يــا شباب لماذا تحتقروا ..............

[ScReAmQwEeN]

السلام عليكم ورحمة الله وبركاتــه
دائمــاً يجذب انتباهي أفعال الشباب مع الهنود والبنقالين القائمين في بلادنــا على لقمة عيشهم .. ودائمــاً أتسأل لماذا كل ذلك الأحتقار .. انهم بشر مثلنــا ولكن الحاجــه ولقمة العيش هي التي جعلتهم يأتوا لبلادنــا ويتغربوا عن عوائلهم ويعملون في اصعب واشقى الأعمال ..
دائمــاً وفي كل مكان اشاهد ,اسمع هذه العبارات


* ياعمــي هندي خاليطييرررر
* هذا البنقالي حيوان
*أنت غبي ماتفهم ياأهبل
* قسم بالله لا طقــه وأهنيــه وأكسر خشمــه هندي معفن
* والله اعطيــه بالنعال ولا يقدر يفتح حلجــه

عذراً على هذه الكلمات ولكــن هذا الواقع وهناك الكثير من هالعبارات المشينــه والمهينــه .. ولم يتوقف الأمــر على التلفض بهذه الألفاظ فقط بــل وصل بهم الأمــر على ظربهم في الأماكن العامـه دون رحمــه أو شفقــه عليهم وايضــاً افتعال المقالب السخيفــه بهم من باب تسليــه انفسهم المريضــه ..
فلماذا كل ذلك من ذل والهوان ؟؟

أليسوااا بشر مثلنــا ؟؟
أليس لهم احساس ومشاعر مثلنـا ؟؟
وقبل كل ذلك أليسواا هناك منهم مسلمين وغيرهم من الديانات الأخري أليس هم مخلوقين من دم ولحم ؟؟
يحتقرونهم النــاس الأنهم فقراء ولايبدون لهم اي اهتمام
هل المــال هـو مقياس الأحترام والتقدير ؟؟؟
أم الجاه ؟؟
ام السلطـه ؟؟

أن الله تعالى حرم احتقار الفقراء والمساكين وحرم السخريه بوجـه عام ..
قال الله تعالى :(( ياأيها الذين أمنوا لايسخر قوم من قوم عسى أن يكونوا خيراً منهم ولانساء من نساء عسى أن يكونوا خيراً منهن ولاتلمزوا أنفسكم ولاتنابزوا بالألقاب بئس الاسم الفسوق بعد الأيمان ومن لم يتب فأولئك هم الظالمون )) الحجرات :11


وقال تعالي (( ويل لكل همزة لمزه )) الهمزه :1

وعن ابن سعدون رضي الله عنـه عن النبي صلى الله عليه وسلم قال : لايدخل الجنـه من كان في قلبه مثقال ذرة من كبر " فقال رجل :إن الرجل يحب أن يكون ثوبه حسنـاً ،ونعله حسنة ، فقال : إن الله جميل يحب الجمال ،الكبر بطر الحق ،وغمط النــاس " ((رواه مسلم ))

معنى"بطر الحق " دفعـه ... "وغمطهم ": احتقارهم ،وقد سبق بيانــه أوضح هذا من باب الكبر ..


وتعر من ثوبين من يلبسهما = يلقى الردى بذمة وهوان
ثوب من جهل المركب فوقه = ثوب التعصب بئست الثوبان
وتحل بالأنصاف افخر حله = زينت بها الأعطاف والكتفان
واجعل شعارك خشية الرحمن = مع نصح الرسول فحبذا الأمران
نونية ابن القيم


يحز في خاطري أن نكون مسلمين ويوجد بيننا كل تلك الفروق
نعم هم فقراء وهم مساكين ويشاهدون ويعيشون الذل على ارضنـا ارض السلام
ولكن الله سوف يجازيهم على صبرهم وعفوهم

قال تعالي :(( فمن عفا وأصلح فأجره على الله ))


بالنهايــه اترك لكم التعليق
سكريم كوين

[لنا عمر ٍ بلياك]

موضوع جميل .. ما زلتي تثيرين اعجابي في مواضيعج ..


من فتره كنت بحط موضوع ممثال بس بالنسبه للحريم ..

وكنت بقول !! ليه دائما ً البنت تستحي من الرجال الكويتي او الي لابس غتره !! وعندها شي عادي يوم تسولف مع هندي او تقعده عنده او تعامل معاه !!

ليش !! هل فيه مقايس حق الرجوله !!


اعتقد اذا رديتوا ؟ يا بنات وقلتولي الاسباب !! ؟ راح يكون نفس رد الشباب الي يهينون هل صنف من الناس ؟


:)


اتمنى اني ما طلعت برا الموضوع :)

[ScReAmQwEeN]

يعطيك العافيــه ..
ومازلــت أنت اتثير اعجابــي في حظورك الرائع والمتواصل .. شرفتنــي .. .. :)

[اريش العين]

السلام عليكم ورحمـة الله وبركاته
لن اشـارك بالموضوع .. بصـفتي احد هؤلاء الشبـاب ..
لقولـي . .لست منهم

انمـا سأشارك .. لابداء الراي


في مجتمـعنـا الكويتي يعيش اغلب الشباب . غرور . كـبير
وبقولي غرور امرأه ... وصـأرو حتى يتنافسـون مع الناسء في غرورهم وكبريـائهم


يقول صلى الله علـيه وسلـم.. اعطـو الاجـير اجـره قبل ان يجـف عرـقه..ايضـا ..
لمـاذا. الضـلم.

انا لا اقارن بين صنفـين وهمـا. الشباب والنساء .
ولا اقارن بين موضوعـين. حصلآ معـي .
انمـا اقول...


كلامك
صحـيح. والجـواب. صـعب:شكرآ اخـتي.,

[ScReAmQwEeN]

العفوووووووووووو نورت ياخوي ..

[كويـتي][F.B.I][]

اختـي العزيزه


ماشاءالله عليــج ابداعج مكتسـح جميع الاقسام واللــه

وطرحج مميــز وراقــي ورائــد ورائــــــــع

::

بالنسبــه للمــوضوع
نعـم جميـع ماذكرتــي موجود وبالاغلبيــه توجد هنـاك فئـــات من المواطنين
يقولون

((هذول لو اجيهم لدولتــهم يسون فيني العن من جذي))

وبالنسبه الاستغفال ليسىى على الهندي والبنغالي فقط لا بل كل العماله الوافده

لهــا هالتعامل فتوجد هناك دول عربيه لو رحتي لها سوو فيج العن

فالشباب والاغلب يقول انا اكســر خمشــه دامه عنــدي


صراحـه هالاسلوب غيـر منطقي وحضـاري

ولكن توجد هناك شخصيات من العماله الوافده تستحق كسر الخشـم

مثل المصرين الي داسو صورة الشيخ
والبنغالين الي اغتصبو الجهال
والمصري الي اغتصب الجهال


توجد هناك عماله وافده تستحق كسر الخشوم ..!

هذا تعليقي وللجميع قناعاتــه


شكرا على موضوعج

[ام بدر]

بصراحة شكرا على هالموضوع اللى فعلا من قسوته يرفع الضغط انا فعلا على عيني صارت مواقف وايد من هالنوع لكن انا هني ارد واقول باللة هالعامل مو انسان ما عنده قلب واحساس شكو تكلمونه جذى بعدين هاذا مسكين يمكن مو مستوعب الكلام اهوا ياللة ياللة يطقطق جم كلمة عربي
عشان يمشى عمره انتو تجون وتكلمونه كويتي صرف بالله من وين راح يفهم هالمسكين لا وتعصبون عليه بعد بالله لو انت تكلم عربي ويه واحد لك وكلمك فرنسي بالله راح تفهم لو ماعندك خبرة بالفرنسي اكيد منت فاهم شى زين شنو موقفك لو عصب عليك ولا غلط عليك اكيد راح تضايق وايد وترد عليه ، لكن الفرق انه العامل هاذا ما يقدر يرد لان حضرتك بتسوى روحك عنتر عليه وتقوله اسكت ولا اسفرك وهو مسكين ما يبي الاذيه بس هاذا طبع وايد من الناس يحبون الاذية
وممارسة السلطة على الضعفاء الله يهديهم بس
اما بالنسبة لموضوع ليش الحريم يرضون يكلمون ولا يوقفون ويا هندي ولا انه يكلمون كويتي
انا بقول السبب من وجهت نظر العديد من الفتيات اللى كلمتهم في هالموضوع السبب واضح العربي
لمن يسمع شغلة ولا يشوف شغلة راح ينقلها وبالتالي بيكون في القيل والقال واشاعات وتوصل لفضايح والكويت صغيرة ولو ما قال اقل شى بيقول حق واحد من ربعه وعاد كل واحد بيقول حق رفيج عمره وتستمر الحلقة لان بكل بساطة مو خايف من شى ولا خايف يخسر شغله او لقمة عيشه ويتسفر من الديرة اللى متغرب فيها عشان لقمة العيش وبالطبع هاذا اهوا حال العامل .
اشكركم على هذا الموضوع الحساس بكل اطرافه وبطريقة طرحه الجريئة والواقعية

[فيرووووس بنـ؟ـات]

فينا بعض الشباب .... مايقدر يطلع حرته بمسؤوله بالدوام او ... بأحد من اهله ...

فـ يروح للمسكين ... هذا ويرشه رش سب ولعن ويمكن طق ....

وطبعا هالوافد ساكت ومتقبل الأمر ... لأن جاي للديره يترزق الله ومايبي يقطع رزقته بيده ....

لأن هالوافد لو يبي يرد على من يهينه ويطقه ... فـ ماراح يلقى احد يوقف معاه ...

عشان جذي شبابنا .... توقعوا بسكوت هالوافدين الخوف ... وطالت ايدهم اكثر واكثر ... ولسانهم يطول اكثر

مايدرون عن سر سكوته ..... شبابنا يعتبر اهانه هالشخص هو تخويف له فـ راح يمشي عدل معاه ويطيعه .... مايدري ...

ان للتعامل هذا اثر سلبي قد يجني ثماره هو شخصيا او احد من اهله ..... ممكن توصل مواصيل هالوافد بعد اهانات هالشخص له

الا القتل او سرقه ماهو ثمين او اغتصاب او اي شي اخر من هالجرائم

وبوقتها ماينفع ندمانه .... شبابنا كما قال احد الذين سبقوني ...هو شباب مغرور ....

يسلمو لج ويعطيج العافيه ..... ابدعتي في طرح القضيه

[عيميه عسل]

اول شي احب اشكر على الموضوع الحلو هذا

هذي الافعال الي تم ذكرها افعال مو متعارف عليها بالمجتمع الكويتي لان يمارسها فئه معينه تتسم بالجهل والدونيه

للاسف تصادفني لامور يوميا

سواء بنات شباب كبار صغار

وبالاول وبالاخير العايله 0 الاسره

الاهل لازم يعلمون عيالهم من واهما صغار ان هذا انسان والانسان يحترم لو شنو كانت جنسيته ديانته معتقداته

وقبل كلشي اسلامنا يعلمنا قبل انسانيتنا

اتمنى ان الله يهديهم

[rose85]

اول شي مشكوره على الموضوع الحلو ودمتي بدعه صراحه مانكر هالشي مبدعه ماشاء الله عليج

ثاني شي بخصوص الموضوع انا اشوف هالناس مافهم اي رحمه ولا يعرفون شي بالدين وللاسف اسمهم مسلمين

والمفروض يكون ناس رحماء اكثر بس شتسوين بالنفوس المريضه والي يبي يثبت شخصيته علىانسان فقير

يعطيج العافيه حبيبتي

[عقيل_88]

اولا احب اشكرج على طرحج لهذا الموضوع..

فعلا ليش بس اهني بالكويت نعامل الناس باحتقار ..

هندي بنقالي باكستاني مصري .... ليش فعلا اهم بشر مثلنا ..

انا اتوقع من الترف اللي عاشه الشعب .. النفط وغيره من هالاشياء .. واحد الاسباب الاهل .. المفروض يعلمونهم احترام الكل وتقدير الكل

وابسط مثال .. اذكر ايام الثانوية .. المدرس المصري دائما محتقرينه الطلاب .. لو اييهم الكويتي الكل يحترمه ..
ليش المصري ما له رب .. ولا شنو ..


بس الواحد شيحجي .. سمعتنا صارت زفت .. روحي شوفي شقولون عنا دول الخليج والعالم العربي ..

انا .. واعوذ بالله من كلمة انا.. بالصيف اشتغلت بمحل نظارات .. فـ الموظفين اللي معاي استغربوا اني كويتي واشتغل شغل العصر وبضمير .. وهذي شهاده منهم مو مني .. وفي احترامي لهم .. من هندية دكتورة .. ومن مصريين الموظفين واردني ..

ومن تواضع لله رفعه ..

ومن الجانب السلبي اللي اشوفه في اغلب الهنادوة .. بالشارع .. فعلا اغلبيتهم ما يعرفون يسوقون .. بالشارع فقط .
اما بغير هالشي لا.. اذا مو ناسي شي بعد..

تسلمين

[ScReAmQwEeN]