كوماري ,, ميري ,, راجو

[صــوتك وصل]

بسم الله الرحمن الرحيم ,,.:

السلام عليــك:مـ و رحمة الله و ربكاته

اشلونكمــ شخباركمــ انشاله طيبينــ


والله لردودكم وحشه يا الأعضاء قلت خل احطلكمــ موضوع تدردشون فيه اشويه

::::,,,,,::::

موضوعي اليوم غير تقولون اشفيه العنوان كوماري و ميري ترى مو فاتح مكتب خدم موضوعنا يتعلق
عن هالأسامي لوووول <<< بس يازلي موضوع البنغالي مال طفولية ورا استلمكم

::::,,,,,::::

موضوعي اليوم عن شي محد يقدر يستغني عنه نفس الهوا بكل بيت موجود << لغز مو موضوع
و خاصه بشهر رمضان لازم يكون موجود ,,,,,

لا لا لحظه مو شي موضوع على طول داشين فيهـ لازم نسوي فرفشهـ

شوفوا عندي جنجفه يايتني طلبيه من المانيا شوفوا جياكرها



اغنية نفرفشـ فيها و نستانسـ :


احلف ياخاله موت احبه وحييل اهواه...
لايمكن تجيني لحظه فيها انا انساه....
بقلبي إله عالم كل اشواق ومحبه....
ارويه انا من روحي ارويه حبه حبه...

احلف ياخاله موت احبه وحيل اهواه....

خله يجيني هو حبيبي وتاج الراس يرأف بحالي ويرحم قليبي ياناس....
على بعده ما اقوى صعب غيره انا اهوى....

احلف ياخاله موت احبه وحيل اهواه....

لوخيروني ما افكر غيرك اختار....
لو قربهم جنه معاك اعيش بنار....
خاله حبه سكن فيني ملى عقلي سحر عيني...


::::,,,,,::::

نرجعـ لمحور حديثنهـ

موضوعنا اليوم عن الخدم والله هالفئه من البشر مظلومين بالكويت صج صج مظلومين
شسوي والله من حرتي إللي اشوفها كتب هالموضوع ::"::

يعني صج ما الوم لما اشوف خدامه منتحره او سايق شانق روحه صج حرام بس والله ما الومه
إللي اشوفه في بعض العوايل إللي يسونهم بالخدم جنهم مو بشر تكرمون حيوانات

يعني مثلا خدامه اسمه شانتي تلقونها تقعد الساعه 6 الصبح تروح تغسل السيارات و تسوي ريوق
و تعدل جنط الياهال و تغسل الصحون بعد الريوق بعدين تنظف البيت و تجاابل الياهال لو كان عندهم ياهال

و بعدين تسوي الغذا و تغسل الصحون بعدين روحي اكوي الهدوم اوتي و بعدين تعالي روحي ييبي هذا من الجمعية و مسكينه ما عندها وقت تنام فيه العصر

و لا تكسر صحن يذلونها على 40 دينار إللي يعطونها ياه

والله حتى الحيوان ما يشتغل هالكثر يعني صج مساكين هذيل خدم جذي لو عبيد عيل شنو يسون فيهم
اخييييييييييه صج صج اخييييييييييه

اسألتي : ,,,,,

ليش بعض الناس يعاملون الخدم بهالطريقة ؟؟
اشلون انتوا تعاملون خدمكم بالبيت ؟؟
لازم في شي مظحك يصير من الخدامه قولي موقف مضحك ؟؟

بس موضوعي سريع بس انشاله يعجبكم

مثل ما قال رويشد ::..::

يقولولي سيبوا تلاقي مثيله دم
و قلبي يقولي لا تسيبه ترى تندم

يعطيكم العافية على حسن استماعكم و ننتظر ردودكم
و جزاكم الله خير

و ان لله و ان إليه راجعون ,, <<< حق صفحة الوفيات

تمت الطباعة في مطابع صوتك وصل
جميع الحقوق محفوظة لدى العضو صوتك وصل
__________________

[طفوليه حدي]

ليش بعض الناس يعاملون الخدم بهالطريقة ؟؟

بصراحه لان اذا عطوهم وي يمصخونها ويخربطون (فاهم قصدي) :p

اشلون انتوا تعاملون خدمكم بالبيت ؟؟


احنا طول عمرنا نطلب من مكتب خدم سيريلانكا :) وخدامه سيلانيه ومسيحيه .. بس انصدمنا باخر مره
عطله خمستعش الي طافت سافرنا وخليناها بالبيت عشان خالتي تمر تاخذها
خالتي يت تطق الباب تطق الباب محد يفتح عاد صافطنا جدام الباب الامامي وعيالها بالسياره معاها
راحت للباب الخلفي تطق تطق همن محد فتحه صار اشوي فتحته خدامتنا وطبعن حصلت زفه :p
عقــــــب قالت انا قاعده ازهب اغراضي وماسمعت الباب !!! <=== نصابه
المهم خالتي صدقتها ردووو البيت
جان عيالها يقولون لها يمه ترا رانــي = خدامتنا :p
لمن انتي رحتي باب الخلفي طلع واحد من هندي من الباب الي جدام @@!!
خالتي انصدمت
اثاري الحبيبه مواعده نفس اليوم الي احنا مسافرين مصيبه مافيها صبر
وعقـــــب
رجعنا من السفر وقالت خالتي السالفه حق ابوي ووديناها مكتب الخدم صكوها جم طراق ربوها

تدري ليش صار جذي لان معطينها وي وشارين لها تلفون تكلم اهلها واهيا تخربط فيه ونخليها تلبس اي شي تبيه مومقيدينها بلبس خدم وهذا جزانا !!!!!!

عاد الحين عندنا خدامه اندونيسيه مسلمه لبسناها لبس خدم وماعندها تلفون وحتى جمعيه مانخليها تروح ولمن تقط لزباله نخلي اليهال يشوفونها ليمن ترجع عشان لاتخربط
حريصين موت من عقب قرصتنا لووول:)


لازم في شي مظحك يصير من الخدامه قولي موقف مضحك ؟؟

خدامتنا اسما سوميا دايمن اناديها سومياتي :p

الموقف المضحك انها وايد بلعه تحب الاندومي مره دشيت غرفتها خاشه ورا الباب جيس اندومي=معكرونيه
حق تال الليل تبلع !!!

وبث:p

*_^ طـــــــف طـــــــف

[mshtaga]

ليش بعض الناس يعاملون الخدم بهالطريقة ؟؟
على حسب بيئتهم وطريقة تعاملهم مع غيرهم


اشلون انتوا تعاملون خدمكم بالبيت ؟؟

نعاملهم كانهم قاعدين بفندق مو بيت :) لا يعني بالكلمه الحلوه ومدلعينهم اخر دلع

يعني عندنا خدامه من يوم عمري سنه واهي عندنا وصارت وحده منا وفينا :) ودايما تجعم خدامتنا الثانيه ومحد يكلمها لوووووووووول



لازم في شي مظحك يصير من الخدامه قولي موقف مضحك ؟؟

خدامتنا الثانيه مو القديمه مرات انا اكلم احد من اخواني او خواتي مثلا اناديه بصوت عالي

عاد اسمعها اهي تقول ننننننننععععععععععععممممممممم على بالها اناديها دايما :)

ويعطيك العافيه

[ScReAmQwEeN]

اولاً : ثانكــس على الطرح .. ثانيــاً ارحم ترحم .. يعني حرام إلي صير للخدم بس هذا مومعناتــه انخليهم على راحتهم .. ..
الأن البعض منهم مومسلمين واذا عطيتهم ويــه مصخوهــا .. .. امــا بخصوص شغالنــا أحنــا مانيب إلا مسلمات عمر مادخلت بيتنــا كافره وكل انيب اندنوسيات .. ..

الأسالـه ..
ليش بعض الناس يعاملون الخدم بهالطريقة ؟؟
** الأن مابقلوبهم رحمــه .. ..
اشلون انتوا تعاملون خدمكم بالبيت ؟؟
** طبعاً الوالده حاطــه لنــا قوانين 1- كل واحد ييب شغلــه بنفســه يعني مافي ((هيلدااا يبيلي ماي يبيلي جاي يبي هدومي ممنوع )) ==>> هيلدااا اسم شغالتنــا .. 2- العشاء بليل كل يوم على وحده فينــا مدام هيلداا ماتسوي العشاءبتسالون ليش ؟؟ عشان نتعلم الطبخ ومانتبيلد .. ((قهر )) 3- هيلدااا تنــام يوميــاً ساعه 9 بليل .. .. ومن هالقوانين واااايد إلي باطــه جبدي لأن امي مدلعتهااا كل ماصرخنــا عليها كلينــا لنــا زفــه محترمــه وعلى هالحال كل يوم ..

لازم في شي مظحك يصير من الخدامه قولي موقف مضحك ؟؟
** شغالتنــا ام المواقف المضحكــه الأنها ماتفهم وااايد تصير لها مواقف واخر موقف امــس .. كنــا رايحين المخيمات وانــا واخواتي راكبين بانشيات ونلعب ونساتنس عاد امي قامت تاندي علينــا تبي وحده فينــا تركب مدام هيلدااا معاهااا على قولة امي (( وعليــا اطلعنــا واحنــا نلعب ومكسوره خاطرهــا لعوبها طقو فيها فره وردوهــا )) لكل رفض ونحاش وطاحت براسي عاد ركبتها وراي ومن القهر ادوس حيل ماوعيت إلا اهيا طايحــه خخخخخخخخخخخخخخخخ ويوم قامت راحت تنحاش وأنــا ألحقها ابيها تركب المسافــه بعيده بطقها مشي .. هبلــه .. .. :) هذا أخر موقف صار .. ..

سوري طولت أيزي هــــــــــــــــا :)

تقبل مروري

[فيرووووس بنـ؟ـات]

ليش بعض الناس يعاملون الخدم بهالطريقة ؟؟

لأن فيهم نواقص وعندهم نظره ان لو عطوها وجه ... راح تركبهم ...

اشلون انتوا تعاملون خدمكم بالبيت ؟؟

الحمدلله ماعندنا خدم بس لو جانا احد ومعاه خادم يستغربون ان نعامل هالخدم احسن معامله

لازم في شي مظحك يصير من الخدامه قولي موقف مضحك ؟؟

لو في جاره تركت خدامتها عندنا يوم واحد يصير بالبيت استنفااار ... ممنوع الشباب يدخل على الصالة نهائيا

يسلمو لك ويعطيك العافيه

[صــوتك وصل]

يعطييكم الف الف عافية

على المرور الحلو

و ربي لا يحرمني انشالله من مروركم

[Demon of Dark]

موضوع حلوه بصراحه

يعطيك العافيه

ليش بعض الناس يعاملون الخدم بهالطريقة ؟؟
اتوقع فيهم نقص ويفكرون الخدم مو بشر مايحسون

اشلون انتوا تعاملون خدمكم بالبيت ؟؟
يادهينه لا تنكين ... عال العال من زود الوناسه تقول ماما انا بعد يبي يقعد 2 سنه

لازم في شي مضحك يصير من الخدامه قولي موقف مضحك ؟؟
اهني الفلم ..
انا مسويه لها فلم رعب بالبيت ..
فيها لقافه انا قايله لها ممنوع تفتح الباب .. جم مره تروح بدون محد يقول لها
استلمتها فلم رعب شوفي اهني يمكن يجي حرامي يدق جرس تطلعين بيذبحج
اهي مسكينه مصدقه...
بيوم ياينا ريل اختي بعد 12 الليل وبرمضان
قلت لاختي قومي جان تيي تركض لا لا يمكن حرامي بعدين في ادبح انتي
انا وقتها لا تشوفون ويهي
قلت لا لا خليها في تلفون وفلان ياي
جان تروح ...

طبعا مواقفها وايد
والسبب انا :)

.....

ثانكس يالغالي
تقبل تواجدي بينكم

[ŋαŋ]

ليش بعض الناس يعاملون الخدم بهالطريقة ؟؟

يحسبون أن هم مو بشرٍ مثلهم جايين من بلد ثاني
وتاركين عيالهم و أزواجهم عشان يطلبون رزقهم

اشلون انتوا تعاملون خدمكم بالبيت ؟؟

أنا بتكلم عن نفسي
أنا بصراحه خوفي الخدم والسواقين يعني هذا أخاف منهم خوف مو طبيعي عشان القصص إللي أسمعها
عنهم أن خدامه أنحاشت أو سواق دخل بيت وكيله وسوأإ وكذا .. ألخ

فـ شلون أتعآمل معهم أصيرٍ رخوه معهم لأخر درجة وطيبه ع الأخرٍ حتى أختي إللي تحتي على طول
تقول المفروض ماتصيرين طيبه وأنا لا حياة لمن تنآدي لأني أخاف اذا صرت قويه عليهم شويات يصير فيني شيء :p
المهم أن معآملتي لهم عسل و حلوة بزيآده يعني
أحياناُ اذا قالت عطيني ريمونت التلفزيون أعطيها على طول بدون تفكيرٍ من الروعه :p
هآذي طبعاً خدامتنا إللي رآحت
وجت خدامه جديده قبل فترة .. حليوه ما عليها بس حرمت أني أحتك فيها حيل
يعني أوكي أعملها كوويس بس ما أحتك فيها كثير
لأن الخدامه إللي قبلها قبل سفرهآ بيوم سرقة من أغراضي
وقبل ماتسآفر تهآوشت معآي ومع مآمآ وطبعاُ أنآ ومآمآ بلاعنهآ
وطبعاُ أنا مقهوره منها للحين .. عشان أنها سرقت
وثانياُ أستغلت طيبتي معها وطيبة أمي
وبالأخيرٍ مسويه روحها مو مسويه أو قايله شيء حتى ما كلفت نفسهآ وأعتذرت على الهوآش إللي هاوشتني
ومن القهر كل يوم أدعي عليها يعني عقب هآذي المعآمله تسرق وتزف على كيفها
حتى أني قعدة أبكي ذاك اليوم :p
وصارت لي قعدة بـ حياتي من هالطيبه إللي تطلع مني عشان الخوف من الخدم :p
وقررت أني ما أكون مخفه .. ولا أحتك فيهم أحتكآك قووي وتكون علاقتي فيهم
سطحيه لأبعد درجة عشان لا أتوهق ويطيح الفآس ع راسي

أدري هذرت كثير بس من الحره إللي فيني :p

:)

وأما بالنسبه لبآقي أهل البيت
يعآملونهآ عادي .. بس طبعاً أنا معامله غيرٍ لأني جبآنه وخوافه من شيء أسمه خدم وسواقين :p

لازم في شي مظحك يصير من الخدامه قولي موقف مضحك ؟؟


أمممم ،،
بصراحه ما أتذكر لأن ماتصيرٍ بيني وبين الخدامات مواقف

^_~



عوإإفي ع الطرٍحُ المميزٌٍ (F) ..