هل آهلكـ يعلمون بتسجيلكـ بالمنتدى } ~ ♥

[kiwi]

بسم الله الرحمــــن الرحيــم } ~ ♥

هالسؤآآل كلنا ما فكرنآ فيه } ~ ♥

و يقوـوـول :

هل أهلكـ أو ولي أمركـ يعلم بأنك مسجل بمنتدى ؟!

طيب ما موقفه راضٍ أم رآآفض ؟!


و بعضكم يقـوـوـول عآآدي مو لآزم يدري

و تحيآآتي } ~ ♥

منقول *

[kaka 22]

السلام عليكم ورحمه الله


.
.
.

اول شي المنتدى فيه الافاده وفيه اشياء ايجابيه تسود على السلبيه

واساس لو ولي الامر ما يبي الابن او الابنه تدش منتدى لا يخليها تشبك على النت

لأن المنتدى بنظري شي زين اما فيه مواقع اخرى متعديه الخطوط الحمرا

والمنتدى له اداريين اذا شافو شي مخل للاداب يحذفونه ويحذفون راعيه


بس سوالج المفروض يكون " هل أهلك يعلمون أين تدخل في البنت ؟ "





وشكرا

[*TanTosHa*]

بالنسبه لــي ..
تقريبا أغلب أهلي يدرونــ ..
لاني لمن استخدم النت أكــون يمهم ..
..
يع ــطيج العافيه كيوي على الطرح
ما قصــرتي
..

[مجنونة حب]

انا يوم سجلت بـ المنتدى ما قلت حق أحد من أهلي "مادري ليش:\"

بس قبل فترة صغير فاتحت أمي بـ الموضوع

و بـ العكس ما كان عندها أي مانع و شجعتني وايد

و قلت حق أبوي و رحب بـ الفكرة و ما مانع


و من بعدها حسيت بـ راحة مو طبيعية .. لان خصوصاً أمي وايد قريبة مني
و أحب أسولف معاها عن كل شي : )


((kiwi))


يعطيج العافية حبيبتي عـ الموضوع الحلو

و عساج عـ القوة


^_^

[HoNeY RoSe]

اممممممم

ما ادري مافهمت ليش مايدرووون .؟؟

عادي .. انا عن نفسي عادي يدرون مايدروون منتدى مافيه شي ..

واكيد بيتنا يدرون : )

مشكوره بطه

يعطيج الله العافيه

[عاشقــ تويتي ـة]

أول شي تسلمين كيوي علىآ الموضوع

إحم إحم في البداية أنا سجلت بالمنتدىآ وأنا كنت بثانية ثانوي وفترة امتحانات فاينل
عشان جذي لما أخوي كان ياخذ الاب مني انا كنت اروح لابوي واتشكى
فكان يقولي شتبين بالنت ..!! .. قلتله ان انا داشة منتدى ووناسة وفيه فايدة
حتى شرحتله عن كل قسم .. واهوا طبعاً كان يحط فيهم عيوب :p
لان ابوي خلنقول " مدللني ومدلعني وايد " بس بالمقابل مايبي يكسر باخوي الكبير
وتطيح هيبته جدامنا .. فوعدني وقالي خلاص خلصي فاينل ونرد لج النت

وفعلاً ما كملت سنة بالمنتدىآ إلا كل بيتنا من أخوي الكبير لي اختي الكبيرة واختي الصغيرة وخالتي وخوالي 2
واخوي اللي كان ساحب النت مني وبنت عمتي وبنت عمي يعني عايلتنا كلها باختصار

فـ حتى حالياً امي لما نسولف لها عن قصة قريناها بالمنتدى والا خبر والا شي يخص المرأة
اهيا لما تسولف لخالاتي .. تقولهم والله مادري البنات شاافوه بالنت اللي يدشونه قصدها بالمنتدى

فـ it's ok with my family

^_~

كل الشكر لج حبوبة

[دلـوعـة البـنات]

يسلمووو حبيبتي عالموضوع الحلو
وبالنسبه لي انا عادي عندي اهلي يدرون ودايما اسولف لهم وحتى اخوي الكبير مرات اناديه يسويلي شغله او يعلمني شي مااعرفه عادي وامي بعد دايما اسولف لها عنه ومرات اناديها تقعد تشوف معاي وخاصه قسم الطبخات والوصفات تستانس عليه
والمنتدى مافيه شي غلط عشان مااقول لاهلي عنه واخش عنهم بالعكس مفيد وممتع ووانا اصلا ما اشبك وادش المنتدى الا وانا قاعده على التلفزيون يعني جدامهم والحمدلله ويدرون لو شي غلط ماقعدت عندهم

ثانكس عالطرح عساج عالقوه

[قـمـر]

هل أهلكـ أو ولي أمركـ يعلم بأنك مسجل بمنتدى ؟!

اي امي تدري والحين اهي قاعده يمي تشوف كل شي وقلت لها عن السؤال المكتوب

طيب ما موقفه راضٍ أم رآآفض ؟!

راضيه طبعا لان تدري ان المنتدى مكان تبادل المعلومات والافكار

وترا الصراحه ما في احلى منها بحياتنا

اشكرك عالموضوع كيوي

اختك

قمر

[kiwi]

تسلمين

على المرور

منورين


(:

[شمتي SoSo]

سؤال حلو كيوي .....^_*


بصـراحه آنا عايلتنا كلهم يدرون من بيتنا لبيت عمامي لبيت خوالي...

ومرآت أمي تقعد معاي.. والبـابا مشجعني على هالشي.. لأنه عنده خبره بالكمبيوتر ..فايعرف ..آنا شنو قاعده أسوي ..وبعض مرآآت إذا لقاني قاعده عالمنتدىى يقومني ويقعد مكـــاني .. بس طبعآ مايشـارك بشـــي..

وبس ~

[بوقلبين]

بالنسبه لي ماهمني انهم يدرون لاني انسان كامل الاهليه ورجل بالمرتبه الاولى
بس الخوف على البنات المراهقات وصغيرات السن واغلبهم يحاولون يذكرون حق اهلهم الجانب الايجابي للمنتدى ومايذكرون سلبياته
ولا يقولون علاقاتهم مع الشباب ونوعية الحوار وهذا الغش الاسري
ومايقولون لهم ان العلاقه تطورت لماسينجر والماسينجر تطور لمسجات ع النقال والبعد المسجات مكالمات
ناهيك عن الصور اللي يعرضها البعض ع الماسينجر الهدف منها اغواء الطرف الثاني
وطبعا معروف ان الانسان مجموعة غرائز وممكن يستدرج
كيوي موضوع شيق ومهم بس كنت اتمنى الصراحه والهدف من التسجيل في البدايه شي وفي النهايه شي ثاني

[الـزين يفرض نفسه]

هل أهلكـ أو ولي أمركـ يعلم بأنك مسجل بمنتدى ؟!

اكيدين يعرفوون اني مسجله ..


طيب ما موقفه راضٍ أم رآآفض ؟!
اكيد راضين .. وماعندهم اي مانع .. لانهم واثقين فيني .. ويدرون انه المنتدى فيه افاده واستفاده ..


وعلىى سؤال اخوي كاكا .. مومهم انه الاهل يدرون وين تدخل ..المهم مراقبه النفس .. يمكن يدرون بس اهي تدخل من وراهم .. البنت اهني اهي المسؤوله .. ولازم تكون قد الثقه ..


يعطيج ربي العافيه .. عساج ع القوه ..

دمتي وبود:ezpi_blush:

[الـدلـع مبـتليـنـي]

بالعكس ماماتي تدري عن التسجيــــــل حتى لو احد مضايقني لو حسل مشكله اخذ رايهــا الانها تفهم اكثــر مني ونظرتهــــــا للناس اكثر



يعطيــج الف عافيــــــــــه

[دلوعة وكلي فخر]

انا عن نفسي ماما تدرى اني ادخل منتديات بس ما تدري اني مسجلة فيه
لو دريت بتاخذ اللاب توب مني
وحلفتني على المصحف ما اكلم اولاد لاي سبب كان

[rose85]

موضوع جميل مشكوره كيوي عليه
ثاني ي انا بالنسبه لي اهلي طارحين الثقه فيني يعني مرات ييون اخواني ويقعدون يمي يشوفون شنو اسوي وين ادش وجذي مالهم شغل بالمنتدى ولا اي شي ثاني بس قايلين لي ديري بالج من النت طبعا مثل ما قالو اخواني الاعضاء الخوف على مو بس البنات المراهقات ترى حتى الصبيان المراهقين منهم خوش وفي مواقع اللهم كافينا شرها فا اظن الخوف على الناس الي بفتره سن المراهقه لانها فتره حساسه ام الياهل ماظن له اي شغل بالنت لان ما مو سنه في اشياء وايد تقدر تشغله عن النت والمراهق لازم في مراقبه اما الكبار مهما كان لازم ينطرح الثقه فيهم وتقبلي مروري