هل انتم ضذ ؟؟ ام مع ((التشديد على البنات )) ؟

[hmoody]

السلام عليكم ورحمه الله وبركاته
هاذا اول مووضوع اقدمه لى بالمنتدى واتمنى الرد :):)
اخباركم شباب وصبايا
حبيت اعرض عليكم واناقش معاكم ظاهرة موجوده ومنتشره
بشكل كبير الا وهي ظاهرة ((( التشديد على البنات))
كثير من الاسر والاهل يقومون بالتشديد والضغط على البنات
وهذا ظنا منهم ان الاسلوب والطريقه المثلى في تربية البنات .
.فالبنت ممنوع عليها كل شي تقريبا .
وعيب اتسوي كل شي تقريبا
وهذا يكون حرص وخوف
من الاهل على البنات واللي يوصله الاهل للبنات بطريقه وبأسلوب خاطىء
بحيث انهم ما يراعون ان البنت مخلوق لطيف وحساس
ويمكن ان البنت اتفسر هذا الحرص على انه شك وحرمان وخاصه لو كان عند البنت صديقه يسمح لها بما لا يسمح للبنت بالقيام به فتعتبر البنت هذا الشي تمييز وتسلط..
.بالتالي تضطر البنت انها اتسوي الشي من ورا هلها
لان من الطبيعي ان(((الضغط يولد الانفجار)))
وطبعا اتكون العواقب وخيمه بعد مايكتشف الاهل
وبعد هذا كله يوضع اللوم على البنت .....
اخيرا وليس ااخرا
احب اعرف راايكم في هذا الموضوع من خلال الاجابه عن هذا السؤال
هل انت ضد ؟؟ ام مع ؟؟ ((( التشديد على البنات))) مع ذكر السببب
انتظر اراءكم وتعليقاتكم
:):)

[الـزين يفرض نفسه]

[align=center]وعليكم السلام ورحمه الله وبركاته ،،
اول شي حياك الله معانه وانشالله مويكون اول مره :d
التشديد ع البنت يمكن يكون نتيجه سلبيه مو ايجابيه ،،

مثل ماتعرفون الضغظ يولد الانفجار ،،
ولكن مومعناه انه نخلي بنت ساايبه لكن ..؟!
بالقسط يعني باعتداك ،،
يعطيك ربي العافيه وعساك ع القووه ياارب :)
تحياتي لك[/align]

[SuL6aN]

[align=center] حيآك الله حمودي

. . .

انا ضد التشديد ع البنات . . .

بإختصـــآر

الكبت يولد الإنفجـآر

مشكور ع الموضوع [/align]

[*TanTosHa*]

أهلا وسهـلأا ..

طرح مميز يستـحق النقاش فيه ..
بما انها مشكله ويعاني منها مجتمعنا العربي ..
التشديد على البنت له عواقب كثيرة ..
وهي انه البنت من المحتمل ان تشعر بالكبت ..
وانها أقل من صديقاتها ..وهذا من الممكن ان يؤدي الى مشاكل نفسيه ..
أو انها تسوي شي يكون غلط بسبب الكبت ..وطبعا هالشي يضرها ..
فشي طبيعي انا ضد التشديد ..
ومع مراقبه الأهل للفتاه وأراشادها الى الطريق الصحيح ..

كــل الشكر على هذا الطرح
ما قصرت
منور القسم

..

[تمنيتك]

انا ضد

التشديد على البنات.. بصراحه جنا حاطين البنت بقفص

النت تحب الحريه والثقه .. ومعاها اشوي مراقبه طبعا واصلان الوحده تحس بلامان جذي ..

ومعروف الكبت يولد الانفجار

[HoNeY RoSe]

هل انت ضد ؟؟ ام مع ؟؟ ((( التشديد على البنات))) مع ذكر السببب

َضد ..

لانه كل ما شددو عليهم وحرموهم اهم بيعاندوون ,, يعني ما ورا الحرمان والمنع الا المعاند يعني لاتروحين هالمكان لاتسوين مافي طلعه .. هذا كله من وراهم راح ايسونه .. فيخلونهم ايسون كل شي تحت مراقبتهم ,,, الا الاشياء الي صج لازم يمنعونهم اهني لهم الحق يمنعونهم ويحرمونهم

: )

مشكور اخوي ع الموضوع
منور القسم

[ع ـناديهـ]

انا مع وبنفس الوقت ضد ..

انا مع لسبب ..

ان بصراحه البنت ما تنعطى وجه بالمره << بالعربي الفصيح

وانا ضد هم لسبب ..

ان مو معناته انهم شددوا ع البنت يعني البنتهم اسكت بالعكس اغلب المشاكل والقصص تصير ع البنات الي مشددين عليهم
لان مثل ماتعرفون كل ممنوع مرغوب واهيا تضطر تسوي هالشي من ورى اهلها لانها محروومه منه
وهذي مو طريقه لتربيه البنات بالعكس حلووو الواحد انه يخاف ع بنته ويحافظ عليها ولكن بالطريقه الصح
يعني لا يحرمها وبنفس الوقت لا يشدد عليها يعلمها الصح شنو والغلط شنوو ولكن بطريقه حلووه مو بغصب
لان عمر الشي مايصلح دامه غصب مثلا :

الخيانه الزوجيه ..

في بعض العوايل يفرض ع بنته انتي لولد عمج من غير لا تدري ولا حتى ياخذ رايها ولا حتى يشوفون بعض وهذا كله بسبب تشدد ع البنت ..

حتى صاروا البنات يغارون من الشباب والسبه اهما كله ممنوع والشباب عادي وان سالتهم الفرق
يقولون لك الولد شايل عييبه ..

فمن راي ع الاهل انهم يوازنون الشي مو كل شي ممنوع ولا كل شي مفرينه للبنات يعني يعدلوون
وكل شي بالكلمه الطيبه يمشي اما بالتشدد والعصبيه عمرها ما جابت نتيجه : ))


ولا هنت اخوي ع هالموضوع لحلوو : ))

[-MAR-]

وعليكم السلام والرحمه ..

ماراح ازيد اتوقع اخواني الاعضاء صاجيين ابرايهم ..

بس انا عن نفسي لا ضد ولا مع ..

كل شي له حد :d

ويعطييك العافيه

تحيااتي

[عنوسه ^_~ ماتهاب]

انا من التربيه

اولا واخيرا لا التشدد ولا التسيب
التربيه هي الاساس

[rose85]

[align=center]انا مع الاعتداااااااااااااااااااااااااااااااال لا اشد ولا اخليها على راحتها يعني ابين لها انه لج الحريه بس من وراها مو اتصنت لا التصنت حرام بس ارقبها ادق عليها اسالها وينج ومع منو وتعالي الساعه جذي لان الضغط والحرمان يولدون النفجار والنتيجه تسوي اشياء من ورا اهلها ان كانت صح ولا غلط وبعدين النهايه مصيبه شكرا على الموضوع وعساك على القوه [/align]

[شــمــآلــي]

[align=center]أمسك العصا من النص وانا أخوووك ..


وكن عادلاً ومتفاهماً , ولا تكن متعصب ولا تكن متساهل .. [/align]

[قمرهم كلهم]

الضغط يولد الانفجااار

وكل شي بالعدل حلو والبنت اللي متربيه عدل واهلها

واثقين من تربيتهم ومن بنتهم عمرهم مايتشددون

ومع هذا الحريه الزياده والثقه المبالغ فيها بعد مو بصالح البنت

او الولد بعد حلو الاعتدال بكل شي

[بخور^معتق]

بسم الله الرحمن الرحيم

انا مع المثل اللي يقول _ امسك العصا من المنتصف _

وهذا ما تعلمناه من ديننا الحنيف ,,
خير الامور الوسط

الحرص واجب
والحذر في يومنا هذا امر ضروري خصوصا مع _ البلاوي _ الحاصله هالايام والعياذ بالله
جميل ان يكون في متابعه
ويكون في مراقبه ولكن من بعد دون ان نحسس البنت انها تحت المجهر وانها مجرمه ..
رائع وجميل جدا ان يثق الاهل بابنتهم
وان يتركو لها حرية اتخاذ القرار مع ( واشدد ) مع اعطاء الراي وابداء النصيحه ..
وبالنهاية ان كانت قد وصلت لسن مثالي وانهت تعليمها ونهلت ما نهلت من تربية صالحه
اعتقد سيكون قرارها سليم باتخاذ مصيرها
اما ان تكون مراهقه ويتركو لها الحبل على الغارب ويقولون هذه حرية شخصية
لاشك ها امر مرفوض يرفضه الدين والعقل والعرف

البنت بالذات امرها لوالديها ثم لزوجها ان خرجت من بيت والدها
وهذا ما امرنا به الدين
والا لما فرض على البنت الزي الاسلامي المحتشم الذي يحفظ كرامتها واخلاقها ويستر عورتها ويحميها من الذئاب البشريه
اكره التشديد واكره الاكراه
ولكن هذا الشد مطلوب في بعض الحالات المائله التي تحتاج لتقويم

[فيرووووس بنـ؟ـات]

التشديد ... له أثار سلبيه ... على نفسيه البنت ... مما تفقد ثقتها بنفسها ...

الحلو ... إنك تشدد بس عالخفيف ... يعني اكون مراقب الوضع بس من بعيد لبعيد ...

أحسسها بثقتي فيني .... عشان ... لاتفقد هالإحساس ... وأفقد ... صراحتها معي ...

التشديد ... يعتبر ... علاج الغلط بالغلط ...بنظري .... يسلمو لك ويعطيك العافيه

[ضـاري]

طبعا اكون شديد بكل شي

ولا اتهااون معاهم بشي

والانفجاار الي تتكلمون عنه ما اعتقد موجود

إلى بالعايله المتشتته

والتربيه هي اهم شي اطلع الانساان يا زين او شين

وصدقني هي البنت بنفسها تكون راضيه

لان الواحد اذا شد على اهله لانه يحبهم وانت شايف الدنيا شلون صايره

والله الفسااد حتى بالشاارع تشوفه

مشكور وما قصرت على هلموضوع