ليش تلبسين/ تلبس بنطلون؟.؟؟؟؟؟؟؟

[قـمـر]

السلام عليكم ورحمة الله وبركاته
اليوم الموضوع حامي شوي ويتطلب صررررررراحه منكم عادي قولوا اللي بخاطركم

كانت نساؤنا في الماضي تلبسن الملابس المستره الطويله والفضفاضه والغير ملفته للنظر
اولذي يستر الجسد كاملا من الرقبه إلى الكف حتى القدم دون أن يفصل شيئا من الجسد،،
والشباب اول دشاديش وبس
أما فتياتنا اليوم اللي اهم احنا احم احم فغالبهن يلبسن البنطلون الضيق والقميص الأضيق
والذي ربما كشف عن بعض ما تحته من شفافيته أو مطاطيته أو بسبب موضته وشقوقه وفتحاته،،، يقولون تهويه الله اعلم
ونفس الشي الشباب
وفي شي بعد خلوني اخربها لازم البطن طالع ( يا سلام سلم )
والسؤل هو نفسه: شدوا حيلكم وجاوبوني عاد لا تفشلوني
ما الذي دعا فتياتنا وشبابنا إلى لباس البنطال وترك ما كان عليه أمهاتهن وابائهم؟
1- هل لأنه أريح من الفستان الساتر او الدشداشه المريحه والساتره؟
2- هل لأنه أكثر إثارة وجاذبية؟
3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
4- هل لبس البنطال يعتبر من الأتباع الأعمى والإنبهار بالحضارة الغربية؟
5- هل تشعرين او تشعر بأن لباس البنطال أكثر سترا وحشمة و رزانة؟
6- هل العادة لدى بعض البنات او الشباب هكذا نشأتها أمها وابوها وأهلها؟
احتمالات كثيرة تدور حول هذا السؤال ما هو رأيكم بارك الله فيكم،،
وياليت الأخوات والاخوان يشاركون في الأجابة ويعطونا وجهات نظرهن حول هذا الموضوع،،
اللي يجاوب له هديه مني جيس قرقيعان :ezpi_blush:
اختكم
قمر

[غبت عني فمالخبر]

مساء الخير ..
يشرفني اني اول وحده ارد على موضوعج ...

ما الذي دعا فتياتنا وشبابنا إلى لباس البنطال وترك ما كان عليه أمهاتهن وابائهم؟
الانسان بطبعه يحب التطور والتغير فشي طبيعي ماراح نكون على لبسهم

1- هل لأنه أريح من الفستان الساتر او الدشداشه المريحه والساتره؟
تقدرين تقولين عملي بيكون مريح بس طبعن غالبية الجواب بيكون لانه احلى

2- هل لأنه أكثر إثارة وجاذبية؟
ههههههههه شكو اكثر جاذبيه واثاره لووووول الله يساامحج :) اهو اي لبس بيكون فيه جاذبيه واثاره
اذا توفر فيه اللون الا فت واذا كان ضيج ومن هالحركات

3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
اممم شوفيِ عالعموم النفنوف الطويل موضه وايد قديمه يعني نادر ماتحصلين نفانيف حلوه بس ماتصير حق المتحجبين
لانه ييلي احساس بالهلاقه عرفتي وتقدرين تقولين انه التطور تحضر

4- هل لبس البنطال يعتبر من الأتباع الأعمى والإنبهار بالحضارة الغربية؟
شي جذي بس لاتنسين انه لبس الحريم ايام اول كان نفنوف قصير وتحته بنطلون موسكيني لا بنطلون :)

5- هل تشعرين او تشعر بأن لباس البنطال أكثر سترا وحشمة و رزانة؟
لايبااااااااا موليا جسمي بارز طبعاً بحس اني متفصخه بس البنطلون ماله اي دخل بالحشمه والرزانه

6- هل العادة لدى بعض البنات او الشباب هكذا نشأتها أمها وابوها وأهلها؟
من ناحيتنا احنا كا خليجين طبعن لا ابوي مو مصطفى ولا امي سالي <<< لوووول لا اتغشمر الخليج كلى تنكانه وحشمه
عباة او دشداشه ...هذا طبعن بالنسبه للآباء والامهات ..........

[محمد العويد]

جيتي على الجرح ،،،
الشباب والبنات صارووو مجانين والله شنو هذا اللبس والله فشلونا عند اهلنا بالخليج
بالاول البنات
الحين شباب الخليج وخاصه جيرانا ..... يعتقدون ان بناتنا رايحات فيها لان بعض البنات
اللي عندنا يعكسون صوره سيئة عن المجتمع والاسره الكويتيه بلبسهم انا كنت موجود بدوله
خليجيه وتعرفة على شاب من هذي الدوله وكان معاي اهلي وبعد فترة سالني قالي ممكن اسالك سوال قلت
تفضل قال انت ساكن بالكويت ضحكت وقلت اي قال بس ليش اشوف اهلك مستورين عبايه ونقاب قالت نص
بنات الكويت جذي قال لا اللي اعرفه ان كل بنات الكوويت ــــــــــــــــ ( موحلوه لحققكم يابنت هالكلمه )
شوفوا شنو فكرت نظرهم عن بناتنا اي تهويه واخذ راحه
ثانينا الشباب
من الاخر يظن اغلب اهل الخليج ان الكويت اجنوووسها اي الجنس 3 اكثر من ريايلها
واسف بس هذي الصراحه
وتسلمين على الموضوع وخليتيني انفعل

[قـمـر]

مساء الخير ..
يشرفني اني اول وحده ارد على موضوعج ...
ما الذي دعا فتياتنا وشبابنا إلى لباس البنطال وترك ما كان عليه أمهاتهن وابائهم؟
الانسان بطبعه يحب التطور والتغير فشي طبيعي ماراح نكون على لبسهم
1- هل لأنه أريح من الفستان الساتر او الدشداشه المريحه والساتره؟
تقدرين تقولين عملي بيكون مريح بس طبعن غالبية الجواب بيكون لانه احلى
2- هل لأنه أكثر إثارة وجاذبية؟
ههههههههه شكو اكثر جاذبيه واثاره لووووول الله يساامحج :) اهو اي لبس بيكون فيه جاذبيه واثاره
اذا توفر فيه اللون الا فت واذا كان ضيج ومن هالحركات
3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
اممم شوفيِ عالعموم النفنوف الطويل موضه وايد قديمه يعني نادر ماتحصلين نفانيف حلوه بس ماتصير حق المتحجبين
لانه ييلي احساس بالهلاقه عرفتي وتقدرين تقولين انه التطور تحضر
4- هل لبس البنطال يعتبر من الأتباع الأعمى والإنبهار بالحضارة الغربية؟
شي جذي بس لاتنسين انه لبس الحريم ايام اول كان نفنوف قصير وتحته بنطلون موسكيني لا بنطلون :)
5- هل تشعرين او تشعر بأن لباس البنطال أكثر سترا وحشمة و رزانة؟
لايبااااااااا موليا جسمي بارز طبعاً بحس اني متفصخه بس البنطلون ماله اي دخل بالحشمه والرزانه
6- هل العادة لدى بعض البنات او الشباب هكذا نشأتها أمها وابوها وأهلها؟
من ناحيتنا احنا كا خليجين طبعن لا ابوي مو مصطفى ولا امي سالي <<< لوووول لا اتغشمر الخليج كلى تنكانه وحشمه
عباة او دشداشه ...هذا طبعن بالنسبه للآباء والامهات ..........

اهم شي استانستي وضحكتي

اشكرك عالصراحه غبت عني فما الخبر في الاجابات

لاني اشوف ردين بس

والمشاهدات 22 غريبه صج



ياليت تردون لا تحبطوني


اختكم

قمر

[قـمـر]

جيتي على الجرح ،،،
الشباب والبنات صارووو مجانين والله شنو هذا اللبس والله فشلونا عند اهلنا بالخليج
بالاول البنات
الحين شباب الخليج وخاصه جيرانا ..... يعتقدون ان بناتنا رايحات فيها لان بعض البنات
اللي عندنا يعكسون صوره سيئة عن المجتمع والاسره الكويتيه بلبسهم انا كنت موجود بدوله
خليجيه وتعرفة على شاب من هذي الدوله وكان معاي اهلي وبعد فترة سالني قالي ممكن اسالك سوال قلت
تفضل قال انت ساكن بالكويت ضحكت وقلت اي قال بس ليش اشوف اهلك مستورين عبايه ونقاب قالت نص
بنات الكويت جذي قال لا اللي اعرفه ان كل بنات الكوويت ــــــــــــــــ ( موحلوه لحققكم يابنت هالكلمه )
شوفوا شنو فكرت نظرهم عن بناتنا اي تهويه واخذ راحه
ثانينا الشباب
من الاخر يظن اغلب اهل الخليج ان الكويت اجنوووسها اي الجنس 3 اكثر من ريايلها
واسف بس هذي الصراحه
وتسلمين على الموضوع وخليتيني انفعل

اخوي العويد ترا مو شرط البنت او الولد لا لبس البنطلون صار انسان مو زين

في ناس تلبس الجنز الوسيع مو الضيج ولا اللي يظهر مفاتن الجسد وناس محترمه

والانسان لازم ما يحكم علي اي انسان من منظره اذا كان معتدل مافيه اثاره يعني او جذب انتباه الناس له

واشكرك عالرد ولا تنفعل هدي خاطرك افا عليك بس

كلنا عيال قريه لوول


اختك

قمر

[مهججهم]

السلام عليكم
اختي قمر اشكرك على طرح هذا الموضوع المهم بالنسبة لي وليعض الأخوان والأخوات .....
لبس هالاشياء جانا من الغرب وأحنا الحمد لله ماعندنا هالخرابيط اللي تقولينها في عايلتنا خاصه !!!! ولكن أنا أشوفها على بنات واجد سواءا كويتيات أو غير كويتيات أنا لي حمولة بالكويت بس مايعرفون هالالبسه الغربيه ولكن البنت هذي اللي تلبس الجينزات والملابس الضيقة و...و...و... إلخ بعد ماتلبس هاللبس ماقد مرت على المرايه وشافت نفسها عدل تشوف منظرها باللبس هذا حلو ولا بالدراعه أحلى ؟؟؟؟
أنا أقول للبنات اللي يعتقدون إن لبس الدراعه أو الثياب موضة قديمه وأن اللي تلبسها معقده أو عقيديه بالعكس أهن اللي معقدات اللي يحسن في أنفسهن شي ناقص ويبون يكملونه بها اللبس الغربيه علشان كلمة يقولونها الناس لها الا وهي كلمة ((كوووول))؟؟؟؟؟ لعبو فيك البعول اللي ماقد لعبو بحياتهم ولا اذا راحت للسوق وتشوف نظرات الشباب لها بانها احلى وحده واذا قالها الشاب ياعمري ولا ياروحي على هاللبس قامت ترفع خشمها وتطالعهم من طرف عين !!!! لكن هالشباب اللي تكلمو عليها خليهم يروحون لوحده محتشمه احتشام كامل بلبسها ويقولون لها هالكلام !!!!! أتحداهم لسانه مايقدر ينطقها .... انا تحمس للموضوع وبغيت أشب كفر هههههههه واسف على الاطالة
لكن عندي نصيحه للبنات اللي يبون يكسرون عيون الشباب (( إحتشمي بلبسك ولو مره بحياتك وشوفي الشباب اذا قدرو يحطون عيونهم فيك ولا لا )) جربي منتي خسرانه شي ؟؟؟؟؟؟

ودمتم سالمين

أخوكم / مهججهم؛؛؛؛؛؛؛؛؛؛

[قـمـر]

اخوي مهججهم انا احترم وجهة نظرك كعائله محافظه وملتزمه بعاداتها وتقاليدها للان وهذا شي طيب انه مازال في عوائل ترفض ارتداء البنطلونات ونعم فيك وبعائلتك

يعطيك العافيه عالرد

اختك

قمر

[*TanTosHa*]

1- هل لأنه أريح من الفستان الساتر او الدشداشه المريحه والساتره؟

اي وايد أريح وعملي ويناسب طبيعه عيشنا ..

2- هل لأنه أكثر إثارة وجاذبية؟

شكــله أحلى واحنا نحب التغيير ..بس مو معناته اثاره او هالسوالف لا ..وفي لبس مستر وفي لا بكل شي حتى بالعبايه ..

3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟

حلو ان الانسان يساير الموضه الي تناسبه ..وأكيد يعتبر من التحضر والأناقه والذوقـ وانا مع هالشي ..

4- هل لبس البنطال يعتبر من الأتباع الأعمى والإنبهار بالحضارة الغربية؟

لا يمكن بعض لستايلات اي بس البنطرون بشكل عام لا ..

5- هل تشعرين او تشعر بأن لباس البنطال أكثر سترا وحشمة و رزانة؟

سبقـ وقلت انه حتى العبايه الحين صارت مخصره وتفشل ..والانسان الي بيتسر يتستر بكل شي ..

6- هل العادة لدى بعض البنات او الشباب هكذا نشأتها أمها وابوها وأهلها؟

اللبس اي أكيد لهم تأثير ..

..

قمــر ..

مشكورة على هيـكــ طرح مميز ..
بصــراحه أبدعتي ..
ويع ــطيج العافيه وما تقصرين

..
.

[HITLER]

السلام عليكم
مو كل من يلبس بنطلون يحب يلبسه
مثلاً أنا بمكان عملي ممنوع البس دشداشه
والاسباب اكثيره منها مكان عملي نفسه وعملي نفسه
يعني تعال واصعد فوق ناقله وانت لابس دشداشه لوول والله تنزعج ما تدري شنو اتسوي
ولبس البنطون ما اعتقد انه عيب ومافيه اي مشاكل
اما هذول الي يسون حركات بلبسهم فهذول شواذ لا اكثر ولا اقل
سلاام

[just(:smile]

السلام عليكم

موضوع حلووو اختي قمررر

اما بالنسبة للبنطلون فهو تقدرين تقوليم عملي اكثر من التنورة

يعني اذا بغيت اروح للدوام احب البس تحت العباة بنطلون عشان آخذ راحتي

لان تخصصي فية شغل عملي وايد فيحتم علي اني البس ملابس عملية

و طبعا البسها تحت العباية

بس بصراااحه فيه بعض البنات لبسهم للبنطلون استغفر الله

يجيج ضبيييييييييق ما ادري شلون دخلته و يفشششششششل

و الله استحي اني اطالعها

اما الشباب فبعضهم يلبسون بنطلون شوي و يطيح ليش لابسينه اصلا كل شي باين؟؟!!

و الا انه مشقق انا ما احب البنطلون المشقق

عموما انا احب ان الرجال يلبس دشداشة و غترة و عقال احس انه رزززززه

و يغيييييير الشكل حيييييل احس يصيييييير كوووووول و مع نظارات شمسية شي>>>عكس الناس


و ثااااااانكيووووووو

[rose85]

1- هل لأنه أريح من الفستان الساتر او الدشداشه المريحه والساتره؟
مو ضروره انه البنطلون غير ساتر في بنطلونات وسيعه وبنات يلسون فوق شي طويل وهم ساتر اكثر من العبايه
2- هل لأنه أكثر إثارة وجاذبية؟
لا مو لانه اكثر انا بعيني النفنوف احلى بس البنطلون صار عملي وهم تغير
3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
لا طبعا ماله شغل التحضر بهالشي بس له دخل بالاناقه
4- هل لبس البنطال يعتبر من الأتباع الأعمى والإنبهار بالحضارة الغربية؟
لا طبعا ماله شغل واذا كل شي واحد استخدم شي بالغلط صار من الغرب ليش مو من تصرف هالانسان نفسه
5- هل تشعرين او تشعر بأن لباس البنطال أكثر سترا وحشمة و رزانة؟
اي اعتبره حاله حال الدراعه ولا العبايه السنعه موالمخصره
6- هل العادة لدى بعض البنات او الشباب هكذا نشأتها أمها وابوها وأهلها؟
اي اكيد النشاه لها دخل بس يما بنات حاشمات نفسهم ولابسين بنطلون يعني اهو مو مفاصيخ عدل
ومشكوره وايد على الموضوع الحلو
[color="red"]ولي ملاحظه بسيطه ترى مو بس بنات الكويت الي يلبسون بنطلوت كل بنات الخليج وعلى فكره الكويت الاولى بالموضه
وبنات الكويت مو لانه لابسين بنطلون يعني شينات والي لابسه عبايه ومغطيه ويها اهيا الزينه لا طبعافي شي اسمه الاخلاق
وحق كل كويتي وكويتيه الي يتكلم شي عن الكويت صكو حلجه وقولو له شوفو بناتكم بره ديرتكم شنو يسسوون مو بالديره شي وبره الديره الله يستر بس عليهم [/color]

[Dano0]

والسؤل هو نفسه: شدوا حيلكم وجاوبوني عاد لا تفشلوني
ما الذي دعا فتياتنا وشبابنا إلى لباس البنطال وترك ما كان عليه أمهاتهن وابائهم؟

لانه يواكب الموظه والتطور و اريح وعملي

1- هل لأنه أريح من الفستان الساتر او الدشداشه المريحه والساتره؟
اي واايد اريح
2- هل لأنه أكثر إثارة وجاذبية؟
لا شكوو حتى النفنووف في جاذبيه:p
3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
متحظر وعالموظه وانيق
4- هل لبس البنطال يعتبر من الأتباع الأعمى والإنبهار بالحضارة الغربية؟
لا
5- هل تشعرين او تشعر بأن لباس البنطال أكثر سترا وحشمة و رزانة؟
تقريبا
6- هل العادة لدى بعض البنات او الشباب هكذا نشأتها أمها وابوها وأهلها؟

اي


يسلمووو وماتقصرين خيتوو عـ المو؟ظووع والطرح

تقبلي مرووري

[بوقلبين]

اذا المقصود بالبنطلون الضيج
اعتقد ان الهدف الاثاره ولفت الانتباه واظها المفاتن ونوع من الاغراء
والمداحر عند البنات وبالتجمعات النسائيه كل وحده تبي تحر الثانيه شوفي جسمي حلو ومتناسق واللبس لايق عليه
اما اذا كان البنطلون الواسع واللي فيه شوية حشمه اعتقد لانه عملي وكل شي يركب معاه مافيه عباله
وبنفس الوقت يواكب الموضه
ومشكوره على الطرح الراقي واثارة موضو حساس يحتاج الى اعادة النظر في لبس بعض البنات اللي فاهمين القصد الحقيقي منه غلط وعلى بالهم اهما كاشخين مايدرون ان نظرة الناس لهم دونيه
وبالنسبه للشباب بختصار شديد بنطلوناتهم الطايحه هي طياحة حظ

[HoNeY RoSe]

- هل لأنه أريح من الفستان الساتر او الدشداشه المريحه والساتره؟
ايي انا احسه عملي اكثر ..

2- هل لأنه أكثر إثارة وجاذبية؟
لا طبعااا ,, انا بتاتا ما البس تنووره لانه ما اعرف امشي فيها عدل وجني شغاله اصير .. بس البس بنطلوون ويكون واسع والقميص طويل .. واذا حسيته ضيج البس عباتي استر على نفسي ..

3-هل لأنه يعطي أنطباعا عن لا بسته او لابسه بأنه على الموضة وأنها متحضرة وأنيقة او انه متحضر وانيق؟
لا
4- هل لبس البنطال يعتبر من الأتباع الأعمى والإنبهار بالحضارة الغربية؟
لااا
5- هل تشعرين او تشعر بأن لباس البنطال أكثر سترا وحشمة و رزانة؟
ايي
6- هل العادة لدى بعض البنات او الشباب هكذا نشأتها أمها وابوها وأهلها؟
لا يحليلها امي لوول ..

قلت لج انا التنوره ما اعرف امشي فيها .. جم مره لبست يختج جني شغاله شارده معنه الي ايشوفوني ايقول مرتبه بس تعالي رفعي وشيلي وبطيحين على ويهج:p
استر على عمري البس بنطلون واسع وقميص او غيره من الي يتلبس فوق بس .. واذا ضيح لبست عبايتي :$

مشكوره حبوبه

[AL7LoOo]

السلام عليكم
ما شاءالله موضوع طيّــب .. والتناقض الكبير ! .. إن المشاهدين " وبعض " من الردود يطبقون جميع الكلام الى قلتيه والتناقض الاكبر هو ردهم ..

اولا ً لبس الفتيات من بعضهم فى المجمعات غير محتشمه ابداً ..وكثير من الأمكنه المتجمعه .
لكن السؤال المطروح والمباشر ! ,, إلى أين الطريق أدى البنات يفعلون هالفعل .. وعسى من ربي يهديّ ..

اول ما يطرح السؤال ... ليسٌ للفتات !!!!!! ,, بل للرجل إلذى يديرّ البيت والاهل .
أين الرجل والتربية إلى يحيط بين تربية البنت وتسترها .

انا ماعتقد إن فى بنت لابسه لبس غير محتشم واخونها واهلها من أهل دين ورجال !! ..
العيب يا إن قلة تربية ودين .. او الرجوله معدومه اساساً .
احنى شخصياً لو نرجع قبل 20 سنه .. والله ما نحصل هالامر ابداً ,,
الا فى وقتنا الحاضر لأن الامور تساهلت مع الرجال ولوّ هالكلمه كبيره عليهم :)

لكن دائماً الرجلّ لبس ما شاء من البس .. نلاحظ عدم أهمية الامر او الانتباه الشديد له ! .. لأن غضّ النظر عند الرجال
وكلامي هذا اقوله للرجلّ ليس دفاعا لأني منهم .. بل بالحق ^_^ ,,
الرسول علية الصلاة والسلام .. على عصرهّ لم يكن موجود فى وقتهم " الدشداشه " .. بل السراويل والقمصان الطويله والعمامهّ .

فا الامر غير مطبق للرجل إن يكون دائماً لابس دشداشه .. بل بالامور المحتشمه .
فعلاً الدشداشه مهم فى وقتنا هذا وخاصتاً كـ عادات وتقاليد ..

لكن النساء من ظهروّ فى هالدنيا .. وهم لبسهم جيدّ ومغطي كافة الجسم ولا ننكر هالكلام ! .
بس للأسف الامر راجع لذمة الرجال إلى فى بيت هالفتات عدم مراقبهّ وتقيدٌ ,,

وجزاج الله خير .. ويعطيج العافيه اختي .