شوفوا البنـــات شنو يكـــتــبون على عبايتهم ؟!!!

[عنوسه ^_~ ماتهاب]

شوفوا البنـــات شنو يكـــتــبون على عبايتهم ؟!!!
.
.
يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها
الظاهرة التي انتشرت وبشكل فظيع وصارت موضه قصدي فوضه وهي
كتابة عبارات سفيهه ومبتذله على عبايات النساء
منهم من تكتب على العباية
Follow me
أي إلحــــــــــق بي <<<< وكأن الناس مايفهمون باللغة
واللي تكتب إسمــــــــــــها وتزخرفه كانه نك نيم والا بطاقة جامعيه
واللي تخط حرفها بالخط العريض اللامع على ظهرها
واللي من كثر الإعتزاز بقبيلها تكتب
(اسم قبيلتها) وأفتخر
خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها
والأدهــــــــــــــــــــى
والأمر
واللي يصــــــــــــرع
اللي تكتب لك
(( إذا في امك خير إلحقني ))
إما انها تهدد <<<< وكنها تقدر تطق
وأيضاً
البنت اللي كتبت عنها حتى الجرايد الخليجية
واللي كانت كاتبه على عبايتها
(( أتحــــــــــــــــــداك تلمسني ))
عرض صريح





.




.


ماناقص الا تكتب عليه
تخفيضـــات 50% على اللي يلمسنى
والي عباتها عليها صورة الملك عبد الله وسيفين ونخله ...
طبعاً بالألوان .......... !!
اذا انتي وطنيه لهدرجه سوي العبايه وخليها بالبيت ؟؟؟
أعزائي
القضية هنا ماتمس العادات والتقاليد فقط
تمس الدين أيضاً
الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه
فهي بدأت ومن ثم انتشرت
وكيف انتشرت
كل هذا نتيجة لسطحية التفكير وضعف الوازع الديني
وفقدان السيطرة على زمام الأمور وإيجاد حل للمشكلة بعقلانية وتروي وإنضباط
هذي نتيجة ........ ارخاء العصا وعدم مسكها من النص
ماهي الفتاة بدون عفه وحياء وشرف؟؟
وماهو الحجاب إن لم يكن يؤدي الغرض الذي شرع من أجله؟؟.....
عطونا رايكم؟؟
منقول طبعا



.




.



.

[المنــــفي]

شكراً عنوســه
على هذا الموضوع الجميل
الموضوع جميل للنقاش فقط طبعاً
لكن واقعيــاً هو مؤلم وغثيث
فيه بنات مساكين هذيله مالي تعليق عليهم
اللي هم يلبسون العبايه ولاهم فاهمين الكلام المكتوب عليهم
وأعذر الاهل اللي مايكونون فاهمين شنو مكتوب على العبايه
هذا بخصوص الكلام المكتوب مثل العبارات اللي تفضلتي وقريتيها
شئ يحز في النفس
ويضيق الخلق أن الناس والبنات
نسو شنو المقصود بالعبايه وشنو الهدف منها
العبايه هي للستر وعدم لفت النظر في البنت
قبل فتره أطلعت موضة العبايات المخصره
اللي تفضح أكثر مما تستر
وتكون مبطله من النص ويكون واضح اللبس اللي تحتها أنه لبس ......
الحين أطلعو بموضه الكتابه على العبايه
ياخوفي بكره تحط رقم موبايلها ولا أميلها
هي ممكن البنت تكون ثوله وماتعرف كوعها من بوعها
طيب وين الشنبات أخوانها ووين الوالدين ودورهم
هي في بيئه محافظه معقوله مو لا قيه حد ينبه عليها
هالاشكال للأسف يعجبها نظرات الاعجاب من البعض
لكن المفروض اللي رافض هالظاهره أنه ينظر لها بعين الاحتقار
ومايعطيها أي أهميه
عذراً للأطاله بس شئ يحز في النفس
دمتم بخير

[*TanTosHa*]

عنـوسه ..
طرح موفق ويستحق النقاش ..
فعلا ظاهره مؤلمه ..
لكن بصراحه اول مره اسسمع فيها ..!
يعني معقوله قله الادب وصلت الى هذي الدرجه ..؟
انا ودي اعرف ليش لابه عبايه عيل ..وله بس شكل ! ..
للاسف هذا كله نتيجه ضعف الوازع الديني والتربيه الصحيحه مثل ما ذكرتي ..
وله مو معقوله ام واعيه تخلي بنتها تطلع بعبايه مكتوب عليها مثل الكلام الي ذكرتيه ..!
وانا احب اعلق على كلام اخي المنفي ..
الحين ماكو بنت ما تفهم ومسكينه ..
مو معقوله بكون كلام مكتوب وما تعرف معناته ..
وأغلب البنات متعلمين ومتفهمين ..
..
كل الشكر لجـ
وما قصـرتي
والله يهدي شبابنا ..
..

[صريح..!!]

بسم الله الرحمن الرحيم

السلام عليكم ورحمة الله وبركاته


اختي عنوسه الله يعطيج العافيه على نقل موضوع يستحق النقاش


نعم توجد اشياء تحرق القلوب


بعض البنات لايلبسون العبايه ولبسها يكون محتشم وبعض البنا تلبس العبايه وتلاقينها مغريه للشباب ومغززه للابدان بصراحه


يعني الاحتشام احتشام النفس واحترامها ومن يحتر نفسه ويحتشم مضهره صدقيني بتلاقين الكل يحترمه


يقولون بعض الناس بانه المرأه اذا وقفة امام المنظره تشاهد نفسها بعيون شاب تحب ان تفتنه وهذا بسبب الشيطان والعياذ بالله

نعلم بانه المراه تحب الجمال والاعتناء بنفسها ولكن بعض الامور زادت الى درجه وصلنه الى حالنه هذا والعياذ بالله

امور غريبه بصراحه


مانقول غير الله يستر على بنات المسلمين ان شاءالله



دمتو لنا سالمين ان شاءالله من كل شر يارب


فمان الله

[Demon of Dark]

السلام عليكم ورحمة الله وبركاته

يعطيج الف عافيه يالغاليه ع النقل الروعه

بصراحه انا شفت الشي هذا بعيني

وربي وقتها قلت لو قاعده البيت ابرك لي من المصخره هذي

قلنا موضه وستايلات حلو بس مو جذي

تحملنا العباه اللي نشوفها جنها فستان سهره

بصراحه اللي قاعد يصير مو من بناتنا من اهلهم انتو تشوفونهم وساكتين ليش

وين الغيره وين النصيحه

وتلقين اول ناس يحشون بالسوالف هذي اهم

بنت فلان شوفي عبايتها ومادري شنو زين شوفو روحكم بالاول

واذا وصلتي معاهم بنقاش يكون الباب مسدود هذا اذا سمعوا

وبالاخر الاهل يقولون طيش ويهال اي خير

و اخيرا اقول بان هذا اللي يتمناه الغرب تجرد المراه المسلمه من حشمتها وعفتها

وحريمنا مايصدقون اي اي خوش موضه

الله يستر علينا و ع الجميع

تقبلي مروري

[بوقلبين]

شر البلية مايضحك


عنوسه والله جريمه معقوله وصل حال البنات لي هالدرجه شنو هالسخافه والابتذال
وين اهلهم وين اخوانهم

مافي غيره على نفسها صار اللعب والمغامره بالشرف الى هذا الحد

الله لا يبلانا ويرفع عنهم ويهدي الضالين منهم


مادري شقول ...
بس اللي اقدر اقوله عنوسه انتوا بنات وتقدرون تنصحون وتوعون اللي اصغر منكم من خلال النصائح غير المباشره
انشروا الوعي

[الـزين يفرض نفسه]

عنووسه ،،،

يؤسفني انه اشووف هالاشياء واسمع منج ،،

انا ماشفت لحد الحين وياليت مااشووف ،،

اعتقد هالاناس اللي جذي ،،

يبوون يلفتوون الاهتماام باي طريقه ،،

لان فيهم نقص ،،

والله يستر علينا وعليكم

تحياتي لج ،، ويعطييييج ربي العافيه

[فيرووووس بنـ؟ـات]

هذا زمن ... صار الموضه حتى بالستر ... او يغطون الإنحراف بألبسه مستوره يعني من برا الله هالله هالله

ومن داخل يعلم الله ... للأسف ... اللي يحاربون الستر كالحجاب والعباءه اصبحوا ... يحاربون بأسلوب قذر ...

تحت بند الموضه مرات حيل ضيق وكل شي للنظر بارز .... خفيف حيل ولو مو لابستها ابرك ...

يعني تعددت الالبسه والمقصد واحد حرب الستر ....

يسلمو لج ويعطيج العافيه

[طـيـر شـلـوى]

والله شي مخزي

لكن الادهى والامر من هذا اللي يقرا الموضوع وينتقده ومن ورى يروح يطبقه

وانا متاكد ان البعض اول مره يسمعون هالطريقه وعجبتهم وراح يطبقونها

لا حول ولا قوة الا بالله

[عنوسه ^_~ ماتهاب]

هلا وغلا فيكم اخواني

يعطيكم الف عافيه الكل ضد وهالشي طبيعي فيكم
بس صدقوني هالشي حاصل وواقع
روحو اي مجتمع تحصلون
عبايات عليهم اسامي

وحروف

وكلمات

بس الي يركز يشوف

ما نلوم الاهل دايم مو كل الاهل يعرفون شنو ينكتب

بعضهم ناس كبيره بالسن ما تدري البنت شنو حاطه
انا الوم البنت
صراحه
ومشكورين

[ع ـناديهـ]

عدل كلامج يالغاليه ..

وهالظاهره شفتها انا بالجامعه مجموعه بنات قرووب حاطين بالشوارفسكي بس الي لونهاسوود ع ظهرهم

احرف انا قلت لهم هذيل شنو يعني مافهمت المقصد منه ولا تقول هذا شعار قروبنا ..

بصراحه قلت لهم ماكو شغل صح ..!!

بس انا اتوقع والي اشوووفه هالنوعية من البنات الي يسووون جذي

يبوون يلفتون النظر فقط لا غير ...

لااهوا مجرد تهديد ولا مجرد فخر بس يبوون يلفتون النظر ويكونون مميزين

وع بالهم بهالطريقه ولا بهالتهديد راح تكبر بعين نا ما تدري انها طااحت من عينهم


..


..

باختصار ...!



للاسف ...:( ع الي قاعد يصير ونشوفه ... صج يا حساافه ...!


لا هنتي اختي الغاليه ع هالموضوع ...

وتقبلي مروري

[قـمـر]

[align=center]هذا اللي ناقصنا الحمد لله والشكر هالبنات استخفوا وقعدوا

والله يا عنوسه احمد ربي ان للحين ما شفت هالعبايات عندنا هنيه

وثاني شي هالمجموعه اللي لبست هالعبايات اكيد ودها تغازل وتلفت النظر والا ليش لابستها وتفتر فيها بين خلق الله؟

وثالثا الحجاب ستر وعفه للبنت مو فضايح ولفت انظار !

وبالاخير راح يقولون لج حريه شخصيه ومدام اهلنا راضين انتوا شعليكم ! بس مالنا الا نقول الله يهديهم ويصلح حالهم

ما يدرون ان آخر هالسوالف ذنوب !

الله يهديهم


اشكرك عنوسه عالموضوع

اختك

قمر[/align]

[HoNeY RoSe]

يشووهون مسمى الحجاب والعباية عند الغرب بحركاتهم هذي
واهم يبونها من الله
وهالبنات الي جذي مو محترمين نفسهم ..
انا شفت بعد عبايات عليهم من ورا بظهر كامل علامة تعجب او استفهاام ؟
يعني لابسه ستر ولا عرض
يقهرون والله مخربين سمعتنا عند الغرب بتخلفهم ..

مشكوره حبيبتي ع الموضوع

[عنوسه ^_~ ماتهاب]

يعطيكم الف عافيه يا غناتي وتسلمون علي رايكم

[بخور^معتق]

نعيب زماننا والعيب فينا

مو بس العبي
حتى التيشرتات الولاديه

كثيرا ما ارى اولاد يرتدون تي شيرتات تحمل شعار قناة جنس شهيرة (play boy )

فلا عجب ان راينا الفتيات يرتدين ( fllow me )