الســلام عليكم ..
بـاك من جديد من خلال
موضوعي اللي اتمنى انه يكون هادف ونقاشي
اكثر من كونه في حزازيات او عدم تقبل الرأي لاخـر
××
scope T.V
قنــاة لافضـل كاتبه مسلسلات تسيء لسمعه الكويت فجر السعيد
وبعد مسلسلاتهاا الهابطه .. اتجهت لانشاء قناة خاصه فيهاا
ولتعرض مسلسلاتهاا والمسلسلات اللي على شاكلتهااا
××
الي هذا الحد كانت الامور عاديه لانه ولله الحمد قناتها كانت الاجدر
بالخساره الماديه والمعنويه لما تحمله من سوء تخطيط وغباء
مجلس الامه ... انقاذ لقناة سكووب بعد ماكرسوا كل نشاطات القناة لتغطيه
اخبار المجلس والمرشحين والبرامج الانتخابيه وماننكر انها كانت الاجدر بتغطيه
الانتخابات على اكمـل وجـه ...
انتهت الانتخابات لتنتهتي الافكار ...
اتجهت هالقناة لمصلحه البلاد ( وركزوا لمصلحتها بعد كانت عامل من عوامل تشويه سمعت الكويت من خلال مسلسلاتها الهابطه )
وكانت الاجدر انها تسلط الاضواء عليهاا
من خلال برامج فارغه المضمون ::
أبـو عيده ::
برنامج يعتبر أملغ البرامج واتفهه مع احترامي للمقدم ( اللي شاد حيله )
طبعا برنامج محتواه كله بجي وبجي وعباره وحده ( صوتك وصل ) وبس
الكل يدق ويشتكي وساعدوني وساعدوني اللي ماخذ قرض واللي موعاجبته
سياسه الكويت واللي خدامته منحاشه وهكذا ..
برنامج صراحه يحسسني انه دوله ظالمه وانه شعبنا شعب يهودي مو بني أدمين
يعني حتى اذكر مره دق هندي وقام ينتفد حال الديره برنامج
يعتبر مسرحيه ممتعه على اشراف قناة ...........
بوعيده وصوتك وصل !!!
××
مع التقدير
برنامج مافي اي فرق بينه وبين برنامج ابو عيده
يمكن الفرق انهم مذيعيين ومعاهم ضيف وطبعاا من بدا البرنامج
ضيوفهم مايتغيرون .. وهالضيوف كلهم يبون يصلحوون الديره وينتقدون
وبهالبرنامج يوميااا ماعدا يومين ( على مااعتقد ) .. واخر البرنامج يصير في اتصالات
مع الجمهور وكل واحد يطرح مشكلته ... طبعاا لاتسالون شالفرق وشنو الهدف
××
برنامج للاخ السعيد
طبعاا اهو اخو الاخت الفاضله فجر .. برنامج حماسي
يعني كله جمل انشائيه وعبارات وطنيه .. واسلووب كبير
من ممثل قصدي مذيع كبير
وطبعاا هالانسان يتمنى انه الكويت تكون ايد وحده
ماراح اتطرق لبرنامجه لانه اكبر من انه اتكلم عنه
××
الديوانيه
وهو مثل البرامج اللي ذكرتهم ... مضمونه
يتجمعون باحد دوانيات وينتقدون ويوصلون صوتهم
يعني الفكره مافيها شيء جديد الا الشكل الخارجي
××
اخـر مستجدات هذي القناة واللي خلاني افكر انزل هالموضوع
كل اللي عنده هالقناة يقدر يشوف الدعايات والاعلانات
والاسلوب السوقي بنتقاد الاعضاء الـثلاثه اللي قدموا استجواب
1\ اغنيه قول عني ماتقول تحت شعار القناة
2\ بابا سنفور واطبطب وادلع >>> يعني الطبطبائي
مااقدر اوصلكم الصوره عدل بس تقدرون تحطون على القناة وتشوفون
بعينكم .. المهزله والامبالاة بعرض هالشغلات التافهه واللي تزيد من تفاهه هالقناة
××
طبعااا فجر السعيد ولله الحمد ( ماعليها شرهاا )لكن نتجه لطريق ثاني ... كلنا نحمد ربنا اننا بدوله تعتبر من اوائل الدول
بالعالم اللي عندها حرية الرأي .. لكن مو معنات هذا نرضى على ديرتنا
انه مثل هالنوعيه من القنوات اللي مبتغاها مادي تحاول تجذب المشاهدين
من خلال عبارات انشائيه وكلمات حزينه .. الحريه مو معناتهاا وقاحة الراي
الحريه مو معناتهاا انحطاط الافكار .. الحريه مو معناتهاا تفاهة المواضيع
الحريه مو معناتها تشويه السمعه
الكــويت وان كانت فيهاا عيوب الا انهاا فوق راس كل شخص
منـو فجر ومنو قناة سكوب اللي تشهر بالكويت وباعضاء مجلسهاا ايا كانوا
وعلى اي اساس تكون هالقناة اهي محكمه الشرف والعفه بطرح القضايا
يكفي انهاا قناة فجر سعيد وهذا اسوء شيء اقدر اقوله عنهااا
××
بس انا نقاشي وينهاا وزاراة الاعلام من هالقنوات اللي اعتبرهاا ادمر اكثر من الف
قناة اباحيه .. لانهاا قناة اللي مايعرف شنو مبتغااه اكيد بيكون مع هالقناة ..
قناة قاعد تستغل وطنيتنا بشكل تخلفي
××
scope T.V || متى تكـون النهـايه؟؟!! ||
تعليق