دآر العجزه ,, عقوق آم حلول ] ~

[مهججهم]

بسم الله الرحمن الرحيم


قـال الله تعالـى :


(وقضى ربك ألا تعبدوا إلا إياه وبالوالدين إحسانا )


\
/
\


دار العجزة ظاهرة منتشره ومثيرة للجدل بصورة واضحة


واغلب المجتمعات حالياً تثير الاستنكار !


كثير يرفضونها معتبرينها شكل من اشكال العقوق للوالدين


وطبعاً وجهة النظر هذي مرتبطه بالقيم الاجتماعيه والدينيه الموروثه بـ مجتمعاتنا


ويعتبرون ونعتبر كلنا ان رعاية الوالدين لما يكبرون جزء من رد الجميل


وجزء ثاني من المجتمع يقول :


ان مبدأ دار العجزه يساعد كبار السن على مشكله الهرم إلي الأبناء مو قادرين يتحملونها


ومشّكله عبء كبير لهم ولـ زوجاتهم !!!


و ما يقدر يتحمل مسؤوليات كثيره فـ دار العجزه حل لهم ومؤسسه تضمهم !!


وبعيد عن وجهات النظر الي طافت ,,



][انتـوا شنو رايكـم بصراحه ؟!][



*هل تعتقد أن فكرة دار العجزة عقوق للوالدين .؟!


*أم أنها حل عملي يبتعد عن كلام النظريات والمبادئ ؟!


هل ترى انه نكران للجميل ام تصرف طبيعي ؟!!!!


\
/
\


][اتمنى الجميع يشارك بـ هذا الموضوع الحساس


واللي يهم شريحه كبيره من المجتمعات المسلمه ,, ][

أخوكم /مهججهم

[rose85]

اول شي مشكور على الموضوع الي يستحق النقاش
ثاني شي انا اشوف اهيا مو مساله عقوق في اسباب وايد ممكن انه احد الوالدين محتاج راعه خاصه بتقولون ليش مايب مثل لامه راعيه خاصه ببيتهم مثلا خدامه وسستر تراعيها ومن هالسولف في ناس فقاره ما يقدرون في ناس تفلسف يقدرون بس بيقطون امهم ولا ابوهم انا اشوف الي يدخل امه ولا ابوه حق دار العجزه نساله ليش وشحقه قبل لا نحكم غلط بس اذا مافي سبب مقنع انا اشوفه عقوق يعني بهالزمن الي يقدر يحط خدامه ويقدر ييب الخدمه الطبيه ليش تقطون امكم ولا ابوكم بدرا العجزه مهما كان هذول لهم فضل عليكم وانتو صغار كبروكم وصرتو رياييل ولا حريم اظن اليبيقط اهله بدار العجزه اقوله كل شي سلف ودين وباجر اعيالك ولا اعيالج يسوون فيج ولا فيك اكثر من جذي واتمنى تتقبل مروري تحياتي

[مهججهم]

مشكورة يا روزي ولا هنتي على هالمرور الجميل والرائع بنفس الوقت

[«Nô-Bnât»]

تسلم ايدك يالغلا

موضوع جميل وقابل لانقاش

يمكن بعض الناس عندها ظروف تجبرهم علي ادخال ابوهم او امهم .

لانه عندهم راعيه واهتمام اكبر من البيت

وبعين بعض الناس حلول

يعني الناس وضروفها .، ودعمها المادي

تسلم ايدك يالغلا

بررب

[*TanTosHa*]

..
الموضوع محير بصراحه ..
بس أنا بالنسبه لي أعتبره عقوق ..
لانه حتى لو كان احد الوالدين تعبان ما في مشكله تكون الممرضه موجوده بلبيت ..
وأصلا مافي شي اسمه دار المسنين للي عندهم عيال ..
يعني اذا كان المسن عنده ولد و ولده وداه حق دار المسننين ما يقبلونه ..
لانه بما انه عنده ولد فاهو مكلف انه يهتم بوالده ..والدار ما تقبله ..
نرجع لمحور الموضوع ..
فمثل ما قلت انه في حل أحسن من دار المسنين اله اذا كان المسن مريض حيل اصلا راح يودونه مستشفى ..
...
ويعطيك العافيه على هذا الطرح
والله يعطيك العافيه
ما تقصر
..

[دواس الظلمة]

يعطيك الف عافيه على الموضوع ماقصرت
انا اعتبر وضع الوالدين في هالمكان من اكبر اسباب العقوق الظاهرة في هالوقت

[الليبي]

الأبوان رحمة ............فرحمهما

السلام عليكم
سأل رجل رسول الله صلى الله علية وسلم وقال يا رسول الله أنا أحمل أمي على كتفي فأطوف بها في الكعبة وإنها لتقضي حاجتها على ظهري
فهل أديت حقي عليها فقال علية الصلاة والسلام : لم تؤدي ولا رفسة (يقصد رفسة قدمة عندما كان في بطنها) ولكنك أحسنت
وعن الرجال الذين أنطبق عليهم الغار كان منهم من وقف وبيدة اللبن على أبوية وهما نائمان من لليل حتى أستيقضا في الصباح
وهو يكرة أن يوقضهما وأطفالة عند قدمية جائعون فلم يطعمهم حتى أستيقضا والداة فشربا ثم سقى أولادة
يا أخوان إن الوالدان هبة من الله فهل بعد هذه التضحيات التي قداها من أجلك تجازيهما بهذه الخاتمه
وتذكر دائما ماتفعلة اليوم سوف تجازى بية غدا وإن غدا لناظرة قريب
إن الله سبحانه وتعالى يأجل عقاب كل ذنب أذنبته في الدنيا إلا عقوق الوالدين فإنة يعجلة لك في الدنيا وثم العذاب الاكبر في الأخرة
عفانا الله وإياكم من عذاب الدنيا والأخرة
وفي الختام أهدي هذه الأبيات الشعرية لكل شخص يعق والدية أو يفكر مجرد التفكير أن يعقهم
قال الشاعر:
أغرى أمرئ يوما غلاما جاهلاا*** بنقودة كي بنال بة الوطر
قال أئتي بفؤاد أمك يا فتى *** ولك الجواهر والدراهم والدرر
فمضى وأغرز خنجرا في صدرها *** والقلب أخرجة وعاد على الأثر
لكنه من فرط سرعته هوى *** فتدحرج القلب المقدع إذ عثر
ناداة قلب الأم وهو معفر *** ولدي حبيبي هل أصابك من ضرر
فكأن هذا الصوت رغم حلوة *** غضب السماء على الغلام قد أنهمر
فضرى فضيع جيناية من يجنها *** ولد سواه منذ تاريخ البشر
فرتد نحو القلب يغسلة بما *** فاضت بية عيناة من سيل العبر
ويقول يا قلب أنتقم مني ولا تغفر *** فإن جريمتي لا تغتفر
وستل خنجرة ليطعن قلبة *** طعنا ويبقى عبرة لمن أعتبر
ناداة قلب الأم كفى يداا *** ولا تطعن فؤادي مرتين على الأثر
والله و الأبوان رحمة وحتى وأنت تحسن لهما في كبرهما لا ترجو من الله ما كانو يرجون عندما كنت صغيرا
فعندما كنت صغيرا كانو يربيانك ويحميانك كي تكبر ويشتد عودك وعندما كبرا عطفت عليهما وحميتها وترجو في قرارت نفسك
أن يموتا
والسلام عليكم ورحمة الله وبركاته

[قـمـر]

لا اموال الدنيا ولا عزها ونعيمها ولا فينا خير لو مجرد ان احنا فكرنا ان دار العجزه هو حل !

بل هو اهانه لمكانة الوالدين ومن تسول له نفسه بوضع امه او ابوه في دار العجزه علشان مرته والا علشان منو ماكان

فلينتظر عقابه من الله سبحانه بعياله وبعيالها ان هي حرضت زوجها علي وضع والدينه في دار العجزه علشان والله بتترتاح في بيتها

ومن قال ان حنا بهالدنيا نبي نرتاح؟ احنا راحتنا نبيها بآخرتنا ولو شنو ما سوينالهم هم ما نوفيلهم حقهم علينا !

يعطيك العافيه عالموضوع مهججهم

اختك

قمر

[مهججهم]

شاكر مروركم جميعا واللي كان معارض على هالموضوع من الاخوان اللي قريت ردودهم أقولكم هذولا والدينكم يعني مثل ماراح تسوون فيهم
راح تشوفون من عيالكم مثل ماسويتو ؛ لكن اللي معجبه هالفكره أقول ياعسى الله يوريكم في والدينك كل خير ويجعلك تبرهم اللهم أمين وتشوف عيالك يسوون لك مثل ماسويت لوالدينك ....

فلوس هالدنيا وش تكون عند ضحكة واحد منهم والله ضحكة واحد منهم أنها تسوى كنوز الدنيا

لاهنتوا على هالمرور وبيض الله وجيهكم

أخوكم / مهججهم