي القسم وما قصرتي

..

[قـمـر]

[align=center]مو اي انسان اتقبل منه المصارحة بعيوبي

لان يقولك في مثل اللي ما يعرفك يجهلك !!

بس لو كان انسان اعرفه عز المعرفه ويعرف شخصيتي وشلون افكر وشنو هي نظرتي البعيده قبل لايحكم علي

هنيه اقدر اتقبل النقد واتناقش بكل صراحه وممكن اتغير

ولكن اي انسان يتدخل فيني ويقول عيوبك كذا وكذا طبعا ما اتقبل لان بالاساس ما يعرفني فشلون حكم بالظاهر؟؟


لا اقبل وارفض


اشكرك عالسؤال

قمر[/align]

[أمونه]

اسعدني تواجدكم الدائم في صفحتي

نورتوني فديت هالطله

[فيرووووس بنـ؟ـات]

اي ياريت احد ينتقدني يكون لي قريب مو بعيد

عشان اتحاشاها وابتعد عنها مع الغريب

ذكر العيوب لي يزيد من جمال وتحسن شخصيتي وهي خير مساند لي

يسلمو لج ويعطيج العافيه

[أمونه]

الله يسلمك اخوي

نورتني

الله لا يهينك

[ضـاري]

لو كان لك صديق وهذا الصديق به من الصفات
الجميلة الشيء الكثير ولكنه نمّام
أو كذّاب أو كثير الكلام ,, هل ستواجهه ؟؟
- طبعا اواجها واقوله انت فيك كذا وكذا يعي اصاارحه بعذاااريبه ...
واذا كانت هذه الصفات فيك ( مثلاً ) هل سترضى اذا واجهك بها .
بصراحة هل ستعتبرها هدية ؟؟؟؟!!!!!
- هذا اسلوبي مع الناس الي فيه عيب وانا امون عليه بقوله فـ لازم اتقبل هالشي من كل الي يحتك فيني
ويمون علي ..
أم ستعتبرها إهانة وتدخل فيما لايعنيني أم وقاحة؟
- مافيها اهانه قال هالحجي لانه يبي مصلحتي وبنفس الوقت بشكره على الي قاله وانه نبهني بشي ما شفته بنفسي اما الوقااحه تيي من شخص ما تمون عليه ويقولك انت فيك وفيك .
إذا كنت تعتبر المصارحة بالعيوب هدية
فما هو لون الغلاف أو شكل الغلاف ( أقصد هنا الأسلوب ) الذي تحب أن
تغلّف به هديتك ؟
- الغلاف شفاااف لان الي بقلبي على السااني
- والي بقوله لشخص بقوله بيني وبينه مو جدام العالم فـ نخليها بسلوب محبه .
هل تعرف عيوبك بشكل واضح وجلي ؟
- اسلوبي (مزاجي) وهذا يعتبر عيب فيني لان مرات يزعل ناس قريبين مني ..
وأيهما أكثر وضوحا بالنسبة لك . عيوبك أو صفاتك الحسنة؟
بصراحة :
-صفااتي الحسنه طبعا وهذا مو رايي راي الناس فيني .. وانا بنفس الوقت احب عيوبي واغيرها حسب مزاجي مع الشخص الي جدامي .
.. هل ترضى أن يصارحك احد بعيوبك ؟
- الي بيصارحني بعيوبي بيني وبينه يقول كل الي يبي .. اما جدام الناس لا والله بحقره وجنه مو موجود .
مشكوره وما قصرتي على هالموضوع المميز
تقبلي احترااامي
ضاريـ