حينما.. يكون شبابنا..,بناآت

[ĎєνiL.ĞιRL]

قــــــــــوه عليكم
شلونكم ../ شخبااركم ..
رااح انااقشكم .., بهالموضووع .., موضوع يقهر والله ..,
ماكو احد بهالزمن ينحط على الجرح يبرى .. !

بصراحه ما اعرف شلون ادخل فى الموضوع حالهم مايسر ووالله
موضوعي عن مجتمعنا عن شبابنا .. اللي راح يحمونا بالخطر
سند لكويت .. اللي راح يرفعوون راس لكويت قدام الكل ..,
الشباب وما ادراك ما الشباب ..,

شبابنا قبل ينحطون على الجرح يبرى اما الحيين البعض << البعض .. للأسف صاروو ..
يتشبهون بالنباات
فبالي جم شغله بطرحها لكم ..

الشباب اللي يوقفون على المنظرهـ ساعه ساعتيين يحط هالكريمات
وتنعيم الوجهه وتنعيم الجسم ويشييل كل شااربه ..,
وينزلون الجيينز للخصر ..
شنو المقصد من تنزيل الجنيز أغراء للبنات أم أغراء للشباب ؟!!
والشي الجديد تطويل الشعر ويقولون يتبعون السنه
وماكو شواارب ولا شعر بفييسه ..,
سبحاانه ,, شووفو وين وصلو شبابنا ..
بصراحــه ..
اللي يقول الرجال عيبه بجييبه
اتوقع انه مخطأ ان العار مو للمرأهـ وحدها
بصراحه هالموضوع حييل مززعج بالنسبه لي ..,
يعني اطلع السووق ..
اشووف وااحد لابس لويست
او شوارفسكي على التي شييرت << والتي شيرت وردي بعد

ليش شالفايدهـ من لاشوارفسكي واللمع ..,
تشبهه بالنبااات ..
حلاتك بدشدااشتك << يازينهم والله .., مو باللمعه والزري
او يلبس اكسسوار ؟
ليش لبس الاكسسوار يعني بزيد جمالك ؟
ولى بزيدك رجووله ..,؟
انا الي اعرفه الاكسسوار للبناات .. صارو الحيين للشباب ؟
عن نفسي وبكـل صراحه .. أستحقر اللي يلبسها

شسالفه يا شبااب ليش تغيرتو ليش تقلدون الغرب بكل شيء
لو يدخلون جحر ضب بتدخلون ورااهم ييعني ؟

بصرااحه .. تفكير شبابنا هالاياام .. اهم شيء اللبس و الكشخه ..
تفكير سطحي ..!

راح الشاارب وراح الشماغ وراحت الدشدااشه

شنو .. ؟ بقى بالله علييكم ..,

هنا نتناقش واختلافنا في الراي لا يفسد في الود قضيه <--
وشكــرا ..

نرجوا الهدوء .. والنقاش بدون شوشورهـ ..



وان شااء الله يعجبكم موضوعي ..,
...MISS.LOVE ..,

[ĎєνiL.ĞιRL]

ترى مو عن كل الشباب

[طلآل ~]

إعوذ بآلله ,, لآ والله فلحنا ,, شبآب يتشبهون بالبناات والله مآيصير

خله يحمد ربه آنه آنخلق رجآل ,, يروح ويتشبه بالبنت

الصبي يبقي صبي

والبنت تبقي بنت

وشكراا

[ĎєνiL.ĞιRL]

عفوا

حيااك ربي

منور

[*TanTosHa*]

للاسف انه الكــثير من شبابنا حالهم مثل ما ذكرتي
خصوصا بهالايام ووايد زايدينـ ..
يعني بلمجمعات ..
قبل فتره شفت واحد امبيه شكله x
الجينز ضيج ..على قولتج مابي شوارب وله شي ..
اساسا شكله يلوع الجبد ..
وغير هذا انه هالشي حرام ..
كل هذا يرجع الى قله التربيه وأصدقااء السوء ..
يعني لو الانسان عرف مفاهيم ديننا الاسلامي ..
وكان في مراقبه من قبل الوالدين ..
ماعتقد انه بروح حق هالطريج ..
الله يهدي شبابنا ..
وشكرا على الطرح
ما تقصرين
..
.

[rose85]

انا استغرب موضوع مهم ليش شباب المنتدى ما يتناقشون فيه في اساله تهمهم ونبي رايهم صراحه شنو نظره الشباب حق هالفئه مع احترامي للبنات بس الشباب اهم الي يقدرون يفسرون هالظواهر ياريت نشوف رايهم

مشكوه حبيبتي على الموضوع

[محمد العويد]

قالو ( الرجال عيبه بجيبه )
المثل هذا لمنو الرجال

سوال اللي يلبس الجنز اللي للخصر ويحط الكريم ويغازل بنات خلقه رجال ؟

انا في وجهة نظري لا مو رجال بمعنى الكلمه انسان لاجنس له لان لو تشوف تصرفاته مو تصرفات رياجيل
ولا تصرفات بنات

وانا اللي اقص بهالكلام اللي يقلد البنت بكل شئ

وانتو ما ما سالتم انفسكم ليش يسوي جذي ؟
يبي البنت تعطيه وجه علشان جذي يلعب بنفسه يحاول يطلع زين ما يدري ان البنت تبي الرجل مو نص رجل
انا ما اقول الرجل بغتره وعقال ودشداشه في رجال بجنز وبلوزه بس ما يلعب بنفسه جل وكريم وستشورا

على العموووم الله يصلح حال الشباب وللحين في شباب فيهم خير والكويت فيهم وبلياهم راح تبقى بال صباح
وشعب الكويت من رجال ونساء .....


( جني دخلت بالعميق بس كلام بقلبي )
عساكم على القوه ومشكوووورين

[s.r.k]

امممم
ظاهرة تفشل ..
امس ..
انا طلعت و جان زين ماطلعت .. يعني اشكال .. الصراحة مال تصوير ما يتطوفون .. من كثر ما تحفه فنية مسوي من نفسه
يعني بعيدا عن الدين ..
..
ذوقيا شي مو حلو .. عاداتنا و تقاليدنا ما تسمح ..
..
و حتى يعني جان زين لمن يقلدون يقلدون عدل .. بذرابه .. لا .. بدفاشة و ماكو ذوق ..
المهم ..
ظاهرة وايد زايده .. و خصوصا يعني ايام الويك ادز و العطل .. لانه حزة طلعتهم ..
فأكره نفسي لمن اطلع بهالوقت ..
و على طاري الاكسسوارات .. مو عن جذي .. بس
حتى القمصان .. وايد ضيجة
يعني قميص .. المفروض يكون بمقاسه .. مو أصغر .. و شكله حده × و مو ذرب
الشعر .. الطويل .. لا تعليق .. أزمة <
يعني مادري ليش الحين بعض الشباب يفتقدون للذوق و الذرابه
بس مع الخيل ياشقرا .. ~
أي ستايل يديد .. يطلع يسوونه ..
وو الله يهديهم البعض ..
و الله يتمم عى الباجي ..
و تسلمين

[دواس الظلمة]

يعطيج الف عافيه على الموضوع الممتاز فعلا
اولا : انا ما الوم اي شاب يفعل كل الحركات الي طايحه الحين عندنا وهذا الشي يرجع لسوء التربيه وعدم الاهتمام
ثانيا : الشاب يحب ان يخرج بوجه يعجب البنت الي يتقابل معاها بالاصح نظام التظبيط وغيره
ثالثا : البنت من اهم اسباب التي جعلت الشباب يفعلون هذي السوالف وهي تطلع لابسه فوق الركبه وغيره ولا جنز واطي ولا الميكاب واصل حده ولا العطر الي يشم ريحته من اول الشارع
رابعا : نحن العرب نحب التقليد الكلي للغرب
خامسا : الشباب الي يقلدون مطرب او فنان مشهور او غيره من الاشكال الطايح حظها هذي بالوقت هذا الي شايل نص حاجبه والي يلبس قلاده وغيره وغير
سادسا :السبب الي خله الشباب يرجعون الى لبس هالسوالف كراهية البنت له اذا لبس اللبس الشعبي والي هو الغتره والعقال مو عاجبها البنت
بالاخير اسمحولي على كلامي هذا ولا احد يزعل من كلامي ارجوكم هذا نقاش وهذي وجهة نظري ولكل شخص وجهة نظر يتكلم عنها
وشكرا :
تقبلي مروري

[فيرووووس بنـ؟ـات]

يتشبهون بالبنـ؟ـات بإسم الموضه ... ولو ضحك عليهم شخص قال ... انت اشعرفك بالموضه ...

مايدرون ان هالموضه اقلبتهم من شباب للبنات .... للأسف صارت ملابسهم بألوان نسائيه ... الوردي او البنفسجي ....

ولبس الاساور ولبس قلاده بحرف معين ويقولون فضه مو حرام .. وفتحه الصدر .... ضيقه ملابسهم

... وغيره من البسه .. واكسسوارات... شباب هالوقت يبيلهم لجنه خاصه تعين من الحكومه ... تراقب اللبس

لان اللي مايراقب نفسه جدام الله .... يبيله مراقب ثاني يدله على الصح ...

وتشكرات خيتو للموضوع المثير .....

[ĎєνiL.ĞιRL]

حياكم الله

بس حلوه منك يا فيرووس بنات

شباب هالوقت يبيلهم لجنه خاصه تعين من الحكومه ... تراقب اللبس

لوووووووووووووووووووووووول

اووله تبيهم يحطون لجنه بس عشان اللبس

=)