عمرك فكرت تكتب وصيتك ..!!؟؟

[بنت فضل]

سلام عليكم ورحمة الله ..
...
مـن منطـلق قوله تعالى ::

(( كُتِبَ عَلَيكُم إذَا حَضَرَ أَحَدَكُمُ المَوتُ إن تَرَكَ خَيراً الوَصِيّةُ )) [ البقره : 180 ]

قول النبي صلى عليه وأله وسلم:

{ ما حق امرئ مسلم له شىء يوصي فيه يبيت ليلتين إلا ووصيته مكتوبة عنده } [متفق عليه].

اوجه اليكم هذه الاسئلة 000000000

هل جربت يومـا أن تكتب وصيتك ..؟!

وهل من الممكن ان تكتبها في يوم من الايام وانت في عز شبابك وعز صحتك

( ادام الله عليكم الصحه ) ...


لااوصيكم ابغى اشوف تفااااااااعل ولا تخافوا

[عنوسه ^_~ ماتهاب]

وعليكم السلام ورحمة الله وبركاته



فكره والله كثير

بس كاتبه ما بكتب

بقول لاهلي ابي جذي وجذي بس ما بكتب

ماكو مشكله شباب ولا شياب اهو بنموت مو من الكبر يا غناتي
كلنا بنموت ويمكن في هاللحضه

مرات افكر اقول لاهلي شي ومرات اهون
فـ بالاخير ماكو شي اوصي عليه

اهم يتصرفون براحتهم
بحلالي <

[alqlbal7non]

مشكوره اختي بنت الفضل على الموضوع

ان امن ناحيتي ما فكرت ولا افكر لان بمدأي

بالحياه اسعى في هذه الدنيا كانك تعيش الدهر كله اعبد ربك كانك تموت غدا

وبصراحه ماعندي شي اوصي عليه ههههههههه

تقبلي مروري

[ع ـناديهـ]

يا كثر ما فكرت بهالموضوع

بس كنت كله اخاف لا احديشوفها ويضحك علي ل ووووووو ل

بس اذكر في مره كتبت وصيه كنت زعلانه حيييييييييل ومضاايقه وكنت اتمنى الموت <<< بعد عمر طويل

وكتبت وقلت كل شي وانا اكتبها ابجي وخشيتها ونمت ويوم قعدت الصبح تعوذت من الشيطان وشقيتها : )

وانا طبعي قبل لا روح لاي مكان يعني سفر ولا جذي اوصي الموجودين يعني تقدر تقولين تقريبا العايله يعرفون وصاتي


ولا هنت يالغاليه ع هالموضوع : ))

[Demon of Dark]

السلام عليكم ورحمة الله وبركاته

مشكوره يالغاليه ع الموضوع

بصراحه انا مافكرت اكتبها ولا رح اكتبها ابد

لان ماعندي شي اوصي عليه

واهلي يعرفون كل شي اتمناه يصير

ودايما اكرر واقول لهم اذا مت اتمنى تذكروني بالخير

وتدعون لي بالمغفره

وكل شي يخصني تدرون شتسووون فيه

لان احنا عندنا عادات شوي غير عن البعض

وربي يعطي الجميع طولت العمر

تقبلي تواجدي :)

[*TanTosHa*]

أنـا ما فكرت اني اكتب وصيه
لانه مادري شنو بوصي اصلا؟
واحس مالها معنى كبير ..

..

بنت فضل
مشكورة على هيك طرح
وما تقصرين

..

[شمتي SoSo]

أنا ماكتبت وصــــــــــاتي ..بس إذا بكتبها..بوصي أنهم مايبجـــــــــــــــون علي :(

ويحرقون كل شي لي موجود بالبيت علشان مايتضــــــايقون بحكم إني أكبر أخواني وخواتــــــــي :(

أمــــــــــــا عن الحلال فبوصيــــــــهم..يوزعونه علىى اللجان الخيريــــه...

ويسلمو علىى الموضوع الحلو والغـــــــــــرِيب....!!

ماننحرم...يارب

[قـمـر]

[align=center]هل جربت يومـا أن تكتب وصيتك ..؟!


اي فكرت وناويه اكتب قبل ما اموت

والوصية خاصه لناس عزيزين علي قلبي

الله يقدرني وتنحفظ ويتحقق اللي فيها

اشكرك بنت فضل عالموضوع

اختك

قمر[/align]

[HoNeY RoSe]

اييي وايد

بس ماكتبت اقول لامي
يعني اذا مت سو جذي وجذي : )

مشكوره حبوبه

[قمرهم كلهم]

هل جربت يومـا أن تكتب وصيتك ..؟!

لا لان ماعندي شي أوصي عليه غير أشخاااص يهموني ومن غير ما أوصي عليهم فيه من يهتم فيهم

[مجنونة حب]

امممم .:. يوم كنت صغيرة -يعني في عمر 12 تقريباً- كتبت وصية

كنت متضايقة وايد وايد فـ كتبت الوصية و ماقلت حق أحد ..

و من بعدها دورتها في كل مكان وما لقيتها .!


((بنت فضل))


كل الشكر لج حبيبتي على طرحج المميز


^_^

[بخور^معتق]

بسم الله الرحمن الرحيم

الموت لا يفرق بين ( في عز شبابه واتم صحته ) ( وبين في ارذل العمر )
الموت اليوم اصبح يخطف الشباب اكثر
اما بحوادث سرعة او جرائم قتل
او امراض كانت تصيب ال( ختيار ) بالسابق اصبحت اليوم تنتقل كالعدوى بين الشباب ..,,


برأيي كتابة الوصية هي اساسا امر شرعي مطلوب ليعرف الاهل ما ان كان للمتوفي دين او اراد ترك امر كان سرا في حياته واراد ان يتفشى يوما ما

انا لم اكتب وصيتي حتى كتابة ردي هذا
فلا املك اموالا اوصي بها لاحد بعدي
وان كنت املك
الشرع حدد الورثة وطريقة اقتسامها بينهم
لكن عندي بعض المذكرات الشخصية ادونها يوميا بدفتر خاص
ان مت ,, سيعثرون عليه بغرفتي ويعرفون ماذا اريد

[فيرووووس بنـ؟ـات]

كتبت وصيه قبل .... اربع سنين من اليوم .... كنت حيل فاقد نفسي .. فحبيت اكتب هالوصيه بس سرعان

مارميتها ولا فكرت اكتبها من بعد هالمره .... بس كل شي اسويه اعلم ناس قريبين مني


يسلمو لج ويعطيج العافيه

[بشور]

لا ما فكرت ولا راح افكر يعني لو لو لو لو لو نفرض كان عندي عقارات واراضي وبيوت راح افكر اكتب لووووووووووووولز

وثااااااااااااااااااااانكس

[بنت فضل]

مشكورين على مروركم العطر
أنرتوا صفحتي