العلاقات المتنوعه هل هي مضره ام مفيده؟

[nawal]

يسعدلي صباحكم ومساكم جميعااا
×××××××××××
موضوعي واضح من عنوانه
×××××××××××
كل منا له علاقه وان اختلفت انواعها واسبابها
ولكن هل تنوع العلاقه هذه مفيد ام مضر ؟! بمعني :::
هل اذا كانت لك علاقه مع شخص وتشرك معه شخص آخر
هل تشعر بالسعاده وانت تجمع هذا الكم من العلاقات بوقت واحد ؟!!
اوضح اكثر :)
مثال :::
شخص ما له علاقه مع شخص آخر سواء ( ذكر @ أنثى )
وأقصد بالعلاقه هنا عاطفيه بحته
هل انت من الاشخاص الذين يحبون تجميع مثل هذه النوعيه من العلاقه ام تكتفي بعلاقه واحده؟؟
الـــــــــســــــــــــؤال موجهه للجميع ومن ليس لديه رد ارجو ان يكتفي بالمتابعه :: وشكرااا

[بشور]

هل تشعر بالسعاده وانت تجمع هذا الكم من العلاقات

اكيد لا وخاصه اذا كانت بنت هذا الشي يضر بسمعتها *_^


يسلمو خيتو ع الموضوع

[*TanTosHa*]

نوال

بصراحه ما فهمت قصدج ؟
أتمنى توضحين أكثـر ..

سلام

[nawal]

شكرا بشوره

تنتوشااا

اقصد ان هناك الكثير له عدة علاقات مثل ان يكون له اكثر من حبيب

مثلا |:: ان يكون الشخص يحب 2 او 3 بوقت واحد وهكذااا :)

اتمنى ان يكون سؤالي واضح الآن غاليتي

[HoNeY RoSe]

اي مو قلوبهم هذيليي فندق .. ايكفيي وايد خخخ

هل انت من الاشخاص الذين يحبون تجميع مثل هذه النوعيه من العلاقه ام تكتفي بعلاقه واحده؟؟

لا .. اكتفي بواحد .. والباقي اهلي الي احبهم :": )

مشكوره حبوبه

ومنوره القسم بعودتج

[عنوسه ^_~ ماتهاب]

اي مو قلوبهم هذيليي فندق .. ايكفيي وايد خخخ
هل انت من الاشخاص الذين يحبون تجميع مثل هذه النوعيه من العلاقه ام تكتفي بعلاقه واحده؟؟
لا .. اكتفي بواحد .. والباقي اهلي الي احبهم :": )
مشكوره حبوبه
ومنوره القسم بعودتج

نفس فطوم انا

القلب مب فندق

[المنــــفي]

شكراً نوال على طرح هذا الموضوع
بوضح نقطه تكون غايبه عن ذهن الكثيرين
الديره كبر الكف
الديــره صغيره
يعني ممكن الشاب لو يتعرف على بنتين بوقت واحد
يكونون هالثنتين يعرفون بعض ويكتشفون هالأمر
فضلاً عن أن هالشاب
سمعته راح تكون بالحضيض
يعني معروف أنه لوتي ومغازلجي
هالثنتين والثلاث اللي كانو بقلبه
قبلهم كان فيه ثلاث وبعدهم راح يكون فيه ثلاث ثانيات
مو من كبر الديره
أهـــــــم شئ مخـــافة اللـــــه
وثانيــا أحتـــرام الــذات
الشخص من يسقط من عين نفســه
راح يكون ســـاقط من عين الكل

[nawal]

هوني روز
صح القلب مو فندق


والله يهنيج باختيار شخص واحد يغنيج عن الكل حبوبه

[nawal]

عنوستنا



تسلمين بس كنت بشوف رايج بوضوح اكثر :)

[nawal]

شكراً نوال على طرح هذا الموضوع
بوضح نقطه تكون غايبه عن ذهن الكثيرين
الديره كبر الكف
الديــره صغيره
يعني ممكن الشاب لو يتعرف على بنتين بوقت واحد
يكونون هالثنتين يعرفون بعض ويكتشفون هالأمر
فضلاً عن أن هالشاب
سمعته راح تكون بالحضيض
يعني معروف أنه لوتي ومغازلجي
هالثنتين والثلاث اللي كانو بقلبه
قبلهم كان فيه ثلاث وبعدهم راح يكون فيه ثلاث ثانيات
مو من كبر الديره
أهـــــــم شئ مخـــافة اللـــــه
وثانيــا أحتـــرام الــذات
الشخص من يسقط من عين نفســه
راح يكون ســـاقط من عين الكل

العفو يالمنفي


وكلام سليم 100% بس
ليش الشخص مايكتفي بالوحده ويجمع معاها 2 و3 و4 ؟
ياترى شنو السبب برايك؟

[المنــــفي]

العفو يالمنفي
وكلام سليم 100% بس
ليش الشخص مايكتفي بالوحده ويجمع معاها 2 و3 و4 ؟
ياترى شنو السبب برايك؟

ما أعتقد أن فيه سبب واحد فقـــط
هي أسباب كثيره
وعوامل مختلــفه
وترجع للشاب نفسه أو الفتاة
طبعا أهم شئ هي قلة الوازع الديني عند اللي من هالنمونه
اللي بس شغلته المغازل وكل مالقى صيده
راح يبحث عن فريســه جديده
وغالبا تكون صيداته من البنات الضعيفات العقل والقلب
يعني أي بنت ممكن أن الموضوع يكون بالنسبه له تسليه
وسالفة أنه يضحك عليها بأسم الحب مسألة وقت مو أكثر
طبعا
الطيور على أشكالها تقع
يعني هم يكونون من نفس النمونه تقريبا
يعني يتصلون ببعض آخر الليل
ويلقون على الخط حب ثاني أو خط ثاني
الأمر يكون مفهوم عندهم ويتقبلونه بمنتهى رحابة الصدر
دمتم بخير

[بوقلبين]

عادي مادام في مشاعر وقلب الشخص سواء كان رجل او امرأه ينبض بالاحساس فالحب موجود ولايقف عند شخص ما
هناك حب دائم وحب مؤقت وحب تسليه على حسب اهواء الحبيييب
وايد بنات تسألها تقول انا احب "فلان"
وبالوقت نفسه انا احبك بس حبك انت غير !!
هذا اعتقد يندرج تحت التنوع بالعلاقات بس البعض يحب يقص على عواطفه ويبحث عن مداخل اخرى لقلبه

كل الشكر نوال على الطرح الراقي

[قـمـر]

[align=center]هل تشعر بالسعاده وانت تجمع هذا الكم من العلاقات بوقت واحد ؟!!

اشعر بالتعاسه

هل انت من الاشخاص الذين يحبون تجميع مثل هذه النوعيه من العلاقه ام تكتفي بعلاقه واحده؟؟

لا ليس منهم علاقه واحد تكفيني العمر كله


اشكرك نوال عالموضوع

اختك

قمر[/align]

[تمنيتك]

[align=center]اللي يحب اكثر من واحد .. مو حب سج .. لعب بس
القلب يختار "واااحد" بس .. ويقتنع فيه ومايشوف غييره لو قدامج مليون شخص :p بصراحه
يعطيج العافيه [/align]

[q8y 777]

احم احم ....

انا من راايي مضره وليست مفييده وعلاقه تكوون علاقه وااحده ظاهر من قلب واحد.....

وكثر الله خيرج على الموضوع الرائع دائما....

وشكرا ...