ابوي يشتغل جذي ..!!؟؟, بصراحة يفشلنا ..

[بنت فضل]

في بداية الموضوع ..
يمكن موضوعي يسبب اي نوع من الحرج او الضيق لأخوانا واخواتنا

لكن يعلم الله ..

موضوعي مو للتشمت و للإحراج .. بالعكس انه ياي عساس نوضح للبعض الصورة الغلط اللي يجوفونها


ابوووي .. مفشلنا الصراحة !!

استحي اقول شنو شغلته ؟؟

يشتغل تاكسي !!.. مراسل !!! .. ساعي بريد ؟؟

شفيهم اللي قلت عنهم فوق .. ناقصين شي .. ناس تشتغل وتكرف عساس تربي عيالها وتصرف عليهم

أولا ً .. تحية اجلال واحترام وتقدير .. الى كل شخص يعمل على توفير اللقمه الحلال ومصدر الرزق لإبنائه .. اياً كانت وظيفته .. منصبه ..

خلونا الحين نناقش هالأمر ..

انت وانتي .. يا من تقرون هالموضوع .. تستحي من شغلة ابوك .. امك .. لو كانوا يشتغلون شغله ( في رايك مب قد المقام)

اختي .. اذا تقدم لج شاب وابوه يعمل في وظيفة ( في نظرج مو قد المقام ) بترفضين .. على اساس شلون احطي يدي في يدهم

والكلام لك انت ايضاً يا اخوي .. مستعد ترتبط في وحده ابوها او امها مب عاجبتك شغلتهم ؟؟

ليش ننظر الى هالوظائف على انها تفشل ؟؟

يمكن دخلها صغير .. ما يكفي .. لكن توصل الى اني اتفشل من ابوي او امي !!!

كلمة توجهونها الى من ينظر الى هذا الموضوع بإنه عار .. ويستحي من عمل ابويه ..

لسان حالي ..
كل التقدير وكل التحية لكل اب .. يقدم الغالي و النفيس لتوفير جميع متطلبات ابنائه ..
وكل الأسف على ابن و ابنة مو مقدرين تعب والدينهم ..

[محمد العويد]

انا شغل ابوووي وامي ما يفشلني

الوالد :. رئيس قسم العلاقات العامه في مستشفى ابن سينا

والوالده : ناظرة مدرسه بس ماراح اقووول علشان الواسطات للبنات

[بنت فضل]

الغالي

(( محمد العويد))

::::::
بلوره من الحضور الراااااااائع

يسلم مرورك الطيب كريم في تواصلك

في معطاء رئيك الجميل

ومرورك الاجمل

لا يسعني الا اشكرك بتحياتي الخاصه

دمت بخير

وعز وثراء ورخاء وولاء

يحفظك ربي

[الـزين يفرض نفسه]

السلام عليكم ورحمه الله وبركاته ..
في البدايه اشكرج اختي بنت فضل على طرحج الموضوع ..
واهنيج على هالشي ..
بصراحه انا بكون جدا جدا صريحه معاج ..
الحمدالله رب العالمين ابوي ضابط وبرتبه عاليه .. وافتخر فيه كل الفخر ,, وحتى امي كانت تشتغل بوظيفه في المطار .. لكن امي الحين تقاعدت ..
متفرقه للبيت << الله يخليهم لي ان شاءالله ..
فلنفتظر انه ابوي ماكان ظابط .. ويشتغل وظيفه عند الناس تفشل ..
بالعكس .. راح افتخر .. وارفع راسي فوق .. لانه ابوي قاعده يحصل هاللقمه بالحلال ,,
ماسرق ولاباق ..
ولا قاعد يوكلنا من الحرام ..
والرسول عليه الصلاه والسلام والاسلام ماحددو وظائف تفشل ولا لا .. بالعكس .. اسعى ياعبدي وانا اسعى معاك ..
يعني الرسول عليه السلام كان شنو يشتغل لما كان صغير يرعى غنم .. ولما كبرر بالتجاره ..
ولكم بعض الوظائف للانبياء
ادم عليه السلام كان,,,, مزارعا
نوح عليه السلام كان,,,, نجارا
ادريس عليه السلام كان ,,,, خياطا
ابراهيم عليه السلام كان,,,, بزازا(تاجر اقمشه)
اسماعيل عليه السلام كان,,,, قناصا
داود عليه السلام كان ,,,, يصنع المكاتل (سلال الخوص)
اسحاق عليه السلام كان,,,, راعيا
يعقوب ,,, وشعيب,,, وموسى عليهم السلام
كانوا يعملون فى الرعى ايضا
الياس عليه السلام كان,,,, نساجا
هل قالو فشله .. !!! مااعتقد
وبعدين اذا كان واحد متقدم لي .. ماراح افتشل يبيني جذي بشخصيتي وباهلي ..
وبعدين اذا كان صج يبيني ماله شغل بوظيفه ابوي .. بتزوجني ولا بيتزوج وظيفه ابوي ..
ولاينظر بوظيفه ابوي .. وبقوله وكلي شامخه وعاليه الراس ..
ولـــي الفخر .. شنو الوظيفه .. يبيني على جذي اهلا وسهلا غير جذي لا ..
اني اقص ع الريال واقوول ابوي يشتغل شغله غير اللي يشتغله ..
واحنا لاسف في زمن يعتمد ع المظاهر بس .. وهذا شي جدا غلط ..
وهم للاسف .. اليوم قاعدين نعتمد ع المظاهر والرزه .. من غير مانشوف الاصل والمعدن .. الطيب
حبيت اقووله كلمه .. بدال فتحتي الموضوع .
احبـــك يبه .. لو شنو تشتغل .. ماافتشل منك ..
ويخليك ربي لـــي ولايحرمني منـــــك يالغالي ..
آميـــــــن..
ويخلي ابهاتكم لكم ..
بنت فضل .. اشكرج يالغاليه ع الموضوع جدا
رائـــــــــع ..
ابــدعتي في الاختيار ..
نتمنى المزيد مثل هالمواضيع ..
يعطيج ربي العافيه ..
وادري اشوي خرجت عن الموضوع . اعذريني ..
وتقبلي ردي ..

:ezpi_blush:

[kiwi]

وين الفشله دام فيه لقمة حلال

والشغل مو عيب


العيب انه يمد ايده للناس واهوا بكامل صحته :/ اهنيه العيب

بالعطس شغلت تاكسي اي غيره شغله شريفه مافيها شي


بنت فضل
طرح مميز
يعطيج العافيه
(:

[بنت فضل]

اللهم صل على محمد وآله الكرآم,,

وردات المنتدى العزيزات..
الزين يفرض نفسه ؛؛ وكيوي ,,
لقد انرتما صفحتي برقة تواجدكما
الذي يجعل احرفي تترتقص فرحا
عافاكما الله
ولاحرمت وصالكما المشرف
دمتما متألقتان

تحياتي

بنت فضل ؛؛؛

[* مضاوي *]

شحقه ماعندهم سالفه اللي يستحون ياشين البرستيج اللي طالعين البنات فيه


انا ابوي متقاعد وامي ربه بيت ما تشتغل وافتخر فيهم والكل يدر ي رفيجاتي بالمدرسه مايهمني من رضا والا مارضا يطقون راسهم بالطوفه


انا اهم شي عندي الصراحه وافتخر فيهم لما اموت

واللي يستحي من شغل امه وابوه بقولهم ياحسافه التربيه فيكم


يعطيك العافيه عالموضوع

[دواس الظلمة]

يعطيج الف عافيه على الموضوع المميز
انا الوالد:عسكري بوزارة الدفاع
الوالده:موظفه بوزارة التربيه
وعلى العموم الشغل موعيب اهم شي يكون بالحلال

[طلآل ~]

آنآ شغـل آبـوي يخـليني آفتخـر

يشتغـل في العسكـريه الكويتيه :- سآبقـا رقيـب آول مديـر كتيبه

إلوكـااد ترقـي بس شنـو والله نـااسي

وشكـراا

[بنت فضل]

غاليتي

(( * مضاوي *))

مرورك من هنا زاد حروفي جمالا
شكرا لمرورك
حتى لقاء آخر
استودعك الله

[بنت فضل]

ذيب كلية العلوم ؛؛

شكرا لحضورك الزاهي
اسعدني تواجدك شكرا لتواصلك دمت بخير

[بنت فضل]

الغالي

(( طلال ))

:::

تسلم عزيزي نورت بهالطله
كن دائما ومن تحب بخير
دمت بكل الحب

[*TanTosHa*]

أنــا أبوي متقاعد ومنزمان حــيل ..
وأمــي ما تشتغل أصـلا بلبيت يعني ..
وبالعكســ مافيها لا فشله وله شــي ..
والانــسان الي بشوف الشخص على اساس وظيفته ..
انســان تافهه ..وجاهل ..
..
يع ــطيج الع ـأفيه بنت فضل على هيكـ طرحـ ..
ومشكــورة ما تقــصرينــ
..

[HoNeY RoSe]

انا افتخر بأمي وابوي مو بشغلهم .. الحمد لله

اهم شي ناكل ونلبس ونشرب ونروح ونيي بالحلال ..

ومهما كان الشغل (لشغل مو عيب)

اهم شي مصدر اللقمه حلال

مشكوره اختي
: )

[s.r.k]

امي و ابوي يشتغلون ..


بس ولا مرة تفلسفت و قلت والله ابوي يشتغل بالمكان الفلاني و رئيس هالمكان ... ووو لانه ماله داعي .. يعطي انطباع مو حلو


و انا اقدر تعبهم اكثر من منصبهم ..

و افتخر فيهم .. من دون شغلهم ..

الحمدلله ..

: )

و شي مو عيب اذا الواحد اشتغل ..

على الأقل .. لقمته حلال و فلوسة حلال ..

و الله ما ينسى عبده ..

و يقوله اسعى ياعبد ..

و كاهو يسعي قاعد يشتغل .. و يترزق الله ..

و الله كريم ..

و تسلمين ..