هل مستشفياتنا لا تشفي ؟

[فيرووووس بنـ؟ـات]

يسلموووو لهذا الموضوع وانا فيني حره من زمان على مستشفياتنا ...

اقول لك شي ... انا قعدت بالمستشفيات سنه كامله ....واغلب المستشفيات مريتها

في وقت علاج والدي الله يرحمه .... اللي شفته مومستشفيات شفت مقابر تحضيريه

والله والله ثم والله ... كانوا ... يعطون بعض المرضى مسكن ألم بس ويقولون له قبل لا يتوفى ان الامل فيك معدوم

ولا يحاولون يساعدونه خلاص ييأس الطبيب والممرض قبل ماييأس المريض ...

مستشفياتنا يعتمدون على استشاريين اعتياديين .... حتى لو فيهم خير مافيهم خير الا ببلأدانهم بس ...

عندنا يضعفون ... ويصير الممرض أفضل منه بكثير ....

هذا اللي قلته من اللي شفته ومابي اقول اكثر

عشان لا اقول اكثر واكثر

يسلمو لك مرة اخرى ويعطيك العافيه

[ezgrttee]

ياهلا فيك اخوي

الله يشفي الوالد ويعطيه الصحة والعافية

وهذي بلوه من بلاويهم اللي ماتخلص


الله يستر من الياي

ومشكور على مرورك

[قـمـر]

انا بعد فيني حره للبعض وليس كل الاطباء لان لو خليت خربت ..
جم وحده وواحد نسوا ببطنه مقص او شاش طبي او او او ويقولون مو مقصوده
والله قصوا رجله والا ايده ما بقى الا الراس قصوه وخلصونا وبعد وهم يقولون مو مقصوده
البلا لا صارت الغلطات بالصغار تعال شوف عوار القلب صج
في بنت نعرفها عمرها خمس سنين بالروضه
امها وابوها ماعندهم غيرها هذي اللي طلعوا فيها من الدنيا
الدكتور قرر لها عمليه عاجله في اللوز
اتكلوا علي الله وسووها
البنت قامت من العمليه وبلاعيمها تعورها قالوا عادي وكلوها ايس كريم اشياء بارده ويروح الالم
البنت يوم واحد عطتكم عمرها تدرون ليش؟
شالوا اللوز وقطع الطبيب الشاطر الفنان شريان في البلعوم !
والا عاد يا زقرتي لو بتكلم عن اطباء الاسنان ماراح نخلص ياويليييييييييي
خلنا ساكتين يامعود بعض الاطباء يبيلهم واحد يطببهم عقليا ونفسيا وروحيا واخلاقيا وعلميا!
هنيه انا اقول علي الدنيا السلام ,,
ولا بغينا نسوي عمليات اول شي نتشهد !! لان ماندري نقوم والا ما نقوم
والحل
الحكومه تطر د كل طبيب يغلط لان ارواح وجسم الناس مو لعبه والا حقل تجارب لبعض الاطباء للاسف..
يعطيك العافيه زقرتي عالموضوع
اختك
قمر

[ezgrttee]

اهلا وسهلا قمر

لا حول ولا قوة الا بالله

ضيقتي خلقي بسالفة اللوز

بنت اختي احتمال عندها اللوز واحتمال مع الايام تحتاج عملية

الله يستر بس

وتدرين احنا مو محتاجين نطرد كل طبيب فاشل

احنا محتاجين انييب اطباء نفس اطباء العالم

مو اللي ينجحون بالدز وعالحفة

مشكورة على مرورج

[قـمـر]

مو بس بالدز والحفه

بعض الاطباء شاريها بفلوووووووووسه

يعني طبيب فاشل وحزة الامتحانات جم فلس يطلع عالم بالطب سبحان الله !!


تقبل مروري مره ثانيه

اختك

قمر

[ezgrttee]

صحيح كلامج

وبكل صراحة هالشي منتشر عند الطلبة الكويتيين بمصر

وهم طلبة الدول الاخرى

يبقشش الدكتور بجم جنيه والدكتور لاذمة ولا ضمير

مشكورة عالمرور الثاني

نورتي

[طفوليه حدي]

اي والله بصراحه انا ادرس صيدله ورحت ميداني بمستشفى مبارك ابصراحه شفت العجب من صيادله ودكاتره واسطات في صرف الادويه

ولا لاتشوف نخازنهم الطبيه حق الادويه امبيه موصج !!! والله العظيم اني قاعده اسوي جرد حق الادويه كله غبار على صناديق الادويه وزهيويات ميته متحلله وييييييع لاعت جبدي

<=== قررت تكمل وتاخذ الدكتوراه وتصير معيده بجامعة الكويت

لو اموت مااشتغل بالمستشفيات الوصخه

:)

[ezgrttee]

لووول

وهذا نموذج من نماذج كثيرة مخالفة عندنا بمستشفياتنا

والمشكلة الكل يشكي ولكن عمك اصمخ !!


بالتوفيق اختي

ومشكورة على مرورج