حياتي أكل ونوم ونت ..!!

[*TanTosHa*]

السلام عليكم ورحمه الله وبركاته ..

تحيه طيبه لكم أعزائي ..
في موضوعي اليوم أحب أتكلم عن ظاهرة تتواجد بالعطل ..

..

في العطله دائما النومه معــكوسه ..! ومن كثر الملل طول الليل أنا شـأبكـ ..
وما أسوي شــي غير الأكل والنوم والشبك واذا لي مزاج أطلع ..
أما أهلي فمادري عنهم ..!
أمي تسأل وين فلان ؟ نايم
أبوي يبيني أروح المكان لفلاني ..؟ مالي خلقه ..
أختي تعبانه تبيني اوديها الطبيب ..؟ بس أنا مو فاضي لها ..

للاسف انه هذا هو حال الكثير من الشباب والشابات أيضا ..
العطله سبب رئيسي للكسل والنوم ..!
وكثره النوم بالنهار تسبب تعكير المزاج ..
ولكن اعتاد الكثير منا على هذا الروتين ..

بما اننا في عطله لماذا لا نستثمر وقتنا في قراءه الكتب المفيده ..؟
أو الجلوس مع العائله ..تلبيه طلبات الام أو الاب ..!

والحين ابي أسـألكم ..

جم الساعه تنام ؟ وجم الساعه تقوم من نوم ؟
جم ساعه بليوم تقعد مع عائلتك أمك وابوك واخوانك؟
هل خصصت وقت لقراءه الكتب أو القران ؟
شنو تنصح الشباب الي 24 ساعه شابكين ؟

وسامحوني على العاميه ..

وما قصـرتو ..

..
.

*TanTosHa*

[بشور]

جم الساعه تنام ؟ وجم الساعه تقوم من نوم ؟
انام الساعه 11 الصبح لؤؤؤل

جم ساعه بليوم تقعد مع عائلتك أمك وابوك واخوانك؟
ساعه او ساعتين اذا مو اقل بعد

هل خصصت وقت لقراءه الكتب أو القران ؟

الصج بلعطله لأ

شنو تنصح الشباب الي 24 ساعه شابكين ؟
عادي اهو وقت عطله لازم شوي يتخربط النوم بس اذا رد كل شي مثل ما كان يعني الدوامات والمدارس كل شي راح يتغير

يسلمووو على الموضوع واتشرف اني اول وحده رديت عليه

[-. S k l a i s h .-]

مرحبا ..

تطرقتي لموضوع مهم جدا .. وفعلا هذا هو حالي وحال الشباب والشابات ..

وفعلا هالشي سلبي .. ووقت الفراغ الكل متفق عليه إنه نوع من انوع الدمار ..

بالنسبه للأسأله ..

جم الساعه تنام ؟ وجم الساعه تقوم من نوم ؟

انام 10 ساعات .. اقوم بليل ماكو وقت معين ..

جم ساعه بليوم تقعد مع عائلتك أمك وابوك واخوانك؟

يمكن 4 ساعات ..

هل خصصت وقت لقراءه الكتب أو القران ؟

بصرآحه لا ..


شنو تنصح الشباب الي 24 ساعه شابكين ؟
هالشي مو زين لهم ولا لعيونهم ولا لجسمهم ( الظهر )

احلى شي الشبك يكون خلال 4 ساعات اكثر شي عشان ما يمل من النت الشخص
اما 24 ساعه يعتبر ادمان ..
---

ألف شكر لج : )

[مجنونة حب]

جم ساعه تنام ؟ وجم الساعه تقوم من نوم ؟
في حدود 12 ساعة أنام .. يعني نص يومي نوم و أغلبه يكون بـ النهار .. و مافي وقت محدد



جم ساعه بليوم تقعد مع عائلتك أمك وابوك واخوانك؟
مادري .. الكل لاهي بـ الدنيا بس اخواني الصغار على طول حواليني



هل خصصت وقت لقراءه الكتب أو القران ؟
ساعات أقرا روايات قبل النوم



شنو تنصح الشباب الي 24 ساعه شابكين ؟
المشكله انا منهم .. طول ما انا قاعدة مجابلة النت .. وقت الفراغ ذابحني .!



...


((tantosha))


يعطيج العافية حبيبتي عـ الموضوع المهم


و عساج عـ القوة


^_^

[rose85]

[align=center][rainbow]اول شي مشكوره على الموضوع الحلو وصج مهم والحين بخصوص الاسئله

[rainbow]جم الساعه تنام ؟ وجم الساعه تقوم من نوم ؟[/rainbow]

انام 9 ساعات تقريبا مرات اكثر بساعه واقعد تقريبا 14 ساعه او 15 ساعه

[rainbow]جم ساعه بليوم تقعد مع عائلتك أمك وابوك واخوانك؟[/rainbow]


طول ما انا قاعده حاطه لابتوبي اول اطالع تلفزيون بس للمانه اقعد بروحي تقريبا 3 ساعات بشكل متقطع

[rainbow]هل خصصت وقت لقراءه الكتب أو القران ؟[/rainbow]

انا اموت على القراءه كل شي اقراه فما بالج القران بعد كل صلاه اقرا 4 صفحات واكثر شي اقرا قبل النوم تقريبا ساعه

[rainbow]
شنو تنصح الشباب الي 24 ساعه شابكين ؟[/rainbow]

انصحهم انهم يقسمون وقتهم شوي يطلعون شوي يقعدون يجابلون اهلهم لهم حق عليكم شوي يطلعون مع ربعهم او يزورنهم بالنسبه للبنات شوي على الكمبيوتر وشوي تلفزيون وشوي نادي وشوي قراءه



انا يوميا اروح نادي يومين بالاسبوع اطلع يوم مع اهلي ويوم مع رفيجاتي اطالع تلفزيون اشبك على النت اقعد مع اهلي واقرا كتب وانام واقوم مرتاحه والحمدلله على كل حال ولا تعكسون نومتكم يا جماعه عشان لا تطوفكم الصلاه وسلامتكم [/rainbow][/align]

[تمنيتك]

[align=center]جم الساعه تنام ؟ وجم الساعه تقوم من نوم ؟
فوق 8 ساعات .. يتعدل ويخترب عادي
جم ساعه بليوم تقعد مع عائلتك أمك وابوك واخوانك؟
بعض المرات اقعد معاه او نطلع مع بعض وبعض مرت مااشوفهم كلش
هل خصصت وقت لقراءه الكتب أو القران ؟
قراءه كتب لا اما قران كل صلاه فجر جزء
شنو تنصح الشباب الي 24 ساعه شابكين
مادري لان هالمشكله انا فيها وانا صار لي سنه متخرجه وقاعده ف مليت حتي النت كرهته :([/align]

[ع ـناديهـ]

انا اتوقع السبب الرئيسي اهوا ان الشاب او الشابه يقول وين ارووح كل مكان زحمه افتريت الكويت كلها وبعدين فاحسن حل اني اقزر الوقت فييه اهوا نوم الصبح وسهر بليل لين ماتبدي الدوامات اتوقع الغالب جذي ...

اما بالنسبه للاسئله ...؟

جم الساعه تنام ؟ وجم الساعه تقوم من نوم ؟
* ماعندي ساعه معينه بس تقدر تقولين 2 .. اقعد ع حسب مرات 8 الصبح مرات 10 مرات 12 يعني ماعندي وقت محدد ...

جم ساعه بليوم تقعد مع عائلتك أمك وابوك واخوانك؟
* حاليا مسافرين بس يوم يردووون اقعد معاهم طول القوت بس فترات نومهم اشبك او اذا كانوا مو موجود اشبك : )

هل خصصت وقت لقراءه الكتب أو القران ؟
* الكتب بصراحه انا ماحبها بس القران الحمدالله مخصصه لي وقت المغرب او قبل لا انام ..

شنو تنصح الشباب الي 24 ساعه شابكين ؟
* اقوله انتبه ع نفسك وحط بالك ع روحك الحياه مو كلها نت
اهوا صحيح يفيد ولكن بنفس الوقت يضر بصحته ..

ومشكوووره اختي ع هالموضوع ..

ولا هنتي : )

[.MackintosH.]

[align=center]ياهلا والله فيج تنتوشه .. وبصراحه سلكتي مسار . ومشكله الكل يعاني منها وبشكل كبير !!
وبصراحه انا كنت اعاني منها كثير وسمعت نصائح من ربعي . وأهلي والحمدلله حاولت أتمكن من هالمشكله
واختيار جيد جدا وقدرتي تكسبين أراء الأخرين بشكل كبير وملفت . [/align]
جم الساعه تنام ؟ وجم الساعه تقوم من نوم ؟
صارلي اسبوعين يمكن أنام الساعه 10 .. 11م.. بالليل واقعد الساعه 7..8 ص
وقبل هالفتره طبعآ . لا نوم سنع ماتغدى مع الأهل ولا أتغشى .. الخ ..
والحين الحمدلله أوكي ألأمور جدا حلوه .
جم ساعه بليوم تقعد مع عائلتك أمك وابوك واخوانك؟
اقعد معاهم من 4 إلى 6 ساعات ..
هل خصصت وقت لقراءه الكتب أو القران ؟
الحمدلله كل صلاة بعده أقرأ شوي من القرأن الكريم .. والله يثبتنا : )
شنو تنصح الشباب الي 24 ساعه شابكين ؟
انصحهم أن يعيددون التفكير في حياتهم !! وأن كل شيء رايح والدنيا حلوه..
الصلاة . قبل كل شيء .. أهلك لهم حق عليك .. نفسك لها حق عليك ..
رتب وضعك .. اذا كان وضعك مايسمح . : )
[align=center]..
كلمة شكر لـ صاحبة الموضوع ..
دمتي مبدعه[/align]

[DXB.styLe]

[align=center][mark=#FFFF00]جم الساعه تنام ؟ وجم الساعه تقوم من نوم ؟[/mark]
حسب 11 مرات او 2 لوووول . .
انش الساعه تسع @_@

[mark=#33FF00]جم ساعه بليوم تقعد مع عائلتك أمك وابوك واخوانك؟[/mark]
اممم ماعرف بس يعني انا العب وياهم + نيلس في الصاله نطالع تلفوزيوون
+وقت العشا والغداا << يعني ماعرف كم ساعه بالضبط =q

[mark=#33CCFF]هل خصصت وقت لقراءه الكتب أو القران ؟[/mark]
هيه يعين وقت لا ارادي . .
هو في بدايه الاجازه وايد كنت اقرى . . <<لاني خذب كتب يديده لووول
بس احيين ابا العب :p
+ القران كل جمعه تقريبا . . !

[mark=#FF0000]شنو تنصح الشباب الي 24 ساعه شابكين ؟[/mark]
لووووول . .
ماعرف بس ترى في مرض يديد :p
ماظني يعرفوونه . . !
يعني اللي طول الخط يالسين ع الكمبيوترات . .
بيشوفوون وين صوب الجف من داخل لون ايديهم اسود اشوي . .
والمنطقه يابسه اشوي مقارنه بباقي اجزاي الكف :D
ماعرف شو يسموونه . .[/align]

[عنوسه ^_~ ماتهاب]

موضوع حلو
يستاهل الكلام
انا ما راح اجاول ع الاساله
بس بقول لج انا
عمري ما سهرت ولا مره كانت حياتي نت واكل نوم
حياتي تعب من اول النهار لين اخره لوووووووولي
وما عنيد تقريبا عطل
او وقت راحه
انا انسانه انام مبجر اقعد الصبح
اسهر واتعب
هم اقعد الصبح
عندي التزامات من اول الصبح لين اخر الليل
مرات يكون حلمي
بس انام للصبح
نومه هنيه بدون ما يكون وراي شي
وكل الشكر لج
بس علي فكره
عندي هالنظام افضل من الفراغه
والاكل والنوم والنت 24
وعلي فكره النت بالنسبه لي 50 % شغل مو تسليه
ويعطيج الف عافيه حبيبتي موضوع رائع جدا
: )

[HoNeY RoSe]

جم الساعه تنام ؟ وجم الساعه تقوم من نوم ؟
انا نوم مو عدل يعني مخربط ,, مرات انام من 2 الى 11 او 12 الظهر
ومرات الصبح 8 الى ثلاث الظهر ..
بس هذا شي بالعطله ايام المدارس حدي اسهر لـ 12 واقعد من 5 :P
والحين كبرنا على المدارس بعد لووول

جم ساعه بليوم تقعد مع عائلتك أمك وابوك واخوانك؟
اول شي الغدا والعشا معاهم
اشوف التلفزيون معاهم ..

يعني تقدريين طول يومي معاهم صج اشبك وايد بس يعني كل شوي ناطه لهم:p

هل خصصت وقت لقراءه الكتب أو القران ؟
احب القرأه انا
قبل ما انام تقريبا يوميا اقرا
يا رويات او مجلات :p او قصص
اقرا قرآن مو بكل صلاه بس اكثر شي بصلاة الصبح

شنو تنصح الشباب الي 24 ساعه شابكين ؟
انا قريت النصايح لوول
ما انصح احد ( يأمرون بالمعروف وينسون انفسهم )
لووول:D
فما بنصح : )

مشكوره حياتي ع الموضوع قواج الله
نبي انشوف اجوبتج

[*TanTosHa*]

بشــور

أهلا وسهلا ..
..

11 الصبح عاد ..! حرام عليج لازم تعدلين نومتج ..
وتخصصين وقت للقراءه والاستفاده خصوصا انه احنا الحين بعطله ..
ويعطيج العافيه على المرور نورتيني ..

..

Sklaish

..

مرحـبتين ..

فعلا عدل كلامك استخدام النت فوق الحد المعقول يؤدي الى الكثير من المشاكل الصحيه ..
وأهم شي قلته الظهر وللاسف وايد ناس يعانون منها معنهم صغار ..
والشي لي زاد عن حده ينقلب ضده ..

كــل الشكر لمروركــ الكريم ..
نورتني ..
ما قصـرتـ ..

..

مجنونه حب ..

لازم تعدلين نومتج ..و12 ساعه بليوم وايد ..
وشغل وقت الفراغ باشياء مفيده ..

تسـلمين على طلتج الجميله
ويعطيج العافيه
منورة

..

rose

الحمدالله في ناس تحب القراءه ..
خصوصا بهالايام الاغلب ما يحبون يقرون ..
وشي جميل انج تقرين قرأن كل يوم قرأن ..
داومي على هالشي ..

يعطيج العافيه على تواجدج الرائع
ومشكورة
نورتيني ..

..

تمنيتكـ

الله يعينج بصراحه لانه صج الفراغ يقتل الواحد خصوصا اذا ما عرف شلون يسقل وقته ..

مشــكورة على مرورج لصفحتي المتواضعه
نورتيني
وحياج الله

..

عناديه ..

الاستخدام المتواصل للنت يؤثر علينا بشكل سلبي ..
عشان جيه لازن نحدد وقت حق كل شي ..

تســلمين على هالمرور الروعه
ويعطيج العافيه
ما قصـرتي

..

MackintosH

أهلا فيكـ ..
رغم انها مشكله بسيطه بس لها اثار جانبيه كثيره ..
وشي جميل انك قدرت تتفاداها ..
لانه وايد ناس حاولو بس ردو على طبيعتهم السيئه( السهر )

..

تســلم على مروركــ الرآئع ..
ويعطيكــ العافيه ما قصــرتـ ..
أتمنى أشوف تواجدكـ بقسمي :)

..

DXB.style
أهلا وسهلا ..

زين انج تستغلين وقتج مع عائلتج ..
وبالنسبه للمرض يمكن قبل سنه صار بايدي بس الحمدالله بعد ما خففت النت راح ..
ولعبي مع اخوانج لصغار أحسن من النت :)

مشكورة على طلتج الحلوة
ويعطيج العافيه ما قصرتي
نورتيني بتواجدجــ كرري هالطله ..

..

عنوسه ما تهاب

حلو انج تقدرين تقومين مبجر
وتستغلين وقتج صح
لانه الاغلب الحين مو عارف شلون ينظم وقته ..

تســلمين على مرورج الحلو
نورتيني
ويعطيج العافيه

..

Honey Rose

لازم تعدلين نومتج مو يعني عطله مخربتها :)
وبعدين حتى بلعطله حلو انج تقومين مبجر
وتسوين اشياء مفيده حقج ..

يعطيج العافيه على ردج الجميل
ومشكورة وماقصرتي
منورة

..
.

[ما خنتك]

جم الساعه تنام ؟
والله تقريبا انام الساعه 8 ونص الصبح
وجم الساعه تقوم من نوم ؟
الساعه 8 او 9 المسا
جم ساعه بليوم تقعد مع عائلتك أمك وابوك واخوانك؟
والله مادري نقعد عالعشا مع بعض
هل خصصت وقت لقراءه الكتب أو القران ؟
والله للاسف لا لاني حدي لاهيه بالعطله
شنو تنصح الشباب الي 24 ساعه شابكين ؟
مو 24 ساعه يشبكون صج ان الشبك وناسه بس لازم يخلون وقت لهم وحق عايلتهم

************************

شكرا عالمووووضوووع الناااااااااااايس

[*TanTosHa*]

ما خنتكـ ..

تســلمينـ على مرورج النايسـ
نورتيني
وحياج الله

..
.

[محمد العويد]

الحمد لله النوم طبيعي واي شئ اسويه وما اقصر لا على اخواني واهلي واي مناسبه احضرها
اما عن النت
شوف اذا يدخل النت لشئ محدد وما اعتقد يطول اكثر 3 ساعات
اما اللي داخل النت للشات ... وإلخ الوقت يمر عليه وهو ما يدري ( (اسال مجرب ولا تسال دكتور ))
والحل ادخل انت ما نمنع بس لهدف معين وبعدها عط النت ايقاف الاتصال
بخصوص السوال انا اقعد مع اهلي اكثر من النت واذا شبكت اكون في الصاله بينهم في اغلب الاحيان
وبخصوص القراءه انا ما احب القراءه كلش اما القران الكريم ما تمر عطله والحمد لله الا اكون حافظ سوره او سورتين