عــلى صــلاة العشاء..

[صــوتك وصل]

السلام عليكم

استغربنا كلنا على اذان العشاء توه يأذن

وصوت الاغاني من الجيران يزداد فوق المعدل

الاذان يقيم الصلاة >> ويحطون الله يحفظنا الليله والهم منه تشيله

قام يصلي >> ويشجعون !!!

معقوله يمـــــا شالصوت أغــــاني وعلى الاذان



والاذان يصلي ويحطون غنوا لاحبيبتي !!

انقهرت فــعلا شالناس مايقــدرون !!!

حتي ما كو خوف من الله صوت الاغاني واصل لي القطعه اللي ورانه

يمكن احد مريض

يدرس

احد عنده حالة وفاة :(

مايقدرون

اذن الاذان ما يصبرون ليما يخلص

لا دين ولا خوف من ربكم !!!

ناس بدون ذمه ولا ضمير

شرايكـــــــــــــم
؟؟؟

[طفوليه حدي]

استغفر الله

اول شي جيران هالزمن تغيرو حيل عن قبل

حتى برمضان ماقامو يباركون حق بعض

اذكر لمن كنت صغيره كانو جيرانه يدزون لنا نقصه منهم قبل الفطور واحنا همن نودي لهم

لكن كبرت الحين حتى مبارك عليكم الشهر مايقولون

مو بس رمضان حتى الصبح وانا رايحه الدوام يشوفوني مايسلمون اشدعوه السلام لله

ومن ناحيه الاغاني لاحول ولا قوه

انا ولد جيرانا اذيه كل يوم حاط هالمايك ويغني بصوت عالي معجب بصوته

وانا بدرس موقادره

ولا عيالهم بالحوش صراخ وازعاج مانفقدر حتى اننام الظهر

شاكره لك خوش موضوع يستاهل النقاش :)

طـــــف طـــــف *_^

[ع ـناديهـ]

الله يهديهم ...

هالفئه جدا قليله من النااس ..

ومعروووف ان العرس يبدي و الدي جي ولا الطقاقه تبدي بعد صلاه العشا وهذا معروووف

اما هالفئه من الناس ماقول الا الله يستر عليهم ويهديهم ..

اما من ناحيه التقدير هالزمن تغير وتغيروا الناس فييه وصار لا تقدير ولا اهتمام لمصالح الغير ..

يعني ابسط مثال بقوله لكم يوم وفاة جدتي الله يرحمها بيتنا حاطين قران والناس عزاء وبيت جيرانا اغاني وطقطقه عرس ولدهم والمشكله جيرانا ولا قدروا هالشي حتى مااعتذروا منا ..

واحنا ما قلنا شي ولا اعترضنا الله يهنيهم بس من الذوق ان الواحد يقدر ظروف الجيران او يعتذر ياخذ الاذن منهم ..
بس هالزمن تغير والناس هم تغيروا كل واحد يقول اللهم نفسي ..

والله يهديهم ...
ومشكوور اخوي ولاهنت ع هالموضوع : )

[Sm!LeY]

اييييييييييييييييييييي ذكرتني قبل

كاان عندي امتحان رياضيات فاينل ولما ييت ادرس ولا صوت الاغاني اللي يفجر الراس =\

طلعوا ييرانااا مطولين على صوت الاغاني عبالي عرس والله من كثر ماا صوته عاالي

زين انه مو عرس ولا جان دعيت ان الله لا يوفقهم وتطلقوا ثاني يوم << دعائها وحدة بوحدة :p

وطبعاا ما قدرت ادرس فقطيت الكتاب وقعدت ارقص على اغانيهم تقوم الوااحد من مكاانه صراحة << ماكو شغل صح :P
وبدعت بالامتحان والبركة في جيراناا الهيلق :p

والله ماا قاموا يستحون ولاا يقدرون بس اللي عاجبهم يسوونه

ميرسي على الموووضووع وصوتك وصل :icon_wink:

[ام بدر]

للوووووول سمايلي حدج رايقة والله هديتي الكتاب ورقصتي لووول

وربي انج عسل وحبوبه ، صدقتي في كلامج وانشالة الله يهدي هالفئة من الناس

الحريات للناس تقف عند حرية الاخرين وعدم ايذاء الغير .

كل الشكر على ابداء هالموضوع واعتبرها نصيحة لكل من تسول له نفسه فعل هالامر

دمتم بحب وهدوء

[rose85]

شخباري ييران انا مادري عن هالكلمه شوف صراحه هالزمن الناس ما يستحون يعني افترض لو اذن واسمع اغاني والله اطق الباب واقولهم بنصلي شلووووووووووووون عادي بالويه


واذا لا سمح الله في حاله وفاه هم اطق الباب واعاتب بكل بساطه عاد اذا ما ردو علي مالهم حشيمه بالمسقبل واسوي الي ابيه
وحده بوحده اي عشان يحسون فيها وفيهم خير يتكلمون

>>> عصبت


الله يهداك شالموضوع العصبي لوووول برفع عليك قضيه تعويض نفسي وعصبي لوووووووووووووووووول


مشكوره ويعطيك العافيه

[صــوتك وصل]

يعطيكم الف الف عافية حبايب قلبي على مروركم الحلو

يبا ما قلنه شي

بس ترى كل شي له وقته يعني تبي تستانس خل الأذان يخلص

تبي تستانس اسأل اول شي عن جيرانك عندهم شي

لما تبيت تسمع اغاني يمكن تأذيهم او لأ